Përshkallëzohet situata në Lindjen e Mesme/ SHBA vijon bombardimet, Irani përgjigjet me sulme në shtetet e Gjirit
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Atentati në Sarandë/ Si u organizua sulmi ndaj 50-vjeçarit, dyshimet për arratisjen me skaf 18 Korrik, 10:00 ...
Plani ndjek një afat kohor që fillon me marrjen e kontrollit të sigurisë së Gazës nga një komitet teknokratësh palestinezë, të mbështetur nga SHBA-të dhe përfundon me tërheqjen e plotë të forcave izraelite pasi të konfirmohet se Gaza është e lirë nga armët.
GAZA- Hamasit do t'i kërkohet të lejojë shkatërrimin e tuneleve në Gaza, ndërkohë që do t'i dorëzojë armët në faza gjatë një periudhe tetëmujore, bazuar në një plan çarmatimi të paraqitur nga "Këshilli i Paqes" i Presidentit të SHBA-së, Donald Trump. Plani ndjek një afat kohor që fillon me marrjen e kontrollit të sigurisë së Gazës nga një komitet teknokratësh palestinezë, të mbështetur nga SHBA-të dhe përfundon me tërheqjen e plotë të forcave izraelite pasi të konfirmohet se Gaza është e lirë nga armët.
Çarmatimi i Hamasit është një problem kritik në bisedimet për të zbatuar planin e Trump për Gazën dhe për të konsoliduar armëpushimin e tetorit që i dha fund dy viteve luftë. Hamasi ka refuzuar prej kohësh kërkesat për të dorëzuar armët, të cilat besohet se janë transportuar dhe ruajtur kryesisht në tunele në Gaza. Nga ana tjetër, Izraeli thotë se nuk do të pranojë të tërhiqet nga Gaza pa çarmatimin e plotë të Hamasit.
Një zyrtar palestinez i afërt me bisedimet tha se plani ishte i padrejtë dhe se ai priste që Hamasi të kërkonte disa "modifikime dhe përmirësime". Zyrtari, i cili foli në kushte anonimiteti për shkak të natyrës së ndjeshme të negociatave, tha se plani nuk ofronte garanci se Izraeli do të përmbushte detyrimet e tij. Zyrtari tha se, ai do të krijojë rrezikun e një rifillimi të luftës duke lidhur rindërtimin dhe përmirësimin e kushteve të jetesës me çështje politike, të tilla si çarmatimi.
Këshilli i Paqes ia paraqiti planin Hamasit javën e kaluar. Hamasi nuk ka komentuar publikisht mbi të. Një zyrtar i Hamasit tha se grupi po e studionte dokumentin. Dje, tre fraksione të tjera palestineze, përfshirë Xhihadin Islamik, lëshuan deklarata që kritikonin planin, duke thënë se ai i jep përparësi të padrejtë çarmatimit mbi rindërtimin dhe tërheqjen e trupave izraelite.
Plani përfshin dy komponentë: një dokument me 12 pika të titulluar "Hapat për të Përfunduar Zbatimin e Planit Gjithëpërfshirës të Paqes të Trump për Gazën" dhe një orar pesëfazor gjatë të cilit Hamasi do të dorëzojë armët e tij gjatë një periudhe tetëmujore. Dokumenti thotë se të gjitha fraksionet e armatosura në Gaza, duke përfshirë grupe të tilla si Xhihadi Islamik, do të marrin pjesë në një proces çarmatimi të mbikëqyrur nga teknokratët palestinezë, një grup i njohur si Komiteti Kombëtar për Administrimin e Gazës (NCAG).
"Gaza do të qeveriset në bazë të parimit të 'një autoriteti, një sistemi ligjor, një ushtrie', ku vetëm personat e autorizuar nga (NCAG) mund të posedojnë armë dhe të gjitha fraksionet e armatosura do të ndërpresin aktivitetet ushtarake", tha dokumenti.
