Aktualitet

Mbyllet ‘Gjyqi i vitit’/ Bien akuzat për trafik droge, Gjykata dënon Tahirin për shpërdorim detyre: 3 vite shërbim prove!

  • Pse Saimir Tahiri mund të shijojë lirinë dhe nëse dënohet nga Gjykata
  • Tahiri mesazhe të koduara në gjykatë, thumbon Fatmir Xhafajn
  • Pas më shumë se 13 orësh përfundon "Gjyqi i vitit". Gjykata e Krimeve të Rënda dënon ish-ministrin e Brendshëm, Saimir Tahirin. Tahiri do të bëjë 3 vjet shërbim prove. Pas seancës, Tahiri ka ftuar gazetarët për të zhvilluar një takim. Mister mesazhi që do të përcjellë socialisti.

    TIRANË- Gjykata e Krimeve të Rënda ka shpallur fajtor për shpërdorim detyre ish-ministrin e Brendshëm, Saimir Tahirin.

    Gjatë dhënies së vendimit, trupa gjykuese ka hedhur poshtë akuzat për trafik drogë  dhe grup të strukturuar kriminal, duke e dënuar ish-ministrin me 5 vite burg. 

    Për shkak se ish-ministri përfiton gjykim të shkurtuar dhe rrjedhimisht përfiton ulje të 1/3 së dënimit, vitet e burgut do të konvertohen në 3 vite shërbim prove. Por sipas vendimit, Tahiri për 5 vite nuk duhet të kryejë funksione publike.

    Sipas Gjykatës ndaj Tahirit nuk ka prova por vetëm indicie, ndaj të gjitha akuzat për trafik droge kanë rënë.

    Në një prononcim për mediat pas vendimit, Tahiri u shpreh se e kishte të vështirë të kuptonte vendimin e marrë ndaj tij. Tahiri ftoi të gjithë gazetarët në një takim ditën e nesërme duke kërkuar të merrte kohën e duhur për të lexuar vendimin.

    Trupa gjykuese ka rrëzuar akuzat edhe për ish-kryepolicin e Vlorës Jaerd Çelën, i cili po ashtu si Tahiri u dënua me 3.4 vite burg për shpërdorim detyre.

    I etiketuar si “Gjyqi i vitit”, seanca për ish-ministrin e brendshëm Saimir Tahiri nisi që në orën 09:00, dhe në gjykatë Tahiri shkoi bashkë me avokatin Maks Haxhia dhe familjarë të tij. Në gjykatë nuk munguan as sot përfaqësues të ambasadës amerikane, të cilët e kanë ndjekur qysh prej fillimit procesin. 

    Për më shumë bëhu pjesë e grupit më viral në Facebook, Dosja.al

    Gjatë mbrojtjes së tij në gjykatë, Tahiri ka thënë se ka bërë detyrën si ministër, edhe kur në shtëpinë e tij u vunë bomba. Tahiri ka thumbuar pasardhësin e tij, Fatmir Xhafaj, kur tha se “ka ministra që s’mbajnë përgjegjësi për vëllezërit trafikantë”.

    Në orën 12:00, seanca gjyqësore u pushua dhe trupa gjykuese njoftoi të pranishmit në gjykatë se do të tërhiqeshin për të marrë vendimin, i cili u bë publik plot 9 orë më vonë.

     

    Në seancën e datës 10 shtatorit, Prokuroria kërkoi 12 vite burg për ish-ministrin,  që e konvertuar nga “gjykimi i shkurtuar”, ulet në 8 vite burg. Të njëjtën pretencë Prokuroria dha edhe për ish-kryepolicin e Vlorës, Jaeld Çelën.

    Tahiri u mbrojt vetë në gjykatë duke mohuar tre akuzat: ‘Trafikimi i narkotikëve’, në bashkëpunim, në formën e grupit të strukturuar kriminal, ‘Grup i strukturuar kriminal’ dhe ‘Kryerja e veprave penale nga organizata kriminale dhe grupi i strukturuar kriminal’ parashikuara nga nenet 283/a/1, 28/4/ dhe 333/a/2 të Kodit Penal.

    (F.g;k.m/Dosja.al)

    • 23:10

      Vendimi për Tahirin/ Berisha: Mafia e drogës nuk dënon veten

      Sali Berisha

      Ish-kryeministri Sali Berisha ka reaguar pas vendimit të gjykatës për të lënë në provë ish-ministrin e Brendshëm Saimir Tahiri për shpërdorim detyre. Në një postim në “Facebook”, Berisha shprehet se ky ishte një vendim i turpshëm, kurse ka shtuar se mafia e drogës në shtet nuk dënon veten.

