Aktualitet

FOTO/ Njëri me pesë biznese e tjetri aksioner me ministrinë, kush janë të ‘blinduarit’ e Durrësit që sot iu bllokuan mjetet luksozve (Lista e kompanive)

Pas identifikimit të tyre, me anë të një kërkimi në Qendrën kombëtare të Biznesit rezulton se njëri prej tyre, Elvis Doçi, të cilir sot iu sekuestrua një automjet i blinduar të llojit “Benz”, ka në pronësi dhe në administrim pesë biznese, me vendndodhje në Durrës dhe në Fushë Krujë.
Featured image of article: FOTO/ Njëri me pesë biznese e tjetri aksioner me ministrinë, kush janë të ‘blinduarit’ e Durrësit që sot iu bllokuan mjetet luksozve (Lista e kompanive) Foto nga aksionet ne QKR
Përditësuar:

TIRANËDosja.al ka zbardhur detaje rreth personave të cilëve iu sekuestruan ditën e sotme makinat e blinduara në Shijak dhe në Durrës. Pas identifikimit të tyre, me anë të një kërkimi në Qendrën kombëtare të Biznesit rezulton se njëri prej tyre, Elvis Doçi, të cilir sot iu sekuestrua një automjet i blinduar të llojit “Benz”, ka në pronësi dhe në administrim pesë biznese, me vendndodhje në Durrës dhe në Fushë Krujë.

Konkretisht, Elvis Doçi administron një kompani ndërtimi me adresë në Rrashbull të Durrësit me emrin “Cara na”, një bar-kafe me emrin “Port Side” në Durrës, të cilën e ka në bashkëpronësi me një tjetër person të identifikuar si Bukurije Doçi, një bar kafe në Fushë Krujë, dhe bar “Vintage” me adresë në Sukth në bashkëpronësi me një person të quajtur Edmir Bakalli. Bledin Doçi ka në pronësi një kafe me emrin “Port Side Beach”, me vendodhje pranë Currilave në Durrës, në zonën e plazhit.

Ilir Gjyzeli ka në pronësi një gomisteri në autostradën Durrës-Tiranë.

Ilir Gjyzeli

Ndërsa Xhevdet Troplini rezulton se është aksioner në një shoqëri të quajtur “EUROMAG”, ku bëjnë pjesë dhjetëra persona të tjerë. Mes tyre spikat edhe Ministria e Ekonomisë, Tregtisë dhe Energjetikës me 30% të aksioneve, në kohën kur ende nuk ka qenë shkrirë ky insitucion. Troplini ka gjithashtu në emrin e tij kompaninë “Ovvital”, që merret me tregtinë e mishit dhe vezëve dhe rezulton të jetë në bashkëpronësi me Hysen Doçin.

Për më shumë bëhu pjesë e grupit më viral në Facebook, Dosja.al

Makinat e këtyre katër personave, bashkë më të dy të tjerëve, identitetet e të cilëve nuk dihen, janë bllokuar nga Operacioni Forca e Lijgit deri në një vendim të dytë. Ata do të duhet të deklarojnë origjinën dhe burimin e ligjshëm të parave me anë të të cilave kanë siguruar automjetet e blinduara, ndërkohë që asnjëri prej të lartpërmendurve nuk ka marrë një kërkesë-formular për pasuritë e tjera.

Sot OFL i ka dërguar kërkesat për të deklaruar pasuritë e tyre, dy ‘kokave’ të krimit. Bëhet fjalë për Emiljano Shullazin dhe Gjergj Cukalin, të cilët brenda 48 orësh duhet të plotësojnë formularin e vetëdeklarimit të pasurisë së tij. Ndërsa një ditë më parë, OFL-ja dërgoi formularin tek Suel Cela dhe Plarent Dervishajt. Më herët, OLF shënjestroi biznesmenin durrsak, Dashamir Gjoka, dhe trafikantin i arrestuar në Gjermani për trafik droge, Emiljano Hysenaj dhe të afërmin e tij, Edlirin. Formulari iu dërgua ish-kreut të bandës së Durrësit, Lulzim Berisha, i cili ktheu edhe përgjigjien e tij. Formulari i është dërguar edhe Ardian Çapjas  Elbasan, ndërkohë që pasuria i është sekuestruaAltin Hajrit në Shijak, dhe Grupit të Dukagjinit në Shkodër.  3 ditë  më parë OFL-ja i ka dërguar formularin për deklarimin e pasurisë Saimir Taullau dhe Arben Isufaj i njohur ndryshe si Ben Qimja.  Po kështu ditën e shtunë u janë sekuestruar makinat e blindura, Durim Bamit, Dashamir Gjokës dhe Landi MuharremitDje në ‘sitën’ e OFL-së u kap “kumbari i Shkodrës” Bardhok Pllanaj dhe  Alberto Kochsiek (Lamaj), i njohur ndryshe si kreu i bandës së bananeve.

(f.m/dosja.al)

Shto Koment