Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANË-Vëzhgimi i Vëllait të Madh, që kur u krijua si simbolikë 73 vjet më parë nga Orwell, që kur u praktikua nga regjimet diktatoriale të para dhe pas Luftës së Dytë Botërore, kishte si qëllim njohjen e shoqërisë. E vetmja mënyrë për të mbajtur një pushtet antipopullor, ishte njohja e mendimeve të shoqërisë, e shijeve politike, e aktivitetit të kundërshtarëve, në mënyrë që kontrolli mbi të, nëpërmjet represionit dhe propagandës të ishte sa më i efektshëm.
Lindja e Reality Show-t jo më kot kulmoi me formatin Big Brother, që vëzhgonte të gjitha kategoritë sociale brenda një shtëpie. Ai ishte një kampion i survejimit të shoqërisë, një kampion për njohjen e saj. Emri i huazuar nga libri “1984”, jepte që në lindje të njëjtën ide, survejim laboratorik i një kampioni të shoqërsië, megjithëse këtë herë si show, nga sytë e gjithë publikut.
Si një reality show, si një format që nuk prodhon asgjë përveç vëzhgimit të ditëve të zakonshme të disa njerëzve, BB është një program që edukon shoqërinë me dembelizmin, vëzhgimin e të tjerëve, harresën e prioriteteve, banalitetin, ndaj konsiderohet si “trash”, prodhim komercial që dëmton shikuesin. Me një përfitim për sociologët dhe politikanët – për të krijuar një ide të qartë për shoqërinë. Si edukohen, si mendojnë, si vishen e si sillen, kategori të ndryshme sociale.
Nga dje, u mbyll BBV. Big Brother Vip, ishte një grafi e elitës së spektaklit dhe pjesërisht artit, e atyre që janë njohur nga televizioni për një aftësi më shumë spektakolare se artistike. Pjesëmarrësit qysh në nisje të spektaklit në fund të shtatorit 2021, spikatën për komerçializmin e tyre. Modele, aktorë kabaresh, moderatorë të disa brezave u bënë bashkë në një shtëpi. Ky eksperiment televizivo-social futi në shtëpi edhe një balerin, Ilir Shaqirin, i kurorëzuar tashmë si fitues dhe aktorin Donald Veshaj. Diferenca kulturore u vu re që në fillim të lojës, dhe finalja ishte pasqyra e qartë e përplasjes mes brezave. Shikuesit panë një Donald të përzier italo-shqiptar, një Beniad italo-shqiptare, një Einxhell që solli në ekran kulturën urbane dhe Donaldin, nga kultura suburbane.
Diferencat mes tyre nxorrën fitues balerinin 49-vjeçar, që e nisi lojën e tij i heshtur, e vazhdoi si protagonist për të mbyllur me moralin e fituesit.
Si u kthye Big Brother Vip në shoqëruesin e çdo shqiptari
Edhe pse mendohej se media dixhitale do ia zbehte famën dhe audiencën BBV, e kundërta ndodhi. Shumëfishimi i ngjarjeve që ndodhën brenda shtëpisë në mijëra tituj portalesh i dha BBV një rol absolut të padiskutueshëm për nga shifrat e shikueshmërisë. Për finalen e Big Brother Vip, shqiptarët bënë rezervime në lokale, ndërsa baret dhe restorantet vendosën ekrane gjigantë ku mund të ndiqej spektakli. Njësoj si për finalen e Botërorit apo Champions League, tifozëritë ishin dy. Edhe nëse preferencat e lojtarëve të tjerë, lidhen drejt me këto dy tifozëri. Ajo që surprizoi këdo, e me gjasë edhe vetë pjesëmarrësit në BBV ishte bumi i madh i shikueshmërisë. Spektakli ia kaloi çdo prodhimi të ngjashëm aktual në TV. Përputhen u varros, ndërsa show-t e tjerë u detyruan të mbajnë temat e BBV për të thithur shikueshmërinë që iu kishte ikur njëherë e mirë. Edhe pse jo çdo gjë nuk shkon sipas standarteve në Shqipëri, BBV ia doli të rikthejë vëmendjen e publikut, tek ndjenjat e para njerëzore. Trajtimi i ankthit, dhunës ndaj gruas, ndjeshmërisë për më të dobëtit (rasti Fifi), miqësitë e lidhura në shtëpi (Sabian, Arjola, Ilir) dhe shkëndijat e dashurisë, ishin tema që për herë të parë u trajtuan dhe publiku u nda në dy kampe, një me balerinin Ilir Shaqiri dhe kampi tjetër me aktorin e humorit, Donald Veshaj.
