“Ku ishin patriotët e protestës kur kërciste gjuetia ilegale?”/ Rama nga Shkodra: Kush e ka seriozisht për Zvërnecin, bujrum të dëgjojë fakte dhe argumenta
“Të sjellim fonde të mëdha për investime të mëdha”/ Rama: Jemi në rrugën e duhur 8...
“Të sjellim fonde të mëdha për investime të mëdha”/ Rama: Jemi në rrugën e duhur 8...
“Jep dorëheqjen”/ Rama takim me socialistët në Shkodër, pritet me protestë: Turp, Turp 8 Qershor, 18:17 ...
EMRI/ Ndërroi jetë te Trauma pas plagosjes me armë zjarri, identifikohet viktima 8 Qershor, 12:06 Të sht&...
Dalin exit poll-et pas zgjedhjeve në Kosovë, kryeson Albin Kurti me 42%, më pas renditen PDK dhe LDK 7 Qershor, 19:06 ...
Ashtu si edhe ditët e tjera, qytetarët janë grumbulluar në shesh për ta vazhduar tubimin e tyre duke marshuar në Bulevardin “Dëshmorët e Kombit” për t’u ndalur para Kryeministrisë.
TIRANA- Një manifest politik me titull “Për Mbylljen e Tranzicionit në Shqipëri” ka paraqitur një sërë kërkesash drejtuar institucioneve të sigurisë, drejtësisë dhe politikës shqiptare, duke kërkuar krijimin e një qeverie teknike dhe transitore si rrugëdalje nga kriza politike në vend.
Në dokument kërkohet që Forcat e Armatosura dhe institucionet e sigurisë të garantojnë mbrojtjen e integritetit territorial të Shqipërisë dhe të aseteve strategjike, me fokus të veçantë te Sazani dhe Zvërneci, duke siguruar që çdo veprim mbi këto territore të jetë në përputhje me ligjin dhe interesin publik.
Manifesti i bën thirrje SPAK-ut dhe Byrosë Kombëtare të Hetimit që të zhvillojnë hetime të plota dhe të pavarura për çdo vendimmarrje, kontratë apo procedurë që lidhet me administrimin dhe përdorimin e pasurive publike strategjike. Në këtë kuadër kërkohet verifikimi i rolit të Kryeministrit Edi Rama, Këshillit të Ministrave dhe zyrtarëve të tjerë publikë nëse konstatohet dyshim për shkelje ligjore apo cenim të interesit publik.
Po ashtu, në dokument kërkohet që SPAK-u të hetojë edhe ish-kryeministrin Sali Berisha për çdo implikim të mundshëm në çështjen e tokave të Zvërnecit, si dhe të hapen dosjet që lidhen me të dhe familjen e tij.
Një nga pikat kryesore të manifestit është krijimi i një qeverie teknike, apartiake dhe transitore, e përbërë nga ekspertë, përfaqësues të diasporës dhe personalitete të shoqërisë shqiptare, pa lidhje me partitë aktuale politike.
Mes kërkesave të tjera renditen vetingu politik për zyrtarët e përfshirë në afera korruptive apo me lidhje me krimin, vetingu i Policisë së Shtetit, mbështetja e plotë për SPAK-un dhe BKH-në në hetimin e çështjeve të mëdha si Gërdeci, 21 Janari, inceneratorët, sterilizimi dhe dosje të tjera me interes publik.
MANIFEST PËR MBYLLJEN E TRANZICIONIT NË SHQIPËRI
PËR INSTITUCIONET E PAKAPURA:
THIRRJE! Forcat e Armatosura dhe institucionet e sigurisë duhet të mbrojnë integritetin territorial të Republikës së Shqipërisë, veçanërisht asetet me rëndësi strategjike si Sazani dhe Zvërneci, duke siguruar që çdo veprim mbi këto territore të jetë në përputhje të plotë me ligjin, interesin publik dhe kontrollin institucional.
THIRRJE! SPAK-u dhe Byroja Kombëtare e Hetimit duhet të hetojnë në mënyrë të pavarur, të plotë dhe të paanshme çdo vendimmarrje, kontratë, procedurë apo ndikim politik që lidhet me administrimin, dhënien në përdorim apo privatizimin e pasurive publike dhe zonave strategjike, përfshirë Sazanin, Zvërnecin dhe çdo territor tjetër me rëndësi kombëtare. Hetimi duhet të përfshijë përgjegjësinë institucionale të Kryeministrit të Shqipërisë, Edi Rama, të Këshillit të Ministrave dhe të çdo zyrtari publik të përfshirë në këto procese, nëse ka indicie për shkelje të ligjit, konflikt interesi, abuzim me detyrën apo cenim të interesit publik.
