Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
RROGOZHINË– Kreu i PD-së, Lulzim Basha ka zhvilluar një takim me qytetarët në qytetin e Rrogozhinës.
Gjatë fjalës së tij, Basha është ndalur edhe në protestat e fermerëve duke u premtuar atyre një buxhet prej 1 miliard dollarësh subvensione.
“Edi Rama ka prishur çdo lloj kontrate me popullin. Do t’i japim fund hiles së ndryshimit të taksës. Rama ka goditur fermerët shqiptarë. Ai iu ka lënë vetëm tre rrugë prodhimeve tuaja: ose të jenë me çmim 14% më të rritur, ose përpunuesi ta shesë 14% më pak në treg, ose fermeri t’ja dërgojë përpunuesit 14%. Rama ua ka hequr 14% fitimin me një të rënë të lapsit. Pastaj kur pa protestën ka shpallur se gjoja do të rritë me 10%. Si çdo premtim tjetër, edhe këtë Rama e ka gënjeshtër. Këtu nga Rrogozhina them se me ne ribursimi do të jetë 20%. Puna mos të kthehet për borxhe dhe varfëri për ju. Çdo prodhim të shitet në tregun shqiptar dhe në eksporte. Do të japim 100 mln euro në vit. Një shumë e tillë do e bëjë të mundur që djersa e çdo fermeri të shpërblehet. Me 100 mln në vit fermerët shqiptarë do të jetën më të mbështeturit në Balllkan. Zotohem për këtë para jush,”– tha Basha.
Nga Rrogozhina, Basha gjithashtu refuzoi ftesën e presidentit Meta për dialog mes palëve. Basha u shpreh se është mjaft i vendosur për të larguar kryeministrin Edi Rama nga pushteti.
Pas takimit me qytetarët në Rrogozhinë, Basha zhvilloi takime edhe në fshatin Luz të Kavajës. Teksa fliste me qytetarët Basha nuk la pa thumbuar ish-ministrin e Brendshëm, Saimir Tahirin lidhur me jetën e tij të natës në Tiranës. Pa u komentuar nuk mbeti as çështja e prishjes së fidanishtes së UBT-së, ky Basha nuk i kurseu akuzat ndaj kryebashkiakut Erion Veliaj. Basha tha se pasi të ndërtojë projektin e shkollësm, Veliaj do të ndërtojë edhe pallate.
Fjala e plotë e Bashës:
Oligarkët shushunja, këta armiq të interest publik, banda e tyre që mban në këmbë pushtetin e Edi Ramës, e di fare mirë se çfarë e pret. Partia Demokratike ka një plan për nxjerrjen e vendit nga kriza dhe ai fillon me marrjen e qindra million eurove taksa të shqiptarëve nga xhepat dhe kontot e oligarkëve, me anullimin e kontratave korruptive dhe kthimin e këtyre parave te populli shqiptar. Kryetari i opozitēs shpjegoi nē Rrogozhinē planin e PD pēr mbēshtetjen financiare tē fermerēve nga qeveria dhe qēndrimin e PD pēr TVSH-nē ndaj prodhimeve bujqesore. Ne do t’i japim fund njëherë e mirë, diskriminimit të fermerit të Rrogozhinës, diskriminimit të fermerit shqiptar. Ne do të fillojmë prej ditës sonë të parë, skemën më të madhe të subvencionimit familje për familje, fermer për fermer, të prodhimeve bujqësore dhe blegtorale. Çdo prodhim bujqësor, drithëra, zarzavate, fruta perime, çdo prodhim blegtoral, do të subvencionohen nga shteti shqiptar nën qeverisjen e Partisë Demokratike, sipas modeleve europiane, sipas modeleve të suksesshme të rajonit. Miqtë e mi, ne do ta bëjmë këtë pa hile. Do ta bëjmë këtë, në rradhë të parë, duke mundësuar që lekët e subvencioneve të shkojnë drejtpërdrejtë tek fermeri, jo tek grumbulluesit, as tek sekserët dhe ndërmjetësit e tjerë.
