Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Sot ata duhet të ishin në bankat e shkollës. Por në vend të librave, në vendin ku dy motrat uleshin në klasën e tyre në shkollën ‘Ndre Mjeda’ në Shkodër, shokët vendosën buqeta me lule.
SHKODËR - Emisioni “Në Shënjestër” nga Klodiana Lala në News 24, ka trajtuar mbrëmjen e sotme ngjarjen tragjike në Shkodër, ku një nënë u mbyt në ujërat e lumit bashkë me tre fëmijët e saj. Sot ata duhet të ishin në bankat e shkollës. Por në vend të librave, në vendin ku dy motrat uleshin në klasën e tyre në shkollën ‘Ndre Mjeda’ në Shkodër, shokët vendosën buqeta me lule. Një tragjedi si e Medeas në mitologji do rendte dikush të thoshte. Ndërsa dikush tjetër mes kujës do thoshte se kjo është tragjedia moderne që po kalon shoqëria shqiptare e futur në një krizë të thellë ekzistencialiteti, në 30 vitet e fundit. Por çfarë mund ta shtyjë një nënë të ndërmarrë një akt të tillë?
Është ky një filicid, një mëmëvrasje në kushtet e faktorëve të rënduar psikologjik, siç po përpiqen të rrëfejnë bashkëshorti dhe familja e tij, apo kemi të bëjmë me një hakmarrje të Almës ndaj bashkëshortit të saj Ergdysit, i cili jo vetëm thuhet se po e tradhtonte me një vajzë më të re në moshë, por edhe po përpiqej ta largonte në çdo formë nga banesa gruan dhe nënën me të cilën kishte tre fëmijë. Por edhe nëse ishte kështu, a kishte të drejtë Alma t’i merrte jetën tri fëmijëve, për të ndëshkuar bashkëshortin sipas saj të pabesë dhe t’i hidhte ata në mënyrë mizore nga ura e vjetër e lumit Buna. Sa e vështirë është për të kuptuar dhe për t’u futur në skutat e errëta të mendjes njerëzore në ato çaste, qoftë edhe për psikiatër më të sprovuar në të tilla ngjarje. Apo për të gjetur një literaturë të ngjashme krimi si kjo që ndërmori Alma me fëmijët e saj.
Një histori e cila është e vështirë për t’i gjetur një pikënisje dhe një epilog, pavarësisht fundit fatal. Pas nxjerrjes nga ujërat e lumit të nënës, sot kemi katër trupa të pajetë. Një ngjarje e kobshme ku të gjithë ngrenë gishtin e akuzës ndaj njëri-tjetrit dhe po kështu të gjithë shfajësohen. Por çfarë ndodhi fillimisht me Almën dhe tri fëmijët e saj? Cili ishte kafja e fundit që ajo konsumoi dhe pse pikërisht me gruan e vëllait të bashkëshortit të saj. me të cilën ndante të njëjtën banesë? Sipas njoftimit paraprak të Policisë Shkodër i pari që kallëzoi humbjen e bashkëshortes Alma Arrazi dhe tri fëmijëve të tij, dy vajzave respektivisht 9 dhe 8 vjeç dhe djalit 4 vjeçar, ishte Ergdys Arrazi. Në orën 17.30 të datës 3 maj u paraqit në këtë komisariat për të deklaruar se që nga mbrëmja e datës 2 maj kishte humbur kontaktet me gruan dhe fëmijët dhe se bashkëshortja e tij nuk i përgjigjej thirrjeve dhe se po kështu telefoni i saj i rezultonte i fikur. Por vetëm një ditë nga ky kallëzim, zbulimi i parë tronditës i një trupi fëmije në brigjet e lumit Buna, do të ishte paralajmërimi i kobshëm se ndërkohë një tragjedi e tmerrshme ishte konsumuar. Dhe se nëna me fëmijët nuk ishin larguar thjesht nga banesa, por mund të ishin vetëmbytur, zbulimi i cili u bë fillimisht nga një prej peshkatarëve që frekuentojnë shpesh lumin. Mbrëmjen e datës 4 maj, ndërsa ishte pranë brigjeve të Bunës në fshatin Daragjat, konstatoi nga varka ku ndodhej një objekt të pazakontë të ngërthyer në barishtet në krah të lumit. Objekt që në fillim në dritën e celularit iu duk një kukull e stërmadhe, por që me kalimin e minutave ajo që ai nuk do të dëshironte, ishte një e vërtetë e hidhur. Pasi trupi i mbetur në anë të lumit, nuk ishte i një kukulle, por i një fëmije. Që pas ekzaminimit dhe konfirmimit nga familjarët u mësua se i përkiste vajzës së madhe 9 vjeçare të çiftit Ergdys dhe Alma Arrazi.
“Unë kam qenë duke gjuajtur peshk. Ishte terr edhe më bëri me dyshuar. Mos ishte kukull apo njeri?! Për momentin u shokova. Pasi erdhën policët e morën përpjetë, atëherë u përcaktua se ishte njeri”, thotë peshkatari. Gjetja e trupit të parë të zhdukur, atij të vajzës 9 vjeçare, do të çonte policinë edhe në ndalimin e Ergdys Arrazit, babait të saj dhe bashkëshortit të Alma Arrazit, i cili u ndalua në akuzën për ‘dhunë në familje’ dhe ‘shkaktim të vetëvrasjes’. Arrestimi erdhi edhe pas akuzave të familjes së Almës, konkretisht të motrës së saj, se Ergdysi e keqtrajtonte në mënyrë barbare bashkëshorten e tij dhe se ky mund të ketë qenë shkaku që Alma ndërmori veprimin fatal për t’u vetëflijuar bashkë me fëmijët./Marrë nga BW
Foto ilustruese KORÇË - Moti i keq me reshje shiu e breshëri ka përfshirë Qarkun e Korçës pasditen e sotme. Si pasoj...
Mbledhja e Forumit SHQIPËRI - Drejtuesi i Delegacionit të Bashkimit Europian në Shqipëri, Ambasadori Silvio Gonzato, deklaroi se lufta ...
Autori i dyshuar i vrasjes së çiftit DROPULL - Avokati i 59-vjeçarit Thoma Mastora, autorit të dyshuar të vrasjes së &cce...
SHQIPËRI - Mundësimi i një tregu të lirë të punës mes Shqipërisë, Maqedonisë së Veriut dhe Serbisë...
Gabriel Escobar, Vudi Xhymshiti KOSOVË - Gazetari i Kosovës, Vudi Xhymshiti ka reaguar pas deklaratës së Diplomatit Amerikan të Sh...
Gjergj Luca ELBASAN - Drejtuesi i kompanisë Rozafa, Gjergj Luca, ka habitur me një video të publikuar këtë të mërkur&eum...
Vogëlushja 7-vjeçare dhe ish-Polici Arjan Tasi VLORË - Prokuroria e Vlorës ka dhënë pretencën ditën e sotme p&eum...
Dervish Hasi TIRANË - Gjykata e Lartë ka lënë në fuqi këtë të mërkurë masën arrest me burg për ...
Thoma Mastora DROPULL- Gjykata e Gjirokastrës ka caktuar masën e sigurisë për autorin e dyshuar të vrasjes së çif...
Policia franceze FRANCË - Një 39-vjeçar, i shpallur në kërkim nga Greqia, është arrestuar nga Policia në Franc&eu...
