Psikologji

Ja simptomat e atakut të panikut dhe mënyrat e vetëkurimit që duhet të dini!

Ataku i panikut është thjesht një sinjal që diçka tjetër brenda teje nuk po shkon siç duhet. Ai nuk është problemi në vetëvete. Ajo që duhet të mbani mend është se ataku i panikut është si qeni që leh, por nuk kafshon.
Featured image of article: Ja simptomat e atakut të panikut dhe mënyrat e vetëkurimit që duhet të dini! Fire kick
Përditësuar:

TIRANË- Një atak paniku është një gjendje frike e tmerri intensiv, që fillon papritmas, është pothuajse i papërballueshëm dhe që shoqërohet nga një shumëllojshmëri klasike simptomash, të cilat shfaqen befas dhe arrijnë pikun brenda pak minutash.

Ataket e panikut  janë shumë të shpeshta, kur një person shpenzon kohë të konsiderueshme me frikën dhe me prokupimin për të parashikuar atakun e ardhshëm të panikut, mund të thuhet se ky person vuan nga një çrregullim paniku.

Për të bërë diagnozën e çrregullimit të panikut, pacienti duhet të ketë një minimum prej katër ose më shumë nga simptomat mëposhtme: dhimbje gjoksi, ndjesi të dridhurash apo të nxehti, në trup, ndjesia e mbytjes, gulçime, rrahje të shpejta dhe aritmike të zemrës, ndjesi shpimesh si gjilpëra, mpirje në gjymtyrë, djersitje e tepruar, nauzea ose vjellje, marramendje të shpeshta apo dridhje në të gjithë trupin.

Është shumë e rëndësishme që të përjashtohet gjithmonë çdo shkak i mundshëm fiziologjik i simptomave të panikut. Pra realisht nuk egzsiton asnjë faktor i vërtetë fiziologjik për pasjen e ndonjë sëmundjeje apo shqetësimi fizik, është i gjithi i krijuar nga mendja dhe nga faktorët psikologjik , siç është përshembull frika.

Ataku i panikut është formë e fuqishme e përjetimit të ankthit në episode të shkurtra kohore, që zgjat mesatarisht deri 10 minuta. Vjen papritur dhe nuk ka një shpjegim të arsyeshëm. Duket sikur bota po shembet nën këmbët e tuaja.

Si të ndalojmë një panik ataku përpara se gjërat të shkojnë vërtetë keq? Këto janë disa teknika që do ju ndihmojnë gjatë përjetimit të një atak paniku: Praktikoni frymëmarrjet e thella . Mundohuni të relaksoni trupin tuaj, merrni frymë thellë vetëm përmes hundës dhe mbajeni frymën brenda deri në 5 sekonda, më pas nxirreni nga goja duke numëruar sërisht deri në 5.

Përsëriteni këtë veprim të paktën 10 herë. Meditimi është diçka që e lufton mjaft fort çrregullimin dhe atakun e panikut.

Nëse papritmas ndjeni se zemra juaj po fillon të rrah fort, apo se jeni në prag të një ataku paniku, mundohuni sa më shumë ta shpërqëndroni mendjen tuaj. Këtë mund ta bëni fare lehtë me një ushtrim të thjeshtë siç është ai i të numëruarit mbrapsht nga 100-ta me një hapësirë prej tre sekondash. Ky interval ndihmon të foksuoheni jashtë vetes tuaj.

Fokusoni 4 gjëra që ju rrethojnë që mund ti shihni në ambientin tuaj. Në 3 gjëra që mund t’i prekni, 2 gjëra të cilat mund t’i nuhasni, dhe një gjë të cilën mund realisht ta ndjesh apo shijosh. Në këtë mënyrë i kujtoni vetes tuaj se ku realisht ndodheni dhe e fokusoni mendjen tuaj jashtë panikut të brendshëm që ndjeni.

Nëse gjatë natës ndjeni se jeni afër një panik ataku, mbani gjithmonë një qese me akull afër. Dy kuba akulli në duar dhe një kub akulli në kurrizin tuaj, do t’iua largojë të gjithb ankthin dhe ndjesinë e panikut. Nëse zemra juaj po rreh fort, merrni një kub akulli dhe rrotullojeni në barkun tuaj, nga fillimi i gjoksit deri në fundin e barkut. Bëjeni këtë veprim derisa rrahjet e zemrës tuaj të kthehen në normalitet.

Burimi: Psycom  

E.C/Dosja.al

Shto Koment