      Postimi i Sali Berishës:

      Mafia e droges veten nuk e denon! Miq, parodia e procesit Tahiri qe sapo perfundoi, fakton ne menyre perfundimtare se mafia e droges veten nuk e gjykon dhe nuk e denon! Ky vendim i turpshem eshte i ngjashem me ato te karteleve, ne te cilat droga, trafiqet jane merite dhe jo krim dhe kumbaret kryesor mbrohen e nuk denohen. Narko prokuroria, siç kane faktuar mediat fakte thelbesore dhe prova perveluese te bashkepunumit te Saimir Trafikut me Habiljat, nuk i vendos dhe si trajton si te tilla ne aktakuzen e saj. Narko prokuroria kerkon per veprat penale qe e akuzon nga se paku 40 vite burg vetem 12 vite. Narko gjykatesit mezi priten ti kerkonin ndjese Saimir Trafikut se ishte i pafajshem, por te detyruar dhe vetem sa per sy e faqe te shqiptareve dhe nderkombetareve po te japin nje akuze koti per abuzim detyre dhe jo kurre per kanabizimin se bashku me shefin e madh Edvin Mafine te mbare vendit sepse ti o Sajmir Trafiku ke zbatuar vetem porosine e tij. Si perfundim miq, ky proces deshmon perfundimisht se per narkoshtetin e vetem dhe e te pare ne Europe shteti ligjor nuk ekziston. Vetem qytetaret shqiptar me guxim dhe sakrifica mund te nxjerrin fatin e tyre nga kthetrat e mafies se droges te kryesuar nga Edvin Mafia! Sb

    • 23:10

      “Po të dënojmë pak fare..”, mesazhi i Tahirit pak pas vendimit: Beteja ime sapo ka filluar

      Saimir Tahiri

      Ish-ministri i Brendshëm Saimir Tahiri pasi arriti t’i shpëtonte burgut, pasi u dënua me 3 vite e 4 muaj shërbim prove, ka thyer heshtjen përsëri. Përmes një postimi në ‘Facebook’ Tahiri paralajmëron të gjithë se beteja e tij sapo ka nisur, ndërsa ka risjellë në vëmendje një deklaratë të bërë në 1 nëntor të 2018-ës.

      Nuk te themi dot qe je i pafajshem, kshuqe po te denojme pak fare….keshtu e kuptova sot. Beteja ime sapo ka filluar.Faleminderit te gjitheve per mbeshtetjen”– shkruan Tahiri në Facebook.

    • 23:10

      Dënimi për Tahirin, Basha: Vendim i turpshëm, drejtësia peng i Ramës

      Lulzim Basha

      Lideri i Partisë Demokratike, Lulzim Basha ka reaguar pas vendimit të Gjykatës së Krimeve të Rënda për dënimin e ish-ministrit të Brendshëm Saimir Tahiri për shpërdorim detyre, duke i hequr akuzat që lidhen me trafikun e drogës.

      Në një postim në Facebook, Basha shkruan se drejtësia është peng e kryeministrit Edi Rama dhe ky i fundit është peng i Tahirit me dosjet e korrupsionit dhe lidhjeve me krimin, duke veçuar këtu dosjen e kokainës së Xibrakës ku sipas Bashës është përfshirë edhe vëllai i kryeministrit.

      Postimi i plotë i Lulzim Bashës:

      Vendimi i turpshëm për të mos bërë drejtësi për krahun e djathtë të Edi Ramës, që e mbushi Shqipërinë me drogë dhe e shndërroi atë në njollën e zezë të krimit në Europë, provon se drejtësia në Shqipëri është peng i Edi Ramës, dhe Edi Rama është peng i krimit.

      Vendimi i sotëm konfirmon se Edi Rama bëri gjithçka për ta mbrojtur Saimir Tahirin, sepse Saimir Tahiri e mban peng Ramën me dosjet e korrupsionit dhe të lidhjeve të tij me krimin, duke nisur me dosjen e kokainës së Xibrakës, ku është i përfshirë vëllai i Edi Ramës.

      Përsa kohë Edi Rama është në krye të qeverisë, në Shqipëri nuk ka për të patur drejtësi, krimi dhe të pushtetshmit do të jenë të paprekshëm, Shqipëria do të mbetet peng i krimit dhe shqiptarët më të varfër e më të papunë.

      Vetëm çlirimi i qeverisjes nga krimi do ti hapë rrugë drejtësisë së vërtetë dhe mirëqenies për të gjithë shqiptarët.

    • 23:10

      Tahiri në humor, bën “batuta” me gazetarët: Ruani veten nga kushërinjtë!

      Saimir Tahiri pas daljes nga Gjykata

      Pas vendimit të Gjykatës për Krimet e Rënda, ish-ministri i Brendshëm Saimir Tahiri ka ironizuar dënimin e tij.

      Në një prononcim për gazetarët menjëherë pas marrjes së vendimit, Tahiri tha se Gjykata e kishte shpallur të pafajshëm për akuzat por e kishte dënuar për shpërdorim detyre.

      Pyetja: Çfarë mendimi keni për drejtësinë shqiptare?

      Saimir Tahiri: E kam pak të vështirë. Për të gjithë kushërinjtë idiot që kemi në farë e fis duhet të mbajmë përgjegjësi? Ju falenderoj se keni ndjekur procesin e shekullit për dy vjet dhe u katandis kokoshi një thellë. Nesër do të lëmë një moment tjetër nëse keni terezinë që të më dëgjoni mua. Ruani veten nga kushërinjtë!