Së dyti, ne do t’i japim fund hiles së madhe të ndryshimit të TVSH-së për prodhimet bujqësore. Fermerët mes jush, e dinë fare mirë se çfarë ka ndodhur. Duke hequr rimbursimin e TVSH-së, duke e kthyer atë nga 20 në 6 përqind, Edi Rama ka goditur drejtpërdrejt fermerët shqiptar, ju dhe prodhimet tuaja, sepse i ka lënë vetëm tre rrugë prodhimeve tuaja: Ose të përfundojnë në treg me çmim 14 përqind më të rritur, ose përpunuesi, grumbulluesi, apo vetë fermeri ta shesë me 14 përqind më pak në treg. Ose fermeri t’ia dërgojë grumbulluesit me 14 përqind më pak prodhimin bujqësor e blegtoral.
Pra, jua ka ulur me një VKM, me një të rënë të lapsit, jua ka hequr 14 përqind çmimin prodhimeve bujqësore. Ju ka ulur 14 përqind fitimin për çdo kg mollë, qepë, fasule, qumësht, mish, grurë apo misër, fermerëve shqiptarë. Pastaj, kur pa protestën e blegtorëve, ka shpallur se gjoja do të subvencionojë me 10 lek litrin e qumështit.
Shikoni çfarë hajdutërie! Jua ul me 14 përqind dhe pastaj premton se do të japë 10 lek. Si çdo premtim tjetër, edhe këtë premtim ai e ka një gënjeshtër, një mashtrim të vërtetë. “
Koha e besimit tek fjalët e Edi Ramës ka marrë fund prej kohësh. Askush nuk e beson më atë dhe bandën e tij hajdute.
Ndaj këtu nga Rrogozhina, dua ti drejtohem fermerëve të të gjithë Shqipërisë e t’ju them se jo vetëm që do ta anullojmë këtë VKM korruptive dhe rimbursimi do të jetë i plotë, 20 përqind, por ne do të mundësojmë përmes subvencioneve direkte për çdo fermer, që puna juaj dhe djersa juaj të mos kthehet mallkim për ju, të mos kthehet në borxhe për ju, të mos kthehet në varfëri për ju. Mos t’i lini tokat djerrë, mos ta derdhni qumështin nē rrugë dhe mos t’i shkulni pemët, por që çdo prodhim shqiptar të shitet me fitim për fermerët në tregun shqiptar dhe eksport.
Subvencionimi 100 milion euro në vit, do të bëjë të mundur që djersa e fermerit të Rrogozhinës, djersa e çdo fermeri shqiptar, të nderohet në treg dhe t’i japë familjeve që jetojnë me tokën dhe me blegtorinë, jo thjesht mbijetesën, por mirēqënien.
Me 100 milionë euro në vit, fermerët shqiptarë do të jenë fermerët më të mbështetur nga qeveria, në krahasim me çdo fermer tjetër të Ballkanit. Zotohem për këtë para jush. Ky është prioritet i Partisë Demokratike. Shqipëria dhe Rrogozhina nuk janë të varfra, ato janë të vjedhura nga banda e Edi Ramës me një grusht oligarkësh gjakpirës. Ndaj, bashkë me largimin e kësaj qeverie bandë, ne do të largojmë edhe këta oligarkë, këta njerëz, të cilët janë bërë milionerë dhe miliarderë mbi gjakun dhe djersën e popullit shqiptar, asgjë e mirë për shqiptarët, por vetëm pasurim për ta, ndaj ju jap fjalën, se dita e ndryshimit të madh, nuk do të jetë thjesht dhe vetëm dita e largimit të Edi Ramës, por do tē jetë dita e llogarisë për oligarkët dhe oligarkinë. Pasuritë e vëna mbi gjakun dhe djersën tuaj do të konfiskohen, kontratat korruptive do të anullohen, duke nisur me kontratat e inceneratorëve të Arben Ahmetajt, të cilët helmojnë fëmijët e shqiptarëve për të pasuruar një grusht banditësh të korruptuar, duke vazhduar me koncesionet korruptive të rrugëve, miliarda euro të shqiptarëve që përfundojnë në xhepat e 5 njerëzve. Do t’i anullojmë këto kontrata, do t’ua kthejmë këto para qytetarëve shqiptarë. Njē