Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Ca të nënës dhe të njerkës"/ Bardhi akuza mazhorancës: Po shkelni rëndë parlamentarizmin! Keni futur n&...
"Ca të nënës dhe të njerkës"/ Bardhi akuza mazhorancës: Po shkelni rëndë parlamentarizmin! Keni futur n&...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Pas dy vitesh mungesë, nordikët u kthyen këtë vit në zonën e Golemit, me një numër të konsiderueshëm charterash sipas kontratave me garanci që kishin me strukturat akomoduese.
Flet Rrahman Kasa, Kreu i Unionit Turistik Shqiptar
Pas dy vitesh mungesë, nordikët u kthyen këtë vit në zonën e Golemit, me një numër të konsiderueshëm charterash sipas kontratave me garanci që kishin me strukturat akomoduese.
Por duket se një pjesë e tyre janë zhgënjyer nga përvoja turistike, duke e vlerësuar vendin tonë nën nivelin 6 sa i takon cilësisë së shërbimit, gjë që ka sjellë tërheqjen e agjencive të huaja në vitin 2023 nga kontratat me garanci.
Rrahman Kasa, kreu i Unionit Turistik Shqiptar e cilëson këtë zhvillim aspak pozitiv dhe nënvizon se rënia e shërbimit mund të ketë ardhur edhe si efekt i rritjes së skajshme të kostove në kohën kur kontratat janë lidhur me çmime më të lira.
Po kështu, kërkon që qeveria të reflektojë dhe të alokojë fonde për të përmirësuar zonat që janë destinacione turistike dhe vuajnë nga inertet dhe varrezat e makinave vend e pa vend, si dhe të punohet për të eliminuar trafikun e rënduar.
Cila është arsyeja e tërheqjes së nordikëve nga kontratat me garanci tek allotment?
Përderisa nuk marrin shërbim, normalisht do të kenë edhe një reagim. Nga ajo që ne shohim ka një rënie të review (përshtypjeve) që ka ardhur nga mungesa e shërbimit apo rënia e cilësisë së tij në strukturat akomoduese.
Një tjetër element mendoj se është infrastruktura. Prej disa vitesh, ne i gënjejmë për trafikun, duke u premtuar zgjidhje siç na premtohet dhe nga insitucionet. Kjo nuk po zgjidhet. Rruga dytësore në Golem, sidomos, është problem i madh.
Duhet menduar për një sistemim të plotë të kësaj zone, sepse është plot me inerte, lavazhe, karburante. Kur e sheh, nuk të jep idenë e një destinacioni turistik. Pjesa e hoteleve para është mirë në aspektin vizual, por edhe aty ka zhurma, ndërtime e kantiere në sezon.
Të gjithë këto elemente kanë sjellë për pasojë që vlerësimi i destinacionit, në këtë rast Shqipërisë nga nordikët, të ishte poshtë nivelit 6.
Cilat mendoni se janë arsyet që kanë sjellë rënie të cilësisë së shërbimit nga strukturat akomoduese?
Një ndër arsyet kryesore mendoj se ka të bëjë me rritjen e kostos dhe mospërballimin e çmimeve për të ofruar shërbim cilësor. Duhet të kemi parasysh që kontratat me garanci shiten një apo dy vite më parë dhe normalisht, gjatë kësaj periudhe, këto çmime ishin shumë më të ulëta sesa çmimet me të cilat u përballëm në vitin 2022.
Sigurisht, një pjesë e hoteleve nuk e kanë përballuar dot këtë rritje, por nuk janë të gjithë. Megjithatë penalizohen të gjithë, sepse vlerësimi bëhet si një destinacion i tërë. Ndaj agjencia “Apollo” që sjell nordikët ka vendosur të kalojë nga kontratat me garanci tek allotment paguaj sa sjell).
Viti tjetër mendoj se do jetë një lloj testi për të parë sesi do të jemi përballë këtij grupi turistik, që është shumë i rëndësishëm.
Çfarë mund të bëjë qeveria për ta ndihmuar sektorin e turizmit në vitin e ardhshëm?
Qeveria e di dhe e pranon që turizmi ka rritje dhe kontribut të madh në ekonomi, ndaj për këtë arsye duhet të angazhohet më seriozisht që të paktën për ato destinacione të konsoliduara, të cilat sjellin të ardhura të sigurta, të bëjë sistemimet e nevojshme.
