Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
SHBA- Demokratët në Dhomën e Përfaqësuesve vazhduan të dielën me përpjekjet për të fajësuar Donald Trump në ditët e pakta të presidencës së tij, duke pretenduar se ai duhet të mbajë përgjegjësi për sulmin e së mërkurës së kaluar që la pesë të vdekur në ndërtesën e Kapitolit.
Nuk është marrë ende një vendim përfundimtar, por Kryetarja e Dhomës së Përfaqësuesve Nancy Pelosi mund të paraqesë një rezolutë për shkarkimin e presidentit të hënën duke e akuzuar Trump-in për nxitjen e një kryengritje në një përpjekje të kotë për të bllokuar Kongresin të certifikonte votat e Kolegjit Zgjedhor në favor të Joe Biden-it.
Presidenti i zgjedhur Biden ka marrë një qëndrim asnjanës mbi lëvizjen për shkarkimin e presidentit në largim i cili ende nuk ka pranuar humbjen e zgjedhjeve, edhe pse ka pranuar se më 20 janar do të ketë një “administratë të re” në Uashington.
“Për 10 ditë, ne do të ecim përpara dhe do të rindërtojmë – së bashku”, tha presidenti i zgjedhur Biden të dielën në Twitter.
Përpjekjet për ta mbajtur Presidentin Donald Trump përgjegjës për rolin e tij në nxitjen e turmës që sulmoi Kapitolin të mërkurën morën vrull të shtunën, me anëtarët demokratë të Dhomës së Përfaqësuesve që njoftuan se do të parashtrojnë nenet e fajësimit duke filluar që nga e hëna.
Ligjvënësi Ted Lieu, një demokrat nga shteti i Kalifornisë, i cili ndihmoi në hartimin e akuzave kundër presidentit Trump, shkroi në Twitter se nenet mbështeten nga 180 anëtarë të Dhomës së Përfaqësuesve, megjithëse asnjë republikan nuk është mes tyre.
Kryetarja e Dhomës së Përfaqësuesve Nancy Pelosi dhe kolegët e saj kërkojnë që presidenti të hiqet nga detyra para se mandati i tij të mbarojë më 20 janar, edhe pse Senati i udhëhequr nga Republikanët nuk ka gjasa të bjerë dakort.
“Situata me këtë president të marrë mund të jetë më e rrezikshme dhe ne duhet të bëjmë gjithçka që mundemi për të mbrojtur popullin amerikan nga sulmi i tij i çekuilibruar ndaj vendit dhe demokracisë tonë,” tha zonja Pelosi të premten.
Nëse Dhoma e Përfaqësuesve do të ngrejë akuza për fajësimin e presidentit, për herë të dytë, kjo do të pasohej nga një gjykim në Senat, i cili e ka liruar një herë më parë presidentin Trump nga akuzat dhe do të jetë në pushim deri më 19 janar. Demokratët do të marrin kontrollin e Senatit më vonë këtë muaj .
Udhëheqësit demokratë të Kongresit gjithashtu i kanë bërë thirrje Nënpresidentit Mike Pence të kërkojë aktivizimin e amendamentit të 25-të, i cili ofron një mënyrë alternative dhe mbase më të shpejtë për ta hequr presidentin nga detyra. Zoti Pence nuk është përgjigjur por është njoftuar se u ka thënë kolegëve të tij se ai nuk e favorizon një veprim të tillë.
Miratuar në vitet 1960, Amendamenti i 25-të i Kushtetutës amerikane lejon transferimin e përkohshëm të pushtetit nga presidenti tek nënpresidenti nëse presidenti është i paaftë, me miratimin e shumicës së kabinetit të tij. Por analistët thonë se ai variant mund të jetë i vështirë për t’u aktivizuar me vetëm disa ditë të mbetura në presidencën e zotit Trump.
