6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Vrasja e efektivit të Policisë në Korçë, Kuvendi nis me një minutë heshtje 4 Qershor, 10:22 ...
Vrasja e efektivit të Policisë në Korçë, Kuvendi nis me një minutë heshtje 4 Qershor, 10:22 ...
Ngjarja në Maliq/ Zbardhen edhe identitetet e efektivëve 4 Qershor, 08:49 FOTO/ Ja kush është polici q&e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Marrëveshja përfshin dispozita për bashkëpronësinë dhe menaxhimin e një fondi rindërtimi të pasluftës për Ukrainën, tek i cili Ukraina do të derdhë 50% të të ardhurave nga burimet natyrore të vendit.
SHBA- Ukraina dhe Shtetet e Bashkuara pritet të nënshkruajnë një marrëveshje për mineralet e rralla, duke shënuar një hap të rëndësishëm drejt forcimit të lidhjeve ekonomike midis dy vendeve. Megjithatë, ekspertët e sigurisë i thonë Zërit të Amerikës se marrëveshja ka ngjallur shqetësime për implikimet e mundshme më të gjera të saj.
Kabineti qeveritar i Ukrainës miratoi marrëveshjen të mërkurën dhe Presidenti amerikan Donald Trump konfirmoi se udhëheqësi ukrainas Volodymyr Zelenskyy do të vizitojë Shtëpinë e Bardhë të premten për ta nënshkruar atë.
Marrëveshja përfshin dispozita për bashkëpronësinë dhe menaxhimin e një fondi rindërtimi të pasluftës për Ukrainën, tek i cili Ukraina do të derdhë 50% të të ardhurave nga burimet natyrore të vendit. Marrëveshja parashikon që SHBA të ketë një “angazhim financiar afatgjatë për zhvillimin e një Ukraine të qëndrueshme dhe ekonomikisht të begatë”.
Por ajo nuk u referohet drejtpërdrejt përpjekjeve për t'i dhënë fund agresionit rus të Ukrainës dhe as nuk përmend marrëveshje të ardhshme të sigurisë për vendin e Evropës Lindore, përveçse në një rast: "Qeveria e Shteteve të Bashkuara të Amerikës mbështet përpjekjet e Ukrainës për të marrë garancitë e nevojshme të sigurisë për të vendosur një paqe të qëndrueshme".
Ndërsa marrëveshja synon të zhbllokojë pasuritë minerale të Ukrainës dhe të forcojë rimëkëmbjen e saj ekonomike, ekspertët e sigurisë paralajmërojnë se ajo mund të mos arrijë t’u përgjigjet sfidave të vazhdueshme të sigurisë të Ukrainës në mes të agresionit të vazhdueshëm rus.
Perspektiva e biznesit amerikan
Andy Hunder, president i Dhomës Amerikane të Tregtisë në Ukrainë, shpjegon për Zërin e Amerikës se marrëveshja synon të krijojë një fond të ri amerikano-ukrainas, duke u fokusuar tek ndërmarrjet shtetërore dhe burimet e pasura nëntokësore të Ukrainës, përfshirë gazin, naftën dhe mineralet kritike.
Hunder shpreh optimizëm për ndikimin e mundshëm që mund të ketë marrëveshja: "Ne jemi të entusiazmuar. Menaxherët profesionistë të fondeve mund t'i bëjnë shumë shpejt fitimprurëse këto sipërmarrje. Është diçka e favorshme për taksapaguesit ukrainas dhe amerikanë," i tha ai Zërit të Amerikës të mërkurën.
Hunder shtoi se fondi mund të zhbllokojë fitime me shpejtësi me një menaxhim profesional të ndërmarrjeve shtetërore të Ukrainës, të cilat aktualisht përballen me problemet e keqmenaxhimit.
“Ukraina ka numrin e dytë më të madh të ndërmarrjeve shtetërore në botë, shumë prej të cilave menaxhohen, madje disa po keqmenaxhohen nga shteti ukrainas. Prs, mendoj se nëse fusim menaxherë të rinj profesionistë të fondeve në këto subjekte dhe kështu mund të sigurojmë fitime me shpejtësi”, tha ai.
tha se diskutimet rreth potencialit ekonomik të Ukrainës ishin në rendin e ditës mes dy vendeve në vitin 2024, “duke filluar që kur Senatori Lindsey Graham erdhi në mars dhe maj të vitit 2024, dhe ne e kemi shqyrtuar këtë temë dhe shohim potencial”.
"Për të përfituar nga kjo mundësi, lufta duhet të përfundojë dhe kjo marrëveshje, është një hap drejt një zgjidhjeje paqësore. Mendoj se këtu po fokusohet administrata e re nën Presidentin Trump – tek gjetja e mënyrave për të ndaluar vrasjen e ukrainasve nga rusët. Ne presim një armëpushim këtë vit, në vitin 2025, dhe kjo është koha kur Ukraina do të përbëjë mundësinë më të madhe për një rimëkëmbje vendi që nga Lufta e Dytë Botërore", tha ai për Zërin e Amerikës.
Roman Opimakh, ish-drejtor i përgjithshëm i Shërbimit Gjeologjik të Ukrainës bie dakord se nga marrëveshja mund të përfitojnë të dyja vendet: Do të ndihmojë SHBA-në të diversifikojë furnizimin e saj me metale të rralla dhe të "ulë varësinë nga Kina", thotë ai.
Për Ukrainën, shpjegon Opimakh, marrëveshja mund t’i hapë rrugën ri-industrializimit të pasluftës dhe rritjes ekonomike. “Ne mund të ripërtërijmë potencialin industrial të vendit tonë dhe ta rrisim rolin e Ukrainës globalisht”, tha Opimakh në një intervistë telefonike.
