Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Në një letër drejtuar Ministrisë së Ekonomisë dhe Inovacionit, Ministrisë së Infrastrukturës dhe Energjisë dhe Bashkisë Tiranë shoqata ka kërkuar ndërhyrje urgjente në mbështetje të sektorit të transportit publik.
TIRANË- Shoqatat e transportit publik ka paralajmëruar se nëse institucionet nuk reagojnë, nga java tjetër do të vihet në rrezik vijimësia e shërbimit publik për qytetarët. Në një letër drejtuar Ministrisë së Ekonomisë dhe Inovacionit, Ministrisë së Infrastrukturës dhe Energjisë dhe Bashkisë Tiranë shoqata ka kërkuar ndërhyrje urgjente në mbështetje të sektorit të transportit publik.
Ata thanë se pavarësisht problematikës së rënduar dhe urgjencës së situatës, nuk është zhvilluar takimi i premtuar dhe nuk ka pasur një reagim zyrtar.
Në kuadër të kësaj shoqata e transportit publik kërkon, përcaktimin e një qëndrimi konkret institucional lidhur me masat që do të merren për mbështetjen e sektorit, ndërhyrje urgjente për miratimin e një pakete mbështetëse emergjente dhe një reagimi të shpejtë nga institucionet.
Kërkesa:
LENDA: Kërkesë për informacion mbi vijimin e koordinimit institucional dhe për ndërhyrje urgjente në mbështetje të sektorit të transportit publik.
DREJTUAR:
Ministrisë së Ekonomisë dhe Inovacionit
Zj.Delina Ibrahimaj
Ministrisë së Infrastrukturës dhe Energjisë
Z.Enea Karakaçi
Bashkisë Tiranë
Zj.Anduela Ristani
Të nderuar,
Në vijim të takimit të zhvilluar më datë 01.04.2026, ndërmjet përfaqësuesve të institucioneve dhe përfaqësuesve të sektorit të transportit publik, po ju drejtohemi sërish në emër të Shoqatës Kombëtare të Transportit Qytetas dhe Shoqatës së Transportit Urban dhe Interurban, për të kërkuar informacion lidhur me ecurinë e shqyrtimit të kërkesave tona, si dhe për të kërkuar ndërhyrje të menjëhershme emergjente në mbështetje të këtij sektori.
Deri në këtë moment, pavarësisht problematikës së rënduar dhe urgjencës së situatës, nuk është zhvilluar takimi vijues i premtuar për tu mbajtur me datë 07.04.2026, nuk kemi marrë asnjë reagim zyrtar, informacion konkret apo qëndrim institucional mbi mënyrën se si do të trajtohen kërkesat e paraqitura prej nesh dhe mbi masat që parashikohen për të ndihmuar operatorët e transportit publik. Kjo mungesë informacioni dhe mungesë reagimi po e rëndon më tej pasigurinë financiare dhe operacionale të subjekteve që ushtrojnë këtë veprimtari.
Siç është bërë e qartë edhe gjatë takimit, sektori i transportit publik ndodhet në një situatë tejet të vështirë ekonomike, si rezultat i rritjes së ndjeshme të kostove operative, në veçanti të karburantit, mirëmbajtjes, pjesëve të këmbimit dhe detyrimeve të tjera të lidhura drejtpërdrejt me ofrimin e shërbimit.
Në mungesë të një ndërhyrjeje të shpejtë dhe konkrete nga ana e institucioneve përgjegjëse, operatorët nuk do të kenë mundësi financiare për të përballuar vazhdimin normal të aktivitetit nga java e ardhme. Për rrjedhojë nese institucionet nuk reagojnë, siç e theksuam edhe me lart, nga java e ardhshme do të vihet seriozisht në rrezik vijimësia e shërbimit publik për qytetarët.
Për këtë arsye, kërkojmë që të na vihet në dispozicion, në mënyrë sa më të shpejtë, një informacion i qartë mbi hapat që po ndërmerren nga institucionet përkatëse në lidhje me kërkesat tona, si dhe mbi afatet konkrete brenda të cilave pritet të ketë një vendimmarrje. Zvarritja e kësaj çështjeje për një kohë të pacaktuar e bën situatën të papërballueshme dhe e çon sektorin drejt pamundësisë reale për të garantuar shërbimin.