nga çēshtjet qē u prit me mē shumē interes nga qytetarēt, ishte alternativa qē ofron PD pēr tē ndryshuar sistemin politik dhe mēnyrēn e qeverisjes, ku nē themel tē ndryshimit qēndron njē drejtēsi qē ndēshkon politikanēt e korruptuar dhe njē sistem, ku deputeti e ka tē lidhur fatin me qytetarin, jo me kryetarin e partisē. Beteja jonë nuk është thjesht dhe vetëm beteja për të larguar Edi Ramën, është betejë për të varrosur njëherë e mirë fenomenin e Edi Ramës, fenomenin e pushtetarit batakçi, pushetarit të korruptuar, pushtetarit të lidhur me krimin, pushtetarit që shkel dinjitetin e qytetarëve, shkatërron ekonominë, kap institucionet, dhunon të drejtat tuaja, futet në shtëpitë tuaja, në xhepat tuaja, në tavolinat tuaja, në shkollën e fëmijëve tuaj, për të pasuruar veten e tij dhe një grusht njerëzish. Ky model do të marrë fund. Kjo lëvizje do t’i japë fund këtij modeli dhe do të parandalojë që kurrë më, në të ardhmen, asnjë njeri, asnjë grup, asnjë forcë politike të mos marrë peng Shqipërinë, demokracinë, institucionet dhe drejtësinë. Për këtë arsye beteja jonë është një betejë shumë më e thellë, e cila do të bëjë të mundur ndryshimin e sistemit. Ndryshimi i sistemit do të thotë që të kemi një drejtësi me ligjin e barabartë për të gjithë, ku t’i japim fund drejtësisë që mbron njerëzit e fortë, njerëzit e pushtetshëm, edhe kur ata kapen duke vjedhur, duke vjedhur milionat e shqiptarëve, duke vjedhur votat e shqiptarëve dhe që ndëshkon të pafajshmit, ndëshkon të pambrojturit dhe që përdoret si një shkop në kokën e atyre që mezi sigurojnë mbijetesën. Drejtësia, e cila do të çojë në burg politikanët e korruptuar dhe të lidhur me krimin, do të jetë ndryshimi i parë i sistemit. Ndryshim sistemi do të thotë që deputetët e ardhshëm të Kuvendit të Shqipërisë nuk do të përcaktohen më në mënyrë misterioze, anonime apo vetëm nga një njeri. Këta deputetë do të jenë prodhim i vullnetit qytetar. Ata do ta kenë fatin e lidhur me qytetarët, ata do ta kenë fatin të lidhur me ju, ju do të jeni ata që do të përcaktoni kandidatët e ardhshëm të Partisë Demokratike, ju do të jeni ata që do të përcaktoni me votë deputetët e ardhshhëm të Kuvendit të Shqipërisë. Në këtë mënyrë, deputetët e ardhshëm në Kuvendin e ardhshëm të Republikës së Shqipërisë nuk do të jenë njerëz të cilët, pa emër, pa fytyrë, pa zë, ngrenë kartonin për të vjedhur me ligj ju, taksat tuaja dhe pasurinë e vendit. Nuk do të jenë njerëz të cilët do ta lidhin fatin e tyre me kryeministrin e radhës apo kryetarin e partisë. Fati i tyre do të lidhet vetëm me votuesin, vetëm me qytetarin, vetëm me ju. Do të garantojmë kështu, përmes këtij ndryshimi sistemi, që parlamenti të mos jetë noter i qeverisë, por të jetë përfaqësues i popullit, përfaqësues i qytetarëve, mbrojtës dhe promovues i interesit tuaj. Unë vij sot këtu si kryetar i opozitës shqiptare, por vij, po kështu, siç e keni parë gjithësecili prej jush, edhe si përfaqësues i mazhorancës së re të popullit shqiptar, mazhorancës së re të shqiptarëve, të vendosur për ta larguar Edi Ramën dhe bandën e tij hajdute, për të çuar para drejtësisë politikanët e lidhur me krimin, bosët e krimit dhe oligarkët e korruptuar, për t’ju dhënë shqiptarëve një sistem rregullash, i cili, njëherë e përgjithmonë, do