"Delirantë, injorantë dhe dështakë-zemërakë"/ Rama nga Thethi: Sistemi nuk përmbyset! "Paketa e Maleve" nuk tjetërson pronat
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Një ditë më parë u zbulua në Portin e Durrësit, furgoni me 8 pistoleta të tipit Glock të ambalazhuara në një kuti kartoni, të cilat kishin si destinacion Anglinë.
TIRANË- Shqiptarët janë vënë sërish në fokus të mediave britanike. “Kriminelët shqiptarë po tentojnë të kontrabandojnë armë në Britaninë e Madhe përmes një porti të Adriatikut, ku qeveria britanike është detyruar të forcojë sigurinë”. Kështu e nis sot The Telegraph.uk artikullin, pas operacionit të së hënës në Portin e Durrësit, ku u sekuestruan 8 pistoleta.
SHKRIMI
Policia gjeti tetë pistoleta “Glock” me municione të fshehura në një furgon ushqimi në portin e Durrësit në bregdetin shqiptar mbrëmjen e së hënës. Armët u zbuluan nga policia shqiptare duke përdorur një skaner përpara se furgoni “Mercedes Benz” të nisej me një traget për në Ankona në Itali. Furgoni kishte targa të Mbretërisë së Bashkuar dhe, sipas policisë, ishte rrugës për në një adresë në Luton në Britani.
Shoferi është arrestuar dhe po merret në pyetje nga policia, por pretendon se nuk ka njohuri për armët, sipas mediave shqiptare. Thuhet se ai i tha policisë se thjesht i ishte thënë që t’ua dorëzonte pakon ushqimore të afërmve britanikë të një shqiptari, të cilin ai pretendonte se nuk e kishte takuar kurrë më parë.
Durrësi, një port që po pëson një zgjerim të madh nga qeveria shqiptare, u identifikua si një burim i mundshëm kontrabande nga MB dhe Shqipëria vitin e kaluar, sipas një sasie emailesh të policisë të zbuluara në atë kohë.
Emailet zbuluan se Forcat Kufitare planifikonin të dislokonin oficerë në Shqipëri për të ndihmuar në “përshtatjen” e planeve për zgjerimin e portit dhe për të këshilluar mbi masat e sigurisë që mund të merren për të luftuar emigracionin e paligjshëm dhe importin e kokainës në Evropë nga bandat e krimit të organizuar.
Ata treguan se roli i Forcave Kufitare do të fokusohej në portet shqiptare të Durrësit dhe Porto Romanos për të “vlerësuar trafikun e kontejnerëve, pasagjerët, portet dhe sistemet e IT të zbatimit të ligjit, dhe aftësitë aktuale operacionale që ekzistojnë brenda portit”.
Policia thotë se kriminelët shqiptarë kanë drejtuar pjesë të mëdha të tregut të kokainës në Mbretërinë e Bashkuar për dy dekadat e fundit, por, në vitet e fundit, kanë zëvendësuar gjithashtu vietnamezët si furnizuesit më të mëdhenj të kanabisit të rritur në Mbretërinë e Bashkuar përmes “fermave” të fshehura nëpër shtëpi dhe prona industriale.
Vjeshtën e kaluar, Agjencia Kombëtare e Krimit (NCA) paralajmëroi se një “numër i konsiderueshëm” shqiptarësh në Britaninë e Madhe kishin hyrë ilegalisht për të punuar në tregun “gri” ose për bandat e organizuara kriminale të drogës dhe po kthenin “qindra milionë paund” cash në vit në Shqipëri.
Shqiptarët përbënin rreth një të tretën e 45,000 emigrantëve që kaluan Kanalin me varka të vogla vitin e kaluar.
Burime policore bënë me dije se drejtuesi i furgonit është një 34-vjeçar nga Tirana, të cilit i janë sekuestruar furgoni dhe telefoni nga policia. Oficerët u njoftuann nga skaneri përpara se nga kontrolli i automjetit të zbuloheshin tetë pistoletat Glock.
Policia po përpiqet të gjejë pronarin e kompanisë që transporton mallra nga Shqipëria drejt BE-së dhe Britanisë së Madhe.
Një reporter lokal i krimit pohoi se shoferi i kishte thënë policisë se “një person i panjohur për mua [erdhi] me një kuti duke thënë se kishte nevojë për t’ia dorëzuar një të afërmi në MB”.
“Ai tha se brenda kutisë kishte ushqim për familjen e të afërmve të tij në Britaninë e Madhe. Sipër kutisë janë shkruar dy numra celularë të personit të cilit do t’i dorëzohet kutia”. Burimet e policisë shqiptare thanë: “Është thelbësore që të gjejmë personat e tjerë të përfshirë në këtë. Në këtë fazë, nga intervistimi ynë, shoferi mohoi të kishte dijeni për armët brenda automjetit të tij”.
Policia e Shtetit Shqiptar tha: “Është një hetim në vazhdim që përfshin disa agjenci ligjzbatuese. Për shkak të shqetësimeve të larta të këtij krimi, kjo çështje në Durrës tashmë do t’i kalojë prokurorëve vendas për t’u hetuar nga prokurorët specialë të SPAK-ut në Tiranë. Një komplot për të kontrabanduar tre pushkë sulmi AK-47 në Britani në një kuti korrierësh u ndalua nga autoritetet shqiptare në vitin 2017. Stafi i sigurisë gjeti armët në seksionin e ngarkesave të aeroportit të Tiranës pak çaste përpara se ato të ngarkoheshin. Ata ishin të mbështjellë me peshqir dhe celofan brenda një kutie DHL që përmbante gjithashtu rroba dhe letra.
Një ditë më parë u zbulua në Portin e Durrësit, furgoni me 8 pistoleta të tipit Glock të ambalazhuara në një kuti kartoni, të cilat kishin si destinacion Anglinë. Drejtuesi i mjetit, Jetmir Koloshi mohoi të kishte dijeni për to.
Furgoni u ndalua nga policia në vijën e dytë të kontrollit kufitar në terminalit të trageteve, ku më pas do të imbarkohej në tragetin e linjës Durrës-Ankona./Dosja.al
SARANDË- Një 29-vjeçar nga Venezuela është arrestuar nga Policia e Sarandës pasi ka dhunuar të dashurën e tij. Polic...
Policia DIBËR- Dy persona janë arrestuar në Dibër për dhunë në familje dhe tregëti kanabisi. Mësohet se n...
Emisioni TIRANË- Vëllai i 37-vjeçares Migena Sinani e cila u vra nga kunati i saj, në një deklaratë për “Me Zem&...
TIRANË- Policia ka bërë të ditur se ka vënë në pranga 4 persona pasi kanë kryer vepra të ndryshme. Kështu, i...
Autoret TIRANË- Këto janë pamjet e kamerave të sigurisë që tregojnë se si ka ndodhur shpërthimi me një sasi l&...
Makina SHKODËR- Ky është momenti i shpërthimit që ndodhi mëngjesin e sotëm në automjetin e kreut të PD në...
VAU I DEJËS- Kandidati i koalicionit 'Bashkë Fitojmë' Zef Hila ka deklaruar se tritoli i vendosur në makinën e kreut të PD-...
Foto ilustruese TIRANE- Agjencia e Mbikëqyrjes Policore zhvilloi procedurën e hedhjes së shortit të parë për vlerës...
Banori TIRANE- Banorët e Bërxullës, kërkuan ditën e sotme që të takonin drejtoreshën e këtij institucioni, Dal...
Arme DURRËS-Policia ka dhënë detaje për arrestimin e Jetmir Kolshit, i riu i cili u ndalua një ditë më parë në...
