Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
Dita e 50-të e protestës/ Nis grumbullimi në sheshin "Skëndërbej" 19 Korrik, 19:31 ...
Dita e 50-të e protestës/ Nis grumbullimi në sheshin "Skëndërbej" 19 Korrik, 19:31 ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Policia dhe Prokuroria duket se kanë dështuar për të goditur shpërndarësit e drograve.
P., një burrë tek të 50-at i cili shërben në një autoservis makinash, u kap me një dozë kokainë të futur në kuletë. Ai insistoi se kokainën e kishte blerë për ta konsumuar mbas pune, por nuk dha asnjë detaj tjetër tek kush e bleu dhe sa ishte vlera e saj. Në pritje të ekspertizës kimike në urinë dhe gjak, makaniku është nën procedim penal si i dyshuar për shpërndarje narkotikësh.
Ashtu si dhjetra të tjerë që gjenden rastësisht nga patrullat e policisë gjatë verifikimit të dokumentacionit teksa drejtojnë automjetin, ose kur qëndrojnë në lokale deri në orët e mbrëmjes.
“Padyshim që sasirat e ngarkesave që kapen duke hyrë përmes portit të Durrësit, e kemi deklaruar dhe më herët për Gazetasi.al kanë ndikuar në tregun e përdoruesve të kokainës. Prej së paku tre vitesh, kokaina përfundimisht nuk është më droga e biznesmenëve dhe artistëve apo njerëzve të showbizz. Por po përdoret masivisht, dhe për ne si polici është tregues i qartë që sasirat e ngarkesave që tranzitohen në Shqipëri janë më të mëdha se sa zbulohen,” – deklaron një nga burimet e antidrogës për Gazetasi.al.
Megjithatë policia dhe prokuroria duket se kanë dështuar për të goditur shpërndarësit e drograve.
“Sepse ky është një hetim që kushton. Ne po përballemi me mungesa në polici. Prokuroria e kryeqytetit nuk na përgjigjet në kohën e duhur për veprimet stimuluese, përgjimet dhe vëzhgimet. Hetimi i drogës kushton dhe ndaj rrjetet e shpërndarjes mbeten të paprekura,”-argumenton zyrtari i policisë.
Sidoqoftë përpos këtyre shkaqeve ( nga rastet e raportuara prej Gazetasi.al) është e dukshme se korrupsioni është po ashtu një faktor i rëndësishëm në mos efiçencë.
“Përfaqësova një shpërndarës droge në gjykatë dhe ai doli paq nga rrjeta përmes akt ekspertizave që e konfirmojnë përdorues. Veprimet hetimore ishin të dobëta, amatore, e kishin kapur me një dozë kokainë dhe klienti tha si përherë jam përdorues. As përgjim, as konstatim se kush e furnizon, kush ishte shefi i tij, që me siguri ka një armatë të rinjsh që shpërndajnë. A e dini ju që tani po shpërndajnë kokainë me pica?,”- shprehet një avokat i njohur, që akuzon se të gjitha veprimet dukshëm të dobëta lidhen me një faktor të korruptimit të secilit.
“Për të mos shkuar tek ata që drejtojnë shpërndarjen e kokainës për rastin që pyesni por edhe të hashashit, që është një normalitet mbasi po lulëzon para një fenomeni tjetër, atë të shtëpive të hashashit”, mbyll shpjegimin avokati.
Në një nga dosjet hetimore të vendosura në dispozicion të Gazetasi.al shkruhet se si nga informacionet e siguruara në rrugë konfidenciale, antidroga u vu në dijeni për shpërndarje kokaine në një lokal në rrugën "Sulejman Delvina." Ndonëse disa bare dhe restorante ( përmes zonës prive), janë kthyer në strehëza të konsumit të kokainës, hetimet ngecin vetëm tek përdoruesit.
