Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Shërbimi i brendshëm i inteligjencës gjermane, Verfassungsschutz, e vuri nën vëzhgim lëvizjen Reichsbuerger apo “Qytetarët e Rajhut” në vitin 2016, pasi një nga anëtarët e kësaj lëvizjeje e kishte qëlluar për vdekje një polic gjatë një bastisjeje në shtëpinë e tij.
GJERMANI- Njëzet e pesë të arrestuarit në Gjermani të mërkurën, të dyshuar për komplot për përmbysje të Qeverisë, i besonin një numri të përzier teorish konspirative, si ideologjitë Reichsbuerger dhe QAnon, thanë autoritetet.
Shërbimi i brendshëm i inteligjencës gjermane, Verfassungsschutz, e vuri nën vëzhgim lëvizjen Reichsbuerger apo “Qytetarët e Rajhut” në vitin 2016, pasi një nga anëtarët e kësaj lëvizjeje e kishte qëlluar për vdekje një polic gjatë një bastisjeje në shtëpinë e tij.
Policia e kishte nisur atë operacion për sekuestrim të armëve për gjueti dhe sport, pasi që vlerësohej se ai nuk ishte i përshtatshëm për mbajtjen e armëve si anëtar i grupit “Qytetarët e Rajhut”.
Sot, Verfassungsschutz vlerëson se kjo lëvizje ka rreth 21 mijë anëtarë. Pesë për qind e tyre, apo 1.150 anëtarë, konsiderohen si ekstremistë të krahut të djathtë.
Sipas raportit të kësaj agjencie për vitin 2021, rreth 2.100 anëtarë të kësaj lëvizjeje janë të gatshëm të përdorin dhunë për t’i arritur synimet e veta.
Lëvizja operon kryesisht në grupe shumë të vogla dhe përmes rrjeteve virtuale, por gjithashtu përfshin individë që nuk kanë lidhje me ndonjë strukturë, tha Verfassungsschutz. Kohët e fundit, asaj i janë shtuar një numër gjithnjë e më i madh i protestuesve kundër masave kufizuese shkaku i COVID-19.
Anëtarët e Reichbuerger nuk e njohin Gjermaninë e kohës moderne si shtet legjitim. Disa prej tyre janë të përkushtuar ndaj perandorisë gjermane, të drejtuar nga monarku, ndërsa disa janë adhurues të ideve naziste dhe të tjerë besojnë se Gjermania është ende nën pushtim ushtarak.
Ata janë të bindur se Gjermania drejtohet nga një grup njerëzish, si anëtarë me ndikim të agjencive qeveritare ose ushtrisë, që manipulon ose kontrollon fshehurazi politikën qeveritare.
Shumë anëtarë të kësaj lëvizjeje refuzojnë pasaportat gjermane pasi i vlerësojnë të pavlefshme, si dhe pengojnë ligjet administrative, duke kërkuar konfrontim me autoritetet dhe ndonjëherë duke përdorur forcën. Një i dyshuar kishte qëlluar me shigjetë ndaj policisë që po ia kontrollonte shtëpinë në vitin 2021.
Disa “Qytetarë të Rajhut” e kërkojnë ardhjen në fron të stërnipit të perandorit Wilhelm II, i cili ishte detyruar të abdikojë në vitin 1918 si pasojë e Luftës së Parë Botërore, si perandor i ri i Gjermanisë. Stërnipi i tij nuk ishte në mesin e të arrestuarve të mërkurën.
Anëtarë të tjerë të lëvizjes “Qytetarët e Rajhut” pretendojnë se Gjermania është ende e pushtuar dhe nën okupim ushtarak. Udhëheqësi i këtij grupi të lëvizjes ishte arrestuar në vitin 2021 pasi publikoi "dënime me vdekje" kundër politikanëve dhe gazetarëve në Telegram, tha Verfassungsschutz.
Gjykata më e lartë administrative e Gjermanisë hoqi nga detyra një nëpunës civil në vitin 2021, pasi ishte pjesë e lëvizjes Reichsbuerger. Gjykata argumentoi se ai po shkelte detyrimin për t'iu përmbajtur Kushtetutës gjermane.
Nëpunësi civil kishte aplikuar për një pasaportë duke e vendosur shtetin e tij të lindjes si "Mbretëria e Bavarisë" dhe duke iu referuar një ligji të shtetësisë të vitit 1913, sipas raportit të Verfassungsschutz.
Anëtarët e Reichsbuerger, gjithashtu, kanë tentuar të organizojnë mësime alternative shkollore në shenjë proteste ndaj masave kufizuese shkaku i COVID-19 në shkolla. Ata synonin të përdornin tekste shkollore që datojnë që nga koha e Perandorisë Gjermane.
Në vitin 2020, anëtarët e lëvizjes “Qytetarët e Rajhut” morën pjesë edhe në demonstratat kundër kufizimeve për COVID-19, kur protestuesit patën thyer barrierat e policisë para ndërtesës së Parlamentit, Reichstag, në Berlin. Policia arriti t’i ndalë vetëm pasi kishin arritur te shkallët e hyrjes në ndërtesë.
Në një vend ku posedimi privat i armëve të zjarrit është i rrallë, autoritetet gjermane ishin shprehur të shqetësuara veçanërisht nga dashuria për armët në mesin e anëtarëve të kësaj lëvizjeje dhe janë përpjekur t’ua shpronësojnë atyre armët.
Të paktën 1.050 anëtarë i kanë humbur armët shkaku i aksioneve policore deri në fund të vitit 2021, sipas Verfassungsschutz, ndërsa të paktën 500 të tjerë që besohet se kanë ende armë në pronësi./REL/
Britani BRITANI- Ligjvënësit britanikë janë paralajmëruar të jenë në gatishmëri për sulme kibernetike dhe...
Meloni ITALI- Kryeministrja italiane Giorgia Meloni, duke mbërritur në La Scala të Milanos për hapjen e sezonit me ...
KQZ KOSOVË- Vendimi për shtyrjen e mundshme të zgjedhjeve në veri të Kosovës do të merret vetëm pas vlerësimi...
Loja SHBA- Microsoft ka nënshkruar një marrëveshje 10-vjeçare për të sjellë Call of Duty në Nintendo, rapo...
Osmani KOSOVË- Presidentja e Kosovës, Vjosa Osmani, do të mund të vendosë për shtyrjen e datës së zgjedhjeve në...
EULEX KOSOVË- Incidentet e së martës në veri të vendit kanë shtyrë EULEX-in që të shtojnë patrullat v&eum...
Studiuesit SHBA- ADN-ja më e lashtë e renditur ndonjëherë zbulon se si dukej Arktiku dy milionë vjet më parë kur ishte m...
Foto ilustruese UKRAINË- Një prift i akuzuar për rrjedhje të informacionit për pozicionet e trupave ukrainase në Rusi &e...
Shtepia e Bardhe SHBA- SHBA duket se është distancuar nga një seri sulmesh të dukshme me dronë brenda Rusisë që mendohet...
Foto ilustruese SHBA- Një profet i vetëshpallur në SHBA kishte më shumë se 20 gra, disa prej tyre më të reja se 18 vje&c...
