Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Gjykata e Beratit e më pas ajo e Apelit Vlorë, urdhërojnë Bashkinë e Kuçovës dhe Kadastrën e Kuçovës që të njohin 5 trashëgimtarët si pronarë të një apartamenti 2+1 në fshatin Perondi.
TIRANË- Në redaksinë e emisionit investigativ “Stop” në Tv Klan është ankuar Teuta Gjolena. Pas ndarjes nga jeta të kryefamiljarit, familja e saj iu drejtua Kadastrës që të bëhej njohja e tyre si trashëgimtarë pasi nuk kishin një dokument pronësie. Shtëpia është banuar që nga vitet ‘80. Gjykata e Beratit e më pas ajo e Apelit Vlorë, urdhërojnë Bashkinë e Kuçovës dhe Kadastrën e Kuçovës që të njohin 5 trashëgimtarët si pronarë të një apartamenti 2+1 në fshatin Perondi. Kadastra shprehet se nuk mund të bëhet regjistrimi sepse bashkia si palë e paditur nuk është pronare e kësaj banese. Ndërkohë në regjistrat e Kadastrës, “Stop” shikoi emrin e kryefamiljarit të ndjerë. Këto banesa janë përftuar nga ish-ndërmarrjet e aviacionit para shumë viteve.
Juristi i Kadastrës Kuçovë: Bashkia aktualisht nga kartelat e pasurisë nuk figuron që të jetë pronare e kësaj pasurie, nga e cila palët kërkojnë njohjen e pronësisë. Pasuria që kërkohet që të bëhet regjistrimi, duhet të jetë e regjistruar më parë!
Denoncuesja: Kush e ka regjistruar më përpara këtë pasuri? E ke parë ti në Kadastër?
Juristi i Kadastrës Kuçovë: Nuk ka asnjë dokument se mbi bazën e kujt është bërë ky regjistrim. Ky është bërë mbi bazën e librit të Kadastrave.
Denoncuesja: Ja, “Shaban Gjolena”, babai im!
Juristi i Kadastrës Kuçovë: Është libri i ngastrave…
Denoncuesja: Kështu që figuroj këtu, kështu që duhet ta regjistrojnë direkt!
Denoncuesja: Më gjej rrugën e drejtë dhe hajde ta mbyllim për dy ditë regjistrimin e shtëpisë! Futu në arkivën tënde, kush e ka pasur atë banesë, në filan pallat!
Juristi i Kadastrës Kuçovë: Nuk e ka pasur, se nuk është e regjistruar.
Denoncuesja: Po si? Unë paguaj tatimet, unë paguaj ujin, dritat, paguaj për banesën, paguaj për tokën. Toka, pse më njihet mua?
Gazetari: Gjykata, kjo është lëshuar në 24 Prill 2022 , drejtuar Zyrës së Regjistrimit… Atëherë, në qoftë se ka lajthitur Gjykata, ka lajthitur Gjykata.
Denoncuesja: Më thuaj rrugën, që duhet të ndjek? Ku është e shkruar?
Juristi i Kadastrës Kuçovë: Unë bëj regjistrimin e akteve.
Denoncuesja: Po si të lihem unë, në rrugë të madhe, se nuk po e kuptoj?
Juristi i Kadastrës Kuçovë: Do bëhet shtjellimi i të gjithë problematikës, nga A tek Zh, i gjithë dokumentacioni dhe do i kërkojmë vendim, se si duhet të veprojmë.
Agjencia Shtetërore e Kadastrës në Kuçovë nuk e merr fare parasysh vendimin e formës së prerë të Gjykatës. Procese të tëra gjyqësore të realizuara ndër vite dhe në këtë mënyrë, emisioni investigativ “Stop” i drejtohet Agjencisë Shtetërore të Kadastrës në Tiranë ku nëpërmjet kërkesës për informacion, i kërkohet që pas verifikimit dhe shqyrtimit të kësaj ankese, familjes Gjolena t’i jepet një zgjidhje sa më parë.
Drejtoria është treguar shumë bashkëpunuese me emisionin “Stop”. Vetë Kadastra Qendrore i është drejtuar me një kërkesë të posaçme. Kërkohet nga Kadastra Qendrore që të merren masat nga ana e Kadastrës së Kuçovës duke informuar subjektin e interesuar brenda 3 ditëve nga marrja në dijeni e kësaj shkrese.
Ndërkohë pas disa muajsh pa një zgjidhje për problemin, gazetari i emsionit “Stop” së bashku me denoncuesen i janë drejtuar sërish Kadastrës Kuçovë.
Gazetari: Nuk dihen ende se sa muaj të tjera apo vite do t’i duhen Agjencisë Shtetërore të Kadastrës në Kuçovë për t’i dhënë zgjidhje një problem që është i zgjidhshëm.