    • 23:10

      “Më lini ta përtyp”, ish-ministri-gazetarëve: Ta kishin bërë si burrat

      Ish-ministri Saimir Tahiri pas daljes nga gjykata ka thënë se vendimi ishte qesharak. Ai në mënyrë ironike ka thënë se më mirë ta kishin dënuar për trafik droge sesa dënimin që i dhanë.

      Do ishte mire ta kishin bërë si burrat, të më kishin dënuar për trafik se kështu si e bënë është qesharake. Isha më i qartë kur hyra.Më duket qesharake, se gjykata mua quan mu përgjegjës se pse kushërinjtë e mi më përmendim mua. Më duhet kohë ta përtyp. Unë jam shumë kureshtar të dëgjoj atë që nuk jam kriminel, nuk jam trafikant. Duhet ta gjej rrugën që të lexoj një vendim të tillë, për mua është qesharak, Duhet ta kishin bërë si burrat dhe të më dënonin. Më lini ta përtyp, se nuk di t’u them më shumë. Është si të shkosh në një provim dhe mësuesja të thotë ke mësuar shumë mirë po hajt po të vë një pesë”, deklaroi Tahiri pas daljes nga Gjykata.

    • 23:10

      U dënua me 3 vite shërbim prove, Tahiri ‘hap zemrën’ para të gjithëve: S’di të qaj a të qesh. Prisni deri nesër


      Ish-ministri i Brendshëm Saimir Tahiri është shprehur se nuk e ka kuptuar vendimin e marrë nga Gjykata, e cila e dënoi për shpërdorim detyre.

      Në fjalën e tij, Tahiri u shpreh se për dy vite u akuzua për trafik droge ndërsa në fund u dënua për shpërdorim detyre.

      Me sa kuptova, nuk jam kriminel dhe trafikant dhe jo pjesë e një grupi të strukturuar kriminal. Më lini ta përtyp, as qesh dhe as qaj dot. Nesër ju ftoj të mbajmë bashkë ca mendime. Mu duk një gjë e tipit, je i pafajshëm po sdimë ca të të themi. Më vjen keq që nuk iu them dot më shumë. Për dy vjet jam etiketuar si trafikanti më i madh i Shqipërisë. Sot Gjykata thotë jo nuk e ke bërë këtë por nuk e kuptova meqë kushërinjtë kanë përdurur emrin tim, unë kam bërë shëprdorim detyre. Iu ruajt zoti ju. Kjo është vetëm maja e betejës time. Prisni deri nesër se edhe mua më duhet kohë ta kuptoj këtë që ndodhi,”-tha Tahiri.

    • 23:10

      Saimir Tahiri shpallet fajtor, humb betejën me drejtësinë dhe dënohet 3 vite shërbim prove

      Ish-ministri i Brendshëm, Saimir Tahiri është shpallur fajtor nga Gjykata e Krimeve të Rënda pwr shpwrdorim detyre. Pas 2 vitesh në hetim dhe akuzë, Tahiri është dënuar nga gjykata, pas një procesi maratonë me 5 vite burg. Por për shkak të gjykimit të shkurtuar dënimi ulet me 1/3 dhe zbret në 3 vite e 4 muaj burg. Ky dwnim sipas kodit penal konvertohet në shërbim prove dhe me kusht që gjatë kësaj kohe të mos kryejë tjetër vepër penale dhe të mbajë kontakte me shërbimin e provës.

    • 23:10

      Tahiri hyn në sallë për vendimin, Rama e “përshëndet”, ja mesazhi i koduar

      Teksa ish-ministri i Brendshëm, Saimir Tahiri ka hyrë brenda në sallën e gjyqit për të mësuar vendimin e trupës gjykuese për akuzat e trafikur të drogës, kryeministri Edi Rama ka bërë një postim në rrjetet e tij sociale.

      Në postimin e tij, Rama ka bërë një postim për një shfaqje unikale në Shkodër të organizuar nga Drejtoria e Përgjithshme e Transportit Rrugor Shqiptar.

      Nuk dihet se përse ky postim u bë pikërisht në momentin kur u dha lajmi se Tahiri po hynte për të marrë vendimin, të jetë ky një mesazh i koduar?

      Postimi i Ramës:

    • 23:10

      Në pritje të vendimit, ish-ministri Tahiri i interesuar për publikun: Ç’mendim kanë për mua?

      Sajmir Tahiri

      Teska pritet  të jepet vendimi i formës së prerë për ish- ministrin Sajmir Tahir, dhe detaje të reja kanë dalë lidhur me momentet e pritjes. Burime për Dosja.al kanë mësuar se Tahiri ka zhvilluar një takim me gazetarët gjatë kësaj kohe, të cilët i ka pyetur rreth perceptimit që ka publiku rreth çështjes së tij. “Çfarë preceptimi ka publiku me çështjen time?,”-tha Tahiri.

    • 23:10

      FOTOT nga brenda Gjykatës, Saimir Tahiri futet në sallën e gjyqit për të mësuar fatin e tij

      Pas më shumë se 13 orësh, pritjes për vendimin ndaj ish-ministrit të Brendshëm, Saimir Tahirit i ka ardhur fundi.