THIRRJE! SPAK-u dhe Byroja Kombëtare e Hetimit duhet të hetojnë Sali Berishën për çdo implikim të mundshëm, qoftë edhe indirekt, në çështjen e tokave të Zvërnecit, përfshirë çdo vendimmarrje apo ndikim gjatë periudhës së qeverisjes së tij. Mbi të gjitha, duhet të hapen të gjitha dosjet që lidhen me të dhe me familjen e tij, të cilët kanë statusin "non grata" nga SHBA-ja, shteti i djepit të demokracisë; aleati që mbështeti anëtarësimin e Shqipërisë në Lidhjen e Kombeve në vitin 1920, si dhe aleati kryesor në ndërhyrjen e NATO-s për çlirimin e Kosovës në vitin 1999, përballë gjenocidit serb mbi popullin shqiptar.
KRIJIMI I QEVERISË TRANSITORE:
Duhet të ndërtohet menjëherë një qeveri teknike, apartiake dhe transitore, e votuar drejtpërdrejt nga populli. Çdo ministër duhet të jetë pa lidhje me partitë politike aktuale dhe të vijë nga radhët e ekspertëve të fushave përkatëse, personaliteteve të shoqërisë shqiptare, diasporës, trevave shqiptare dhe vetë Shqipërisë. Kjo qeveri duhet të udhëhiqet nga parimet e përgjegjësisë kombëtare, integritetit publik dhe dashurisë për atdheun, duke marrë si frymëzim Dekalogun e të atdhedashurit Mit'hat Frashëri, birit të Abdyl Frashërit, një prej figurave më të ndritura të Lidhjes së Prizrenit.
PËR QEVERINË TRANSITORE:
1. Veting politik i plotë për çdo politikan të akuzuar, të marrë të pandehur, të shpallur "non grata", të lidhur me krim të organizuar, korrupsion, pastrim parash ose afera të rënda publike. 2. Veting i Policisë së Shtetit, për të pastruar institucionin nga ndikimet kriminale, politike dhe korruptive.
3. Mbështetje e plotë për SPAK-un dhe BKH-në, për hetimin pa kompromis të çdo afere që ka dëmtuar interesin publik: Gërdeci, 21 Janari, dosja Ahmetaj, inceneratorët, sterilizimi dhe çdo dosje tjetër ku është grabitur shteti shqiptar.
4. Zgjidhje e konflikteve pronësore përmes një komisioni të posaçëm, transparent dhe të pavarur, që i jep fund kaosit të pronave dhe padrejtësive shumëvjeçare.
5. Krijimi i Ministrisë së Diasporës, si urë shtetërore me shqiptarët jashtë vendit, përmes:
"Kartës së Shtetasit të Jashtëm Shqiptar", sipas modelit OCI të Indisë, për lidhjen institucionale të diasporës me Shqipërinë.
"Bonos së Diasporës", si instrument financiar për zhvillim ekonomik, kulturor dhe kombëtar.
Krijimit të departamenteve të posaçme për trajtimin e problemeve të shqiptarëve në Serbi, Mal të Zi, Maqedoninë e Veriut dhe Greqi, për mbrojtjen e të drejtave kombëtare, çështjen e Çamërisë dhe pasivizimin e adresave në Luginën e Preshevës.
SHQIPËRIA E SHQIPTARËVE
KRIJIMI I QEVERISË TRANSITORE
SHQIPËRIA E SHQIPTARËVE
KRIJIMI I QEVERISË TRANSITORE./Dosja.al
Pankarta TIRANA- “Vrasësi i policit në Maliq ka përfituar fonde nga qeveria, ndërsa ishte në kërkim”, kjo is...
Pamje TIRANA- Mijëra protestues janë mbledhur para kryeministrisë, ndërsa bëjnë thirrje për dorëheqjen e kryeminist...
Pamje TIRANA- Një situatë e tensionuar është paraqitur minutat e fundit pranë Kryeministrisë, pasi protestuesit janë p&e...
Foto ilustruse MAMURRAS- Anila Lleshi, mjekja e familjes, në qendrën shëndetësore të Mamurrasit po hetohet nga Prokurori...
Pamje TIRANA- Mijëra protestues janë mbledhur ditën e sotme në sheshin para godinës së qeverisë, ndërsa kë...
Pamje SHKODRA- Kryeministri i vendit, Edi Rama po zhvillon këtë pasdite një takim me socialistët në qytetin e Shkodrës. Qindr...
Pamje TIRANA- Qindra qytetarë janë mbledhur ditën e sotme në sheshin “Skënderbej”, ku pritet të nisin tubimi...
Pamje MALIQ- Moti i keq dhe rreshjet intensive të shiut kanë sjellë proplematika në Maliq. Masa dheu dhe gurësh janë sh...
KAMËZ- Zbardhen detaje të reja në lidhje me ngjarjen e rëndë të ndodhur sot në Kamëz, ku mbeti i vrarë shtet...
Foto ilustruse TIRANA- Policia u ka kërkuar ndihmë qytetarëve dhe ka kërkuar bashkëpunimin e tyre, për kapjen e autorit...
