Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Edhe pse Irakli Davella prej 13 vitesh rezulton se ishte i pastër penalisht, për të kishte dyshime të forta se ishte i përfshirë në trafik narkotikësh, gjë për të cilën po hetohej.
TIRANË- Etmond Hysa rezulton të jetë pronar i shoqërisë tregtare me ortakëri dhe përgjegjësi të kufizuar ‘ED-LUI’ sh.p.k në Durrës. Shoqëri e krijuar në shtator të vitit 2020, me aktivitet në ‘punime elektrike, hidraulike dhe gipsi dhe kartonxhesi’. Sikurse thamë dhe kërkimeve të kryera nga policia greke, Lulo kishte vetëm pak ditë që ishte kthyer në Athinë, pas një periudhe të gjatë qëndrimi në Dubai të Emirateve të Bashkuara Arabe.
Gjë që mesa duket nuk ka kaluar jashtë vëmendjes së kundërshtarëve të tyre. Të cilët nga sa kuptohet kanë ndjekur me përpikmëri çdo lëvizje të shënjestrave të tyre. Në këtë rast Irakli Davellas dhe Edi Lulos.
Duke synuar të vrasin me një gur dy zogj. Edi Lulo rezulton të ketë mbërritur në Greqi vetëm pak ditë para se të binte në pritën e armatosur. Ai mendohet se ka mbërritur këtu nga Dubai. Dhe aktualisht ndodhet i plagosur rëndë në spital, me plagë në kokë dhe bark.
Po për t’iu kthyer edhe njëherë Cv-së të ashtëquajtur të pastër të shqiptarit Irakli Davella të ekzekutuar në atentatin e datës 15 Dhjetor 2024 në Athinë, ku mbeti i plagosur dhe miku i tij Edi Lulo, apo Etmond Hysa, grupi hetues në Greqi ruajti gjithmonë dyshimet e tij se Davella në vërtetë nuk ishte sjellë si një engjëll në 10 vitet e fundit të jetës së tij.
Por kishte vazhduar aktivitetin e tij në fushën e narkotikëve. Gjë për të cilën ishte në survejim të vazhdueshëm. Edhe pse kishte mundur fare mirë t’i fshihte këmbët në jorganin e organizatës kriminale ku bënte pjesë.
Edhe pse Irakli Davella prej 13 vitesh rezulton se ishte i pastër penalisht, për të kishte dyshime të forta se ishte i përfshirë në trafik narkotikësh, gjë për të cilën po hetohej. Kjo edhe për shkak të lidhjeve të fuqishme që ai kishte krijuar në biznes dhe politikë. Do të ishin këto lidhje dhe miqtë që u eleminuan në vazhdim që duket se në fakt do të nxirrnin zbuluar edhe vetë Davellën.
Që mesa kuptohet kishte krijuar një mburojë të tillë e cila deri në eleminimin e miqve të tij, i kishte shërbyer për të qenë i paprekshëm, ose i padukshëm. Një nga këto miq, që edhe ky do të ishte në listën e zezë të funeralit të kundërshtarëve të tij, ishte edhe Jorgo Mitsou (Jorgo Micu).
Biznesmeni grek që u ekzekutua në vitin 2022, që shihej shpesh të frekuentonte lokalin e Irakli Davellës në Athinë. Një lidhje miqësore që sipas policisë greke nuk ishte edhe aq e rastësishme midis të dyve. Ashtu si edhe eleminimet që pasuan më vonë, të dy miqve për kokë.
Kjo pasi sipas grupi hetues, Mitsou (Micu) ishte pjesë e grupit kriminal të Manolis Karaggianis (Manolis Karajanis), edhe ky i ekzekutuar në vitin 2018. Mesa duket nga e njëjta dorë që do të qëllonte edhe në vazhdim duke synuar të shpërbëjë organizatën që ishte kthyer në një rrezik.
Lidhja e Jorgo Mitsou (Micu) me Irakli Davellën në fakt nuk është se përbën ndonjë habi për grupin hetues. Ashtu si edhe ekzekutimet e tyre. Kjo pasi Mitsou (Micu) më parë ka qenë pjesë e grupit të mafiozit grek Manolis Karagiannis (Karajanis), i ekzekutuar në vitin 2018.
Do të ishin pikërisht këti vrasje që do të çonin grupin e hetuesve grekë edhe te lidhjet e Irakli Davellës me katër të vrarët e tjerë të asaj që tashmë njihej si ‘Greek Mafia’, apo ‘Mafia greke’. Por që pjesë të aksit të saj kishte edhe shqiptarë të cilët kishin zënë një vend të rëndësishëm në hierarkinë e kësaj mafie. Siç ishte Davella apo dikush tjetër që do të dalë në vazhdim.
Davella që sipas policisë greke ka qenë edhe anëtar i këshillave drejtues të Dhomave të Tregëtisë. Si dhe ka një kompani e cila merret me mbështetje teknike të aktiviteteve, përfshirë dhe ato elektorale të kandidatëve për deputetë. Lidhjet e Irakli Davellas rezultojnë të paktën me 4 pjestarë të vrarë të së ashtuquajturës ‘Greek Mafia’, konkretisht Manolis Karagiannis (Karajanis), Vasilis Grivas, Jorgos Litsas (Licas) dhe Jorgo Mitsou (Micu).
