Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Pallati 7 katesh në Njësinë Administrative Golem është shpallur me shkallë dëmtueshmërie DS4, ku pronari i truallit pohon se nuk ka asnjë letër apo projekt se çfarë punimesh do të kryhen atje.
KAVAJË- Fiks Fare vijoi të denoncojë skandalet me paratë e rindërtimit, ku kësaj herë një firmë nënkontraktore ka shkuar në një pallat në Malin e Robit, Kavajë, dhe po kryen punime pa asnjë dokument. Megjithëse janë bërë tenderët e rindërtimit, janë hedhur miliona euro dhe firmat fituese të tenderit, dhe ato nënkontraktore, ende nuk e dinë se çfarë pune do të bëjnë. Këtë e pranoi vetë pronari i firmës, i cili tha se “nuk e dimë se çfarë do të bëjmë”. Pallati 7 katesh në Njësinë Administrative Golem është shpallur me shkallë dëmtueshmërie DS4, ku pronari i truallit pohon se nuk ka asnjë letër apo projekt se çfarë punimesh do të kryhen atje.
Ai pohoi se i ka kërkuar informacion në rrugë zyrtare Bashkisë së Kavajës, institucion i cili ka bërë edhe tenderin me vlerë 97.444.459 lekë, por me shtesat e kontratave shuma ka shkuar në 1.3 milionë euro. Në momentin që grupi i xhirimit shkoi në atë pallat, disa punëtorë të një firme nënkontraktore po kryenin punime. Afër grupit të Fiks Fare u afrua një person, që pasi pyetet nga gazetarët se çfarë marrëveshje ka bërë me firmat fituese, shan dhe ofendon. Më pas pranon se nuk ka asnjë projekt, pavarësisht se punëtorët e tij kanë shkuar në ato ambiente. Por, jo vetëm që nuk tregon projektin apo dokumente, por vijon të ofendojë dhe kërcënojë grupin e xhirimit të Fiks Fare me frazat “Të sjell ropt te shtëpia në darkë, a e kupton apo jo!”.
Pronari i truallit: S’më japin projekt, firmë dhe punëtorë anonimë
Në redaksinë e emisionit Fiks Fare u ankua Dashnor Faqekuqi, pronari i truallit ku është ndërtuar pallati te Mali i Robit. “S’kam marrë asnjë përgjigje për rindërtimin e pallatit që e bëra me djersën time, as nga shteti dhe as nga Bashkia e Kavajës. Unë kërkoj shumë thjeshtë, të rindërtohet por të më japin disa letra, projektin. S’kanë asnjë letër. Futen në mënyrë agresive, më kanë vjedhur portën” thotë ai, duke shtuar se pallati 7 katesh pësoi dëmtime pasi ka një formë harkore dhe janë bërë disa abuzime gjatë ndërtimit. Fiksi e pyeti se, pas tërmetit, është bërë tender dhe cili institucion, me çfarë vlere apo edhe fituesit.
“S’di asnjë gjë, aq sa dini ju di edhe unë. S’kam asnjë informacion. Mua s’më intereson fare, as Bashkia e Kavajës as ata kush e kanë fituar. Po të më japin disa letra, që kur të futen këtu në pronën time. Që të mos vinë punëtorët pa sigurime, pa asnjë gjë. Të shqyejnë dyert, të hapin gjithçka. Unë nuk e di, se i thashë edhe inxhinierit, po ra një tullë mbaj unë përgjegjësi. Nëse ndodh diçka, kush mban përgjegjësi?! Pa letra asnjë gjë askush nuk mban përgjegjësi. Më jepni një copë letër, ku futesh te një pallat 1 milionë e 300 mijë euro, ka kushtuar riforcimi. Askush nuk mban përgjegjësi dhe s’japin letra. Nuk arrij të kuptoj” thotë ai.
Fiksi e pyet nëse ai ankohet edhe për mënyrën e rindërtimit. “S’na ka sjellë as bashkia dhe as firma asnjë letër. Se fusin punëtorë këtu me të meta mendore, të ndërtojnë pallatin tim” vijoi ai, ndërsa gazetarët e pyesin se në hyrje është vendosur edhe një tabelë. “Ajo s’ka asnjë vlerë juridike, ai që do të mashtrojë, do të vjedh do të fitojë. Bën një copë tabelë dhe e vendos, mund ta vendosë kushdo” përfundon ai.
Tenderi 1.3 milionë euro, nënkontraktori kërcënon grupin e Fiks Fare!
Sipas një tabele, të vendosur afër pallatit, jepen disa të dhëna. Tenderin për riforcimin e këtij pallati e ka bërë Bashkia e Kavajës. Objekti është “riforcimi i njësive individuale të banimit dhe njësive të banimit në ndërtesa pallat, të cilat janë klasifikuar me shkallë dëmtueshmërie DS4”. Faza e parë është “pallat banimi 7 kate, rruga ‘Skëndërbeu”.
