Berisha: Pa 44 protestat para bashkisë, Erion Veliaj do ishte duke marshuar drejt postit të kryetarit të PS!
11 Shkurt, 14:23
...
Aktualitet
VIDEO/ "Më vraftë Allahu, s'bëj më...ka kamera këtu", efektivi dhunon qytetarin në Pogradec, e kap për fyti dhe e qëllon me shuplaka, polici: Ec more b*****
E gjithë skena është e filmuar nga kamera e sigurisë së një shtëpie, në katin e parë të pallatit. Arsyet e këtij dhunimi nuk dihen ende nuk nga ana e Policisë së Pogradecit nuk ka një njoftim zyrtar për ngjarjen.
15 Shkurt 2023, 12:33Nga F.M
Gjergj Riza dhe Klajdi Narolli
POGRADEC- Një efektiv policie në Komisariatin e Pogradecit, i identifikuar si Gjergj Riza ka dhunuar një qytetar. Ngjarja ka ndodhur në shkallët e një pallati. Pamjet e publikuara në media tregojnë Rizën që kap nga fyti Klajdi Narollin dhe e qëllon me shuplaka.
E gjithë skena është e filmuar nga kamera e sigurisë së një shtëpie, në katin e parë të pallatit.
"Më vraftë Allahu, nuk bëj gjëra të tilla, kam nënë, kam motër....për Zotin. Mos gjuaj më se do të të shikojnë te kamerat,"- dëgjohet të thotë Narolli në video.
"Ec more legen....b***m***,"- shton efektivi Riza dhe i gjuan me shkelma nga pas duke e shtyrë nëpër shkallë.
Arsyet e këtij dhunimi nuk dihen ende nuk nga ana e Policisë së Pogradecit nuk ka një njoftim zyrtar për ngjarjen.
Drejtoria e Përgjithshme e ka pezulluar fillimisht oficerin i cili punonte më parë në Pogradec, ndërsa tashmë është në Drejtorinë Vendore të Policisë Korçë. Riza, prej disa kohësh ka shfaqur probleme me kujtesën dhe ka kërkuar të dalë në kemp, por kjo kërkesë nuk i është miratuar.