Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Muhamet Rrumbullaku mori zyrtarisht ditën e sotme detyrën si Drejtor i Përgjithshëm i Policisë së Shtetit. Në ambientet e Drejtorisë së Përgjithshme, u zhvillua ceremonia e marrjes së detyrës. •Ceremonia u hap me himnin e flamurit Kombëtar, ku më pas Ministri i Brendshëm Bledi Çuçi mbajti fjalimin e tij. •Përballë të pranishmëve, ministri e cilësoi Rrumbullakun si një nga punonjësit e policisë që ka ditur se si të ruajë integritetin e tij moral dhe profesional gjatë 30 viteve karrierë në polici. • Rrumbullaku u zotua se do ta kryejë punën me profesionalizëm e se nuk do të bëjë kompromis me fenomenet e paligjshme•Ashtu siç Dosja.al bëri të ditur, Rrumbullaku merr këtë post pas shkarkimit nga detyra të Gledis Nanos. Shkarkimi i këtij të fundit u bë më 31 gusht me motivacionin se nuk i ka përmbushur objektivat e vendosura.
3 artikuj për këtë temë.
TIRANË- Ditën e sotme u organizua ceremonia e marrjes së detyrës së Drejtorit të Ri të Policisë së Shtetit, Muhamet Rrumbullakut. I pranishëm ishte ministri i brendshëm Bledi Çuçi i cili mbajti dhe fjalimin e tij para të ftuarve mirëpo ai që mungoi ishte ish-drejtori i Policisë së Shtetit, Gledis Nano. Ndryshe nga 7 tetori i vitit 2021, ku Nano mori postin dhe u urua nga paraardhësi në detyrë, Ardi Veliu, sot ish-drejtori nuk u pa as krah ministrit dhe as në rreshtin e parë.
Nuk është shumë e çuditshme fakti që Nano nuk është ftuar në ceremoni pas shkarkimit, pasi qeveria vendosi që detyrën t'ja kalonte Tonin Vocajt që në këtë rast ka bërë edhe "rolin" e drejtorit të vjetër që kalon postin te drejtori i ri. Nano u largua me tensione dhe me një përplasje të fortë me ministrin Çuçi, por historia është "kokëfortë". Ai që dje përgëzohej, sot as nuk u ftua për mirësjellje në kalimin e detyrës.
TIRANË- Drejtori i Ri i Policisë së Shtetit, Muhamet Rrumbullaku u zotua sot se do të luftojë pa kompromis në luftën kundër fenomeneve të paligjshme që cënojnë vendin. Gjatë ceremonisë së marrjes së detyrës, Rrumbullaku u zotua se do të garantojë disiplinë, frymë të re dhe komoditet për çdo punonjës policie. Drejtori i ri parashtroi dhe objektivat e tij: reformë e thellë ligjore dhe arsimore në të gjitha nivelet e organizimit të Policisë.
Rrumbullaku deklaroi se do të kryhet prezenca e policëve pa uniformë në rrugë për të rritur evidentimin e elementëve që cënojnë sigurinë e qytetarëve.
FJALA E PLOTË E TIJ:
E shoh si një sfidë institucionale. Ju falenderoj për besimin që më dhatë. Çdo përpjekje e imja do të shërbejë për përmbushjen e objektivave. Ju uroj të gjithëve punë të mbarë. Shpresoj që karriera e gjatë drejtuese në strukturat e policisë të më shërbejë për të dhënë kontributin tim në luftën pa kompromis ndaj korrupsionit brenda dhe jashtë radhëve të policisë. Policia ka nevojë për një frymë të re që e sjell vetëm gjenerata e re e Policisë së Shtetit me përvojën e policëve të karrierës që janë shembull e model. Policia e shtetit mbart të gjitha kapacitetet e nevojshme. Çdo punonjës policie duhet të jetë komod brenda në organizatë.
Do garantoj disiplinë. Nuk ka vend për punonjës policie pa integritet moral, profesional, por për zyrtarë që e shohin punën si kontribut për komunitetin. Kjo do të arrihet me edukim dhe trajnim. Uniforma e çdo polici nuk është vetëm veshje por simbol i luftës së përhershme me krimin. Objektiva do të jenë reformë e thellë ligjore dhe arsimore në të gjitha nivelet e organizimit të Policisë. Rialokim i burimeve njerëzore, riorganizime lokale dhe qendrore. Analiza për të gjitha mosrealizimet në luftën kundër krimit të organizuar, analizë e thelluar në luftën kundër aligjshmërisë, dekonspirimet e operacioneve policore për dhënien e masave në këtë drejtim. Vlerësim real në lidhje me tendencën në rritje të krimit kibernetik. Vendosja e inteligjencës në çdo veprimtari policore për hetimet proaktive. Së treti, riorganizim i kapaciteteve monitoruese të kontrollit në komunitet, krijimi i rrethanave të reja gjatë kontrolleve me prezencën e policëve pa uniformë me qëllim rritjen e evidentimit të fenomeneve që cenojnë sigurinë. Ulje e prezencës së policëve në territorin e vendit për kontrollit’, u shpreh ai.
TIRANË- Ditën e sotme është zhvilluar ceremonia zyrtare e marrjes së detyrës nga Drejtori i ri i Përgjithshëm i Policisë së Shtetit, Muhamet Rrumbullaku. Gjatë ceremonisë, ministri Bledi Çuçi vlerësoi punën e bërë gjatë 30 viteve të Rrumbullakut, duke u shprehur se ai ka qënë një nga punonjësit më të paktë në policinë e shtetit që ka krijuar dhe ka ruajtur integritet të lartë moral dhe profesional.
'Zoti Rrumbullaku, në gjykimin tim, është nga të pakët punonjës të policisë që në këto 30 vite ka krijuar një figurë me integritet të lartë moral dhe një figurë me integritet të lartë profesional. është nga të pakët oficer policie që ka qënë në këtë pozicion e që e ka pasur këtë interitet. Dua të them vetëm një mesazh për zotin Rrumbullaku, ju sot do të merrni në dorëzim flamurin e organizatës, ne respektojmë shumë flamur të vendeve të tjera, dikë më shumë e dikë më pak, në një moment historie mund të ndryshohen dhe flamujt që i respektojmë më shumë a me pak, por atij të cilit japim jetën është shqiptari. Këtë mos e harroni çdo ditë të punës tuaj, jam i bindur se do e realizoni me sukses këtë detyrë.'- u shpreh ministri.
