Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
KAVAJË– Kryetari i Partisë Demokratike Lulzim Basha është ndalur për një vizitë tek xhamia e Kavajës. Mes personave që takoi ishte edhe Kleri për të cili Basha u shpreh se ka një rol të pazëvendësueshëm në shoqëri.
Basha u kërkoi ndjesë bashkësive fetare teksa shtoi se Partia Demokratike ua ka borxh rikthimin e pronave.
Pjesë nga biseda mes tyre:
Lulzim Basha: Si jeni? A jeni mirë?
Besnik Leçini: Edhe ma mirë do të jemi mbas 25 prillit
Lulzim Basha: Faleminderit, mirupafshim, faleminderit! Selam Alekum!
Besnik Leçini: Alekum Selam!
Lulzim Basha: Mirë se të gjej!
Besnik Leçini: Mirë se na erdhët. Këtu jeni në xhaminë e qendrës së qytetit të Kavajës. Xhami e cila është inaguru në vitin 1994. Ndodhet në vendin që ka qenë xhamia e parë.
Lulzim Basha: E vjetër.
Besnik Leçini: E vjetra është shembur në 67-tën. Kemi edhe një foto brenda të xhamisë së vjetër, kur kuptohet…
Lulzim Basha: Siç ka qenë para se ta prishnin?
Besnik Leçini: Po.
Lulzim Basha: Sa herë kam ardhur në Kavajë më është thënë që Kavaja e ka përjetuar si dramë shkatërrimin e xhamisë dhe e ka përjetuar si festë kurë mbas demokracisë deputeti i Kavajës Sali Berisha ka qenë i pranishëm kur është inagurua xhamia. Është e vërtetë dhe e kujtojmë atë ditë, sheshi ka qenë mbushur plot. Sheshi ka qenë mbushur plot. Për ne nuk ka gjë më të rëndësishme, për një komb sesa familja, besimi në zot edhe liria. Këto të treja bashkë e mbajnë shoqërinë bashkë edhe e bëjmë kombin të përparuar. Të treja këto themele i shkatërroi komunizmi. Familjen e shkatërroi me njeriun e ri. Fenë e mbylli. Lirinë e burgosi. Prandaj, për ne si Parti Demokratike, si demokrat, të treja këto janë shtylla të rëndësishme të çuarjes së Shqipërisë përpara. Familja është në qendër të programit tonë. Liria është motori i zhvillimit. Besimi në zot është ajo që i jep vlera shoqërisë dhe ju falënderoj nga zemra ju, gjithë klerin e Kavajës dhe gjithë klerin shqiptar, myslimanë por dhe katolikë e ortodoksë dhe protestantë e të gjithë feve të tjera, të gjithë bashkë, sepse bëni një detyrë të jashtëzakonshme për ti nxitur këto vlera, për ti mbajtur familjet bashkë në një kohë shumë të vështirë për familjet. Familja shqiptare po kalon një krizë të thellë, që na e kanë thelluar edhe më shumë varfëria e këtyre tetë viteve. Dhe për ti dhënë kurajo njerëzve që të ndjekin rrugën e duhur, mos të humbin rrugën, në veçanti kur ata që duhet të japin shembullin për rrugën e duhur, nuk janë shembujt e duhur. Kështu që më shumë se kaq nuk dua të them, sepse nuk dua të bëj politikë me fenë por dua t’ju falënderoj sepse e di që asnjëherë nuk është e lehtë por në veçanti në kohë krize ekonomike, në kohë varfërie, në kohë kur njerëzit kanë humbur shpresën, kleri ka një mision të veçantë. Besimi në zot është një forcë e jashtëzakonshme që ti rikthehet shpresa që nesër do kemi një Shqipëri të mirë, një Shqipëri me mundësi për të gjithë dhe një Shqipëri të vlerave dhe jo të anti-vlerave.
Grida Duma: Ka ndihmuar dhe këto kohë COVID-i shumë kryetar sepse unë jam mahnitur dua të them në momentet kur kam dëgjuar njerëz që kanë humbur shumë jetë njerëzore këtu dhe të gjithë besimtarët me besim që kanë në zot arrijnë ta përballojnë fatkeqësinë një çik më shumë dhe
Besnik Leçini: Patjetër!
Grida Duma: Dhe është e mahnitshme se çfarë bën besimi qytetar këtu!
Besnik Leçini: Nga kontaktet që kam me imamët, prania e tyre ndikon së tepërmi në zbutjen e dhimbjeve që ata përjetojnë ndaj nga programi që kemi lexuar na pëlqen edhe interesi për rikthimin e pronave të komuniteteve fetare dhe se ana ekonomike ndikon së tepërmi në përgjithësi. Ne jemi institucione që mbahemi me kontribute e të tjerëve
Lulzim Basha: Sigurisht!
Besnik Leçini: Nëse familjet e njerëzit në përgjithësi janë dobët nga ekonomia normalisht dhe kontributet për institucionet, por shpresojmë që të bëhet më mirë!