Megjithëse marrëveshja demonstron një interes të madh të SHBA-së për të ardhmen ekonomike të Ukrainës, ekspertët e sigurisë paralajmërojnë se ajo nuk është një zgjidhje gjithëpërfshirëse për sfidat e sigurisë të Ukrainës.
Ish-ministri i mbrojtjes Andriy Zagorodnyuk, aktualisht kryetar i Qendrës për Strategjitë e Mbrojtjes në Ukrainë, i tha Zërit të Amerikës në një intervistë telefonike se marrëveshja ka implikime më të gjera:
"Shtetet e Bashkuara e paraqitën këtë marrëveshje si një demonstrim të interesit në Ukrainë, duke sinjalizuar mbështetje për stabilitetin e Ukrainës. Investime të këtyre përmasave shërbejnë si bazë për të tërhequr më shumë burime për ekonominë e Ukrainës."
Zagorodnyuk paralajmëroi se lidhjet ekonomike "nuk janë të mjaftueshme" për të garantuar sovranitetin e Ukrainës përballë agresionit rus. Për të parandaluar sulmet e ardhshme, Ukraina ka nevojë për fuqi ushtarake – qoftë të vetën ose në partneritet me NATO-n dhe aleatët evropianë, tha ai për Zërin e Amerikës.
“Ne e kuptojmë se Rusia mund të përpiqet të manipulojë situatën dhe t'i përcjellë mesazhin administratës së t Trump se edhe nëse vazhdojnë agresionin për ndonjë arsye, ata do të vazhdojnë të respektojnë interesat amerikane, ose diçka të ngjashme,” tha ai.
I pyetur nga Zëri i Amerikës se çfarë i nevojitet Ukrainës nga SHBA-ja për sigurinë afatgjatë, Zagorodnyuk tha se në një situatë ideale, vendi do të bëhej pjesë e NATO-s Megjithatë, “nëse NATO nuk është një opsion, duhet të ketë një paketë që i mundëson Ukrainës të mbrohet kundër agresionit. Kjo paketë duhet të jetë e fuqishme dhe kjo duhet të jetë e qartë për [Presidentin rus Vladimir] Putin”, tha ai.
Sipas burimeve të Zërit të Amerikës, emrat e të cilëve nuk mund të përmenden sepse nuk janë të autorizuar të flasin për këtë çështje, negociatat në lidhje me detajet e marrëveshjes vazhduan deri në mbledhjen e kabinetit të mërkurën vonë pasdite, me orën e Kievit.
Sipas njoftimeve të mediave, Ukraina negocioi kushte më të favorshme nga ç’kishte propozuar SHBA-ja fillimisht, duke e ulur kërkesën fillestare të SHBA-së për 500 miliardë dollarë mbi burimet e saj natyrore.
Marrëveshja nuk përfshin garanci të qarta sigurie nga ana e Shteteve të Bashkuar, të cilat Kievi i kishte kërkuar fillimisht. SHBA do të ketë autoritetin vendimmarrës brenda fondit sipas kuadrit të vet ligjor, ndërsa kushtet e pronësisë do të përcaktohen në marrëveshjet e mëvonshme.
Pavarësisht se e vlerësoi marrëveshjen si një hap drejt forcimit të ekonomisë së Ukrainës, Presidenti Trump shkaktoi polemika kohët e fundit kur e karakterizoi n Zelensky si një "diktator i pazgjedhur" dhe i bëri presion që ta finalizonte me shpejtësi marrëveshjen. Administrata amerikane e ka paraqitur marrëveshjen si një mënyrë që SHBA të rikuperojë dhjetëra miliarda dollarë në ndihmë ushtarake dërguar Ukrainës. Por nuk është ende e qartë nëse ky partneritet ekonomik mund të nxisë paqen dhe stabilitetin e qëndrueshëm në Ukrainë./ VOA
Foto ilustruese LUBBOCK, TEKSAS - Një pacient me fruth ka vdekur në një spital në Teksasin Perëndimor, vdekja e parë nga p&eu...
foto iluistruese NORVEGJI- Një shtetas britanik ka humbur jetën dhe një tjetër është plagosur pasi u goditën nga një...
Aleksandër Vuçiç dhe Mirollad Dodik SERBI- Presidenti i Serbisë, Aleksandër Vuçiç dhe presidenti i Republikë...
Donald Trump SHBA- Shtëpia e Bardhë të mërkurën u mohoi gazetarëve nga Reuters dhe organizatave të tjera të la...
Marco Rubio dhe Donald Trump SHBA- Presidenti Donald Trump tha të mërkurën se nuk do të jenë Shtetet e Bashkuara por Evropa që...
Zyrtarja PALESTINË - Zyrtarja e lartë e Kombeve të Bashkuara për Lindjen e Mesme paralajmëroi të martën se po zbehen mun...
foto ilustruese SHBA- Numri i amerikanëve që identifikohen si të krishterë ka qenë në rënie prej vitesh, por kjo shif&eu...
pamje nga vendngjarja BOSNJE HERCEGOVINË- Tre persona janë arrestuar nga policia boshnjake, pasi dyshohet se janë të përfshirë...
Milorad Dodik dhe Aleksandër Vuçiç SERBIA- Dënimi i sotshëm i presidentit të Republikës Sërpska (RS) të Bo...
foto ilustruese SHBA- NATO po kërkon të gjejë zgjidhjet e duhura për të garantuar infrastrukturën që ndodhet në sht...
