21 Janar 2025, 07:32
Nga B.Z
Foto ilustruese
TIRANË - Gjithnjë e më shumë konsumi i veshjeve në vendin tonë po zhvendoset te mallrat e dorës së dytë, të njohura si të përdorura.
Pjesa e popullsisë që “investon” në veshjet e reja, kryesisht të rinjtë, po pakësohen nga emigrimi dhe rënia e lindjeve, ndërsa popullsia në moshë pensioni, që po zgjerohet, harxhon më pak për veshje.
Të dhënat e INSTAT treguan se gjatë vitit 2024, importet e veshjeve të përdorura në sasi shënuan rritje me mbi 81%. Gjatë vitit të kaluar u importuan 22,1 mijë tonë veshje të përdorura nga 12,2 mijë tonë në vitin 2023.
Importet e veshjeve të përdorura nga viti 2019 deri në vitin 2023 ishin rreth 12 mijë tonë, por në 2024 gati u dyfishuan në mbi 22 mijë tonë.
Me inflacionin e lartë të dy viteve të fundit ka një zhvendosje të blerjeve të konsumatorëve shqiptarë, të cilët kanë frenuar blerjen e veshjeve të reja, duke u zhvendosur tek të përdorurat.
Gjatë vitit të kaluar, importet e veshjeve të reja pësuan rënie në disa grupe ose qëndruan në vendnumëro.
Importet e veshjeve të reja në sasi ishin në rënie të lehtë për dytin viti radhazi më 2024.
Rënia e konsumit të veshjeve në Shqipëri mbart disa faktorë të shumëfishtë që kanë të bëjnë me tkurrjen dhe plakjen e popullsisë dhe me rritjen e fortë të çmimeve të mallrave të shportës.
Tkurrja e numrit të të rinjve, të cilët zakonisht priren të blejnë veshje të reja po ndikon negativisht konsumin. Gjithashtu popullsia e vendit po tkurret përveçse po plaket.
Vendi nisi të tkurret nga njerëzit që prej vitit 1990. Normat e ulëta të lindshmërisë dhe emigracioni ishin faktorët kryesorë që kontribuuan në zvogëlimin e popullsisë. Gjatë periudhës midis censeve 2011-2023, popullsia e vendit u tkurr me 420 mijë banorë.
Të dhënat e Cens 2023 tregojnë se një në pesë individë (19,7%) janë 65 vjeç e lart, krahasuar me një në nëntë individë (11,3%) në Censin e vitit 2011 dhe 7,5% në Censin e 2001.
Moshat më të vjetra kanë strukturë të ndryshme konsumi nga të rinjtë dhe harxhojnë pak për veshje dhe zakonisht priren të plotësojnë nevojat në tregjet e dorës së dytë. Por veshjet e dorës në dytë janë kthyer në trend edhe për grupmoshat e tjera kudo në botë, për shkak se shpesh ofrojnë çmim të ulët kundrejt një cilësie të mirë.
Barometri i Ballkanit, një anketë nga Këshilli i Bashkëpunimit Rajonal që mat perceptimin e qytetarëve për situatën ekonomike, gjeti se më 2024 shqetësimi më i madh i shqiptarëve ishte inflacioni i lartë. Pas luftës në Ukrainë, çmimet e shportës në Shqipëri u rritën me ritme dyshifrore.
Njësoj si në Europë, qytetarët shkurtuan shpenzimet për veshje dhe këpucë. Edhe në Europë dhe më gjerë, shitjet e veshjeve të reja po përballen me rënie këtë vit, edhe pse inflacioni po stabilizohet duke thyer të gjitha parashikimet për rritje të shitjeve në fillim vit./ Monitor
treg veshje te perdorura
Aktualitet
21 Janar 2025, 07:19
B.Z
Foto ilustruese
TIRANË - Në vitin 2022 Shqipëria kishte shpenzimet shëndetësore për frymë (publike +private), prej vet&e...
Aktualitet
21 Janar 2025, 07:16
B.Z
Foto ilustruese
TIRANË - Ditën e Martë vendi ynë do të ndikohet nga kushte atmosferike të paqëndrueshme për shkak t...
Aktualitet
20 Janar 2025, 21:50
N.F
Tiranë
TIRANË- Në Tiranë qytetarët mendojnë se administrata e re amerikane nën drejtimin e Presidentit Donald Trump do t...
Aktualitet
20 Janar 2025, 21:14
N.F
Pajtime Fetahu
ELBASAN- Shpesh Policia e Shtetit bën publike video që tregojnë qytetarë që tentojnë të korruptojnë ...
Aktualitet
20 Janar 2025, 21:08
N.F
Policia
FIER- Emisioni Fiks Fare solli rastin e një të miture nga fshati Grykë i Fierit. A.M ankohet në emisionin Fiks Fare se një...
Aktualitet
20 Janar 2025, 19:05
N.F
Foto
ITALI- Një rast dhune është regjistruar në Itali ku protagonist i ngjarjes ka qenë një 20-vjeçar shqiptar. I riu ...
Aktualitet
20 Janar 2025, 17:17
r.ll
Kasandra Cani dhe Esma Verlaku
TIRANË- Policia e Tiranës ka reaguar lidhur me sherrin e ndodhur ditën e djeshme në kryeqytet, konflikt ...
Aktualitet
20 Janar 2025, 16:28
N.F
Shkozet
SHKOZET- Banoret e rrugës "Prishtina" në lagjen 14 në Shkozet kanë zhvilluar ditën e sotme një protestë. Ata kan...
Aktualitet
20 Janar 2025, 16:23
I.A
Esma dhe Xhemile Verlaku
TIRANË- Dosja.al, ka zbardhur detaje të tjera nga ngjarja e rëndë e ndodhur mbrëmjen e kaluar n...
Aktualitet
20 Janar 2025, 16:01
N.F
Bulqizë
BULQIZË- Moti i keq i cili poshtoi vendin para disa ditësh nuk ka kaluar në disa zona të vendit. Mësohet se prej m&eu...