Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Bëri bujë martesa e Fuatit atë dimër të egër të vitit 1975. U çuditën njerëzit jo që ai gjeti nuse,por që mori një vajzë yll. E gjatë,elegante,e qeshur,me sy jeshilë e lëkurë zeshkët. Të drithëronte kur e shihje. Isha student atëhere dhe kur e ndesha te shkallët e banesës gëlltita dy herë pështymën. Kaq më shijoi sa i hodha një sy.
Fuati dhe Elsa, kështu quhej nusja e tij, qenë fqinjët e mij. Një kat më poshtë. Babai i Fuatit seç foli kundër qeverisë te puna si mekanik dhe e pa veten në burg. E dënuan 17 vjet. Do internonin dhe Fuatin, por nëna e tij kishte një dëshmor në fis ndaj nuk e trazuan.
E lanë te puna si xhenerik ama askush nuk i fliste. As mirëmëngjes nuk i thoshin kur niste ditën. Pas ca muajsh që u burgos i ati vdiq nëna e ngratë. Në varrim nuk e çuan me makinën e Gaqos, por me karrocën e komunales. Pas kalit ecte Fuati deri te gropa. Sa shtinë brenda xhenazen karrocieri fluturoi me karrocën sikur Fuati të kishte fruthin. Ndenji deri sa ra nata e erdhi në shtëpi,i vetëm mes katër mureve. Kështu kaloi muaj e disa vite deri sa …u martua.
-Ka marrë një artiste,-tha nëna ime.
Kështu i cilësonte ajo njerëzit e bukur. Zjeu pallati nga thashethemet deri sa Petro,që ishte shef kuadri,i tha babait se bënin mirë mos i flisnin as Fuatit, as Elsës nga që dhe ajo ishte vajza e një armiku. I ati i saj një piktor i shquar deri dje donte të pushtonte komitetin. Kur dëgjova pushtim komiteti m’u bë sikur piktori qe tankist e donte ta shfaroste fare ndërtesën në qendër të Korçës.
Sigurisht që nuk i folëm. Ama u bë traditë që te ai guri i madh në hyrja e pallatit të rrinim plot e plot djem e burra e të prisnim kur do delte Elsa nga shtëpia. Se shkonte ajo në pazar a te ndonjë fis në qytet. E shihnim, e kullufitnim dhe secili ruante në nëndërgjegje ato copa të trupit të saj që i bënin punë. Unë ende diku kam arshivuar sytë e saj dhe një pérveshje të buzës së poshtme.
Kaluan vite kështu. U largova student,gjeta një të dashur që i ngjiste Elsës,u martova me të,shkova me punë në Tiranë, m’u rritën fëmijët,u martuan,u bëra gjysh,ika në Amerikë dhe…në një fluturim nga Bostoni në Detroit shoh te stoli ngjitur Fuatin. I plakur,i dobësuar,por sytë ishin ata,të 40 viteve para.
-Nuk më njeh?- e pyeta.
Picérroi sytë. Nuk më mbante mend. Sapo doja t’i thoja emrin m’u hodh e më pérqafoi.
-Gimi i Alajdinit?-e kishte dhe si pohim, dhe si pyetje.
Nuk folëm ca çaste,vetëm u pérmallëm me shikime. Më pas nuk rreshtja së pyeturi e së pyeturi.
Udhëtimi qe i shkurtër, por Fuati nuk rreshti së treguari. Kishte erdhur në Amerikë qysh më 1992. Mbushi plot 27 vjet në Detroit. Në Boston jetonte çuni i vetëm. Deri sa erdhi në Amerikë nuk lindën fëmijë. S’donim të rritej si ne,mes njerëzve që nuk na flisnin e s’na pérshëndesnin. Ishte sikur jetoje në një planet me bashkëqytetarë që janë shurdhë,memecë dhe qorra. Askush nuk na vinte re kur ecnim, kur sëmureshim, kur rrëzoheshim. Kur na dhembte barku a koka s’kishim kujt t’i ankoheshim. Ndaj sa shkelëm në Michigan,që natën e parë bekuam zotin dhe unë bekova Elsën të lindte fëmijë. Patëm fat,sot biri ynë është inxhinier. Rri me një gocë,mbase martohet së shpejti.
Kur e pyes se si e pérballoi izolimin e gjatë të shoqërisë,më tha se ai dhe gruaja jetuan sipas shprehjes “Picolo Grande Amore”. Ai nuk e di kuptimin e këngës së famshme,por me këtë nënkupton se ai jetoi një dashuri të madhe brenda atij indiferentizmi gjigand.
-Sa herë ktheheshim nga puna,lanim duart,fytyrën,ndërronim rrobat dhe njéri prej nesh delte jashtë shtëpisë. Por vetëm gjysëm metér larg. Gruaja mbyllte derën unë trokisja nga jashtë. Kush është, pyeste ajo. A pranoni miq,pyesja unë. Urdhéroni,thoshte ajo dhe hapte drën. Më pérqafonte dhe më pyeste sikur të isha psh një kushéri i saj. Si je Bajram,si e ke gruan,fëmijët. Me shëndet si po ia çon,po me punë. Pastaj unë i pérgjigjesha si Bajram. I fantazoja se ishim mirë,punonim fort, i tregoja se vajza qe bërë këngëtare,djali kishte qejf matematikën. E vazhdonim me teatër disa orë. Kur vinte nata unë dilja te dera,Elsa më thoshte të fala dhe mbyllej dera. Pastaj e hapja vetë dhe kthehesha në Fuat. Bëheshim gati pér gjumë. Dita na kaloi me miq, i thonim vetes.