Lulzim Basha: Rikthimi i pronave është një borxh që Partia Demokratike ja ka klerit kudo në Shqipëri. Kishave, xhamive, teqeve kudo. Meqë e hape këtë dua ta filloj me një kërkesë ndjese se ne duhet ta kishim mbyllur këtë proces shumë më herët por të jap fjalën se ne do ta mbyllim këtë proces me klerin kudo ku të jetë, me komunitetin mysliman, me kishën ortodokse, me kishën katolike, me bektashinjtë do ta mbyllim këtë problem kudo. Pronat do ti kthehen dhe do ti administrojë i zoti i tyre që në këtë rast ka qenë kleri sepse këto i takojnë dhe janë dhënë nga njerëzit me shpirt, shumë prej tyre i kanë dhuruar, besimtarët i kanë dhuruar. E dyta, do mundësojmë një buxhet, nuk po them të jashtëzakonshëm se Shqipëria nuk ka mundësi të ketë buxhet të jashtëzakonshëm por një buxhet dinjitoz në mënyrë që asnjë nga komunitetet fetare të mos mbetet në mëshirë të donacioneve të huaja. Shteti shqiptar sot nuk është më si para 30 vitesh, e ka mundësinë të japi nga paret e taksapaguesve shqiptarë diçka për të mbështetur klerin dhe klerikët. Dhe e treta dua t’ju them që jo vetëm keni bërë dhe vazhdoni të bëni një punë të jashtëzakonshme për të ngushëllua ata që humbin të dashurit e tyre nga pandemia për t’i dhënë forcë, për t’i dhënë shpresë por, edhe për moralin se shoqëria nuk mund të jetojë pa moral dhe shumëkujt qe i ka ardh rasti këto kohë që kanë qenë shumë të dhimbshme dhe jemi nda nga shumë njerëz dhe kemi qenë për fat të keq shumë më shpesh në ngushëllime sesa në vitet e mëparshme, në ato raste kur ka qenë administruar i gjithë procesi sipas riteve fetare, një nga këshillat e librave të shenjtë që në veçanti në ritet myslimane thuhet kudo më ka ngel në mendje dhe i ka ngel mendje çdokujt. Ёshtë dhe duhet të jetë bazë e moralit se ne jemi të përkohshëm në këtë botë. Vlerat materiale që grumbullojmë i lëmë kur na nxjerrin nga dera e shtëpisë. Të dashurit tanë na lënë atje ku bashkohemi prapë me krijuesin. E vetmja gjë që na ngelet është emri dhe vepra. Dhe duhet për ta kujtu këtë ditë për ditë për të ik lakmisë, tahmasë, egoizmit e për t’u përpjekur për të jetuar një jetë të drejt. Nuk është e lehtë. Nuk është e lehtë se yshtja e të keqes është e madhe. Edhe satani e bën punën e vet, por duhet ditë për ditë të luftojmë të keqen, brenda vetes, me njëri-tjetrin dhe ta mundim atë.
Besnik Leçini: Të falënderojmë!
Lulzim Basha: Ju falënderoj nga zemra, ju!
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
KAVAJË- Kryedemokrati Lulzim Basha, ditën e sotme është takuar me qytetarë dhe biznese të Kavajës.Po ashtu ai është takuar edhe me pensionistë, të cilëve u...
Kreu i Partisë Drejtësi për Integrim dhe Unitet, Shpëtim Idrizi nuk i ka shpëtuar komenteve ironizuese të kryeministrit Edi Rama, gjatë takime të zhvilluara në ...
KAVAJË– Kreu i Partisë Demokratike Lulzim Basha ka nisur fushatën për zgjedhjet e 25 prillit nga qyteti i Kavajës. Basha ditën e sotme ka zhvilluar një tak...
ITALI– Ministrja për Evropën dhe Punët e Jashtme, Olta Xhaçka nis sot një vizitë zyrtare në Itali, ku do të takohet me Ministrin e Punë të Jashtme të Ita...
KAVAJË- Kreu i Partisë Demokratike, Lulzim Basha, ka zhvilluar këtë pasdite takime me biznese dhe qytetarë, në qytetin e Kavajës, me të cilët ka diskutuar ...
TIRANË- Kreu i Lëvizjes për Zhvillim Kombëtar, Dashamir Shehi, së fundmi ka ka reaguar për ‘urdhrin’ e Ramës për të përjashtuar nga Partia Socialiste, kr...
TIRANË– Ish-kryeministri Sali Berisha ka shpërndarë në profilin e tij të ‘Facebook’, spotin e Partisë Socialiste. Në videon e publikuar nga PS, shihet një ...
TIRANË– Fushata ka nisur dhe bashkë me të edhe sulmet nga të dyja palët politike. Mirëpo ka disa sulme që cilësohen si të tepërta! E fundit është ajo...
GJERMANI– Mark Hauptmann, deputeti i Bungestag, ka dhënë dorëheqjen nga mandati i tij për shkak të akuzave për rryshfet nga Azerbajxhani.Ai akuzohet se ka dalë ...
TIRANË– Ish-deputetja e PD, drejtuese politike në njësinë 11 në Tiranë, Albana Vokshi zhvilloi sot një takim me banorë të Laprakës. Një nga gratë kryefamil...
