Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
KOSOVË– Besnik Bllaca, nipi i familjes Bllaca, pesë anëtarët e të cilës mbetën një ditë më parë të vdkeur, ka treguar detaje nga kjo tragjedi. Në një lidhje live në emisionin “Me zemër të hapur”, Besniku është shprehur se kishte marrëdhënie të afërta me Valdeten dhe vëllezërit e saj. Ai tregoi se njëri nga vëllezërit e Valdetes, Besnik Bllaca gëzonte emër të mirë në Gjilan, ndërsa Fisniku, me dy fakultete punonte edhe kamerier.
“Shumë e rëndë për ne si familje kjo që ka ndodhur. Të humbësh 5 pjesëtarë të familjes është shumë e rëndë. Isha në punë në shtëpi dhe përmes internetit e mësova këtë krim të rëndë e menjëherë u ktheva. Deri sa kam ardhur akoma nuk më besohej që nuk ishin gjallë. Është shumë i rëndë ky rast dhe jemi të shokuar. Më dukej si ëndërr sepse të gjithë anëtarët kanë qenë të sjellshëm, të urtë, punëtorë. Realisht nuk kemi asnjë informatë pse ka ndodhur, si ka ndodhur, në çfarë rrethanash. Policia po heton. Xhaxhai dhe gruaja kanë qenë pensionistë. Valdetja kishte 18 vite në policinë e Kosovës. jemi takuar shpesh, kemi pirë kafe, nuk ka shfaqur asnjë shenjë agresioni. Po bëhen shumë spekulime. Kisha dashur shumë që mediat të mos spekulojnë pasi dhe për ne nuk është e lehtë kjo që ka ndodhur. Dyshimet e para janë që Valdetja i ka vrarë por ka edhe spekulime të tjera. Valdetja ishte 45 vjeçe, beqare, jetonte me prindërit dhe dy vëllezërit. Blerimi ka qenë 43 vjeç, ishte i papunë. Fisniku ishte 34 vjeç, moshatar me mua, një djalë që e ka dashur shumë vendin tonë, shtetin tonë por nuk ka arritur të fitonte një vend pune. Sipas disa informacioneve, kohët e fundit punonte si kamerier edhe pse i ka kryer dy fakultete. Njërin fakultet e ka bërë për kriminalistikë. Kishte shfaqur zhgënjim por jo indinjatë. Para 7-8 vitesh kemi konkurruar bashkë për t’u futur në Policinë e Kosovës por asnjëri nuk kemi arritur të futemi. Me Valdeten kemi udhëtuar shpesh nga Prishtina bashkë. Nuk është ankuar kurrë. Me Fisin shpesh kemi pirë kafe, Blerimin e kam takuar më rrallë. Me Valdeten ka 1 muaj e gjysmë 2 që nuk jemi takuar. Nuk më kujtohet të ketë shfaqur ndonjëherë shenja për atë çfarë ka ndodhur. Martesën e kemi diskutuar shpesh, meqë dhe unë dhe ajo ishim beqarë, e thoshte si ngelëm pa martuar, me shaka kështu. Rastësisht jemi takuar shpesh në qytet,”– tha nipi i familjes Bllaca.
Gjithashtu, në një lidhje live në emisionin “Me zemër të hapur”, një mik i të ndjerit Fisnik Bllaca, duke dashur që të ruaj anonimatin, pohoi se Valdete Bllaca kurrë nuk do të bënte diçka të tillë kundër familjes. Ai theksoi se i vetmi që ka pasur probleme të shëndetit mendor në familje ka qenë vëllai i madh, Blerimi, ndërsa e lidh këtë të fundit me ngjarjen. Ai theksoi se Blerimi mund të ketë qenë ai që ka vrarë si fillim prindërit dhe më pas Fisnikun, dhe pasi Valdetja ka parë me sy tragjedinë, është kundërpërgjigjur me armë dhe më pas ka vrarë dhe veten.
