Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
FRANCË – Fushata për zgjedhjet presidenciale, që mbahen në prill në Francë, veçse ka filluar të bëhet interesante, teksa në garë është shfaqur një komentues televiziv i krahut të djathtë, që po lufton me Marine Le Pen, se kush nga ta do të jetë kundërshtar i presidenti aktual, Emmanuel Macron, në rundin e balotazhit.
Kush do të fitojë?
Opozita është e dobët dhe e fragmentuar dhe sondazhet vazhdimisht thonë se Macroni do të udhëheqë në rundin e parë të zgjedhjeve dhe me gjasë do të mposhtë çdo kundërshtar në rundin e dytë, duke fituar kështu mandatin e dytë presidenciale. Por, fushata parazgjedhore veçse ka sjellë mjaft befasi, me Eric Zemmour nga ekstremi i djathtë, që i është bashkuar garës për president.
Edhe nëse Macron fiton mandatin e dytë presidenciale, atij po ashtu i duhet një fitore e partisë së tij të re – që në zgjedhjet e fundit lokale dështoi të fitojë – në zgjedhjet parlamentare që mbahen në qershor, nëse Macron dëshiron që të zbatojë lehtësisht politikat e tij.
Çfarë pritet të ndodhë?
Garë e ashpër për të hyrë në rundin e balotazhit pritet të ndodhë ndërmjet Zemmour dhe Le Pen, që vijnë nga partia e ekstremit të djathtë, Tubimi Kombëtar. Në këtë fazë, konservatorët kryesorë nuk është se kanë shanse reale për rundin e dytë, por ata ende shpresojnë se mund të bëjnë një rikthim. E majta e fragmentuar, gjerësisht konsiderohet se është jashtë garës presidenciale. Presidenti aktual i Francës, Emmanuel Macron ende zyrtarisht nuk e ka konfirmuar kandidaturën edhe për një mandat. Por, ai veçse ka filluar fushatën parazgjedhore.
Por, a mund që Macroni ta humbë avantazhin? Në zgjedhjet e vitit 2017, favoritët e humbën garën, pikërisht nga një person që nuk konsiderohej kandidat favorit– Macroni. Ndërkaq, më 2012 sondazhet kishin nxjerrë saktë emrin e fituesit të zgjedhjeve presidenciale disa muaj para zgjedhjeve, por kjo nuk ka ndodhur në zgjedhjet e tjera. Për shkak se niveli i personave që pritet të mos dalin fare në zgjedhje është shumë i lartë, personat që bëjnë matjen e opinionit të publikut thonë se është pothuajse e pamundur që të parashikohet se çka do të ndodhë në zgjedhje, duke nxitur edhe më shumë pasiguri.
Për çka do të luftohet në zgjedhjet presidenciale?
Partitë e ekstremit të djathtë kanë dominuar diskursin politik në fushatën parazgjedhore falë propozimeve provokuese të bëra nga Zemmour, i cili ka qenë i dënuar për nxitje të urrejtjes. Kandidatët e tjerë, nga e majta dhe e djathta, kanë ndjekur shembullin e tij, duke bërë deklarata të forta për migrimin.
Por, në kohën e rritjes së çmimeve të rrymës, një sondazh i OpionionWay, por edhe sondazhe të tjera, kanë thënë se energjia elektrike dhe jo migracioni, është tema më e rëndësishme për votuesit, e pasuar nga mbrojtja sociale, ndërkaq çështjet e sigurisë dhe migrimi janë më poshtë në listën e prioriteteve të votuesve.
Temë kyçe po ashtu është edhe rimëkëmbja ekonomike. Sipas sondazheve, votuesit janë të pakënaqur me politikën ekonomike të Macronit por, ata nuk mendojnë se ndonjëri prej kundërshtarëve të tij mund të bëjë diçka më mirë në këtë fushë. Shqetësimet për shëndetin mund të kthehen në prioritet për votuesit, veçanërisht pas shfaqjes së variantit Omicron të koronavirusit, që ka nisur të rrit numrin e infektimeve.
Pse këto zgjedhje janë të rëndësishme?
Pasi Britania u largua nga Bashkimi Evropian, Franca është fuqia kryesore ushtarake e bllokut evropian, dhe padyshim ekonomia e dytë më e madhe. Me kancelaren gjermane, Angela Merkel që po largohet nga politika, mandati i dytë presidencial për Macronin, do ta bënte atë liderin kryesor të Evropës.
