Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Vendimi vjen si rezultat i një situate të rënduar në shërbimin veterinar shtetëror dhe akuzave për emërimin e tij në kundërshtim me ligjin.
TIRANË- Pas vetëm katër muajsh në detyrë, Drejtori i Autoritetit Kombëtar të Veterinarisë dhe Mbrojtjes së Bimëve (AKVMB), Ilir Ajdini, është shkarkuar nga Ministrja e Bujqësisë dhe Zhvillimit Rural, Anila Denaj. Vendimi vjen si rezultat i një situate të rënduar në shërbimin veterinar shtetëror dhe akuzave për emërimin e tij në kundërshtim me ligjin.
Burime pranë Ministrisë bëjnë me dije se shkarkimi i Ajdinit lidhet drejtpërdrejt me shkeljet ligjore në procedurën e emërimit të tij, një çështje që ishte denoncuar që në fillim nga Presidenti i Urdhrit të Mjekut Veterinar të Shqipërisë (UPMVSH), Ervin Resuli. Në një letër zyrtare drejtuar Kryeministrit Edi Rama, Resuli kishte ngritur shqetësimin mbi shkeljen e VKM-së Nr. 683, e cila përcakton qartë mënyrën e ngritjes dhe funksionimit të AKVMB-së, duke kërkuar një drejtues me formim profesional në fushën veterinare. Këtë shkelje e ka pranuar edhe vetë Ministrja Denaj në një korrespondencë zyrtare me UPMVSH-në.
Një drejtim i dështuar dhe një sektor në kolaps
Përtej shkeljeve ligjore, periudha katërmujore e Ajdinit në krye të AKVMB-së ka qenë e mbushur me skandale dhe dështime në sektorin veterinar. Më të rëndësishmet përfshijnë:
Dështimi i programit të vaksinimit të brucelozës, një strategji që ishte miratuar me urdhër të Ministrit të Bujqësisë në janar 2024 dhe që u neglizhua plotësisht, duke rrezikuar shëndetin e bagëtive dhe sigurinë ushqimore.
Kontrabanda e lopëve me brucelozë nga Greqia, një skandal që ka ngritur alarmin për shëndetin e kafshëve dhe mungesën e kontrolleve nga autoritetet përgjegjëse.
Përhapja e gripit të shpendëve, që ka shkaktuar humbje të mëdha për fermerët shqiptarë dhe tregoi paaftësinë e shërbimit veterinar për të ndërhyrë në kohë.
Afera e mandarinave, ku punonjës të AKVMB-së u arrestuan për lëshimin e certifikatave fiktive fitosanitare, një tjetër shembull i dështimit të menaxhimit në institucion.
Të gjitha këto ngjarje kulmuan në një krizë të plotë të shërbimit veterinar shtetëror, e cila u vu në qendër të debatit në Kongresin e Parë Ndërkombëtar të Mjekësisë Veterinare Shqiptare, të mbajtur më 1-2 mars në Durrës. Veterinerët shqiptarë, të mbështetur nga liderët evropianë të fushës, e bënë të qartë se drejtimi i AKVMB-së duhet t’i besohet një profesionisti të vërtetë dhe jo një personi pa lidhje me fushën, siç ishte Ajdini, me formim në teknologjinë ushqimore.
Kush do të jetë drejtori i ri i AKVMB?
Në përpjekje për të zgjidhur krizën dhe për të kthyer normalitetin në sektorin veterinar, UPMVSH ka propozuar një listë emrash profesionistësh për këtë post, e cila i është dorëzuar Kryeministrit. Një nga kandidatët kryesorë është Dr. Sulejman Kullolli, i cili aktualisht drejton Drejtorinë Rajonale të Veterinarisë dhe Mbrojtjes së Bimëve në Tiranë (DRVMB-Tiranë).
Dr. Kullolli është një veteriner me një karrierë të gjatë dhe përvojë të gjerë në sektorin veterinar. Ai shihet si një zgjedhje natyrale për të rikthyer besimin, profesionalizmin dhe integritetin në AKVMB, si dhe për të adresuar problematikat e shumta që ka trashëguar institucioni nga drejtimi i mëparshëm.
Largimi i Ajdinit shihet si një fitore e madhe për komunitetin veterinar shqiptar, i cili ka qenë në përplasje të vazhdueshme me Ministrinë për këtë çështje. Kongresi i fundit konfirmoi unitetin e mbi 700 veterinerëve shqiptarë, të cilët kërkuan një reformë të thellë dhe një drejtim profesional të AKVMB-së.
Tashmë pritet vendimi final i Kryeministrit për drejtuesin e ri të institucionit. Por një gjë është e sigurt: shërbimi veterinar shqiptar nuk mund të drejtohet më nga individë pa formim profesional në fushë. Për këtë arsye, emërimi i një veterineri në krye të AKVMB-së nuk është vetëm një kërkesë e komunitetit profesional, por një domosdoshmëri për shëndetin e kafshëve dhe sigurinë ushqimore në vend.
Foto ilustruese TIRANË- Autoriteti Rrugor Shqiptar, ARRSH përmes një postimi në "Facebook" ka njoftuar se në datat 8 dhe 9 ma...
LEZHË- Gjykata e Lezhës ka dërguar për gjykim shtetasin portugez, Ruben Saraiva i akuzuar si personi që ekzekutoi biznesmenin Ardian ...
foto ilustruese TIRANË- Gjykata e Posaçme ka vendosur konfiskimin e pasurive të shtetasit Armando Doçaj, i cili akuzohet për t...
Foto ilustruese TIRANË- Zgjedhjet e përgjithshme të 11 majit 2025 janë një mundësi e rëndësishme për të f...
Elton Alushi TIRANA- Drejtori i policisë së Tiranës, Elton Alushi është paraqitur ditën e sotme në SPAK...
Altin Dumani TIRANA- Brenda një kohe të shkurtër, besimi i publikut tek Prokuroria e Posaçme u rrit me 10 pikë, sugje...
foto ilustruese TIRANË- Katër persona të shpallur në kërkim për vepra penale të ndryshme janë arrestuar ditën ...
Andi Çakalli ELBASAN - 7-vjeçari, Andi Çakalli i cili u raportua i humbur pak më parë është gjetur. Familjarë...
Foto ilustruese TIRANA- Një 23-vjeçar shqiptar ka humbur kontaktet me familjen e tij prej muajit qershor 2024. Mësohet se i riu me inicial...
foto ilustruese TIRANË- Një aksident ka ndodhur ditën e sotme në Lundër, ku si pasojë një grua ka mbetur e plagosur...