“Jam shok i ngushtë i Fisnikut. I kam njohur viktimat. Media dje ka bërë një tragjedi të dytë në Gjilan, që e kanë trajtuar si rast shoëbizi. Duhet të jemi të kujdesshëm në fatkeqësi, tragjedi të tilla. Më pasi kemi përgjegjësi për familjarët e tjerë që kanë përjetuar një vuajtje të madhe. Janë daje, xhaxhallarë, tezet, janë prekur nga këto lajme. Ky rast është një fatkeqësi që në një mënyrë ka dorë dhe shteti. Sikur Fisniku të ishte pjesë e ndonjë pune, institucion, ai do të ishte ai patrioti që e kam njohur gjithmonë. Ai shqiptari i vërtetë, që ka dashur shumë shtetin më shumë se veten. Spekulimet duhet të ndalen deri në versionin final të mjekësisë ligjore. Pasi mendoj se do të trajtohet rasti me sinqeritetin më të madh. Se besoj se ka ndodhur ngjarja siç është parashtruar nga mediat. Ne kemi pasur shoqëri të hershme. Mendoj se ka diçka tjetër që nuk thuhet. Ajo ka kaluar mbi 45 vite të jetës në përkushtim të familjes. Ka qenë pjesë e strukturave të larta të policisë, edhe pse jo e graduar, pjesë e linjës komanduese. 3 vitet e para ka jetuar në Prishtinë, pjesën tjetër ka udhëtuar drejt Gjilanit cdo ditë. Gjatë studimeve, ajo është përkujdesur për gjithçka. Bënte gjithçka për Fisin. Edhe po ta shihja me sytë e mi se Valdetja e ka vrarë Fisin, s’do e kisha besuar. Valdetja e ka pasur idhull. S’dua të spekuloj. Disa informata, dhe unë dhe shoqëria, i vetmi version që mund të më bind ky; vëllai i madh ka vrarë babain dhe nënën dhe më pas Fisin, pasi mund të ketë qenë duke fjetur. Pasi çdo natë qëndronte pa gjumë, e ka fjet në mëngjes…Mister është se ky e ka gjetur armën Blerimi. Valdetja, pasi ka parë masakrën që ka ndodhur në familje, ka vrarë Blerimin dhe më pas veten. Blerimi ka pasur probleme të shëndetit mendor dhe sipas informatave që kam, ai ka kohë që ka shkaktuar konflikte brenda familjes. Mungesa e përgjegjësisë institucionale për te trajtuar njerëzit me probleme psiqike ka shkaktuar krimin. Fisniku është shprehur se vëllai ka pasur probleme të shëndetit mendor. Unë nuk njoh dikë në qytet që të ketë pasur një probleme me Fisin apo babain e tij. Blerimi ka shkaktuar probleme gjatë gjithë kohës. Dhe Fisi, në vendin e punës që ka punuar më herët, është larguar me vullnet që të jetë pranë familjes. Në aspektin profesional dyshoj se janë dy armë në vendngjarje dhe se si ka ardhur arma tek blerimi, ky është misteri pasi s’jam pjesë e hetuesisë. Pasi do të ishte zbardhur ngjarja shumë shpejt. Unë dyshoj se trupat e prindërve janë gjetur në bodrum, apo katin përdhes, ndërsa Fisi në shkallë i vrarë. Nuk e di ku janë gjetur Blerimi dhe Valdetja. Ju lutem që ta trajtoni rastin me seriozitet dhe jo si rast shoëbizi. Duhet të hulumtohet se cilat shtëpi kanë njerëz me probleme të shëndetit mendor që të shmangen probleme të tilla.”