“Është gjithashtu shumë e vështirë në një situatë kur presidenti nuk është në koma apo fizikisht i paaftë për të bërë detyrën sepse sipas Amendametit të 25-të, pasi të aktivizohet, presidenti mund ta njoftojë Kongresin se ai është në gjendje të marë përsëri kompetencat e zyrës së tij”, tha John Hudak, një hulumtues i vjetër në Institutin Brookings.
Një numër i madh i ligjvënësish demokratë – dhe disa republikanë – kanë shprehur mbështetje për largimin e zotit Trump nga detyra ose kanë dënuar veprimet e tij.
Senatori i Pensilvanisë Patrick J. Toomey bëri thirrje të dielën që presidenti Trump të jap dorëheqjen.
Senatorja Lisa Murkowski nga Alaska u bërë senatorja e parë republikane që kërkon një veprim të tillë.
“Dua që ai të japë dorëheqjen,” i tha ajo gazetës Anchorage Daily News. “Dua që ai të largohet. Ka shkaktuar mjaft dëme”.
Senatori i Pensilvanisë, Pat Toomey nuk pranoi të shtunën në kanalin Fox News të angazhohej për të votuar në favor të shkarkimit të Trumpit, megjithëse ai kishte “kryer shkelje që mund ta shkarkonin”. Megjithatë, Senatori i Nebraskës, Ben Sasse, i tha kanalit CBS News se ai patjetër që do të konsideronte të votonte pro fajësimit.
Por udhëheqësi republikan i Dhomës së Përfaqësuesve Kevin McCarthy tha se ai nuk e mbështet fajësimin.
Presidenti i zgjedhur Joe Biden ka thënë se Trumpi nuk ishte i aftë për të kryer detyrën, por ai nuk pranoi të mbështeste thirrjet e demokratëve që ai të fajësohet për herë të dytë. Zoti Biden tha se situata do të ishte ndryshe nëse Trump nuk do të largohej nga posti në më pak se dy javë.
Marrë nga: VOA
(A.k.dosja.al)
1 vit nga zgjedhjet e 25 prillit si e shikoni gjendjen e vendit:
KOSOVË – Kryetarja e Gjykatës Speciale, Ekatarina Trendafilova do vendosë se në cilat shtetet do vuajnë dënimin, ata që shpallen fajtorë. Aktualisht ...
MAL I ZI- Për shkak të motit të keq që ka përfshirë që prej disa Europën, shirat e rrëmbyshëm kanë përfshirë dhe Malin e Zi. Për shkak të motit të keq dhe shira...
GJERMANI– Siguria është rritur në Bundestag të Gjermanisë (dhoma e ulët e parlamentit) pas sulmeve të Kapitolit në Uashington nga protestuesit javën e kal...
SUEDI– Ligji i ri suedez i mbylljes së emergjencave hyri në fuqi të Dielën, duke i dhënë qeverisë fuqinë për të imponuar bordurat e lidhura me koronavirusin për...
SHBA- Sekretari i Ushtrisë Ryan McCarthy gjithashtu konfirmoi se një gardh 7 metra po ngrihet rreth perimetrit të ndërtesës së Kapitolit dhe do të qëndrojë në v...
GJERMANI– Prej nesër (11 janar 2021) qeveria gjermane do të aplikojë masa të reja për të gjithë shtetasit e huaj që do të hyjnë nga pikat kufirare. Sipas njofti...
BOTË– Urgjenca e vaksinimit kundër Covid-19 po rritet nga dita në ditë. Dy variante të reja të virusit, të shfaqura fillimisht në Britani dhe Afrikën e Jug...
SERBI– Të hënën Serbia e lëshon në funksion një sistem online të regjistrimit për vaksinim, përmes së cilit qytetarët do të kenë mundësi të regjistrohen p...
KOSOVË-Ende nuk ka filluar ndarja e 300 eurove për tre muaj për punëtorët të cilët kanë humbur vendin e punës gjatë periudhës së pandemisë me COVID-19, ash...
GJERMANI– Rekordi i trishtuar i 40,343 vdekjeve u arrit të Dielën kur qendra e kontrollit të sëmundjeve të vendit raportoi 465 vdekje të reja. Gjermania f...
