Politike

Rama mohon me forcë: Qeveria nuk fsheh dot numrat e të vdekurve! S’ka mundësi as teorike e as praktike! Prokuroria e di vetë punën e saj, por populli shqiptar mban shënim (DEKLARATAT)

VIDEO
  • Basha sfidon Ramën: Prano hetim të plotë të informacionit, mos i keqpërdor mjekët dhe infermierët!
  • A ndërhyri Rama tek Prokuroria? Sinjali ndër rreshta i kryeministrit: Ju e dini punën tuaj por gjykatësi mban shënim
  • Basha i paraprin deklaratës: Iu deshën dy ditë për t’u përgjigjur…
  • Dy ditë pas akuzave të kryetarit të Partisë Demokratike, Lulzim Basha se qeveria ka fshehur numrin e personave të vdekur nga COVID, kryeministri Edi Rama ka hedhur poshtë çdo akuzë. Rama tha se nuk ka mundësi teorike dhe praktike për të bërë fshehjen e viktimave, ndërsa qytetarëve iu dha si garanci "përgjegjësinë e qeverisë para popullit". 
    Përditësuar:

    TIRANË– Kryeministri Edi Rama ka mohuar me forcë akuzën e kryetarit të Partisë Demokratike, Lulzim Basha se qeveria ka fshehur numrat realë të të vdekurve nga COVID19. Dy ditë pas deklaratës së Bashës dhe botimit në disa media të pamjeve nga morgu i Tiranës, Rama ka deklaruar se qeveria nuk ka mundësi as “teorike dhe as praktike” që të fshehë numrat e viktimave. “S’ka asnjë mundësi teorike e as praktike që qeveria të fshehë numrin e të vdekurve në spital, siç nuk ka mundësi asnjë parti të përcaktojë diagnozën e një pacienti“-tha Rama.

    Kryeministri lëshoi edhe tek prokuroria një sinjal të fortë. Rama tha se prokuroria bën detyrën, por “populli shqiptar” të cilit iu referua si gjykatësi suprem, “mban shënim”. “Prokuroria ka punën e saj, nëse do e shohë të arsyeshme të përfshihet në një lemeri të tillë, askush nuk do e pengojë, por ky përshkallëzim ekstrem, do të duhet të mbahet shënim nga një gjykatë, nga një gjykatës suprem i Shqipërisë, populli shqiptar.”-tha Rama. 

    Kryeministri akuzoi Partinë Demokratike dhe presidentin Ilir Meta se kanë krijuar një aleancë të fortë që ka për qëllim krijimin e ankthit dhe panikut tek qytetarët. ‘Por ne s’mund të jemi rasti unikal, ku qeveria lufton dhe opozita me presidentin bëjnë aleancë për të ushqyer frikën dhe ankthin, duke shpërndarë fotografi klandestine nga morgu i spitalit.”-tha Rama, duke i akuzuar kundërshtarët si j0-njerëzorë.

    Për më shumë bëhu pjesë e grupit më viral në Facebook, Dosja.al

    Rama foli sërish për masakrën e Krushës, duke akuzuar kryedemokratin Lulzim Basha. “apo të vdekurit në spital mund të treten në ajër si ata të shkretët në masakrën e Krushës, që ai i akuzuar nga dëshmitarët kthehet dhe akuzon dëshmitarët”.

    Rama e mbylli fjalën e tij duke kërkuar bashkëpunim nga qytetarët për respektim të masave. “Kontribuoni me sa të mundeni për të respektuarm masat, për të shmangur një mbyllje të dytë, dhe mos dyshoni kurrë tek deklaratat që qeveria dhe zyrtarët mbajnë përgjegjësi të lartë”-tha ai.

    (F.G)/Dosja.al)

    • 18:11

      Fshehja e numrit të të vdekurve? Rama: S'ka asnjë mundësi teorike dhe as praktike që ta bëjë qeveria! Epo të thirret prokuroria për mjekët... (APELI QË KA PËR AKUZËN)


      Kryeministri Edi Rama iu ka dhënë “fjalën” sot shqiptarëve se nuk ka mundësi sesi qeveria t’ju fshehë numrat realë të vdekurve nga COVID19. Gjatë video-mesazhit të ndarë sot për mediat, Rama foli edhe për prokurorinë dhe tha se mjekë tani duhen mbështetur dhe jo hetuar.

