Politike

Çfarë është “Track Records”? Zbulohet plani i Këshillit të Integrimit me 15 pika: Primare Reforma Zgjedhore

Sipas dokumentet, rekomandime nisin me miratimin e reformës zgjedhore, vijojnë me plotësimin e dy gjykatave më të larta në vend, ngritjen e strukturave të SPAK, luftën kundër krimit dhe korrupsionit, uljen e azilkërkuesve, vijimin e reformës në drejtësi, reformën në administratën publike.
Featured image of article: Çfarë është “Track Records”? Zbulohet plani i Këshillit të Integrimit me 15 pika: Primare Reforma Zgjedhore Mbledhja e Këshillit Kombëtar të Integrimit

TIRANË– Këshilli Kombëtar i Inegrimit është mbledhur sot dhe ka hartuar një dokument me 15 pika, të cilat duhet të përmbushen deri në Konferencën e Parë Ndërqeveritare për çeljen e negociatave me BE. Sipas dokumentit, rekomandimet nisin me miratimin e reformës zgjedhore, vijojnë me plotësimin e dy gjykatave më të larta në vend, ngritjen e strukturave të SPAK, luftën kundër krimit dhe korrupsionit, uljen e azilkërkuesve, vijimin e reformës në drejtësi, reformën në administratën publike.

Një nga rekomandimet është dhe “Track Records” ose ndryshe iniciimi dhe përfundimi i proceseve gjyqësore të shkallës së parë të zyrtarëve të lartë dhe politikanëve.

15 REKOMANDIMET E KËSHILLIT TË INTEGRIMIT

1.Miratimi i reformës zgjedhore; 2. Funksionimi i Gjykatës Kushtetuese; 3. Funksionimi i Gjykatës së Lartë; 4. Finalizimi i ngritjes se strukturave kundër krimit të organizuar dhe anti-korrupsionit/Funksionimi i SPAK; 5. Forcimi i luftës kundër korrupsionit dhe krimit të organizuar, në bashkëpunim me vendet anëtare dhe nëpërmjet Plan Veprimit për adresimin e krimit financiar;

Për më shumë bëhu pjesë e grupit më viral në Facebook, Dosja.al

6.Ulje e numrit të azilkërkuesve, ku një nga masat është bashkëpunimi me Hollandën, Francën, BM, Gjermaninë, Italinë, Irlandën. Vazhdimi i Zbatimit të Planit Ndërinstitutcional të Veprimit për parandalimin e azilkërkimit të qytetarëve shqiptarë në vendet e Schengen-it; 7. Rishikimi i Ligjit të Medias në linjë me rekomandimet e Komisionit të Venecies; 8. Vazhdimi i Reformës në Drejtësi; 9. Track Records-Iniciimi dhe përfundimi i proceseve gjyqësore të shkallës së parë të zyrtarëve të lartë dhe politikanëve; 10. Progres në reformën e administratës publike;

11.Zbatimi i reformës zgjedhore ku përfshihen, financimi transparent i partive; 12. Administrimi i paanshëm i procesit dhe procesi i rregullt; 13. Vendimi për ligjshmërinë e zgjedhjeve lokale 2019 që kërkon plotësimin e Gjykatës Kushtetuese; 14. Miratimi i Akteve nënligjore të Ligjit për Pakicat Kombëtare ku janë disa VKM; 15. Miratimi i Ligjit (të amenduar) të Censusit dhe avancimi i procesit të regjistrimit të pronave.

Rekomandimet janë miratuar sot në mbledhjen e sotme të Këshillit Kombëtar për Integrimi në Pallatin e Kongreseve. Në takim morën pjesë kryeministri Edi Rama, presidenti Ilir Meta, kryeparlamentari Gramoz Ruçi, Rudina Hajdari dhe një sërë krerësh të institucioneve, bashkë me kryenegociatorin Zef Mazi. Theksi i palëve ishte tek dakordësia për zgjedhoren dhe ecja përpara me plotësimin e 15 pikave para hapjes së negociatave.

(A.B. Dosja.al)

Shto Koment