Ritheksojmë se kërkesa jonë kryesore, e paraqitur edhe pas takimit të parë, lidhet me nevojën për miratimin e një pakete emergjente mbështetëse, konkretisht me vendosjen e një mekanizmi të kompensimit financiar për karburantin sikurse VKM nr.225, dt 13.04.2022, në një nivel që të reflektojë rritjen reale të kostos dhe të mundësojë stabilizimin e menjëhershëm të situatës. Një masë e tillë është thelbësore për të shmangur reduktimin e flotës, uljen e frekuencës së shërbimit dhe përkeqësimin e mëtejshëm të funksionimit të transportit publik.
Njëkohësisht, mbetet i domosdoshëm edhe nisja pa vonesë e trajtimit të elementeve fiskale që rëndojnë mbi operatorët, përfshirë akcizën, taksën e qarkullimit dhe TVSH-në, me qëllim krijimin e një mbështetjeje më të plotë dhe më të qëndrueshme për sektorin. Megjithatë, për momentin, prioritet absolut mbetet ndërhyrja emergjente, pasi situata aktuale nuk pret dhe nuk mund të përballohet për një kohë të gjatë vetëm nga operatorët.
Sektori i transportit publik përfaqëson një shërbim me rëndësi të veçantë publike dhe sociale. Për pasojë, mosndërhyrja në kohë nuk prek vetëm operatorët ekonomikë, por cenon drejtpërdrejt interesin publik, qytetarët përdorues të këtij shërbimi dhe funksionimin normal të jetës urbane dhe ndërurbane. Për sa më sipër, kërkojmë:
Informim të menjëhershëm zyrtar mbi ecurinë e shqyrtimit të kërkesave tona pas takimit të datës 01.04.2026;
Përcaktimin e një qëndrimi konkret institucional lidhur me masat që do të merren për mbështetjen e sektorit;
Ndërhyrje urgjente për miratimin e një pakete mbështetëse emergjente, me qëllim shmangien e kolapsit financiar të operatorëve dhe garantimin e vazhdimësisë së shërbimit publik.
Në pritje të një reagimi të shpejtë dhe konkret nga ana juaj.
Me respekt,
Shoqata Kombëtare e Transportit Qytetas
Shoqata e Transportit Urban dhe Interurban
Foto ilustruse TIRANË- Policia ka arrestuar ditën e sotme një 37-vjeçar në Tiranë, pasi kishte vënë lokalin ...
Gjatë tremujorit të parë të vitit 2026, të ardhurat nga administrimi i pasurive të sekuestruara dhe konfiskuara kanë sh&eum...
Gentian Sala TIRANË- Kreu i Autoritetit të Komunikimeve Elektronike dhe Postare Gentian Sala ka reaguar ditën e sotme në lidhje me...
foto ilustruese GJIROKASTË- 60-vjeçari që ra nga tarraca e hotelit në Gjirokastër ka ndërruar jetë në spital.&nb...
Florind Rama TIRANË- Një shqiptar i shpallur në kërkim ndërkombëtar me “kod të kuq” nga Interpol &...
foto ilustruese GJIROKASTËR- Një ngjarje e rëndë ka ndodhur në Gjirokastër, ku si pasojë ka mbetur i plagosur r&eu...
Vangjush Dako TIRANË- Ish-kryetari i bashkisë së Durrësit, Vangjush Dako dhe tre të dënuar të tjerë kanë b&eu...
TIRANË- Një 26-vjeçar është arrestuar në kuadër të operacionit “Wrong way”. I riu ësht&eu...
TIRANË- Ditën e sotme vendi ynë do të ndikohet nga kushte atmosferike të qëndrueshme. Sipas Shërbimit Meteorologjik Ushtara...
Novruz Cenalia dhe Azgan Mernica TIRANË- Gjykata e Apelit e Juridiksionit të Përgjithshëm në Tiranë ka ndryshuar sot vendimin...