      Edi Rama: S’ka asnjë mundësi teorike e as praktike që qeveria të fshehë numrin e të vdekurve në spital, siç nuk ka mundësi asnjë parti të përcaktojë diagnozën e një pacienti. Ashtu siç është akuza e fshehjes së të vdekurve, dobësi e frikshme e karakterit të kësaj opozite. Nuk është hera e parë që kjo opozitë harbute, ngre akuza të shoqëruara me thirrje për prokurorinë. Epo të thirret prokuroria edhe për të vdekurit në spitale në kulmin e luftës me pandeminë, duke krijuar një trysni kaq të tepërt për mjekët që meritojnë solidaritet, mirënjohje, kjo e kalon nivelin e neverisë për politikën e këtij lloji. Nëse me kriminalizimin e çdo pune, jemi të detyruar ta pranojmë me pahir, kjo e kriminalizimit është tejkalim. Prokuroria ka punën e saj, nëse do e shohë të arsyeshme të përfshihet në një lemeri të tillë, askush nuk do e pengojë, por ky përshkallëzim ekstrem, do të duhet të mbahet shënim nga një gjykatë, nga një gjykatës suprem i Shqipërisë, populli shqiptar.

    • 18:11

      "S'ka më turp se kaq", Rama akuzon kundërshtarët: Ata që vdesin në spitale nuk janë VOTA, as para në kuti këpucësh që nisen nga Gjiri i Lalëzit!


      Kryeministri Edi Rama i akuzoi kundërshtarët se po bëjnë një politikë jonjerëzore me viktimat e COVID19. Rama i quajti këto akuza, shpifje dhe manifestime ekstreme të figurave që i kanë bërë dëm popullit ndër vite.

      Edi Rama: Ky është një manifestim ekstrem i disa karaktereve të dobëta që në krejt historinë tonë kanë bërë dëme të mëdha duke e penguar popullin të marrë frymë lirisht. S’ka më turp se kaq! Por as këtë se thua dot më, se nuk është më dot e imagjinueshme se deri ku mund të shkojë paturpësia. Por pse çfarë janë ata që humbasin jetën në spitalet COVID? Vota? Apo kuti këpucësh që nisen nga gjiri i Lalëzit për burimet në media? Kush janë anëtarët e Komitetit Teknik? Ata të Komitetit Nishani? Bluza të bardha, mjekë dhe personalitete që akuzohen nga një person që financon fushatën e tij me para që nuk dihen nga vijnë? Apo si ata të masakrës së Krushës? Apo të vdekurit në spital mund të treten në ajër si ata të shkretët në masakrën e Krushës, që ai i akuzuar nga dëshmitarët kthehet dhe akuzon dëshmitarët. Viktimat e COVID mund të fshihen si serverat e Kryeminsitrisë të nesërmen e 21 janarit? Kanti thoshte se ai që të akuzon për diçka që se ke bërë, ose e ka bërë vetë ose mendon vetë ta bëj.

    • 18:04

      Akuzat për të vdekurit dhe fotot e morgut, Rama e thotë HAPUR: Kjo është jo-njerëzore! Opozita dhe presidenti bëjnë aleancë për të ushqyer frikën (DEKLARATA)


      Kryeministri Edi Rama ka akuzuar presidentin Ilir Meta dhe kryetarin e Partisë Demokratike, Lulzim Basha se kanë bërë një aleancë për t’ju futur frikën shqiptarëve. Gjatë video-mesazhit që iu dërgoi sot shqiptarëve, Rama tha se rivalët politikë po bëjnë një politikë jo-njerëzore.

      Edi Rama: Nuk mund të kthejmë në politikë numrin e të vdekurve dhe as lloj e soj inskenimesh me foto. Kjo nuk është politike, por nuk është njerëzore. Edhe në një luftë si kjo mund të ndaheshim për ekonominë, por jo me plane alternative 7*7. Por ne s’mund të jemi rasti unikal, ku qeveria lufton dhe opozita me presidentin bëjnë aleancë për të ushqyer frikën dhe ankthin, duke shpërndarë fotografi klandestine nga morgu i spitalit. Kjo është jo-njerëzore.