      Dalin fotot nga brenda Gjykatës, ku Saimir Tahiri po futet brenda sallës së gjyqit ku edhe do të jetë vendimi për të.

    • 23:10

      Avokati Maks Haxhia: Gjykata nuk ka rrugë tjetër, të jap pafajësinë

      Maks Haxhia dhe Saimir Tahiri

      Maks Haxhia, avokat i Saimir Tahirit, ka komentuar në emisionin “Open” në Top Channel vonesën e Gjykatës së Krimeve të Rënda për të dhënë vendimin për ish-ministrin e Brendshëm.

      “Brenda orës 18:00 prisnim shpalljen e vendimit”, tha Haxhia, duke shtuar se “kjo vonesë nuk ka shpjegim tjetër veçse se trupi gjykues po shkruan të gjithë vendimin dhe jo vetëm dispozitivn”, u shpreh Haxhia.

      I pyetur se çfarë pret nga trupi gjykues, avokati theksoi: “e them me gjithë bindjen se gjykata nuk ka rrugë tjetër veçse të jap vendim pafajësie.”

      Maks Haxhia shpjegoi edhe mënyrën e mbrojtjes së Saimir Tahirit: “Në bashkëpunim me klientin ndamë dhe detyrat. Tahiri bëri përfaqësimin dhe kundërshtimin fakt pas fakti, duke hedhur poshtë të gjithë prezencën e tij në ndihmë të personave të inkriminuar. Unë bëra përfaqësimin nga pikëpmaja e interpretimit ligjor, parë në prizmin e konvektave ndërkombëtare.”

      Seanca në gjykatën për Krimet e Rënda nisi që në orën 09:00, dhe në gjykatë Tahiri shkoi bashkë me avokatin Maks Haxhia dhe familjarë të tij. Në gjykatë nuk munguan as sot përfaqësues të ambasadës amerikane, të cilët e kanë ndjekur qysh prej fillimit procesin.

      Marrë nga Top Channel

    • 21:40

      Tre gjyqtarët gati për të dhënë vendimin për Tahirin, avokati Maks Haxhia ‘braktis’ intervistën, largohet me urgjencë

      Avokati Maks Haxhia

      Tre gjyqtarët e dosjes së Saimir Tahiri duket se janë gati për të dhënë vendimin lidhur me rastin.

      Ish-ministri i Brendshëm Saimir Tahir mësohet se është futur para në sallën e gjyqit për të pritur atje gjyqtarët. Ndërsa avokati i tij, Maks Haxhia ka qenë duke dhënë një intervistë “live” për Top-Channel dhe është larguar me shpejtësi.

      Për largimin nga intervista, Haxhia është shprehur se i duhet të largohej pasi togat e zeza ishin gati për të dhënë vendimin.

    • 21:40

      Vendimi për Tahirin/ Avokati Maks Haxhia: Gjykata nuk ka rrugë tjetër, të jap pafajësinë

      Maks Haxhia dhe Saimir Tahiri

      Maks Haxhia, avokat i Saimir Tahirit, ka komentuar në emisionin “Open” në Top Channel vonesën e Gjykatës së Krimeve të Rënda për të dhënë vendimin për ish-ministrin e Brendshëm.

      “Brenda orës 18:00 prisnim shpalljen e vendimit”, tha Haxhia, duke shtuar se “kjo vonesë nuk ka shpjegim tjetër veçse se trupi gjykues po shkruan të gjithë vendimin dhe jo vetëm dispozitivn”, u shpreh Haxhia.

      I pyetur se çfarë pret nga trupi gjykues, avokati theksoi: “e them me gjithë bindjen se gjykata nuk ka rrugë tjetër veçse të jap vendim pafajësie.”

      Maks Haxhia shpjegoi edhe mënyrën e mbrojtjes së Saimir Tahirit: “Në bashkëpunim me klientin ndamë dhe detyrat. Tahiri bëri përfaqësimin dhe kundërshtimin fakt pas fakti, duke hedhur poshtë të gjithë prezencën e tij në ndihmë të personave të inkriminuar. Unë bëra përfaqësimin nga pikëpmaja e interpretimit ligjor, parë në prizmin e konvektave ndërkombëtare.”

    • 21:09

      Avokat Spartak Ngjela bën parashikimin: Vonesa është në favor, duhet të jetë ndarë Gjykata

      Spartak Ngjela dhe Saimir Tahiri

      Avokati i njohur Spartak Ngjela ka komentuar vonesën në dhënien e vendimit për ish-ministrin e Brendshëm Saimir Tahirin.  I ftuar në studion e lajmeve në RTV Ora tha se vonesa për dhënien e vendimit nga Gjykata e Krimeve të Rënda është në favor të ish-ministrit Saimir Tahiri.

