Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Sepse, në protokollet mjekësore, kurimi i gabuar i saj mund të jetë sinjali i parë për një sëmundje vdekjeprurëse.
Në vitet e fundit, rastet e kancerit të lëkurës në Shqipëri janë shtuar ndjeshëm. Shkaqet janë të ndryshme, dhe lidhen me një sërë arsyesh, që nga gjenetika, ekspozimi ndaj diellit e deri tek shtimi i ndotësve në ambient. Por le t’i lëmë mënjanë shkaqet, dhe të kërkojmë të kuptojmë se cilat janë format për të kuruar këtë sëmundje, e cila në gjuhën e mjekësisë njihet si melanoma.
Sepse, në protokollet mjekësore, kurimi i gabuar i saj mund të jetë sinjali i parë për një sëmundje vdekjeprurëse. Ndaj për këtë na duhet t’ju sjellim rastin e dhimbshëm të një 35-vjeçari nga Tirana, i cili ka pranuar ta ndajë me ne historinë e keqmjekimit nga njëra prej klinikave të shumta që marrin përsipër të trajtojnë raste të tilla kaq delikate. Një kalvar i gjatë shëndetësorë do të niste pas një nishani në krahun e majtë, i cili filloi të ndryshonte. Dhe për këtë ai, iu drejtua Klinikës Stroka, e cila prej vitesh reklamon trajtimin e kacerit të lëkurës dhe të nishaneve pa rreze dhe pa bisturi, por me mjekësi alternative.
Një kurë pa formulë të deklaruar, pa certifikim dhe pa asnjë dokument zyrtar që të vërtetojë efikasitetin e tij. Fakte që sidoqoftë nuk janë marrë në konsideratë nga i riu.
E përsërisim, të riut iu ofrua një formulë 100 vjeçare e mjekimit të kancerit, e pakonsultuar me mjekësinë bashkohore, por që për doktor Laverin, ishte më e mira e mundshme. Pavarësisht kësaj, i shqetësuar me gjendjen e tij, 35 vjeçari, vendos t’i besojë kurës sekrete të këtyre dy mjekëve.
Në ato momente të vështira, dhe i pasigurtë se çfarë po ndodhte me shëndetin, të riut nuk i shkonte aspak në mend të interesohej për aftësitë e dy mjekëve që kishin marrë përsipër kurimin e tij. Seanca e parë do të zgjaste vetëm, 15 minuta.
Asnjë analizë paraprake, asnjë ekzaminim imazherik, jashtë çdo protokolli mjekësor, duke u bazuar vetëm në një kontroll vizual. Praktikë kjo që ngre pikëpyetje serioze për metodat e kësaj klinike.
Përtej ngarkesës psikologjike, i riu duhej t’i përgjigjej edhe kërkesës financiare të dy mjekëve, e cila pas zbulimit të diagnozës, ishte dyfishuar. Ndërkohë që pagesat u kryen dhe i riu dyshon për kurën e implemtuar nga dy mjekët, ai vendos të shkojë në një klinikë tjetër, për më tepër sepse gjendja e tij shëndetësore po përkeqësohej. Nga analizat dhe gjithë procedurat e tjera të kryera 35-vjeçari tronditet, nga rezultatet që mëson. Dy biopsi, i njëjti material i lëkurës, dhe dy rezultate krejt të ndryshme.
I gjithë ky kalvar me ngarkesa psikologjike por dhe me vuajtje fizike, e kishte një kosto aspak modeste për xhepin e pacientit, i cili pak kohë më vonë do të rikthehej në klinikën Stroka për të tërhequr pagesën e dytë prej 1500 eurosh, e cila ishte dhënë për trajtimin e melanomës. Shërbim që nuk e kishte marrë, pasi kishte ndërprerë raportet me dy mjekët, duke i besuar një klinike në Itali. Ndërkohë që bisedon me mjekun Laver Stroka për atë që kishte ndodhur dhe problemet që ai i kishte shkaktuar, por biseda nuk shkon ashtu siç ai e priste.
Doktor Stroka tregohet i prerë. Lekët nuk do të kthehen mbrapsht, edhe pse në një rast të ngjashëm, e në një vend normal, me rregulla e ligje, nuk do të mjaftonin lekët e një banke për të dëmshpërblyer një pacient të keqmjekuar. Biseda kalon në tona të larta, ndërsa përfshihet në debat dhe Afërdita Stroka. Ndërkohë që mësohet se doktor Stroka nuk ka asnjë lidhje me onkologjinë, pasi është mjek i përgjithshëm. Që do të thotë se mjeku në fjalë është i jashtëligjshëm në ushtrimin e profesionit. Edhe Dr. Afërdita Stroka, ashtu si i ati, eshtë e regjistruar si mjeke e pergjithshme, me leje për ushtrimin e profesionit nr.599, datë 13.12.2021, e cila është aktualisht aktive.
Pra dy mjekë të përgjithshëm që jashtë etikës profesionale dhe pa respektuar asnjë protokoll mjekësor kryejnë në mes të Tiranës mjekësi alternative për një sëmundje që ka te drejtë vetëm onkologu dhe dermatologu.
Por le ta pyesim njëherë vetë doktor Laverin për metodat sekrete të klinikës Stroka e cila vijon e pashqetësuar aktivitetin e saj.
Në përballje, mjeku na thotë që ky medikament është në studim, është i trashëguar nga paraardhësit e tij, dhe ai ja ka trashëguar vajzës. Përsa i përket licensës ai thotë se mjekësinë alternative e bën vetëm një mjek i përgjithshëm. Dhe rezultati i djalit të ri ka ardhur nga dëshira e tij për tmos u trajtuar në atë klinkë.
Pas një kalvari të gjatë vuajtjesh 35 vjeçari Fatjon Balla ka ndërruar jetën me 5 Prill 2026 në Barcelonë, ku kishte vajtur të gjente shpëtim, pikërisht për shkak të problemit që i ishte drejtuar edhe redaksisë së Piranjave./Piranjat.al
Eduart Afmataj FUSHË-KRUJË- Personi në foto është Eduart Afmataj, autori i dyshuar i vrasjes në Nikël. Mësohet se E...
Pamje nga vendngjarja FUSHË-KRUJË- Eduart Afmataj, autori i vrasjes e cila ndodhi pak minuta më parë në Nikël, ku mbeti i vra...
Foto ilustruese FUSHË-KRUJË- Personi që shihet në foto është Artur Çangu, viktima e të shtënave m...
Pamje nga vendngjarja FUSHË-KRUJË- Pamjet që po shihni në ekran i përkasin krimit i cili ndodhi pak minuta më parë n&eum...
FUSHË-KRUJË- Uniformat blu kanë reaguar rreth vrasjes në Nikël duke njoftuar se autori i dyshuar është ende në ar...
Foto ilustruse FUSHË-KRUJË- Viktima dhe autori i vrasjes e cila ndodhi pak minuta më parë në Nikël, të Fushë-Kruj&e...
FUSHË-KRUJË- Detaje të reja janë zbardhur në lidhje me vrasjen e ndodhur pasditen e sotme në Nikël të Fushë-...
Foto ilustruse FUSHË- KRUJË- Një ngjarje e rëndë ka ndodhur minutat e fundit në Fushë-Krujë. Një fqinj ka vrar...
Foto ilustruse Shqipëria i ka hapur rrugë prodhimit të dronëve luftarakë dhe mjeteve lundruese ushtarake, përmes një ven...
Gjatë këtij viti pritet të mos ketë rritje të tarifave të energjisë elektrike, mëson Radio Evropa e Lirë. Vendim...