Një përballje në rundin e balotazhit ndërmjet Macronit dhe Le Pen apo Zemmour, do të ishte një test i rëndësishëm për qëndrueshmërinë e të djathtës ekstreme të Evropës, që është zgjeruar në mbarë kontinentin gjatë dekadës së fundit, por ndikimi i saj ka nisur të zbehet në disa shtete. Macron, apo çdo rival që do ta mposhtë atë, pritet të përballet me zemërimin e publikut sa i përket ndikimit të pandemisë COVID-19, me një sistem pensionesh që shumëkush thotë se duhet të reformohet dhe me ambiciet për të riindusrializuar Francën.
Cilët pritet të jenë kandidatët kryesorë?
Emmanuel Macron. Dyzetetrevjeçari, presidenti aktual i Francës, u zgjodh më 2017 kur garoi me një platformë centriste, por ato politikat e tij devijuan djathtas. Tani, ai pritet që t’i futet sërish garës presidenciale. Liderja e partisë të së djathtës ekstreme, Tubimi Kombëtar, Marine Le Pen. Kjo është hera e tretë që ajo garon për presidente. Më 2017, ajo arriti që të futej në rundin e balotazhit dhe sondazhet parashikojnë që edhe kësaj radhe të jetë në balotazh, por kandidimi i Zemmourit mund të kërcënojë shpresat e saj për postin e presidentit.
Partia konservatore, Republikanët do të vendosë më 4 dhjetor për kandidatin e saj, por me gjasë gara do të jetë ndërmjet ish-shefit të BE-së për Brexit-in, Michel Barner, presidentes së rajonit të Parisit, Valerie Pecresse dhe presidentit të rajonit Hauts-de-France, Xavier Bertrand. Ndërkaq, Yannick Jadot nga të Gjelbërit, socialistja Anne Hidalgo dhe Jean-Luc Melenchon nga partitë e majta, janë në mesin e kandidatëve që nuk kanë shumë shanse për t’u kualifikuar për rundin e balotazhit.
Cila mendoni se është alternativa më e mirë:
Për gati 10 vjet Kina ka ndërtuar me zell një “Rrugë të re të Mëndafshit”. Nëpërmjet porteve, hekurudhave dhe infrastrukturës, ajo po përpiqet të li...
KOSOVË– Ministria e Shëndetësisë në Kosovë (MSH) njoftoi ditën e sotme se gjatë 24 orëve janë regjistruar edhe 8 raste të reja të të infektuarve me koronav...
BRUKSEL – Komisioni Europian ka prezantuar ditën e sotme paketën globale të investimeve “Global Gateway”, e cila mendohet se do te jetë një konkurrente e ...
EUROPA- Presidentja e Komisionit Evropian, Ursula Von der Leyen u ka bërë thirrje vendeve të BE-së në lidhje me vaksinimin e detyrueshëm. The guardian shkruan s...
BULLGARI – Ministri bullgar i Shëndetësisë, Venko Filipçe këtë mërkurë ka folur në lidhje me ADN-të e vaktimave na tragjedia ndodhur në Bullgari n...
GJERMANI- Tre persona janë plagosur pas shpërthimit të një bombe të Luftës së Dytë Botërore pranë një stacioni treni të ngarkuar në qytetin gjerman të Mynihut, ...
SHBA – Shtëpia e Bardhë zbuloi dekorimet e saj të festave dhe tema është zgjedhur këtë vit nga zonja e parë Jill Biden, e cila e titulloi frymëzimin e sa...
SHBA- Një ngjarje e rëndë ka ndodhur në një ndërtese në Nju Jork, kur një 40-vjeçar u masakrua me thikë. Mediat e huaja shkruajnë se Vitor Bauza, 56 vje&...
JEMEN – Arabia Saudite përdori “stimuj dhe kërcënime” si pjesë e një fushate lobimi për të mbyllur një hetim të OKB-së për shkeljet e të drejt...
TURQI – Kriza e valutës turke, lira, ka zvogëluar mbështetjen për presidentin turk, Recep Tayyip Erdogan, duke i dhënë opozitës mundësi të artë për të sfi...