      Vonesa është në favor të Tahirit. Duhet të jetë ndarë Gjykata. Ose pastaj vendosin ta japin që sot vendimin e arsyetuar, e kanë marrë vendimin dhe po e arsyetonë. Por kjo është më e zbehtë. Kurse më e sakta është kjo tjetra, do të ketë konflikt të brendshëm në Gjykatë. Nuk e di si do rrjedhi situata juridike e arsyetimit, por nëse është e vërtetë ajo e radarëve, që tha Tahiri, se ata e kishin provë të fortë fikjen e radarëve. Ky i paska gjetur të hequra radarët nga paraardhësit. Kjo është një provë e fortë në kuptimin e provave indirekte. Të shohim sa do ti arsyetojë Gjykata me pafajësi apo fajësi.Ai bëri mirë që hyri në betejë legale, e vetmja rrugë kjo ishte,”-tha Ngjela.

    • 21:09

      Vëzhgon hap pas hapi procesin e Tahirit, kush është e dërguara e SHBA-së te Krimet e Rënda?

      Gjykata e Krimeve të Rënda që prej mëngjesit është mbushur nga gazetarë dhe operatorë, të cilët vijojnë të jenë në pritje të vendimit për ish-ministrin e Brendshëm, Saimir Tahiri.

      Përfaqësuesja e Ambasadës Amerikane në Tiranë

      Vetë Tahiri u paraqit në Gjykatë përpara se ora të shënonte 09:00. Në hollin e ambienteve të Gjykatës, përveç gazetarëve dhe operatorëve që vijojnë të jenë në pritje të vendimit “final”, ndodhet edhe përfaqësuesja e Ambasadës së SHBA-së, e cila ka ndjekur nga afër këtë proces.

    • 20:31

      ME VIDEO: 10 orë në Gjykatë pa bateri, kujt ia besoi Saimir Tahiri telefonin për ta karikuar

      Kur kanë kaluar më shumë se 10 ora nga nisja e seancës për të, ish-ministri Saimir Tahiri nuk është larguar nga ambientet e Gjykatës së Krimeve të Rënda.

      Siç duket edhe në videon e siguruar nga brenda ambienteve të Gjykatës, Tahiri kishte lënë telefonin e tij për t’u karikuar.

      Mesa duket telefonin, ish-ministri ia kishte besuar shoferit të tij, i cili ndodhet bashkë me të për ta mbështetur brenda Gjykatës në pritje të vendimit.

    • 20:31

      I vetmuar dhe i ulur në shkallët e gjykatës, Tahiri pret me ankth vendimin ‘final’

      Saimir Tahiri në shkallët e gjykatës

      Kanë kaluar katër orë që kur trupi gjykues në Gjykatën e Krimeve të Rënda duhet të jepte vendimin për Saimir Tahirin, ish-ministër i Brendshëm, i akuzuar për tre vepra penale.

      Por të mbyllur në dhomën e këshillimit, tre gjyqtarët nuk kanë dhënë ende asnjë sinjal se janë gati të shpallin se çfarë kanë vendosur për ish-ministrin.

      Ky i fundit, siç shihet edhe nga fotot e siguruara nga gazetarja e Top Channel, Anila Hoxha, po pret me ankth i ulur në shkallët e Gjykatës. Tahiri shoqërohet edhe nga një person tjetër.

    • 20:12

      Rama nuk lihet i qetë as në Itali, ndjekësit i kujtojnë ish-ministrin: Tahiri livadhis nëpër Gjykata

      Edi Rama dhe Saimir Tahiri

      Kryeministri i Shqipërisë, Edi Rama ndodhet në Puglia të Italisë ku edhe po zhvillon takime nxitëse për ekonominë dhe turizmin.

      Në postimet e Ramës, komentuesit nuk kanë lënë pa thumbuar kreun e qeverisë lidhur me gjyqin e ish-ministrit të tij, Tahirit.

      Lëre nga ke qënë po shiko Tahirin që livadhis nëpër Gjykata,”-shkruan një prej komentuesve. 

    • 20:12

      Mes tensionit dhe ankthit trupa gjykuese ‘ngujohet’ për 3 orë në sallë, 4 opsionet për fatin e Tahirit

      Saimir Tahiri

      Trupa gjykuese e përbërë nga Ardit Mustafaj, Flora Hajredinaj dhe Irena Gjoka, është ‘kyçur’ në dhomën e konsultimit të Gjykatës së Krimeve të Rënda për më shumë se 3 orë për të marrë vendimin përfundimtar për Saimir Tahirin.

      Pritja lidhet me një debat të fortë mes gjyqtarëve, të cilët mesa duket nuk bien dakord për çështjen e vendimit. Tahiri u largua për pak orë për t’u rikthyer në orën 15:45

      Burime për dosja.al bëjnë me dije se qarkullojnë 4 versione lidhur me ‘fatin’ e Tahirit.

      Një version është: shpallja e pafajshme e ish-ministrit Tahiri dhe lirimin e tij nga të gjitha akuzat e ngritura nga Prokuroria. Një tjetër version është shpallja fajtor dhe pranimi i akuzave.

      Një opsion i tretë është riklasifikimi i veprës penale, që do të thotë se ish-ministri mund të shpallet fajtor vetëm për veprën penale të “shpërdorimit të detyrës”.

