LIVE UPDATES
Aktualitet

BIRN: Lista e gjatë e pritjes për proteza ortopedike favorizon korrupsionin në spitale

Përgjigja që mori pas ekzaminimeve ishte tronditëse: ajo duhej të bënte operacion këmbën dhe të vendoste protezë. Por përtej problemeve shëndetësore, pacientja u përball edhe me një faturë financiare.

15 Gusht 2025, 11:33 Nga E. D
BIRN: Lista e gjatë e pritjes për proteza ortopedike favorizon
foto ilustruese

TIRANË- Rreth 8 muaj më parë, Lumja, 65 vjeçe, iu drejtua Spitalit Universitar të Traumës për shkak të dhimbjeve në këmbë. Përgjigja që mori pas ekzaminimeve ishte tronditëse: ajo duhej të bënte operacion këmbën dhe të vendoste protezë. Por përtej problemeve shëndetësore, pacientja u përball edhe me një faturë financiare.

“E pyeta mjekun sa shkon si operacion? Si operacion tha, është falas, por ti do blesh vetëm protezën,” tregon Lumja. “Sa kushton proteza, e pyeta? Më tha që proteza për këmbën që të duhet kushton 3,500 euro,” shtoi ajo.

Ndërsa kostoja e protezës ishte shumë e lartë, Lumja thotë se kërkoi një zgjidhje alternative për ta përfituar atë falas, por në sistemin shëndetësor publik, asaj i duhej të priste deri në 3 vjet. Në këto kushte, ajo i shtriu dorën fëmijëve për ndihmë dhe e bleu protezën sipas udhëzimeve të mjekut.

“Të çonte vetë doktori me recetën në dorë dhe e blinim në farmaci afër Spitalit Ushtarak, që shisnin vetëm proteza. E bleva protezën dhe e çova te doktori dhe më pas më bëri operacionin,” theksoi ajo.

Ky nuk është një rast i izoluar.

Sipas një raporti të publikuar në maj 2025 nga shoqata Together for Life, pacientët shpesh përballen me vonesa të gjata për marrjen e protezave falas, dhe në shumë raste, detyrohen t’i blejnë vetë pajisjet e nevojshme për ndërhyrje.

Alma Lahe, eksperte e shoqatës “Together for Life” thekson se mungesa e protezave dhe pritjet e gjata krijojnë hapësirë për korrupsion, ku përfitojnë vetëm ata që paguajnë nën dorë. Në ndjekjen e një rasti të një pacienteje nga Elbasani, shoqata kishte zbuluar se lista e pacientëve në pritje për një protezë ishte me qindra, ndërsa numri i protezave në dispozicion shumë herë më i vogël.

“Këto mungesa krijojnë kushte për ‘lulëzimin’ e korrupsionit në marrjen e shërbimeve. Përfiton ai që është i gatshëm të paguajë nën dorë. Ata që nuk kanë mundësi pagese, ose e marrin shërbimin me vonesë, ose nuk marrin shërbim duke rezultuar me përkeqësim të gjendjes shëndetësore,” theksoi Lahe.

Reduktim dhe pritje të gjata

Mungesa e protezave ortopedike është një problem i mbartur prej të paktën dy dekadash në sistemin shëndetësor shqiptar. Sipas Ministrisë së Shëndetësisë, numri i pacientëve që kanë përfituar proteza falas në 5 vitet e fundit është 1735 persona.

Në vitin 2016, Ministria e Shëndetësisë dhe kryeministri Edi Rama premtuan se do t’u kursenin pacientëve kronikë rreth 2 milionë dollarë në vit duke u ofruar protezat falas. Ministria premtoi asokohe se protezat falas do të ofroheshin në shërbimet ortopedike të disa spitaleve rajonale.

Por të dhënat e siguruara nga BIRN tregojnë se ky shërbim është kufizuar aktualisht në katër spitale rajonale nga tetë spitale që ofrohej më parë, ndërkohë që pacientët përballen me pritje të gjata për t’i siguruar ato falas.