Procesi i çarmatimit do të verifikohet nga Komisioni i Verifikimit të Grumbullimit të Armëve, një organ që do të krijohet nga Nickolay Mladenov, i dërguari kryesor i Këshillit të Paqes, sipas dokumentit. Rindërtimi do të lejohet vetëm në zonat që do të përcaktohen të demilitarizuara, thuhet në dokument.
Plani tetëmujor i çarmatimit
Armëpushimi i tetorit e la Izraelin nën kontroll të më shumë se gjysmës së Gazës, me Hamasin që kontrollon gjysmën tjetër të enklavës dhe dy milionë banorët e saj, shumica e të cilëve janë të pastrehë pas dy vitesh bombardimesh të pamëshirshme izraelite. Hamasi, i cili është i përkushtuar ndaj rezistencës së armatosur dhe është zotuar të shkatërrojë Izraelin, ka hedhur poshtë publikisht kërkesat për çarmatim në muajt e fundit.
Por në diskutime private, zyrtarët e Hamasit kanë thënë se janë të hapur për çarmatim për sa kohë që kjo shkon krah për krah me një proces politik që çon në krijimin e një shteti palestinez. Plani me 12 pika nuk përmend asnjë shtet palestinez apo pavarësi.
Sipas orarit të planit, gjatë fazës së parë, e cila do të zgjasë 15 ditë, NCAG do të marrë kontrollin e sigurisë dhe administrativ të Gazës dhe do të fillojë hapat përgatitorë për mbledhjen e armëve. Në fazën e dytë, ditët 16-40, Izraeli do të largojë të gjitha armët e rënda nga zonat nën kontrollin e tij, duke përfshirë artilerinë e rëndë dhe automjetet e blinduara, dhe do të vendoset një forcë ndërkombëtare sigurie.
Faza e tretë, ditët 31-90, do të jetë më intensivja: Hamasi do t'ia dorëzojë të gjitha armët e tij të rënda dhe pajisjet ushtarake NCAG-ut dhe "do të lejojë shkatërrimin e të gjitha tuneleve, eksplozivëve dhe infrastrukturës ushtarake".
Në fazën e katërt, ditët 91-250, forcat policore të NCAG-ut do të mbledhin dhe regjistrojnë të gjitha armët e mbetura, përfshirë pushkët. Forcat izraelite fillojnë të tërhiqen në faza. Faza e pestë përshkruhet si verifikimi përfundimtar i çarmatimit, dhe në të forcat izraelite tërhiqen plotësisht nga Gaza, përveç pranisë së tyre në një perimetër sigurie, dhe fillojnë përpjekjet për rindërtim gjithëpërfshirës./Dosja.al
Foto ilustruse Kërkohet menaxhim i menduar i krizave: pas sulmit të parë të SHBA-së dhe Izraelit, si dhe vrasjes së figurave ...
Foto ilustruse Parlamenti Evropian synon të ndalojë sistemet e inteligjencës artificiale të afta për të gjeneruar imazhe arti...
Friedrich Merz Kancelari Friedrich Merz pati vetëm disa minuta në Bundestag gjerman të mërkurën pasdite ...
Rrjetet sociale AUSTRI- Austria po planifikon të ndalojë përdorimin e mediave sociale për fëmijët në...
Marco Rubio Sekretari amerikan i Shtetit, Marco Rubio, mbërriti në Francë të premten në mëngjes herët, duke iu bashkuar ...
Jeffrey Epstein SHBA- Viktimat e skandalit Epstein ngritën një padi kundër qeverisë amerikane dhe Google, pasi janarin e kalu...
Foto Ilustruese DUBAI- Emiratet e Bashkuara Arabe e kanë lënë të hapur mundësinë e pjesëmarrjes në një grup nd...
SHBA- Gazeta “Wall Street Journal” raporton se Presidenti i SHBA-së, Donald Trump, po shqyrton mundësinë e dërgimit...
IRAN- Në orët pasi SHBA-të dhe Izraeli filluan të kryenin sulme të përbashkëta ndaj Iranit më 28 shkurt...
Teksa qeveritë në Azi po shkurtojnë javën e punës për të kursyer energji në kushtet e luftës me Iranin, punonj&eu...
