Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Nëntë barrikada ishin vendosur në veri, Kurti i bëri thirrje NATO-s dhe BE-së të dënojnë sulmet
Dje gjatë ditës janë larguar të nëntë barrikadat që ishin vendosur nga serbët lokalë në veri të Kosovës. Largimin e tyre e konfirmoi Ministri i Punëve të Brendshme të Kosovës, Xhelal Sveçla.
Ai tha se po ashtu janë hapur dy pikëkalimet kufitare – Jarinjë dhe Bërnjak – që lidhin Kosovën me Serbinë.
“Liria e lëvizjes është e plotë dhe pikat kufitare Jarinje dhe Bërnjak janë të hapura për qytetarët”, tha Sveçla.
E më heqjen e barrikadave , ashtu siç ishte zotuar Qeveria e Kosovës, ministri Sveçla tha se do të shtyhet zbatimi i dy vendimeve për reciporcitet të cilat edhe shkaktuan tensione gjatë të dielës në veri.
“Me largimin e barrikadave dhe sigurimin e lirisë së lëvizjes për qytetarët tanë, ne e zhvendosëm zbatimin e vendimeve për datën 1 shtator 2022, me qëllim të ruajtjes së stabilitetit në vend dhe rajon”, tha ai.
Nëntë barrikada ishin vendosur në veri, Kurti i bëri thirrje NATO-s dhe BE-së të dënojnë sulmet
Gjatë një adresimi për media, më 1 gusht, kryeministri i Kosovës, Albin Kurti, tha se nëntë barrikadat “me njerëz të armatosur”, më 31 korrik ndaluan qytetarët dhe kanë shtënë me armë zjarri. Kryeministri i Kosovës, Albin Kurti, më herët gjatë ditës tha se ishin gjithsej nëntë barrikada të vendosura në veri të Kosovë.
Kurti sërish përsëriti se zbatimi i vendimeve të Qeverisë do të shtyhet në momentin kur do të hiqen të gjitha barrikadat e vendosura në veri.
“Në momentin kur hiqen barrikadat në veri dhe vendoset liria e plotë e lëvizjes, shtyhet zbatimi i dy vendimeve të Qeverisë për datën 1 shtator 2022. Janë 9 barrikada në veri, dhe presim që të hiqen të gjitha sot gjatë ditës”, deklaroi dje, Kurti.
Pas tensioneve në veri, shefi i diplomacisë së Bashkimit Evropian, Josep Borrell, u ka dërguar ftesë krerëve të Kosovës dhe Serbisë, për t’u takuar në Bruksel.
Në takimin e thirrur nga Borrell, midis kryeministrit të Kosovës, Albin Kurti, dhe presidentit të Serbisë,
Aleksandar Vuçiq, është paralajmëruar se do të bisedohet për të gjitha çështjet e hapura. Por, ende nuk ka konfirmim të pjesëmarrjes nga asnjëri lider.
Kryeministri i Kosovës, Albin Kurti ka thënë se ende nuk ka pranuar ftesë zyrtare për një takim të mundshëm mes tij dhe presidentit serb, Aleksandar Vuçiq në Bruksel.
Gjatë konferencës për media, Kurti tha se Kosova është e gatshme për dialogun me Serbinë, shkruan Telegrafi.
“Një ftesë të tillë deri në këto momente nuk e kemi. Në momentin që do ta kemi, sigurisht që do ta bëjmë publike dhe do të shprehim qëndrimin tonë. Ne jemi për dialog të përgatitur mirë, parimor, të balancuar drejt një marrëveshjeje ligjërisht të obligueshme që bën normalizimin e plotë të marrëdhënieve ndërmjet Kosovës dhe Serbisë, të përqendruar në njohjen reciproke. Gatishmëria nga ana jonë ekziston”, shtoi ai.
Ndërkaq, rrugët e Mitrovicës së Veriut, e banuara me shumicë serbe, më 1 gusht janë parë mesazhe ku shkruhet: “Mirë se vini në Asociacionin e komunave me shumicë serbe”.
Reagimet nga Shqipëria për situatën në veri
Kryeministri i Shqipërisë, Edi Rama, e ka quajtur aspak të arsyeshëm përshkallëzimin e situatës në veri të Kosovës, derisa i ka bërë thirrje presidentit serb, Aleksandër Vuçiq, “të mos ushqejë me asnjë lloj justifikimi grupe të caktuara në veriun e Kosovës”.
Gjatë një konference për media me kryeministrin spanjoll, Pedro Sanchez, i cili po qëndron në Tiranë në kuadër të turneut në rajon, Rama tha se Qeveria e Kosovës “ka të drejtën dhe detyrën për të ushtruar sovranitetin territorial që buron nga një pavarësi në administrimin e shtetit”.
Presidenti i Shqipërisë, Bajram Begaj telefonoi presidenten Vjosa Osmani lidhur me situatën në veri. Begaj, sipas një njoftimi për media, e ka cilësuar si të matur vendimin e Qeverisë së Kosovës për të shtyrë zbatimin e vendimeve për targat dhe dokumentet serbe.
Ai tha se me këtë u shmang një “provokim i rëndë për stabilitetin e Kosovës”.
Çfarë ndodhi të dielën dhe pse u vendosën barrikadat?
E diela e 31 korrikut u karakterizua me tensione të shumta në veri të vendit, shkaku i vendimit të Qeverisë së Kosovës për reciprocitet me Serbinë për çështjen e targave dhe letërnjoftimeve.
