"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Sipas të dhënave të INSTAT, në tremujorin e katërt të vitit 2024, Indeksi i Çmimeve të Prodhimit arriti 129,4 kundrejt vitit 2021 si periudhë bazë.
TIRANË - Pas një rritjeje të vazhdueshme të kostove, prodhuesit kanë parë një ngadalësim të tyre në muajt e fundit të 2024-s.
Sipas të dhënave të INSTAT, në tremujorin e katërt të vitit 2024, Indeksi i Çmimeve të Prodhimit arriti 129,4 kundrejt vitit 2021 si periudhë bazë.
Krahasuar me tremujorin e katërt 2023 Indeksi i Çmimeve të Prodhimit shënoi një rritje me 1,0%, një vit më parë ky ndryshim ishte 3,1%. Indeksi i Çmimeve të Prodhimit në tremujorin e katërt 2024 shënoi rritje me 0,1%, krahasuar me tremujorin e tretë 2024.
Krahasuar me tremujorin e katërt 2023, rritja më e madhe e çmimeve prej 2,6% vërehet në seksionin “Industri nxjerrëse”, pasuar nga seksioni “Energjia elektrike, gaz, avull dhe me ajër të kondicionuar” me 2,2%, seksioni “Furnizimi me ujë, aktivitete të trajtimit dhe menaxhimit të mbeturinave, mbetjeve” me 0,5% dhe “Industri përpunuese” me 0,4%.
Brenda seksionit “Industri përpunuese” rritja më e madhe e çmimeve vërehet në aktivitetet “Shtypshkrimi dhe rigrupimi i mediave të regjistruara” dhe “Prodhimi i mjeteve të transportit, rimorkiove dhe gjysëmrimorkiove” me 2,3% secili, pasuar nga aktiviteti “Prodhimi i pajisjeve elektrike” me 2,0%, “Prodhimi i pijeve” me 1,9%, etj.
Nga ana tjetër, ulja më e madhe e çmimeve vërehet në aktivitetin “Prodhimi i produkteve minerale jo metalike” me 1,3%, pasuar nga “Përpunimi i tekstileve” me 1,2% etj.
Indeksi i Çmimeve të Prodhimit të produkteve për tregun vendas: Krahasuar me tremujorin e katërt të vitit 2023, indeksi shënoi rritje me 1,3%.
Rritja më e madhe e çmimeve vërehet në seksionin “Energjia elektrike, gaz, avull dhe ajër i kondicionuar” me 2,8%, pasuar nga seksioni “Industria Përpunuese” me 0,9% dhe seksioni “Furnizimi me ujë, aktivitete të trajtimit dhe menaxhimit të mbeturinave, mbetjeve” me 0,8%. Nga ana tjetër seksioni “Industri Nxjerrëse” ka shënuar ulje me 0,01%.
Indeksi i Çmimeve të Prodhimit të produkteve për eksport: Krahasuar me tremujorin e katërt të vitit 2023, indeksi shënoi rritje prej 0,5%. Rritja e çmimeve është shënuar në seksionin “Industri Nxjerrëse” me 4,4%,pasuar nga seksioni “Energjia elektrike, gazi, avulli dhe ajri kondicionuar” me 0,4%. Nga ana tjetër, seksioni “Furnizimi me ujë, aktivitete të trajtimit dhe menaxhimit të mbeturinave, mbetjeve” ka shënuar ulje me 0,8%, pasuar nga seksioni “Industria Përpunuese” me 0,1%.
Ulen dhe çmimet e importit
Edhe për produktet e importit kostot kanë qenë në rënie.
Sipas INSTAT, indeksi i Çmimeve të Importit, në tremujorin e katërt të vitit 2024 arriti 108,0, kundrejt vitit 2021 si periudha bazë. Krahasuar me tremujorin e katërt 2023, indeksi i çmimeve të importit shënoi një ulje me 0,9%, një vit më parë ky ndryshim ishte me ulje 0,5%. Ndryshimi tremujor i indeksit të çmimeve të importit në tremujorin e katërt 2024, krahasuar me tremujorin e tretë 2024 ka një rritje te lehtë prej 0,01%.
Ndryshimi vjetor: Çmimet e importit të produkteve në seksionin “Energjia elektrike, gazi, avulli dhe ajri i kondicionuar” shënuan ulje me 5,2%, pasuar nga seksionet “Industria përpunuese”, me peshën më të madhe prej 93,5%, me 0,7%, “Industri nxjerrëse” me 0,1%. Nga ana tjetër, seksioni “Furnizimi me ujë, aktivitete të trajtimit dhe menaxhimit të mbeturinave, mbetjeve” shënoi një rritje me 0,4%.
Brenda seksionit “Industria përpunuese” ulja më e madhe e çmimeve vërehet në produktet e aktiviteteve “Konfeksionimi i veshjeve’’ dhe “Përpunimi i koksit dhe rafineria e nënprodukteve të naftës” me 2,3% secili, pasuar nga aktivitetet “Prodhimi i drurit dhe produkteve prej druri dhe dushku, përveç mobilieve; prodhimin e artikujve prej kashte dhe xunkthi” me 2,1%, “Metalurgjia” me 1,9%, “Përpunimi i produkteve ushqimore” me 1,4%,.
“Prodhimi i makinerive dhe pajisjeve p.k.t” me 1,2%, “Prodhimi i pijeve’’ me 1,1%, etj. Nga ana tjetër, çmimet në aktivitetin “Prodhimi i produkteve metalikë të fabrikuar, përveç makinerive dhe pajisjeve” shënuan rritje me 1,7%, pasuar nga aktivitetet “Industri të tjera p.k.t” me 1,4%, “Prodhimi i pajisjeve elektrike” me 1,0%, etj./Monitor
Foto ilustruese TIRANË - Normat mesatare të interesit për kreditë konsumatore pësuan rënie të mëtejshme në gjy...
Foto ilustruese BOGË- Përmirësimi i infrastrukturës vendore dhe transportit në zonën e Alpeve me fokus kryesisht në fsha...
Foto ilustruese TIRANË- Euroizimi i tregut të sigurimeve pësoi rënie vitin e kaluar. Sipas të dhënave nga Autoriteti i Mbik&e...
Foto ilustruese TIRANË - Tregu i fondeve të investimit u rrit për të dytin vit radhazi në 2024. Sipas të dhënave zyrtare...
Foto ilustruese TIRANA- Profesionistët e lirë që iu gëzuan rrëzimit të pjesshëm të ligjit për tatimin mbi t&eu...
Foto ilustruese TIRANA- Buxheti i shtetit ka nisur të shfaqë simptoma kronike të paaftësisë për të shpenzuar sipas progr...
Foto ilustruese TIRANË- Viti 2024 nuk ishte një vit i mirë për prodhimin e energjisë me një rënie prej 10.9 për qin...
Foto ilustruese TIRANË - Zhvillimet në buxhetin e shtetit vijuan të jenë pozitive në rritjen e të ardhurave në janar 202...
Foto ilustruese TIRANA- Rritja e besimit këtë muaj u përcaktua nga rritja e besimit në sektorët e industrisë, tregtisë d...
Foto ilustruese TIRANË - Individët dhe kompanitë me rezidencë jashtë vendit kishin pothuajse 72 mijë llogari në sektorin...