“U konstatuan në këtë lokal të ulur shtetasit E.V që po mbante çelësat e lokalit. Dhe shtetasit A. R dhe I.N. Duke kontrolluar në banak, në një vend të dukshëm u konstatua një pjatë porcelani me ngjyrë të bardhë dhe sipër saj një sasi pluhuri në ngjyrë të bardhë dhe një tub portokalli,”- shkruajnë në procesverbalë oficerët. Gjatë kontrollit fizik , njërit prej tyre ju gjet në çantën e krahut një dozë me kokainë. Në një tjetër kuti kartoni u gjetën doza të tjera në ngjyrë të kuqërremtë të dyshuar si heroinë.
“Në një kartë me mbishkrimin master dent, në sipërfaqen e të cilës kishte mbetur pluhur i dyshuar kokainë si dhe në pipëzën portokalli vlerësohen të njëjtët element”, deklaron më tej oficeri. Nga marrja në pyetje e secilit prej të rinjve, ata japin alibi që përjashtojnë implikimin në shpërndarje.
“Punoj me laptop dhe pashë që njëri nga ne erdhi me pjatë në dorë dhe u kujtova që kam kokainë. Nuk di gjë kush e kishte lënë dhe kush e kishte atë në banak. Por jam përdorues prej 20 vitesh. Droga që më gjetët në çantë është e imja, e kam për përdorim vetjak. Kokainën e bleva tek një djalë 23 vjeç, në zonën e Astirit, por emrin nuk ja di. Edhe pjata me kokainë ishte e imja”,shprehet përdoruesi i parë.
I dyti nuk di gjë dhe as ka parë gjë.
“Jam I.N. dhe shkova në lokal në orën 22 pasi aty punon kamarier shoku im E.V. Shkova të punoj se kam një projekt në shkollë pasi studioj për informatikë. Pasi mbërrita erdhi policia dhe me gjeti. Në lidhje me kokainën nuk di gjë, aty e mësova që kishte kësi lloj”.
Policia deklaron se verifikoi se kujt i përkiste lokali dhe pretendon se e shpalli pronarin në kërkim. Megjithëse ndaj tij çështja po mbyllet në prokurori, duke qenë se shtetasi në fjalë sipas burimeve të Gazetasi.al rezulton të kishte dalë drejt Greqisë. Kamarieri të cilit i mbeti në ngarkim pjata dhe kokaina, këmbëngul se e arrestuan pa të drejtë.
“Nuk kam asnjë lidhje me përshtatjen e lokalit për përdorim droge. Nuk kam asnjë dijeni për kokainën. Madje pronari kur e pyeta një ditë më tha se ky pluhuri i kuq, ishte pluhur dheu i marrë nga Kisha e Laçit dhe e besova duke qenë se jam besimtar,”- këmbëngul kamarieri i cili deri më tani ashtu si dhjetra çështje të tjera droge mbyllen me njerëz të parëndësishëm të hetuar./GazetaSi
Foto ilustruese TIRANË- Një aksident me pasojë vdekjen ka ndodhur ditën e sotme në Tiranë. Sot, Policia e Shtetit ka v&e...
Policia Tiranë TIRANË- Një plagosje me thikë është regjistruar paraditën e sotme në lagjen 'Kombinati' në Tira...
Të rinjtë shqiptarë në Britani duke festuar Ditën e Pavarësisë BRITANI- Qindra të rinj shqiptarë dolën mb...
Foto ilustruese MALËSI E MADHE- Dy persona janë arrestuar, një është proceduar në gjendje të lirë dhe një tjet...
Pamje nga operacioni TIRANË- Agjencitë e zbatimit të ligjit nga 27 vende kanë mbyllur qindra faqe online që shesin produkte t&eum...
Foto ilustruese GREQI- Një vajzë 23-vjeçare në Nea Smyrni rezervoi një mesazh në një sallon bukurie por u dh...
Van Rica KURBIN- Autori i të shtënave me armë ditën e djeshme në selinë e Partisë Demokratike pas një konflikti me ...
Atmosfera në Tiranë TIRANË- 110-vjetori i Pavarësisë së vendit është festuar ditën e djeshme në të g...
Arrestimi i Besmir Perkolës TIRANË- Pas më shumë se një viti është vënë me pranga Besmir Perkola, i cili n&eum...
Van Rica KURBIN- Është arrestuar ditën e sotme 53-vjeçari Van Rica, i cili një ditë më parë qëlloi me arm&eu...