Ky vendim i cili do të niste së zbatuari të hënën më 1 gusht, bëri që shumë serb lokal në veri të vendit, të dielën pasdite vendosën barrikada në rrugët që çojnë në dy pikë kalimet kufitare me Serbinë – Jarinje dhe Bërnjak.
Përveç barrikadave në veri pati edhe të shtëna me armë zjarri të cilat u konfirmuan edhe nga Policia e Kosovës, e disa qytetarë edhe u maltretuan në kufi. Në disa vende policia tha se është shtënë edhe ndaj njësiteve policore, por që nuk kishte asnjë të lënduar, shkruan Telegrafi.
Pas kësaj, Qeveria u zotua se do të shtyjë zbatimin e vendimeve për një muaj, nëse serbët largojnë barrikadat e vendosura, ndërkaq në mesnatë u lëshuan dokumentet e para për hyrje-dalje. Vendimi i 29 qershorit i ekzekutivit kosovar parasheh lëshimin e dokumentit për hyrje-dalje për të gjithë personat që posedojnë dokumente serbe.
Praktikë të njëjtë Serbia ka aplikuar ndaj qytetarëve të Kosovës për vite me radhë.
Ndërkaq, vendimi i dytë parasheh që të gjithë pronarët e makinave me targa me akronime të qyteteve të Kosovës – që lëshohen nga Serbia – të mund të riregjistrojnë makinat e tyre në targat RKS (Republika e Kosovës).
SHBA-ja u angazhua për të ulur tensionet
Rritja e tensioneve në veri, bëri që ambasadori amerikan në Prishtinë, Jeff Hovenier të ulët edhe të bisedojë me kryeministrin Kurti dhe presidenten Osmani, ku u kërkoi që të shtyjë zbatimin e vendimeve për reciprocitet.
“Ne mendojmë se një shtyrje e tillë do të ishte e rëndësishme, sepse duket se ka dezinformim dhe keqkuptime për këto vendime”, tha Hovenier pas një takimit me krerët e shtetit.
Pak minuta pas kësaj, Qeveria njoftoi se do të shtyjë zbatimin e dy vendimeve deri më 1 shtator, “kur do që të hiqen të gjitha barrikadat dhe të vendoset liria e plotë e lëvizjes në të gjitha rrugët në veri të Kosovës”.
I dërguari i Bashkimit Evropian për dialogun Kosovë-Serbi, Mirosllav Lajçak, mirëpriti vendimin e Kosovës, për të pranuar, siç tha ai, propozimin e shefit të bllokut evropian, Josep Borrell, për shtyrjen e zbatimeve.
“BE-ja pret që të gjitha pengesat rrugore të hiqen menjëherë. Borrell ka ftuar Kosovën dhe Serbinë që të angazhohen në dialog për rrugën përpara. Falënderues ndaj Ambasadës amerikane në Kosovë për mbështetjen e fuqishme”, ka shkroi ai në Twitter.
NATO e gatshme për intervenim
Pas rritjes së tensioneve në veri, misioni i NATO-s në Kosovë, KFOR, deklaroi se është i përgatitur që të ndërhyjë nëse rrezikohet stabiliteti.
“Në përgjithësi, situata e sigurisë në komunat veriore të Kosovës është e tensionuar. KFOR-i është duke vëzhguar situatën nga afër edhe është i gatshëm të intervenojë nëse situata rrezikohet, në përputhje me mandatin që ka nga rezoluta 1244”, u tha në njoftimin e KFOR-it më 31 korrik.
Kujtojmë se edhe në të kaluarën, serbët lokalë në veri kanë bllokuar rrugët në shenjë pakënaqësie me vendimet e autoriteteve të Kosovës.
Herën e fundit kur u bllokuan rrugët në veri të Kosovës, përkatësisht ato që çonin në drejtim të dy pikëkalimeve kufitare që lidhin Kosovën dhe Serbinë, Jarinjë dhe Bërnjak, ishte në shtatorin e vitit 2021. /GazetaTelegrafi
Diplomati Wolfgang Petritsch ka thënë zyrtarët në Kosovë dhe Serbi duhet të çarmatosen verbalisht ashtu që të s...
Binjakët Arthur dhe Bernardo Lima BRITANI- Binjakët 3-vjeçarë të lindur në Brazil me kokë dhe tru të bashkuar jan...
Protesta ÇEKI- Aktivistë çekë kanë protestuar ditën e djeshme para Ambasadës së Serbisë në Prag&...
Ayman al-Zawahri SHBA- Al Zawahri ishte një nga objektivat kryesore të CIA-s. Udhëheqësi i Al-Kaedës, Ayman al-Zawah...
Ayman al-Zawahiri SHBA- Lideri Ayman al-Zawahiri ka ndërruar jetë pas një sulmi me dron në Afganistan nga SHBA. Biden tha se Zawah...
Joe Biden SHBA- Presidenti Joe Biden ka dalë në një deklaratë për shtyp nga Shtëpia e Bardhë për të njoft...
Ayman al-Zawahiri SHBA- Shtetet e Bashkuara kanë vrarë liderin e al-Kaedës, Ayman al-Zawahiri, në një sulm me dron në Af...
Nikola Sandulovic SERBI- Kryetari i Partisë Republikane të Serbisë, Nikola Sanduloviç ka reaguar për situatën në veri ...
Veriu i Kosoves KOSOVË- Autoritetet në Kosovë thanë se të gjitha të gjitha pengesat që ishin vendosur një ditë...
Antony Blinken SHBA- Një kthim në marrëveshjen bërthamore të vitit 2015 mbetet rezultati më i mirë për Shtetet e Ba...