Një ditë në javë, zakonisht të shtunave mbasdite, kapnim pérkrahu njéri tjetrin dhe bënim xhiro në shtëpi. Nga kuzhina,në koridor, në dhomën e gjumit dhe kthim.
Ngadalë duke qeshur e duke përshëndetur majtas e djthtas. Si je Nesti, pyesja unë ajrin majtas. Ornela si ja ke kaluar, pyeste Elsa ajrin djathtas. E me plot thirrje e fjalë na dukej se qemë mes njerëzve të pallatit e qytetit.
Ndérsa të dielave,nga që dritarja shihte stadiumin,bënim tifozllëk të madh. Ndanim se cili ekip ishte imi dhe cili i Elsës dhe bértisnim sikur qemë të tribuna pérballë. Aq gëzoheshim pér golat sa edhe sot mbaj mend golat që bënte ekipi im. Qe një lumturi e madhe marrëzia e të djelave.
Shtëpia aq e vogël na u bë bota e madhe jashtë. Brenda saj ishte bulevardi,stadiumi,teatri,koncerti,këndi i ëndërrave. Po e shpjegoj,më tha Fuati.
Rrinte Elsa te një karrike në qoshe të kuzhinës e më pyeste:
-Çfarë ëndërre do të të realizoj?
-Të më flasin njerëzit,-i thoja me vrap.
Ajo ngrihej dhe imitonte zë burrash e grash:
-Si je,o byrazer?
-O zemër si ndjehesh?
-Fuat,të kam shokun më të ngushtë.
Ndërsa kur e pyesja unë për ëndérrën e saj,më thoshte:
-Dua shumë fëmijë.
Menjëherë nisja rolet. Sikur isha mësues dhe bërtisja:
-Ti,Vjollca,vajza e Elsës duhet ta bësh më të bukur shkrimin,ashtu si e qeshura e mamasë tënde. Kujdes Agron,ty po të flas. Më dëgjo se do detyrohem t’i them Fuatit,babait tënd që je çamarrok e ma prish mësimin…Bravo Mira,lum Fuati dhe Elsa për talentin tënd,do shkosh në festival vitin që vjen se e meriton. Më tej s’mundesha,stepesha,nuk flisja,e merrja në gji dhe lotonim të dy aq gjatë sa na merrte gjumi mbi karriken e shtrembër.
Avioni u ul në pistë.
-Arritëm,-tha Fuati.
Ecëm bashkë deri të dalja. Nga larg u dëgjua emri i tij. Shoh një plakë të bukur që ecte ngadalë,por kishte nxitim në sy. Kur u afrova i pashë vështrimin. Ishte ai që unë ia kam kyçur në trurin tim. I lashë të pérqafuar dhe u derdha drejt nipit e mbesë sime. Picolo grande amore është vetë jeta. Dashuritë e thyejnë izolimin ashtu si dielli e shkrin akullin.
Çdo orë e nga pak…
1 vit nga zgjedhjet e 25 prillit si e shikoni gjendjen e vendit:
TIRANË- Para tre apo katër vjetesh ish ministri i shëndetësisë Ilir Beqja shpalli nismën për të dhënë me koncesion laboratorët e analizave në spitalet publ...
Sapo kisha dalë nga një prej auditoreve të Ryerson University. Fakulteti i Shkencave Sociale kishte organizuar një trajnim disa ditor mbi parandalimin dhe ndërh...
TIRANE- Erion Braçe, zëvendës Kryeministri i Shqipërisë, publikoi sot disa pamje dhe shkruan se janë nga operacioni që zhvilloi Policia e Shtetit në disa...
(R.I.P Dhjetor ’90 dhe Shkurt ’91. Ndoshta kështu mendojnë edhe shokët e mi të Dhjetorit ’90 dhe Shkurtit ’91)A mundemi ta ndryshojmë jetën tonë?A m...
TIRANË– Më 20 shkurt 1991, unë isha 10 vjeç. Kam qenë gjithë sy e veshë për të dëgjuar nga të rriturit diçka më shumë, një koment apo përjeti...
Dhe kjo çështje nuk lidhet aq shumë me përtesën që shikuesit e filmave mund të kenë në lidhje me leximin e titrave, sa lidhet me konsiderimin e Hollywood...
SHKODËR- Shkodra është tronditur sërish. Një ngjarje e rëndë u regjistrua këtë të dielë, kur Suad Lici, Administratori i Vllaznisë, teksa po dilte nga bane...
TIRANË– Diana pas dy muajsh punê në kompani ndjehej keq. Madje shumë keq. Ndonjē mëngjes ah sa desh të mos lëvizte fare nga shtëpia dhe eprorëve t’u ...
TIRANË– Retaili (rrjete supermarketesh të organizura në mënyrë moderne) ushqimor sot në vëndin tonë has në shumë problematika që vijnë nga faktorë të...
Ç’qëndrim mban ndaj së drejtës? Vitet e fundit kjo është bërë një çështje thelbësore politike në Europë. E për këtë ka një arsye të fortë: Pothuaj...