News 24 ka udhëtuar drejt Kosovës ku ka folur më dëshmitarë dhe të afërm të familjes Bllaca. Në një intervistë për Bezatin, fqinji i familjes Bllaca, Ismail Xhelili pohoi se ata nuk kishin pasur asnjëherë probleme. Po ashtu ai tregoi se lajmin e kishte marrë vesh nga gruaja e tij. “S’kemi pasur kurrë probleme. Kemi shumë vite këtu me ta. Kanë qenë njerëz shumë të urtë. Kemi pasur marrëdhënie të mira. Njohja jonë ka qenë si komshinj, një mirëdita, një mirëmëngjes. Nuk kemi pasur informacion për probleme me shëndetin. Marrëdhëniet e tyre me sa kemi parë ne kanë qenë të mira. Babai ka punuar më parë në kombinat të tekstileve, tani ka qenë në pension. Vëllezërit kanë qenë pa punë.
Kam qenë në lokal dje e më kanë thirrur më kanë thënë se ka ndodhur një vrasje. Kam ardhur menjëherë dhe kam parë çfarë ka ndodhur. Ishin familje shumë e mirë, nuk kanë pasur probleme,”- tha fqinji i viktimave.
Nga ana tjetër, ditën e sotme policia e Kosovës ka pezulluar 4 efektivë Alban Ramushi, komandant, Naser Rrahmani, zëvendës komandant, Negovan Mihaljovic dhe Xhavit Azizi. Ata akuzohen për “Keqpërdorim i pozitës apo autoritetit zyrtar”
Kosova u trondit një ditë më parë nga një masakër brenda familjes. Ngjarja ndodhi në mesditë dhe në lagjen Bujanina në Gjilan. Autorja e krimit, Bllaca kishte qenë pjesë e Stacionit policor të Gjilanit për 18 vite por ishte pezulluar për shkak të problemeve psiqike që kishte pasur. Muaj më vonë, ajo ishte rikthyer në detyrë si pjesë e stafit civil, gjë që nuk e lejon të mbajë armë, por kishte ruajtur atë të mëparshmen.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
KINË– Qeveria kineze ndërkohë që vendi gjendet në një kaos për shkak të Koronvirusit që po merr mijëra jetë njerëzish, i ka hequr 3 gazetarëve Wall Street ...
Gjermani– Këshilli Qendror i Myslimanëve, shoqata turke, Ditib dhe Komuniteti i Bashkësisë Islame, Milli Görüs kanë kërkuar së fundmi mbrojtje më të mirë ...
KINË– Ditën e sotme mediat e huaja kanë shkruar se numri i të shëruarve nga virusi në Kinë ka kaluar për herë të parë numrin e rasteve të konfirmuara me vi...
MBRETËRI E BASHKUAR– Me një listë të gjatë meshkujsh në telefonin e saj, Frankie Considine filloi të fliste me dhjetëra burra njëkohësisht, duke kryer edhe...
SHBA – Richard Allen Grenell, Ambasadori aktual i Shteteve të Bashkuara në Gjermani, njëkohësisht edhe i Dërguari i Posaçëm i presidentit amerikan Donald...
HONG KONG– Sot numri i viktimave në Kinë si shkak i Koronavirusit ka arritur në 2 mijë e 9 persona, ndërsa të infektuar nga ky virus vdekjeprurës janë konfirmua...
SERBI– Me gjithë spekulimet përpara vizitës, Shoigu ka qëndruar këtë javë në Serbi pa sistemin raketor “Pancir S1”, të cilin Serbia e ka blerë nga Rusia.S...
AUSTRALI– Të paktën katër njerëz kanë humbur jetën tragjikisht në Australi pas aksidentit të rëndë ajror mes dy avionëve, ditën e djeshme rreth orës 11:30.Sipas...
SHBA– Një grua që priti derisa të mbushte 41 vjeç për të humbur virgjërinë, ka zbuluar se po pret fëmijën e saj të parë me burrin e saj.Amanda McCracken,...
RUSI– Koronavirusi ka vrarë mbi 2,000 njerëz në Kinë dhe po vazhdon të përhapet në të gjithë botën,ndërkohë ka krijuar panik në çdo shtet të botës, pasi...
