Berisha premton rishikimin e moshës së pensionit: Ata që e rritën, u ngutën
15 Shkurt, 13:51
"Do i ja...
Bota
Zgjidhet MISTERI i 'sirenës së shenjtë' të Japonisë
Sipas folklorit, krijesa 30 cm e gjatë i jep pavdekësi kujtdo që shijon mishin e saj. Gjatë 12 muajve të fundit, studiuesit i kanë nënshtruar sirenës një sërë testesh për të përcaktuar nëse është një krijesë organike apo jo.
17 Shkurt 2023, 19:14Nga k.m.
Sirena
BRITANI E MADHE- Historia e një 'sirene' të lashtë të mumifikuar më në fund është zbuluar pasi shkencëtarët kaluan vitin e fundit duke e studiuar atë. Dyshohet se u kap në Oqeanin Paqësor, jashtë ishullit japonez të Shikoku, midis 1736 dhe 1741 - por krijesa është adhuruar për qindra vjet.
Sipas folklorit, krijesa 30 cm e gjatë i jep pavdekësi kujtdo që shijon mishin e saj. Gjatë 12 muajve të fundit, studiuesit i kanë nënshtruar sirenës një sërë testesh për të përcaktuar nëse është një krijesë organike apo jo. Studiuesit nga Universiteti i Shkencës dhe Arteve Kurashiki përdorën skanime CT dhe teste të tjera të teknologjisë së lartë për të përcaktuar se, për fat të keq, krijesa është krejtësisht artificiale.
Ata zbuluan se 'sirena' ishte prej letre, pëlhure dhe pambuku – e se nuk kishte shenja të ndonjë skeleti. Gjysma e poshtme e trupit me të vërtetë vjen nga bishti i një peshku, e po ashtu edhe nofulla dhe dhëmbët e tij janë marrë nga një peshk.
Në folklorin japonez, ekziston një krijesë e quajtur ningyo, e cila përshkruhet se ka një gojë majmuni me dhëmbë si peshku dhe një trup të mbuluar me luspa të artë.
Por tani, falë shkencës, ne e dimë të vërtetën. Misteri është zgjidhur./Metro