Për Golemin, si një zonë me rritje të vazhdueshme për turizmin e organizuar, të alokohen fonde, që sistemojnë pamjen e parë të zonës. Le të themi të bëjë një “make up”. Të heqë inertet, varrezat të makinave, të krijojë gjelbërimin e hapësirave aty ku ka mundësi. Duhen pak fonde dhe më shumë vullnet që të rritet vlera.
E kuptoj që për masa të tjera si subvencione nuk kanë në plan të aplikojnë, sepse justifikohen me argumentin që ka rënie të ekonomisë, por të paktën me ato që kanë mundësi të bëjnë diçka.
Ndërkohë, është pozitiv vendimi për aplikimet e hershme për ndarjen e plazheve, duke mos e lënë këtë në prag të sezonit dhe po kështu pozitiv është edhe vendimi për stacionet e akostimit, por mbetet për t’u parë sesi do të funksionojë dhe sa do të realizohet.
Si paraqiten për vitin tjetër tregjet e tjera? Fjala është për ato që vijnë prej vitesh të organizuar?
Tregu polak dhe ai çek ka rritje edhe në vitin 2022 në raport me vitet e mëparshme, por edhe në parashikimet për vitin tjetër. Kontratat me garanci janë më të larta. Këto tregje janë më të qëndrueshme.
Nga ana tjetër po përpiqemi të sjellim të organizuar dhe me kontrata garancie tregun francez. Tregu spanjoll vjen për herë të parë vitin e ardhshëm me “Melia”-n që ndodhet në Gjirin e Lalëzit. Në fillim do të jenë tre charter nga Spanja dhe dy nga Portugalia, pesë në javë në total.
Si ishte gjatë këtij viti turizmi patriotik, aq i dukshëm në kohën e pandemisë?
Këtë vit ka pasur rënie të konsiderueshme për shkak të hapjes së destinacioneve të tjera.
Një pjesë i janë drejtuar Ulqinit prej ofertave me çmime më të ulëta. Ndikim në tkurrjen e numrave ka dhënë edhe rritja e çmimeve të hoteleve në Shqipëri për rezervimet e minutës së fundit, tipike nga ky grup që njihet si “turizëm patriotik”.
Nëse do të bëjmë një vlerësim të përgjithshëm të këtij viti, ju si e cilësoni ecurinë e turizmit?
Në shifra jemi më mirë edhe sesa viti 2019, sepse ndikoi heqja e kufizimeve, në fuqi gjatë pandemisë. Njerëzit ishin të uritur për pushime dhe për të eksploruar. Por një analizë më e hollësishme duhet bërë lidhur me të ardhurat dhe sesa prej tyre kanë mbetur realisht në xhepat e biznesit.
Ka një rritje të madhe të kostove, që vijnë nga energjia si dhe pagat nën presionin e emigracionit. Në total, të ardhurat janë më të larta sesa viti 2019, por fitimi është shumë herë më i ulët. Shumë biznese kanë dalë edhe pa fitim, pasi kishin shitur në avancë me garanci dhe me çmime më të ulëta./MONITOR
Sezoni veror 2022, pavarësisht disa problemeve të shfaqura, është më i miri historik i Shqipërisë në numër vizito...
Foto Ilustruese VLORË- Autoritetet kanë bërë thirrje që të ndalohet lundrimi i mjeteve të vogla dhe të peshkimit n&...
Faruk Fatih Özer MALTË- Themeluesi i një prej kompanive më të mëdha të kriptomonedhave në Turqi, Faruk Fatih Ö...
Foto Ilustruese DURRËS- Autoriteti Portual Durrës ka njoftuar të githë pasagjerët që kanë prerë biletat p...
Banesa Drejtësia shqiptare e është vënë në kërkim të 60-vjeçares e cila ishte zhvendosur për të je...
Mimoza Ahmeti TIRANË- Kohët e fundit emri i artistes Mimoza Ahmeti është lakuar në media për shkak të një dëni...
Partneri i Hueydes “Jam pacientja e dhomës 271”, kështu e nisi Hueyda El Saied dëshminë rrëqethëse në dit&eu...
Joy TIRANË- Nëna e 22-vjeçares nga Keina tregoi, momentin kur vajza e saj dhunohet nga shoqja e dhomës. Nw emisionin 'Real People' nw...
MAMINAS- Të shtëna me armë ka pasur pasditen e sotme në Maminas. Dyshohet se persona të paidentifikuar kanë qëlluar me...
Ledi Shamku dhe Skënder Gjinushi KOSOVË- Këshilli organizativ i konferencës i Prishtinës ‘Shqipja standarde sot’...
