Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Shtëpia e Bardhë nuk e ka publikuar ende deklaratën e saj për bisedën, e cila filloi në 8:33 të mëngjesit dhe përfundoi në 10:50 të mëngjesit, sipas kohës në Uashington. Si zakonisht, Kina nuk la asnjë dyshim se fajëson Shtetet e Bashkuara për përkeqësimin e marrëdhënieve mes dy vendeve.
SHBA- Presidenti amerikan Joe Biden dhe Xi Jinping i Kinës kaluan më shumë se dy orë të enjten duke biseduar për të ardhmen e marrëdhënieve të tyre të ndërlikuara, me çështjen e Tajvanit që u shfaq edhe një herë si një pikë kyçe e tensionit. Në një deklaratë të Shtëpisë së Bardhë pas bisedës thuhet se të dy presidentët diskutuan një sërë çështjesh të rëndësishme për marrëdhëniet dypalëshe dhe çështje të tjera rajonale dhe globale, dhe i ngarkuan ekipet e tyre që të vazhdojnë të ndjekin bisedën e sotme, veçanërisht për të trajtuar ndryshimet klimatike dhe sigurinë shëndetësore.
Në lidhje me Tajvanin, thuhet në deklaratë, Presidenti Biden nënvizoi se politika e Shteteve të Bashkuara nuk ka ndryshuar dhe se Shtetet e Bashkuara kundërshtojnë fuqimisht përpjekjet e njëanshme për të ndryshuar status kuo-në ose për të minuar paqen dhe stabilitetin në ngushticën e Tajvanit. Sipas një përshkrimi të thirrjes telefonike të lëshuar nga Pekini, presidenti Xi theksoi pretendimin e Kinës mbi ishullin, i cili është vet-qeverisur për dekada me radhë.
“Ata që luajnë me zjarrin do të vdesin prej tij”, tha Ministria e Punëve të Jashtme.
“Shpresohet se SHBA-të do të jenë të qarta për këtë.”
Shtëpia e Bardhë nuk e ka publikuar ende deklaratën e saj për bisedën, e cila filloi në 8:33 të mëngjesit dhe përfundoi në 10:50 të mëngjesit, sipas kohës në Uashington. Si zakonisht, Kina nuk la asnjë dyshim se fajëson Shtetet e Bashkuara për përkeqësimin e marrëdhënieve mes dy vendeve.
“Presidenti Xi nënvizoi se përqasja dhe përcaktimi i marrëdhënieve Kinë-SHBA në termat e konkurrencës strategjike dhe për ta parë Kinën si rivalin kryesor dhe sfidën më serioze afatgjatë, do të ishte keqperceptim i marrëdhënieve mes Kinës dhe SHBA-ve dhe keqkuptim i zhvillimit të Kinës dhe do të mashtronte njerëzit e të dy vendeve dhe komunitetin ndërkombëtar”, tha Ministria e Punëve të Jashtme.
“Të dy krerët e shteteve patën një komunikim dhe shkëmbim të thelluar për marrëdhëniet dhe çështjet me interes të përbashkët Kinë-SHBA”, raportoi Televizioni Qendror i Kinës në faqen e tij të internetit.
Pika më e fundit e tensionit ka qenë vizita e mundshme e Kryetares së Dhomës së Përfaqësuesve Nancy Pelosi në Tajvan, ishull që vet-qeveriset në mënyrë demokratike dhe merr mbështetje joformale mbrojtëse nga Shtetet e Bashkuara, por që Kina e konsideron pjesë të territorit të saj. Pekini ka thënë se do ta konsideronte një udhëtim të tillë si një provokim, një kërcënim që zyrtarët amerikanë po e marrin me seriozitet të shtuar nën dritën e inkursionit të Rusisë në Ukrainë.
“Nëse SHBA këmbëngul të ndjekë rrugën e vet dhe të sfidojë vijën përfundimtare të Kinës, ajo me siguri do të përballet me përgjigje të forta”, tha Zhao Lijian, një zëdhënës i Ministrisë së Jashtme të Kinës, para gazetarëve në fillim të kësaj jave. “Të gjitha pasojat që vijnë do të përballohen nga SHBA-ja.”