      Ndërsa, ekziston edhe një opsion i katërt sipas të cilit, asnjë prej gjyqtarëve mos jetë në një mendje me tjetrin e mos bien dakord duke mos marrë asnjë vendim final.

    • 19:41

      Pa xhaketa dhe të lodhur, Prokurorët në pritje të vendimit për Tahirin

      Vendimi për Saimir Tahirin, ish-ministër i Brendshëm, ishte parashikuar të jepej në orën 16:00, por ndërkohë që kanë kaluar më shumë se tre orë trupi gjykues nuk ka dalë ende me një vendim përfundimtar.

      Top Channel ka siguruar një foto nga brenda ambienteve të Gjykatës së Krimeve të Rënda, ku shihen prokurorët e çështjes që, ashtu si pala e akuzuar, ndodhen në pritje të vendimit.

      Pamje nga brenda Gjykatës

      Prokuroria e Krimeve të Rënda ka kërkuar 12 vite burg për ish-ministrin, por me gjykim të shkurtuar kërkesa përfundimtare shkon në 8 vite. Tahiri akuzohet për tre vepra penale: “trafikim i narkotikëve” në bashkëpunim në formën e grupit të strukturuar kriminal, “kryerja e veprave penale nga organizata kriminale”, “grup i strukturuar kriminal”.

    • 19:25

      Çastet e ankthit, ecejaket e Tahirit teksa pret vendimin final për gjyqin e jetës: Këtu vendoset fati im!

      Burime të Dosja.al brenda në Gjykatën e Krimeve të Rënda bëjnë me dije se Tahiri po e përjeton pritjen me shumë stres dhe ankth. 

      Mësohet se e vetmja mënyrë për të larguar disi stresin për Tahirin kanë qënë ecejakjet tek makina e tij dhe brenda ambienteve të Gjykatës. Gjithashtu edhe konsumi i cigareve. 

    • 19:25

      Pas 10 orësh togat e zeza ende pa vendim për ish-ministrin, kush i shkoi në Gjykatë Tahirit

      Saimir Tahiri

      Detaje të reja janë zbuluar nga gjyqi maratonë që po zhvillohet për ish-ministrin e Brendshëm, Saimir Tahiri.

      Burime për Dosja.al bëjnë me dije se trupa gjykuese vijon të qëndrojë në dhomën e këshillimit dhe po debatojnë lidhur me vendimin. Mësohet se disktutimi mes tre gjyqtarëve është i ashpër.

      Ndërkohë orët e pritjes kanë shkaktuar tension dhe ankth tek ish-ministri, i cili pasi trupa gjykuese u tërhoq u largua për pak orë për t’u rikthyer disa orë më vonë.

      Teksa pret vendimin me avokatin e tij Maks Haxhinë, Tahirit i janë bashkuar edhe shumë miq dhe dashamirë për t’i ofuar mbështetjen e tyre.

    • 16:18

      Merr fund pritja, pas 4 orësh rinis seanca për Saimir Tahirin

      Saimir Tahiri, ish-minister

      Rinis seanca për ish-ministrin e Brendshëm Saimir Tahirin dhe ish-kryepolicin e Vlorës Jaerd Çelën tek Gjykata e Krimeve të Rënda. Pas katër orësh të tërhequr, togat e zeza janë rikthyer në sallë për të komunikuar vendimin e marrë për atë që është etiketuar si “Gjyqi i vitit”.

    • 16:06

      A do të ndikohen gjyqtarët për Tahirin nga kanabizimi në 2016? Hoxha: SHBA po monitoron...

      Artan Hoxha, gazetar

      Gazetari Artan Hoxha u shpreh se vendimi për Saimir Tahirin nuk do të bazohet te kanabizimi i vendit në 2016, por te provat që prokuroria dorëzoi për ish-ministrin. “Sigurisht që trupi gjykues nuk e ka të lehtë se është në presion të madh politik, mediatik dhe diplomatik. Procesi monitorohet nga ambasada e SHBA-së, që do të thotë se i kanë kushtuar shumë rëndësi këtij procesi. Por duhet të shprehet në lidhje me provat. Procesi është me gjykim të shkurtuar.

      Ne nuk pamë dëshmitarë në gjyq, pasi palët ranë dakord që gjykimi të bëhet mbi dosjet që janë. Ka qenë njeriu më i shigjetuar nga opozita. Ne e dimë si nisi ky proces, nuk nisi për shkak të hetimeve të organit të akuzës. Hetimi nisi për shkak të një situate të caktuar në vend. Tahiri ishte larguar nga detyra, ishin bërë edhe zgjedhjet e përgjithshme dhe cështja ka nisur në fund të Tetorit. Tahiri kishte drejtuar ekipin e PS-së në Tiranë që rezultoi me 18 mandate dhe në këtë prizëm vinte pas zgjedhjeve. Dhe procesi nisi nga disa materiale të publikuara nga portalet” tha ai. Marrë nga Shqiptarja.com

    • 16:00

      Pak minuta e ndajnë nga vendimi, Saimir Tahiri bën GJESTIN e ndjerë, ndihmon operatorin në hyrje të gjykatës (VD)

      Ish-ministri i Brendshëm Saimir Tahiri ka mbërritur rreth 30 minuta më parë në ambientet e Prokurorisë së Krimeve të Rënda për tu mësuar me vendimin përfundimtar që do të merret ndaj tij lidhur me akuzat të cilat e kanë përfshirë në një process të tejzgjatur gjyqësor.