Sipas Ministrisë së Shëndetësisë, protezat falas ofrohen tashmë në shërbimet e ortopedisë në spitalet rajonale të Durrësit, Elbasanit, spitalit Memorial në Fier si dhe Spitali Universitar i Traumës.

Ministria deklaroi gjithashtu se në rastet urgjente, pacientët i siguronin protezat falas për një periudhë 15-20 ditë, ndërsa për rastet e tjera, koha më e gjatë e pritjes është 12 muaj.

Të dhënat e ofruara më parë nga Ministria e Shëndetësisë tregojnë një realitet tjetër. Sipas një përgjigje të mëparshme, në Spitalin e Traumës dhe në Spitalin Rajonal të Fierit, koha mesatare e pritjes shkonte 3 vite.

I pyetur në lidhje me kohën e pritjes së pacientëve për protezat ortopedike në Spitalin Universitar të Traumës, mjeku ortoped, Arben Zeneli theksoi se pritjet mund të jenë edhe më të gjata.

“Në dijeninë time ka probleme. Që të mbyllen rastet e planifikuara, deri tani, me ritmin aktual mund të duhen 5 vite,” tha Zeneli për BIRN.

Alma Lahe nga “Together for Life” fajëson buxhetimin e ulët për sistemin shëndetësor edhe për mungesën e protezave, çka sipas saj sjell shërbime jo cilësore, jo të qëndrueshme dhe me kosto për pacientët.

“Nevojitet ndërhyrje serioze shumëdimensionale: analizë më e mirë e situatës, rritje buxheti dhe menaxhim i mirë i tij, si dhe ngritja e një sistemi funksional monitorimi dhe kontrolli me qëllim që shërbimi të mbërrijë tek pacienti,” tha Lahe.

“Ata që kanë nevojë për proteza, duke ndjekur procedurat e duhura, duhet të përfitojnë brenda një afati të arsyeshëm dhe pa kosto shtesë,” përfundoi ajo./BIRN

Sondazh

Poll
MË SHUMË

Cili ishte shkaku i vdekjes së aktores së njohur turke Ece Irtem?

Cili ishte shkaku i vdekjes së aktores së njohur turke Ece Irtem?

Fëmijët e birësuar të Brad Pitt nisin procedurat për të mos mbajtur mbiemrin e të atit

Ish-drejtoresha e filialit të Postës së Durrësit u la në burg/ Avokati: Vendim absurd

Kuvendi Kombëtar i Protestës/ Folëses i merret mikrofoni nga dora: Edi Rama të japë dorëheqjen

Tentoi te merrte pjesë në Kuvendin Kombëtar të protestës/Selami Jenisherin nxirret jashtë

Berisha: Do bëjmë gjithçka për të paraqitur realitetin shqiptar pranë Komisionit Evropian

Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës

Berisha: Rama nuk e dënon ministren monstër të Beogradit sepse është vasal i Vuçiçit

Berisha: Ftoj çdo demokrat që të marrë pjesë në protestë dhe të bëjë gjithçka për suksesin e saj

Berisha: Ky është procesi më i thellë i ripërtëritjes së PD që nga themelimi i saj!

“Neomalsorja” i bashkohet protestës së 49-të para Kryeministrisë: Rezistenca e qytetarëve nuk ndalet

Regjisori krijues i Star Wars mbështet Inteligjencën Artificiale

Rama: Deri në 1 mld euro mbështetje për bizneset, kredi deri në 2 milionë euro me interesa të ulëta

Rama i kthehet biznesmenit: Në Shqipëri ka para të pista, por s'mund t'i veshim këtë kostum vendit

Rama i përgjigjet komentuesve: Ka qeveri që bëjnë punë të mira, ka që bëjnë të këqija

Dyfisho sipërmarrjen tënde/ Rama: Cikël takimesh me bizneset e interesuara

Moment paniku në Theth! Guri bie mbi makinë, turistët shpëtojnë pa lëndime

Përfaqësuesi i Sindikatës së Punonjësve të Universiteteve:Dua të përcjell mbështetjen e profesoratit

Plagosja me thikë te Poliklinika e Shkodrës, dalin pamjet e rënda!