Zonja Pelosi do të ishte zyrtarja më e lartë i zgjedhur në SHBA që do të udhëtonte në Tajvan që kur republikani Newt Gingrich vizitoi ishullin në vitin 1997, kur ishte kryetar i Dhomës së Përfaqësuesve. Presidenti Biden javën e kaluar u tha gazetarëve se zyrtarët ushtarakë amerikanë besonin se nuk ishte “ide e mirë” që zonja Pelosi të vizitonte ishullin për momentin.
John Kirby, zëdhënës i sigurisë kombëtare të SHBA-së, tha të mërkurën se ishte e rëndësishme që presidentët Biden dhe Xi të mbanin diskutimin rregullisht të hapur.
“Presidenti dëshiron të sigurohet që linjat e komunikimit me Presidentin Xi të mbeten të hapura sepse ato janë të nevojshme”, u tha zoti Kirby gazetarëve në një konferencë në Shtëpinë e Bardhë. “Ka çështje për të cilat ne mund të bashkëpunojmë me Kinën, dhe ka çështje ku padyshim ka fërkime dhe tensione”.
Presidentët Biden dhe Xi folën për herë të fundit në mars, menjëherë pas sulmit rus të Ukrainës.
"Kjo është një nga marrëdhëniet dypalëshe më të rëndësishme në botë sot, me shumë degëzime përtej të dy vendeve individuale," tha zoti Kirby.
Disa analistë besojnë se presidenti Xi gjithashtu ka interes për të shmangur përshkallëzimin pasi ai kërkon një mandat të tretë të paprecedentë në detyrë në një kongres të Partisë Komuniste në pushtet që pritet në vjeshtë.
Presidenti Biden dëshiron gjithashtu të diskutojë çështjet e klimës dhe konkurrencës ekonomike, tha një person i informuar për bisedën, si dhe idenë e vendosjes së një kufiri të çmimit të naftës ruse për të ndëshkuar Moskën për luftën e saj në Ukrainë, një çështje që Sekretarja e Thesarit Janet Yellen e ngriti me homologët kinezë më herët në korrik.
Administrata Biden ka debatuar nëse do të heqë disa tarifa për mallrat kineze si një mënyrë për të lehtësuar inflacionin në rritje. Kur presidenti Biden foli për herë të fundit me homologun Xi në mars, ai paralajmëroi për "pasoja" nëse Pekini do të jepte mbështetje materiale për luftën e Rusisë, dhe qeveria amerikane beson se kjo vijë e kuqe nuk është kaluar. Tajvani është ankuar për manovra të shtuara ushtarake kineze gjatë dy viteve të fundit për ta detyruar atë të pranojë sovranitetin e Pekinit./VOA
Pamje nga Greqia ATHINË- Ka degjeneruar në akte dhune protesta e grupeve anarkiste në kryeqytetin grek. Protestuesit kërkonin lirimin n...
Aleksandër Vuçiç BEOGRAD- Presidenti i Serbisë, Aleksandër Vuçiç, tha se është i shqetësuar n&eum...
Euro ITALI- Punonjësit e një kompanie mbeturinash në Romano d'Ezzelino, në zonën e Vicenzës, nuk u kanë besuar syve...
Laura Nuttall BRITANI E MADHE- Një grua e re britanike, e cila u diagnostikua me kancer në tru në vitin 2018, hoqi nga lista e dëshirav...
Parlamenti europian FRANCË- Zbulimet e fundit kanë treguar se disa zyrtarë kanë rënë pre e hackerimeve. Agjencia Reute...
Foto ilustruese GJERMANI- Qyteti gjerman i Hanoverit ka fikur ngrohjen, ndërsa qytetarët po lahen me dushe të ftohtë në të gj...
Foto ilustruese GJERMANI- Inflacioni ra për të dytin muaj radhazi, duke arritur në 7.5 për qind në qershor. Por edhe pse inflacion...
Albin Kurti SHBA- Kryeministri i Kosovës, Albin Kurti është duke qëndruar ditën e sotme në Uashington, pas nënshkrimit t...
Hashim Thaçi Vonesat nga Zyra e Prokurorit të Specializuar në Hagë (ZPS) sa i përket nxjerrjes së materialeve shfajësu...
Kyriakos Mitsotakis GREQI- Kryeministri Kyriakos Mitsotakis dërgoi një mesazh të qartë për provokimin turk në një inter...
