Aktualitet

50 viktima nga tërmeti, mbyllen kërkimet në Thumanë e Durrës, toka dridhet sërish!

  • Rama mbledh sërish qeverinë, thirrje medieve: Sharlatanë, jo lajme të rreme
  • “Llogari me emrin ‘Rilindje’”, Policia: Mashtroi me ndihmat për tërmetin
  • Ministria e Mbrojtjes konfirmon 46 viktima nga tërmeti, lista e plotë me EMRA
  • “Publikuan lajme të rreme, përhapën panik”, Policia procedon administiratorët e JOQ
  • Tragjike, 50 persona të vdekur, 750 të plagosur dhe dhjetëra të shpëtuar, ky është bilanci i tërmetit. Kërkimet në Thumanë janë mbyllur paradite, ndërsa në zonat e tjera u mbyllën pasdite. Trupi i fundit u nxorr pak pas mesnate në zonën e njohur si “2 Gjelat”. Toka vijon të dridhet, lëkundja më e fortë e ditës së sotme ishte 5.1 magnitudë e shkallës rihter.
    Featured image of article: 50 viktima nga tërmeti, mbyllen kërkimet në Thumanë e Durrës, toka dridhet sërish! Pamje nga tërmeti
    Përditësuar:

    SHQIPERI- 50 persona të vdekur, 750 të plagosur, dhe 47 të shpëtuar! Ky është bilanci tragjik i tërmetit të së martës, i cili është pasuar në ditët në vijim me lëkundje të tjera toke. Në orën 11:52, u regjistrua edhe lëkundja më e fortë e ditës së sotme, me epiqendër në Detin Adriatik me magnitudë 5.1 të shkallës Rihter. Pas tri netësh ekipet e kërkim-shpëtimit kanë mbyllur operacionet, pasi personat e raportuar nga familjarët si të humbur janë gjetur… fatkeqësisht të vdekur.

    Një ditë më parë kryeministri Edi Rama shpalli gjendjen e jashtëzakonshme për qarqet Tiranë dhe Durrës. Ndërsa 27 nëntorit e shpalli ditë zie kombëtare.

    Epiqendra e tërmetit të së martës ishte qyteti i Durrësit, dhe konkretisht zona e Thumanës dhe ish-kënetës, ku ka patur pallate, banesa dhe hotele të shembura, ndërkohë që problemet nuk mungojnë as në Fushë-Krujë, apo te Kavalishenca. Ndërkohë edhe lëkundjet nuk kanë ndaluar. Dje në orën 15:45, dy goditje të forta janë regjistruar me magnitudë 5.6 të shkallës Rihter dhe 5.8. Nuk kanë munguar edhe lëkundjet gjatë natës. Herë pas here, toka në Tiranë dhe Durrës vijon të dridhet.

    (J.V;F.G;F.M;A.C.D.K/Dosja.al)

    • 1:31

      Tragjedi kombëtare! Mbyllen operacionet e kërkim-shpëtimit për tërmetin, 50 viktima, del edhe trupi i fundit nga rrënojat (Emri)

      Ka përfunduar edhe operacioni i fundit i kërkimit-shpëtimit në Durrës, në zonën e njohur si “2 Gjelat”. Nga rrënojat është nxjerrë i pajetë trupi i Xhuljeta Gjonajt, që e çon bilancin e viktimave të tërmetit tragjik të 26 nëntorit në 50. Ky është numri më i lartë i viktimave që është shkaktuar ndonjëherë nga tërmetet në Shqipëri.

    • 22:46

      “Kjo është babëzi”, Rama: U arrestua shefi i Komisariatit që mori dy thasë me ndihma

      Nga çadra ku po qëndrojnë qindra qytetarë të Thumanës pas dëmtimit nga tërmeti, ka folur dhe për ata që po abuzojnë me fondet.

      Në një intervistë për Top Channel, në emisionin Open, Rama tha se pas arrestimitt ë të riut nga Lezha që mblidhte lekë me emrin e tij, një tjetër perosn ka rënë në pranga.

      Edi Rama dhe polici që vjedh ndihmat

      Bëhet fjalë për një polic, që ndihmat po i dërgonte në shtëpinë e tij, që sipas kreut të qeverisë është një shef Komisariati.

      Një shef komisariati që merr dy thasë me ndihma. Kjo është babëzi. Ok ai do bëj lajm, por si ka mundësi”, u shpreh Rama.

    • 22:33

      Donacionet për tragjedinë nga tërmeti, Rama ‘thumbon’ pasanikët e vendit: Bëni paraqitje dinjitoze para se te dilni tek Shën Pjetri!