t’ia japë pushtetin votuesit dhe qytetarit të thjeshtë, siç është në Evropë, ku pushteti buron nga populli, qeveria është e popullit, për popullin dhe nga populli. Ju e dini, e keni parë, e keni ndjerë. Ne jemi sot shumica dhe do të marshojmë drejt fitores për gjithë shqiptarët, fitores së vlerave, fitores së projektit tonë për ndryshim, fitores së drejtësisë së vërtetë, që nuk i mbron, por i ndëshkon politikanët e korruptuar, hajdutët që ju kanë zhvatur, që ju kanë robtuar dhe poshtëruar. Mos harroni, ky ndryshim i madh erdhi sepse u ngritët ju, u ngritën qytetarët. Ju përgjigjët thirrjes sime, thirrjes së opozitës me 16 shkurt. Ju premtova se 16 shkurti do ta ndajë me thikë historinë tonë të re dhe kështu po ndodh. Nuk ka e nuk do të ketë kthim pas, derisa së bashku ta shembim këtë regjim e të ndërtojmë sistemin e vërtetë të vlerave evropiane. Nuk ka e nuk do të ketë pazar apo kompromis mbi sakrificën tuaj. Nuk ka e nuk do të ketë asnjë zgjidhje tjetër, përveç një zgjidhjeje të thellë politike, që do të bëjë të mundur që ëndrra e çdo të riu dhe çdo të reje të Rrogozhinës, ëndrra e çdo prindi të Rrogozhinës, ëndrra e pensionistëve, ëndrra e fermerëve, “Për një Shqipëri Evropiane”, të bëhet realitet. Mirënjohje për qëndresën tuaj, e cila, jam i bindur, do të vazhdojë, dhe një ftesë nga zemra, të bëheni pjesë e lumit të qytetarëve që do të derdhen në Tiranë mbrëmjen e të shtunës së ardhshme, në orën 18, në një tjetër bashkim të madh kombëtar forcash, mendjesh, zemrash. Pranvera sapo ka nisur, ndryshimi po vjen, falë jush dhe vendosmërisë së qytetarëve shqiptarë.
(k.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
DURRËS– Presidenti i Republikës Ilir Meta nga qyteti i Durrësit, ku ishte në kuadër të përkujtimit të 80-vjetorit të rezistencës antifashite kërkoi nga pal...
DURRËS- Presidenti Ilir Meta ka nisur ditën e sotme me një kafe me gazetarin Bashkim Hoxha. Të dy shihen duke biseduar me njëri-tjetrin teksa konsumojmë ka...
TIRANË- Ish-deputeti demokrat, Ervin Salianji ka folur për akuzat ndaj vëllait të tij. Në një intervistë për Dosja.al ish-deputeti i PD-së i ka mohuar akuz...
Ministrja e Arsimit në Qeverinë e Shqipërisë, Besa Shahini dhe deputeti i PSD-së, Dardan Molliqaj kurorëzuan dashurinë e tyre ditën e martë.Pas ceremonisë në Ko...
DURRËS- Vizita e Kryeministrit Rama javën e kaluar në qytetin e Durrësit, në kuadër të turit “Për bashkinë që duam”, nuk nxori publikisht emra konkretë me ...
TIRANË- Deputeti i Partisë Demokratike, Myslim Myrrizi, i është përgjigjur akuzave të ish-kolegut të tij Oerd Bylykbashi. Në një postim në Facebook, Murriz...
TIRANË- Ish kryeministri Sali Berisha ka zhvilluar sot një takim me Zëvendës Ndihmës Sekretar i Përgjithshëm në Departamentin Amerikan të Shtetit për Organ...
TIRANË- Ish-deputeti i Partisë Demokratike, Astrit Patozi, ka reguar për debatin që është hapur së fundmi në politikë për ndryshimin e sistemit zgjedhor. N...
TIRANË- Ylli Shehu është deputeti i ri i LSI-së, i cili mori mandatin e lënë nga deputeti i listës ku ishte edhe ai.Kjo gjë kaloi jo pa shumë polemika, por...
TIRANË- Koço Kokëdhima thotë se forca politike që ai drejton është duke u përgatitur për zgjedhjet e 30 qershorit, kryesisht për bashkitë kryesore. ...