Denoncuesja: Vazhdohet akoma, dërgohen letra në zyrën qëndrore në Tiranë, kthehen përgjigje, dërgohet përsëri letër dhe asnjëherë nuk merret një vendim.
Denoncuesja Teuta Gjolena ka pasur një takim me juristin e Kadastrës, ku i ka bërë të ditur edhe njëherë problemin.
Teuta Gjolena, denoncuese: Nuk jam njohur akoma. I kam shkruar disa herë (drejtorit) më thotë se do të të kthej përgjigje, me atë po merrem. Dje më thane se do të të kthej përgjigje sot, sot më thanë përsëri që me atë po merremi dhe akoma asnjë lloj përgjigje. Thjesht më shmangin.
Juristi i Kadastrës: Në referim të kësaj shkrese, i është drejtuar projekt-urdhri, i cili miratohet nga Drejtoria e Përgjithshme, mbi refuzimin e kërkesës për refuzim, për të njëjtat arsye që kemi folur edhe herën e kaluar. Sepse unë nuk po them që vendimi i gjykatës është i drejtë ose është i padrejtë. Kjo nuk më takon mua!
Gazetari: Ju po bëni interpretimin.
Juristi i Kadastrës: Jo, jo, absolutisht!
Gazetari: Ju atë po bëni. Atë jeni duke bërë, sepse ju kapeni te pala që është e paditur.
Denoncuesja: Ore, cili është problem që nuk do që të ma japësh këtë prone sepse më duket që nuk do ti, që e ke fiksuar që nuk do ia jap dhe pikë!
Gazetari: O zotëri! Po janë hetime, që duhet t’i bëni ju që nga ka ardhur kjo pronë nga ka rrjedhur, kush figuron si emër aty? E ke dokumentin aty, se e pamë që në Kadastër ishte babai i ndjerë. Ishte? Cfarë dokumenti ishte ai? Pse ishte aty?
Juristi i Kadastrës: Po me çfarë ishte regjistruar?
Juristi i Kadastrës: Me çfarë dokumenti?
Gazetari: Ai mund të mos ishte fare.
Kadastra e Kuçovës thotë se ka qenë gabim objekti i gjykimit përderisa ka qenë si palë e paditur Bashkia e Kuçovës edhe pse si palë e tretë ka qenë Agjencia Shtetërore e Kadastrës.
“Stop” ka shkuar tek Gjykata e Rrethit Gjyqësor të Beratit për të depozituar një kërkesë ku i thuhet “a ka qenë gabim gjithë gjykimi që është bërë me këtë padi”.
Gjykata e Rrethit Gjyqësor Berat në përgjigjen që i ktheu emisionit “Stop” theksoi dhe njëherë se ky vendim konsiderohet i formës së prerë i lënë në fuqi nga Apeli i Vlorës. Kjo do të thotë edhe njëherë tjetër se Kadastra e Kuçovës duhet të regjistrojë pronën e qytetares në zbatim të këtij vendimi.
Marrë nga tvklan.al
Robert Neçaj TIRANË- Robert Neçaj, vrojtuesi i plazhit që u bë i njohur për publikun pasi shpëtoi motër e v&eum...
Drejtoresha dhe mësuedsja DIMAL- Më 23 Nëntor, emisioni “Stop” në Tv Klan transmetoi një ngjarje të pazakontë...
Amarildo Laçi TIRANË- Ish-gjyqtari i Apelit në Tiranë Amarildo Laçi, para dy viteve dha dorëheqjen nga detyra si gjyqtar...
Ekstradim BRITANI E MADHE- Shqiptarët e dënuar me burg në Britaninë e Madhe do të kthehen në atdhe për të vuajtur p...
Foto Ilustruese TIRANË- Pothuajse në pjesën më të madhe të subjekteve tregtare në vendin tonë nuk zbatohet ligji i ...
Festa e socialistëve LUSHNJE- Kryetarja e Bashkisë Lushnje, Eriselda Sefa ka fetuar me të rinjtë e FRESSH-it dhe me të deleguarin ...
Erisa Fero TIRANË- Një zyrtare e Agjencisë Kombëtare të Shërbimit të Informacionit, AKSHI, u arrestua nga policia në...
Muralja në QS TIRANË- Bashkia Tiranë ka hedhur poshtë lajmet se muralja e bërë në godinën me numër 6 në Q...
Korçë Nga Elvis Cela Në qytetin e Korçës po mbretëron një gjendje alarmante nga ajri i ndotur. Stina e ftohtë ...
Droga dhe Erisa Fero GREQI- Mediat greke i kanë kushtuar një artikull arrestimit të zyrtares së lartë të AKSHI-t, Erisa Fero,...