      Ndërsa ndodhej në shoqërinë e avokatit të tij, Maks Haxhia, tek porta e Prokurorisë është përplasur me një nga operatorët që po filmonte hyrjen e tij, teksa ish-ministri ka ndaluar pasi kamera gati sa nuk ka rënë në tokë, duke e ndihmuar ta mbante.

      Kujtojmë se kanë mbetur vetëm disa minuta kurSaimir Tahiri do të mësojë pas 3 viteshe vendimin që do të ndërmerret ndaj tij, ku më herët Gjykata e Shkallës së Parë kishte kërkuar 12 vite burg por për shkak të kërkesës së të pandehurit për gjykim të shkurtuar dënimi do të përkonte në 8 vite.

    • 12:36

      Tahiri qan në gjykatë? Flet avokati: S’ishin lot, ai është burrë! Zbërthen mesazhet e koduara…

      Maks Haxhia, avokati dhe Saimir Tahiri

      Avokati i Saimir Tahirit, Maks Haxhia, ka zbërthyer mesazhet e koduara të ish-ministrit të Brendshëm, Saimir Tahiri, të dhëna sot në sallën e gjyqit, në Gjykatën e Krimeve të Rënda, teksa kjo e fundit pritet të japë vendimin final në orën 16:00.

      Duke folur për për News24, për gazetaren Klodiana Lala, në përfundim të seancës gjyqësore, avokati Haxhia tha se është çmenduri të dënohet ish-ministri Tahiri, kur gjykata nuk ka as edhe një provë të vetme kundër tij.

      Prokuroria thotë që ka nisur hetimi që në vitin 2016 …
      Prokuroria tha që jeni neve ata që e kemi nisur në korrik 2016, ndërkohë që po në këto fashikuj, Tahiri dhe avokatët, rezultonte që Policia e Vlorës kishte informuar. Sot, ju referuan shkresave, që ishin pjesë e dosjes dhe që i ka futur vetë Prokuroria. Si ka mundësi që qenkan pjesë e bandës dhe po ata bëjnë kallëzim. Kjo Prokurori e pezulloi dosjen dhe e hapi pas katër muajve.

      Tahiri ka thënë se procesi ndaj tij është i montuar politikisht, si mendoni ju?
      Unë kurrë nuk e kam ngatërruar profesionin tim me politikën. Mbrojtjen time kam zgjedhur ta bëj në aspektin juridik. Ky proces nuk ka fat tjetër, ka vetëm pafajësinë.

      Tahiri ka përmendur Ramën, duke thënë se “nuk jemi ne shefat e mëdhenj në përgjime, Rama është shefi im i madh në politikë”, a mund ta zbërtheni pak mesazhin?
      Shqipja është e bukur dhe e larmishme. Tahiri tha “si e keni hetuar ju prokurorët që jam unë shefi i madh”, në kontekstin që prokurorët s’kanë bërë hetim. Tahiri thotë “aq të apasionuar jeni për të më bërë me faj, sa thoni se unë jam shefi i madh, kur unë kam qenë në takime zyrtare, me Komisionierin dhe pastaj me Ramën”. Tahiri thotë që “në krim nuk jam unë shefi i madh, por në politikë shefi i madh dihet kush është”.

      Akuzat e Tahirit se “ka persona me vëllezër trafikantë që s’mbajnë përgjegjësi” ishin për Xhafajn”
      Nuk është e vërtetë, unë e kuptova në një parim të drejtpërdrejtë dhe universal. Njeriu mban përgjegjësi vetëm për veprimet e veta. E ka në kontekstin që nuk mban përgjegjësi as për vëllain njeriu, dhe jo për kushërinjtë. Nuk ka lidhje me Xhafajn.

      Ishte thuajse në lot Tahiri …
      Nuk ishte në lot, ai ka dhënë mandatin për këtë, ka treguar se është burrë. Ishte një gjendje emocionale, sepse vihet në rrezik jeta e tij. Në vend që të vlerësohej për punën si ministër, ai vihet përballë akuzave, kur nuk ka asnjë provë. Të gjykosh ish-ministrin për vepra tepër të rënda, pa asnjë provë, është të ulërasësh, të hipësh mbi tavolina. Me aq sa e njoh dosjen dhe e njoh shumë mirë, nuk e di ku gjykata, në rast çmendurie, do ta gjejë një provë të vetme.