Si po ecën marrëdhënia mes Ariana Grande dhe ish të dashurit të saj pas ndarjes me Ethan Slater?

Nuk më pëlqen ta ekspozoj jetën time, Benny Blanco rrëfen si po mësohet me jetën e Selena Gomez

Edi Rama përmend vrasjen e Martin Canit: E kujtoj çdo ditë, ata që e përdorën për politikë e harruan

Rama: Kemi hyrë në zemër të problemit, djegia e makinës pas krimit nuk mund të ndodh më

Kush është modelja që u bë virale për ngjashmërinë me futbollistin Erling Haaland?

Kujtimet tona do të jetojnë gjithmonë, mesazhi i Donatella Versace për të vëllain Gianni Versace

Berisha: Dënoj heshtjen prej vasali të qeverisë shqiptare ndaj deklaratës së ministres së Vuçiçit

Berisha: Drejtimi i PD është ripërtërirë me personalitete ndër më të shquarit në fushat e tyre

Berisha uron drejtuesit e rinj të PD: Vota e lirë në themel të kësaj force politike

Çfarë detajesh tërhoqën vëmëndjen në festimet e ditëlindjes së Jennifer Lopez në Paris?

Salla: Fermeri do ta shohë prodhimin edhe si aset për financim

Përplasje e ashpër në Kuvend/ Bido: Populizëm që dëmton Kosovën

Tentoi të transportonte pistoleta! Kapet në tunelin e Skërficës, 31-vjeçari

Ndryshimet në "Ligjin për Turizmin", Balla: Pezullohen punimet në bregdet gjatë sezonit turistik

Balla mbron Ramën nga Redi Muçi: Lani gojën kur t'i përmendni emrin

Deklarata diskriminuese e ministres serbe/ Muçi akuzon Ramën për heshtje: Çfarë pret kryeministri?

Spiropali dërgon në Asamblenë e PS mocionin për hapjen e partisë

Kuvendi mblidhet sot në seancë plenare, ‘blindohet’ me autobotë uji dhe forca të shumta policore

Ilirjana Kuçana akuzon lidershipin për shkelje të Statutit dhe "Mulizim" të partisë

Protestuesja: Shqipëria nuk e përmban dot një koncert si të Kanye West, vendi ynë ka marrë fund

Thirrjet për Ramën, protestuesi: Traumë për fëmijët të thonë Rama jep dorëheqjen

Dita 46-të e protestës/ Protestuesi: Sali Berisha dhe Edi Rama të thyejnë qafën

Protesta qytetare bën bashkë shqipëtarë nga çdo krahinë, valëviten flamujt nga diaspora

Protesta e 46-të/ Mbyllen fjalimet para Kryeministrisë, nis marshimi rrugëve të Tiranës

PD ndërpret sinjalin për median/ Anëtarja e Këshillit Kombëtar përplaset me Berishën

Berisha prezanton emrat: PD do të ketë nënkryetar nga diaspora dhe rinia

Berisha: Gjenerata Z dhe qytetarët i hapën varrin narkodiktaturës dhe do ta marrin me vete

Berisha: Protesta 46-ditore që vazhdon është tërësisht antidiktatoriale

Berisha: Gjithçka zhvillohet sot në rrugë dhe sheshet e Tiranës është një betejë e kauzës

Këshilli Kombëtar/ Berisha prezanton emrat e propozuar për anëtarët e Këshillit të Diasporës

Dua Lipa: Frymëzuese të shoh qytetarët në protestë, ndërkohë që qeveria anashkalon ligjet

Shiko video te tjera