Beteja e vjetër e re dhe modeli i dy brezave
Shumëkujt i ka rënë në sy me siguri zënka e balerinit me aktorin në një nga provat javore për të fituar provën e vendosur nga Vëllai i Madh. E qeshura e Donaldit dhe moskorrektësia gjatë kohës kur Shaqiri po iu shpjegonte banorëve të tjerë lëvizjet e kërcimit, u përdor nga balerini për të krijuar tek audienca profilin e njeriut të punës, që është i disiplinuar dhe respekton hierarkinë. Kaq u desh. Përplasjet nisën njëra pas tjetrës dhe të dy, mjaftueshëm inteligjentë për të kuptuar se konkurrentë kishin vetëm njëri tjetrin, nisën të përdorin të gjithë banorët e tjerë si gurë shahu në lojën e tyre. Deri në momentin kur njëri e kap tjetrin mat. Fati apo kalkulimi i gabuar e ndihmoi Ilirin të mundte Donaldin pas “gabimit” të aktorit në lidhjen e tij me Beatrix. Publiku që u çmend pas Donaldit në takimin me Borën, nuk mund të mos e kryqëzonte pasi ky i fundit i dha duart moderatores për një dashuri të re.
Kjo lëvizje, edhe pse asokohe Donaldit vetë mund ti jetë dukur përfituese, i dha fitoren Ilirit, për ti mbivendosur edhe betejën e vërtetë, atë të dy brezave. Në art dhe spektakël, njësoj si në politikë, po sundon e vjetra. Edhe pse balerini është një emër i madh dhe padyshim gëzon respekt për profilin e tij, ai ia doli të fitonte edhe falë një mendësie shqiptare se “burrat janë më të pjekur, e djemtë fëmjë”. Zgjimi herët, gatimi, ruajtja e rendit në shtëpi, nuk ishin thjesht zakone të mira. E gjitha në funksion të çmimit të madh dhe përvetësimit të audiencës. Dhe Donaldi, nuk e mendoi. I besoi egos së tij, batutave, pamjes dhe epitetit handsome, duke harruar se betejat e vërteta fitohen në fushën e betejës, jo në dhomën e rrëfimit dhe as në kopshtin e surprizave.
A duhet të fitonte Iliri? Koha iu jep ngjarjeve shije dhe kuptim, dhe me ecurinë e ngjarjeve do të kuptojmë a ishte e gjithë kjo çmenduri virtuale e kotë apo në bazë qendron lufta e drejtë, për të fituar më i forti, i cili nuk ka detyrimin të jetë edhe më i drejti…
Dosja.al
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
TIRANË- Mbrëmjen e djeshme finalja e spektaklit “Big Brother VIP”, dhuroi plot emocione të forta për katër finalistët. Të gjithë ata u suprizuan me një per...
TIRANË- Këngëtarja Flaka Krelani ka ironizuar fituesin e ‘Big Brother VIP’, balerinin Ilir Shaqiri dhe producenten Lori Hoxha. Flaka ka ripostuar një foto ...
TIRANË– Presidenti Ilir Meta mori pjesë mëngjesin e sotëm në homazhet për ndarjen nga jeta të shkrimtarit dhe poetit, Bardhyl Londos. Jashtë Kuvendit...
TIRANË-Mbrëmjen e së premtes, rrugët e qytetit të Fierit ishin thuajse të boshatisura dhe me shumë pak lëvizje. “Big Brother VIP” kishte gozhduar përpara e...
TIRANË– Veshja e Donald Veshajt mbrëmjen e kaluar në finalen e Big Brother VIP, tërhoqi jo pak vëmendje. Ai kishte veshur një kostum gri dhe shumë të...
TIRANË- Balerini Ilir Shaqiri e ka festuar fitoren me ushqime të thjeshta. Së bashku me Sabianin ai është shfaqur në rrjetet sociale duke ngrënë bukë me do...
TIRANË- Aktori i humorit Donald Veshaj, nuk u shpall si fituesi i edicionit të parë të ‘Big Brother VIP’ pasi çmimin e madh prej 100 mijë eurosh e r...
TIRANË– Për 4 muaj me radhë, qytetarët shqiptarë u mbajtën të gozhduar pas ekranit për të ndjekur hap pas hapi lojën e banorëve. Mbrëmjen e kaluar i ...
TIRANË– Këngëtarja Beatrix Ramosaj u fut mbrëmjen e djeshme në shtëpinë e Big Brotgher VIP duke surprizuar partnerin e saj Donaldin. Fillimisht &cced...
TIRANË– Në finalen e Big Brother VIP, Donald Veshaj u surprizua nga nëna e tij. Por, ajo që nuk mund t’i shpëtonte syve të teleshikuesve ishte ...