Fitues i procedurës është një bashkim operatorësh ekonomikë, të cilat duhet ta përfundojnë së rifrocuari për 18 muaj, me muaj mbarimi qershor 2025. Vlera e punimeve është 97 milionë lekë, ndërkohë që denoncuesi tha se vlera ka shkuar në 1.3 milionë euro, për shkak të vendimit të qeverisë që kompenson firmat e rindërtimit për rritjen e çmimeve.
Në momentin që grupi i xhirimit po filmonte pallatin që po rindërtohej te Mali i Robit, një person afrohet. Më vonë, Fiksi mëson se ai quhet Shkëlzen Myftiu, pronar i firmës “Reijlin”, kompani nënkontraktore që po kryente punimet në atë pallat.
Fiksi e pyet se cila është marrëveshja që ai ka bërë me firmat fituese të tenderit, ndërsa ai përgjigjet se “qenkeni budallenj” dhe ofendime të tjera. E pyesin se në atë vend po kryejnë punime punonjës pa kaskë, pa asnjë masë mbrojtëse në kantier, madje edhe punonjës me probleme fizike.
“Akoma s’kemi shkuar atje” thotë ai, ndërkohë që punëtorët e firmës ishin brenda truallit, në katet e para të pallatit. Ai thotë se është nënkontraktor i firmës G.P.G, e cila është njëra nga kompanitë BOE që ka fituar tenderin. “Kam këtë këtu dhe objekte të tjera” shton ai, ndërsa Fiksi i thotë se punimet po kryhen në mënyrë arbitrare. Përgjigjet se denoncuesi i ka bërë gazi i botes me ofendime, ndërkohë gazetarët i bëjnë me dije se këto ofendime ai sapo i bëri. “S’kam bërë asnjë gjë” përgjigjet ai, ndërsa pohon se na ka thënë vetëm që “kush je ti që më kërkon mua sa lekë e ke marrë”.
Gazetarët e pyesin disa herë se çfarë marrëveshje ka bërë dhe sa para’ ka kushtuar riforcimi. Thotë se “nuk e di, e dinë ato”. “E kam me zëra punimesh” na thotë, por ngurron që të japë letra. “Nuk e dimë se çfarë do bëjmë, s’dimë asnjë gjë” pohon ai. Në fakt, nëse firma e tenderit apo nënkontraktori, kryejnë punime, patjetër që duhet të dine se çfarë do të bëjnë. Ata kanë shkuar te ai pallat pa asnjë dokument, projekt dhe punimet po bëhen “në ajër”. Ndërkohë, çuditërisht më tej vijon se “duhet të shohim kolonat, ta shembim dhe më pas të vendosim se çfarë do të bëjnë”.
Deklarata e nënkontraktorit nxjerr në pah pikëpyetjet për rindërtimin. Si u bë tenderi me vlerë 1.3 milionë euro për rindërtimin? A është bërë një projekt për dëmtimet apo vetëm sa është fotografuar nga larg? Përse nuk i jepet projekti për punimet pronarit të truallit? Firma fituese dhe ajo nënkontraktore s’kanë asnjë dokument dhe preventiv. Gazetarët e Fiks Fare e pyetën disa herë pronarin e firmës nënkontraktore se çfarë marrëveshje ka bërë me firmën fituese, çfarë punimesh do të kryejnë dhe çfarë vlere ka. Në fund, jo vetëm që nuk përgjigjet, por edhe kërcënon: “Të bie ropt te shtëpia në darkë, a e kupton apo jo?!”.
Marrë nga Top Channel
OSHEE Emisioni “Stop” trajtoi denoncimin e një qytetari në Tiranë i cili është mbifaturuar me 111 milionë lek&eum...
Dëshmitari në Greqi GREQI - Detaje të reja kanë dalë në dritë nga ngjarja e rëndë që u regjistrua kë...
Pamje nga vrasja TIRANË- Roan Brahimi është shqiptari që mbeti i vrarë gjatë atentatit mbrëmjen e sotme në Athin&eu...
Foto ilustruese GREQI - Roan Brahimi 32-vjeç dhe Katerina Beqo janë çifti shqiptarë që u qëlluan me armë zjarri mbr&...
Durim Bedini ELBASAN - Ka ndërruar jetë mbrëmjen e kësaj të enjte Prokurori i Elbasanit Durim Bedini. Lajmi është bë...
Foto ilustruese BURREL - Nikolin Topalli, i dënuar me burg përjetë për vrasje është izoluar në regjimin e posaç&e...
GREQI- Një atentat i ka ndodhur një çifti shqiptar në Greqi mbrëmjen e sotme. Protothema shkruan se ngjarja mafjoze ndodhi pak...
Foto ilustruese ITALI - Tetë persona janë arrestuar nga Policia në Itali, pasi akuzohen për shitje të lëndëve narkotike....
Pamje nga kamerat e sigurisë SHKODËR - Të tjera pamje të regjistruara nga kamerat e sigurisë, kanë mbërritur në...
Pishina DURRËS- Gërmimet arkeologjike në oborrin e shkollës “Gjergj Kastrioti” të Durrësit, e cila pri...