    • 18:04

      "Ma ndezin gjakun", Rama i përgjigjet akuzave: S'kam dalë këtu për t'u ankuar për baltën dhe pështymën që hidhet mbi mua!


      Kryeministri Edi Rama ka deklaruar sot se akuzat e fundit nga opozita i kanë ndezur gjakun si shpifje, ndërsa shtoi se punën e tij si kryeministër e bën me pasion . “Jam i keqardhur që kjo dalje ime sot u provokua nga tjetër gjë. Teksa shumica e këtij populli bën më të mirën e vetë, pjesa tjetër, një pakicë e zhurmshme shan e akuzon, qëllon me gurë ata që rrinë pa gjumë, në frontin e atyre që rrinë pa gjumë që kurojnë të sëmurët deri tek ata që ndihmojnë. Më hiqni mua, s’jam këtu për tu ankuar për baltën dhe pështymën që marr çdo ditë nga pakica e zhurmshme se mua, besojeni ose jo, më bëjnë më të fortë dhe realisht më japin më shumë energji për të udhëhequr në çdo fushë. Thonë që si dua kritikat, është e pavërtetë. Por ka një ndryshim të madh mes kritikave dhe shpifjeve. Këto të fundit ma ndezin gjakun, shumë kush ma quan arrogancë, por duhet ta shohin si shprehje të pasionit që më mban në këtë detyrë pa pushim e pa orar.”-tha Rama. 

    5 Komente në “Rama mohon me forcë: Qeveria nuk fsheh dot numrat e të vdekurve! S’ka mundësi as teorike e as praktike! Prokuroria e di vetë punën e saj, por populli shqiptar mban shënim (DEKLARATAT)

    1. Ben ciu ciu gjithe diten dh3 ne duhet te presin deri ne oren 16 te na sqarosh. Kur do vi dita qe te mos shohim me ?

    2. te gjithe e dine qe po mashtron ti . te gjithe e dine qe po mashtron Ogerta jote e paafte dhe te gjithe te votojne. hallall i pacim dhe heronjte qe skane shpetuar nje nga intubimi. Genjen dhe Luli per te vdekurit. Se jane shume me teper. po mire ja beni ketij populli

    3. Se kuptova fare po fare fare. Duhet te prisnim dy dite deri sot ne ora 18.00 per te degjuar brockulla. O fol me fakte qe ti hedhesh poshte akuzat e frikshme dhe ndeshko pergjegjesit e perhapjes se panikun ose jep doreheqjen si mashtrues.

    4. Po na trego kur ti nuk ke gënjyer zoti kryeminister 1 The gazeta Birn gjermane gënjen . E HODHE NÊ GJYGJ E U TÊRHOQE . Po të njejten bëre me kryeministrin e kosoves e hodhe në gjygj e u tërhoqe 2 km rrug 40 MILION € as kush nuk u dënua edhe pse fallcifikoj firmen e sekretarit të shtetit USA , PO ME BUSHIN E KAVAJES E BUSHRET E TJER QÊ I THÊRRISJE IJA O BANDITI I MIR . Gënjeshtrat tua nuk kan të sosur . Po lutem e gjetsh nga nuk e pret se poulli të dha çdo gjë e ti vjedh popullin tënd të dhjamosish turli lloj horri shqipta e të huaj

    5. Z kryeminister pse dole sot me mbajt koferenc . Deshe me i dhën udhzime siç i dhe prokuroris . Nuk je finok JE FINOK BUDALLA . Pse nuk e lë prokurorin ta gjej atë që beri fotot dhe ato gjoja shpifjet ti diskreditoje nëpermjet gjykates . O friganjos ti si kishe besim babës tënd nënës të femijes tënde . Ti je hileqar e kujton se e gjith bota jan si ti . NjE GJÊ PO TA THEM SI9 I KAM THEN EDHE TÊ TJERVE QÊ SOT JAN MBAS HEKURAVE , nUK E HAN NJÊ VIT E GJYSEM E ME TY DO QESHIN QENT E GOMART E nuk esht çudi që qelin ta kesh dhom funerer

    Shto Koment