Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Duke postuar një copëz momenti në Facebook, Binaj shihet i rrethuar nga bashkëshortja e tij dhe tre fëmijët e tyre.
TIRANË- Aktori dhe kandidati për bashkinë Tiranë Florjan Binaj ka festuar ditën e sotme 40-vjetorin. Në këtë ditë të shënuar, Binaj ka zgjedhur që ta kalojë bashkë me familjen e tij në natyrë.
Duke postuar një copëz momenti në Facebook, Binaj shihet i rrethuar nga bashkëshortja e tij dhe tre fëmijët e tyre. Ndërkohë që në përshkrimin e videos, kandidati për bashkinë e Tiranës, ka zgjedhur të bëj një rikthim pas në kohë, duke falenderuar të gjithë bashkëpunëtorët e tij si dhe shokët e fëmijërisë.
Postimi i Plotë:
S’e mbaj mënd si sot, kur erdha në këtë botë me not. Por, në këto 4 dekada, unë nuk do isha ky që jam pa çdo bashkëudhëtar të jetës time. Shokët shoqet e fëmijërisë në periferinë e Alliasit ku hapësirat ishin të pafundme po aq sa imagjinata, ku ligjet e fizikës i mësonim duke lozur qindra lojra nga lindja e diellit deri në perëndim. Shokët e shoqet e klasës dhe mësuesit e nderuar në shkollën (8 vjeçare atëherë) Ramazan Jarani, me shumë prej të cilëve takohemi ende.
Shoqërinë tek Pallati i Pionerëve i cili ishte oazi i artistëve të kohës dhe atyre që do vinin më pas me mësues të rrallë si Atixhe Arapi. Të gjithë artistët e shquar që i shihnim nëpër filma, këndonim dhe këndojmë këngët e tyre të festivaleve dhe sot, humoristët guximtarë dhe frymëzues si Koço Devole, Parodistët e Vlorës, Zef Deda, Vasillaq Vangjeli, Fadil Hasa, Muharrem Hoxha, Gëzim Kruja, Zyliha Miloti, Marjana Kondi, e shumë të tjerë që në kanë gdhëndur shqisat. Shoqërinë e Liceut Artistik “Jordan Misja” të cilët sot i kam motra e vëllezër.
Mësuesin e artit Klement Zoraqi dhe shumë mësues të tjerë të cilët na mësuan me disiplinë durimin për të punuar shumë për të arritur në heshtje mjeshtrinë e së bukurës. Kushurinjtë e mi në Tiranë e Vlorë me të cilët kam kujtime më të bukura se të gjithë filmat vizatimorë mbledhur së bashku. Shoqërinë e Akademisë së Arteve. Bashkëudhëtarët e Portokallisë me të cilët u rrita në një tjetër përmasë që deri në atë kohë, të tjerët ma quanin “mungesë serioziteti” por që ato 18 vite punë deri në vetëmohim, sot flasin ende vetë! Përkrahësin e parë aty, Agron Llakajn i cili besoi tek unë.
Çunat e gocat e talentuara në Top Albania Radio, Club FM dhe sot PaperRadio ku RIKOSHET lindi e u rrit si emisjoni humoristik radiofonik më i dëgjuar prej 19 vitesh e gjysëm. Mësuesit dhe miqtë në Fakultetin e Inxhinierisë së Ndërtimit dega Arkitekturë që sot i quaj familje. Kolegët e projekteve të shumta, ca të kryera e shumë ende nëpër sirtare ëndrrash, të netëve pa gjumë, të sakrificave të patreguara, të plagëve të pashëruara që më mbështetën dhe më dhanë zemër edhe kur unë isha në kufijtë e mi. Njerëz të rrallë si Dritan Hoxha që krijoi kontinentin ku çelën qindra artistë të rinj si unë. I jam mirënjohës edhe atyre që në jetë kanë dashur të më bëjnë keq sepse fal tyre zbulova sa i fortë jam.
Bëhesha edhe më i drejtë sa herë donin të më shtrëmbëronin. Bëhesha edhe më i fortë donin të më lëndonin. Bëhesha edhe më i dashur sa herë donin të më hidhëronin. Miqtë fotografë të botës së egër, miqtë ekologjistë, miqtë artistë. Fansat anembanë botës të cilët edhe sot më çojnë video ku më thonë: kur isha i vogël e kisha shumë qejf këtë skeçin tënd, sot e shoh sërisht por me fëmijët e mi! Emisjonin Piranjat që më bëri edhe më të pjekur edhe më pranë problemeve të njerëzve dhe që më njohu me një ekip guximtar, të rrallë për këto kohë. Gjyshërit që na rritën me urtësinë e të dashurit atdheun dhe Kombin më shumë se sytë e ballit.
Prindërit e mi të cilët më mësuan që nderi dhe dinjiteti as nuk blihet dhe as nuk shitet dhe se padrejtësitë vetëm luftohen. Ndershmërinë në ADN-në e tyre e trashëguam plotësisht unë, motra ime Ada dhe vëllai im Klevin. Dhe padiskutim gjysmën time më të shtrenjtë, gruan time, Sadina e cila ka qënë në çdo hap timin këto 22 vite bashkë, edhe kur jam rrëzuar, edhe kur jam ngritur sërisht me të përkrah, ku prej dashurisë tonë erdhën në jetë 3 mrekullitë tona, Krena, Glauk dhe Vjosa! Faleminderit që më keni bërë ky që jam. Faleminderit për urimet. Ju dua shumë!
DURRËS- Ka një vend në Durrës ku lashtësia, mesjeta dhe realiteti qëndrojnë së bashku. Falë motit të mir&eum...
Zejnullah Gashi KOSOVË- Kryeprokurori i Prishtinës, Zejnullah Gashi ka dhënë detaje mbi të shtënat me armë zjarri në...
fleta e votimit KOSOVË- Kosova po mban sot zgjedhjet lokale për 38-të kryetarët e rinj të komunave. Zgjedhjet në veri t...
Makina e dëmtuar gjatë konfliktit KOSOVË- Të shtëna me armë zjarri ka ndodhur para qendrës së votimit në ...
foto ilustruese VLORË- Një vatër zjarri ka përfshirë sërish fushën e mbetjeve në Vlorë në lagjen “...
foto ilustruese TIRANË- Në 13 dhe 14 tetor Tirana mirëpret Forumin e parë të Investimeve EU–WB6 (Bashkimi Europian &nd...
foto ilustruese KOSOVË- Komisioni Qendror i Zgjedhjeve ka përditësuar shifrat nga procesi i votimit deri në orën 13:00. Sipas t&e...
Juxhin Drazhit TIRANË- GJKKO i ka caktuar masën e arrestit në burg Juxhin Drazhit, anëtarit të grupit kriminal të Troplin&eu...
Ministrja e Brendshme dhe drejtori i Policisë së Shtetit TIRANË- Ministria e Brendshme dhe Policia e Shtetit kanë marrë vendim q&e...
kombetarja shqiptare SERBI- Fitorja e Shqipërisë me rezultatin 0-1 përballë Serbisë ka ngritur peshë zemrat e të gj...
