Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Nga aksioni është arrestuar në flagrancë Bledar Arapi si dhe u shpall në kërkim Elger Uka.
LEZHË- Një pallat i kthyer në kazino dhe fole droge është kapur në Lezhë mbrëmjen e kaluar. Mësohet se gjatë aksionit janë sekuestruar miliona lekë, euro, dollarë, kokainë, makineta, tavolinë pokeri dhe letra bixhozi.
Nga aksioni është arrestuar në flagrancë Bledar Arapi si dhe u shpall në kërkim Elger Uka. Po ashtu janë proceduar penalisht 15 shtetas që u kapën në Kazino.
Nën hetim do të jenë edhe zinxhiri komandues i Policisë Lezhë nga Drejtoria e Standardeve Profesionale, pasi nuk arritën të zbulonin aktivitetin.
Njoftimi i Policisë:
Evidentohet një rast i përshtatjes së një godine trekatëshe për kazino dhe përdorim droge. Sekuestrohen miliona lekë, euro dhe dollarë, kokainë, makineta, tavolinë pokeri, letra bixhozi etj. Vihet në pranga përgjegjësi i kazinosë, si dhe shpallet në kërkim organizatori që kishte marrë me qira objektin trekatësh dhe e kishte përshtatur për kazino. Procedohen penalisht 15 shtetas që u kapën në ambientet e kazinosë duke luajtur lojëra fati në makineta dhe në tavolinën e pokerit. Ndërkohë, Drejtoria e Standardeve Profesionale në Drejtorinë e Përgjithshme të Policisë së Shtetit, me urdhër të Drejtorit të Përgjithshëm të Policisë së Shtetit, ka nisur menjëherë hetimin disiplinor për disa drejtues dhe punonjës policie, të cilët nuk kanë marrë masa për evidentimin dhe goditjen e kësaj paligjshmërie.
Shërbimet e Forcës së Posaçme Operacionale në Departamentin e Policisë Kriminale në Policinë e Shtetit, në bashkëpunim me Sektorin për Hetimin e Krimit Ekonomik dhe Financiar në Departamentin e Policisë Kriminale, bazuar në informacionet se në Lezhë, në një godinë trekatëshe në bulevardin “Gjergj Fishta”, funksiononte një kazino për ushtrimin e lojërave të fatit, kanë organizuar dhe finalizuar operacionin policor të koduar “Fishat”. Gjatë kontrollit në një banesë trekatëshe, të marrë me qira nga shtetasi E. U., 24 vjeç, dhe të përshtatur katet e dyta dhe të treta për ushtrimin e lojërave të fatit dhe përdorim droge, shërbimet e Policisë gjetën dhe sekuestruan, në cilësinë e provës materiale, 15 makineta për lojëra fati, një tavolinë pokeri, çipsa, letra bixhozi, disa doza kokaine, 725 000 lekë të rinj, si dhe euro e dollarë.
Në vijim të operacionit u bë arrestimi në flagrancë i shtetasit B. A., 47 vjeç, për veprat penale “Prodhimi dhe shitja e narkotikëve”, “Organizimi ose ushtrimi i veprimtarive të lojërave të fatit në kundërshtim me ligjin”, “Vënia në dispozicion të lokaleve për lojëra të paligjshme”, “Fshehja e të ardhurave”, “Mospagimi i taksave dhe tatimeve” dhe “Pastrimi i produkteve të veprës penale ose veprimtarisë kriminale”. Po në vijim të veprimeve u bë shpallja në kërkim e shtetasit E. U., 24 vjeç, për të njëjtat vepra penale, pasi nga veprimet hetimore rezulton se ky shtetas ka marrë me kontratë qiraje objektin që ishte përshtatur si kazino. Vijon puna për kapjen e tij. Po gjatë operacionit u proceduan penalisht edhe 15 shtetas që u kapën duke luajtur lojëra fati në kazino. Në bashkëpunim me Prokurorinë vijon puna për dokumentimin e plotë ligjor të këtij rasti, si dhe nga Drejtoria e Standardeve Profesionale në Policinë e Shtetit për të nxjerrë përgjegjësitë e personave që kishin për detyrë parandalimin dhe luftimin e lojërave të paligjshme të fatit. Materialet procedurale u referuan në Prokurorinë pranë Gjykatës së Shkallës së Parë të Juridiksionit të Përgjithshëm Lezhë./Dosja.al
Foto Ilustruese TIRANË- Duket se festimet për disa persona në vend nuk kanë shkuar siç duhet. Gjatë festimeve për...
Foto Ilustruese Nis nga 1 janari 2026 zbatimi i paketës fiskale, që përfshin 6 ligje të miratuara nga Kuvendi i Shqip&e...
TIRANË- Dy bebet e para të vitit 2026 kanë ardhur në jetë në maternitetet e kryeqytetit, duke shënuar një fillim simbo...
Pamjet GJIROKASTËR- Një aksident i rëndë ka ndodhur mëngjesin e sotëm në Gjirokastër. Mësohet se një aksi...
Moti TIRANË- Territori shqiptar që në orët e para të ditës do të jetë nën ndikimin e intervaleve të ...
TIRANË- Viti 2026 troket në Shqipëri! Akrepat e orës i dhanë fund ditëve të 2025-it, duke bërë që shqiptar&e...
Viti i Ri kërkon një fillim të ri kalendarik të mbushur me shpresa dhe ëndrra. Me një urim të thjeshtë për Vitin ...
Viti i Ri po vjen, dritat dekorojnë çdo cep të qytetit dhe ftesat vijnë njëra pas tjetrës. Përveç veshjes ideale p...
Darka e Vitit te Ri, është një nga ato festa e cila mbledh pranë tryezës të gjithë familjen. Gjithashtu Nata e madhe ...
Nata e madhe e ndërrimit të viteve në traditën e saj ka një tryezë me një shumëllojshmëri ushqimesh, por vetë...