Por po kështu grupi hetues po heton dhe biznesmenin 46-vjecar Edi Lulo, që kishte pak vetëm pak ditë që kishte mbërritur në Greqi nga Dubai. Që mbeti i plagosur rëndë pas plagëve me armë zjarri që mori në atentatin ku humbi jetën shqiptari Irakli Davella. Por edhe pse Irakli Davella ishte një personazh kyç në punët e organizatës ku bënte pjesë, media greke ka dyshimet e veta se në fakt objektiv i atentatit ku ai mbeti i vrarë, nuk ishte ai vetë, por shqiptari Edi Lulo.
Apo ndryshe Edmond Hysa. I cili rezulton i dënuar në Greqi dhe përdorte gjeneralitete të ndryshuara. Lulo i cili del se ka qenë pjesëmarrës në grabitjen e një shume prej 400 mijë eurosh në zyrën e një avokati në Athinë. Grabitje e cila shkoi keq. Por dhe në një tjetër ngjarje të ngjashme. Dyshimet janë se objektiv i atentatit ishte Edi Lulo, 46-vjeç.
Që në fakt pas komunikimit me autoritetet shqiptare ka një tjetër identitet, Lulo që rezulton i dënuar në Greqi për ngjarjen e vitit 2011, ku u mbajtën peng disa punonjës në Dhomën e Avokatëve të Athinës, ku nën kërcënimin e armëve u grabitën 405 000 euro.
Por që bashkë me këtë ngjarje ai u akuzua edhe për grabitje të tjera, si në rastin e një klinikë mjeksore në Pagrati të Athinës ku u grabitën pajisje me vlerë 110 000 euro. Dy ngjarje këto për të cilat sipas të dhënave të drejtësisë greke, Edi Lulo, apo Edmond Hysa kishte kryer një dënim në Greqi. Dënim që pasi e shleu, ai la Greqinë për tu riatdhesuar në Shqipëri.
Duke qëndruar për një kohë të gjatë larg shtetit Helen. Aty ku u kthye me identitetin e ndryshuar Edi Lulo. Identitet me të cilin rezulton i regjistruar edhe në Shqipëri, ku është edhe pronar i një biznesi në Durrës. Lulo që zbriti në Athinë nga Dubai më datë 9 dhjetor, për të rënë në pritë të armatosur vetëm 6 ditë më pas, ndërsa po konsumonte një kafe me mikun e tij shqiptarin Irakli Davella.
Por Irakli Davella dhe Edi Lulo, apo Etmond Hysa, nuk ishin të vetëm atë ditë në kafe, kur u qëllua me breshëri zjarri kundrejt tyre. Tashmë policia greke ka krijuar bindjen se në të njëjtën kafe të ulur me ta, ishin edhe dy persona të tjerë.
Njëri prej të cilëve u çua dhe u largua me shpejtësi nga vendi i ngjarjes. Dhe që thuhet se mbeti i plagosur lehtë. Por edhe pse emri i këtij personazhi ka mbetur mister, emisioni ‘Në Shënjestër’ ka arritur të zbulojë identitetin e tij.
Para se të binin në pritën e plumbave, Edi Lulo dhe Irakli Davella, janë parë duke pirë kafe bashkë me dy persona të tjerë. Njëri prej këtyre personave është çuar më herët nga tavolina.
Ndërsa ngjarja ka ndodhur gjatë momentit kur Irakli Davella, Edi Lulo dhe personi i tretë po shkonin për tek automjetet e tyre. Por sapo kanë nisur të shtënat, personi i tretë në vendngjarje është larguar dhe është ende dhe sot në kërkim nga policia për të dhënë dëshminë e tij.
Ky person, dyshohet të jetë i shumëkërkuari i SPAK, Hektor Xheçuka, krahu i armatosur i Ervis Martinaj dhe me lidhje të fortë me një tjetër personazh të krimit, Emiljano SHullazi.
Xheçuka, që dikur konsiderohet si një ‘peshë’ e lehtë në botën e krimit, duket se sot është shndërruar në një lojtar që ka marrë frerët e një bande të rrezikshme kriminale dhe dyshohet të jetë përfshirë edhe në trafikun e narkotikëve./ "Në Shënjestër", Balkanweb
Zjarri KOLONJË- Një banesë është përfshihet nga flakët pasditen e sotme në fshatin Sallonjas të Kolonj&e...
foto ilustruese TIRANË- Emri i tij mund të kishte mbetur i panjohur nëse një ditë nuk do të lakohej në parlamentin grek ...
rebecca gannon SARANDË- Gjykata e Sarandës ka kthyer për hetime dosjen penale ndaj Saimir Kushovës. Ai akuzohet për shkelje të...
Ilaria Sula dhe Mark Samson ITALI- Detaje të reja janë zbardhur në lidhje me vrasjen e 22-vjeçares shqiptare, Ilaria Sula nga is...
GJERMANI- Mbrëmjen e sotme rrjeti i njohur televiziv europian “ARTE” ka transmetuar një dokumentar kushtuar Shqipëris&eu...
Elidon Kotorri TIRANË- Gjykata e Tiranës ka shtyrë seancën paraprake ndaj kriminelit të njohur të viteve 2000, Elidon Kotorri...
Foto ilustruese FIER- Një person është arrestuar në flagrancë ditën e sotme në Lushnje. I arrestuari me inicialet M.L u ...
Foto ilustruese TIRANË- GJKKO ka shpallur fajtor dhe ka dënuar me 4 vite burg, Muhamet Manollarin, i akuzuar për financim të terrorizmi...
Foto ilustruese ITALI- Autoritetet italiane kanë vënë në pranga një shqiptarë në aeroportin Orio al Serio të I...
Foto ilustruese TIRANË- Një makinë është përfshirë nga flakët mesditën e sotme në Tiranë. Ngjarja m&...