      A mundet gjykata të bëjë kualifikimin ndryshe të veprës penale, ta dënojë psh për shpërdorim detyre?
      Ligjërisht e ka një të drejtë të tillë. Nëse faktet nuk e bindin gjykatën se jemi përpara trafikimit, mund të japë shpërdorim detyre. Por, prapë duhet të gjejë ku e ka shpërdorur detyrën. Marrë nga Balkanweb.com

    • 12:08

      ‘Rama është shefi im i madh’, Tahiri nxjerr foton në gjykatë: S’ka bir k*rve, ju s’keni parë asgjë akoma

      Saimir Tahiri, ish-minister

      Zbardhet qendrimi i ish-ministrit të Brendshëm, Saimir Tahiri në seancën gjyqësore të zhvilluar sot në gjykatën e Krimeve të Rënda. Ish-ministri ka nxjerrë në gjykatë, disa faqe të gazetave dhe portaleve ku ai shfaqet me kryeministrin, dhe ka pretenduar se as Rama, as ai nuk janë “shefi i madh”, që përmendet në përgjimet e grupit Habilaj.

      “As unë dhe as Rama nuk mund të jemi ‘shefi i madh’, por në raport me politikën, sigurisht që ai ka qenë shefi im i madh”,-është shprehur ai.

      Tahiri është nervozuar në gjykatë, dhe nuk ka ndaluar me mesazhet e koduara, ku ka thumbuar Fatmir Xhafajn, por edhe momente të vështira të punës së tij si ministër i Brendshëm.”S’ka bir k***, nuk keni parë asgjë akoma. Kam punuar në krye të ministrisë së Brendshme edhe kur më vunë bombat tek shtëpia. Ajo që dua është vetëm drejtësi”-është shprehur Tahiri.

    • 11:56

      FOTO-LAJM/ Puthje e përqafime, fansat e zjarrtë të Tahirit jashtë gjykatës: Kush punon, dënohet!

      Është nën akuzë për trafik droge e grup të strukturuar kriminal, por kjo nuk e pengon të jetë një nga politikanët më të pëlqyer në Shqipëri. Kështu ka ndodhur edhe sot për ish-ministrin e Brendshëm, Saimir Tahiri, për të cilin pritet që gjykata për Krimet e Rënda të japë vendimin.

      Fansat e ish-ministrit e kanë pritur jashtë dyerve të gjykatës, ku ai ka dalë pas pushimit të gjyqit. Ata e kanë pritur duke i thënë: Ji krenar, kështu është këtu parimi. Kush punon dënohet!

    • 11:40

      'Jam i pafajshëm'/Tahiri shpërthen në gjykatë: Dhe të isha Saimir Habilaj s'do më dënonit

      Saimir Tahiri, ish-minister

      Dosja.al zbulon detaje nga dëshmia e ish-ministrit të Brendshëm Saimir Tahiri në Gjykatë. “Unë mbaj përgjegjësi për vëllezërit e atij që i shita makinën. Jam këtu i pandehur vetëm se shita një makinë. Ditën që ju më akuzoni se kam qenë me Habilajt, kam qenë në drekë me Ramën në Bruksel. Edhe të isha Saimir Habilaj, s’do të më dënonit  për vëllezërit”-është shprehur ish-ministri në gjykatë.

    • 11:36

      Seanca për Tahirin, gjykata e Krimeve të Rënda tërhiqet për të marrë vendimin

      Tërhiqet gjykata e Krimeve të Rënda për të marrë vendimin për Saimir Tahirin dhe Jaeld Celën. Burime për Dosja.al bëjnë me dije se vendimi për Tahirin do të jepet sot pas orës 16:00.

      Bashkë me Tahirin, gjykata do të japë sot vendimin edhe për ish-kryepolicin e Vlorës, Jaeld Cela, i cili do njihet me vendimin nga arratia.

    • 10:36

      Seanca për Saimir Tahirin, ambasada amerikane s'i ndahet ish-ministrit, përfaqësuesit zbarkojnë në gjykatë

      Saimir Tahiri

      Gjatë seancës gjyqësore që po zhvillohet sot në Gjykatën për Krimet e Rënda, ku pritet të jepet vendimi për ish-ministrin e Brendshëm, Saimir Tahiri, nuk mungon as vëmendja amerikane.

      Burime për Dosja.al, bëjnë me dije se në këtë seancë vendimtare, ndodhen përfaqësuesë të ambasadës amerikane, të cilët e kanë ndjekur me vëmendje të gjithë procesin “Tahiri” qysh prej nisjes së hetimeve.

    • 10:19

      Ndërpritet seanca te Krimet e Rënda për Tahirin

      Saimir Tahiri

      Gjykata e Krimeve të Rënda ka ndërprerë seancën për ish-ministrin Saimir Tahiri dhe ish-kryepolicin Jaled Çelën. Shkak i ndërprerjes është bërë  mungesa e disa nga provave kryesore për këtë dosje.

      Po kështu avokati i Jaled Çelës ka paraqitur disa dokumente ku thotë se ka denoncuar Habiljat. Pritet që seanca të nisë pak minuta më vonë.

    • 8:47

      Tahiri mbërrin te Krimet e Rënda, kush e shoqëroi

      Ministri i Brendshëm Saimir Tahiri mbërrin te Gjykata e Krimeve të Rënda,  i shoqëruar nga avokati Maks Haxhia.Tahiri nuk ka dhënë asnjë deklaratë për mediet. Menjëherë është futur në gjykatë.

    Shto Koment