      Kryeministri Edi Rama në një intervistë për Top Channel ka treguar se videoja më e bukur që kishte parë është ajo e një pensionisti nga Medvegja, i cili dhuroi me lot në sy 10 euro nga pensioni i tij që sapo e kishte marrë.

      Në fjalën e tij, Rama tha ai ishte personi më i pasur që kishte parë, duke “thumbuar” e nxiturit të pasurit e Shqipërisë që të bëjnë dhurimet e tyre.

      Unë kam pas fatin sot që të njoh njeriun më të pasur të Shqipërisë. Është një burrë që nuk e di sa vjeç është. 80 apo 90 vjeç. Ishte nga Medvegja. E pashë dhe më ka lënë pa frymë. Dhe jam shumë i lumtur nga larg. Do shkoj ta takoj në Medvegjë. Ai kishte kursyer 10 mijë lekë. Iu them biznesmenëve që është rasti i tyre i jetës që t’i bëjnë vetes paraqitje dinjitoze para se të dalin para Shën Pjetrit. Se atje shkohet para se të ndahet ku shkon në ferr apo parajsë. Ajo shprehja mos e tundo perëndinë tënda ka një gjë që duhet ta korrigjojnë. Sa po japin sa nuk po japin të pasurit merruni ju. Nxitini! Mi lini mua këto hallet e tjera,“-tha ndër të tjera Rama. 

    • 22:18

      Të prekurit strehohen në hotele, Rama “modest” sa më s’ka: S’i ka shkuar mendja njeriu, më shkoi mua. Në makinë kam “drogën” e s’po e heq dot

      Kryeministri Edi Rama me tone të ashpra i ka kthyer përgjigje kritikëve për masat që po merr Shqipëria për t’u përkujdesur nga të prekurit e tërmetit. 

      Në një intervistë për Top Channel, Rama tha pa modesti se akomodimi i familjeve në hotele ishte një ide e tij dhe ishte padëgjuar më parë. Më tej, kreu i qeverisë zbuloi edhe varësinë e tij, e cila ishte celulari. 

      Edi Rama

      Kjo është një zgjidhje ideale që nuk i ka shkuar mendja njeriu. Më shkoi mendja mua dhe ja ku është. S’do keni më mundësi të bëni lajme të rremë. Disa nuk e di ça kanë por nuk u del e keqja. Ne do e heqim problemin e akomodimit. Po e përsëris shpesh po ndonjëherë më rrotullohet truri nga pagjumsia. Në makinë kam të vetmen drogë që më ka kapur mua që është kjo mrroklla këtu. Kjo është droga ime që nuk e po e heq dot,”-tha Rama. 

    • 22:14

      Rama i prerë: Historia e çadrave mbaron nesër, të gjithë në hotel. Nuk lëmë askënd të abuzojë me fatkeqësinë

      Kryeministri Edi Rama nga Thumana ka deklaruar sot se historia e çadrave do të mabroj nesër. Sipas Ramës të gjithë qytetarët që janë në çadra sot, do të duhet të shkojnë nesër në hotel dhe nuk do lihet askush që të abuzoj me fatkeqësinë e të tjerëve.

      Edi Rama, kryeministër i Shqipërisë

      Banorët duhet të shkojnë atje dhe historia e çadrave do të mbyllet nesër. Nuk do lëmë asnjë njeri në çadra. Banesë nuk do kishim gjetur hotelet, kjo do ishte një histori e gjatë, pasi nuk do lëmë asnjë që të njollosin këtë përpjekje historike të mijëra njerëzve, pasi ka nisur abuzimi. Nuk do lemë asnjë njeri që të abuzoj me dhimbjen e të tjerëve”, u shpreh Rama.

    • 21:31

      A do mblidhet Këshilli i Sigurisë Kombëtare? Meta: Tani e rëndësishme është zgjidhja e problemeve e të prekurve nga tërmeti

      Presidenti Ilir Meta ka shprehur mirënjohjen e madhe për ndihmën e dhënë nga Kosova për përballimin e pasojave të rënda të tërmetit në Shqipëri.

      Në një intervistë të dhënë sot në mbrëmje për emisionin “Debat Plus” në RTV Dukagjini në Kosovë, Meta u shpreh se reagimi i autoriteteve kosovare ka qenë i menjëhershëm dhe ndihma ka qenë profesionale dhe masive.

      Ilir Meta, President i Shqipërisë

      I pyetur nëse do ta mbledhë Këshillin e Sigurisë Kombëtare lidhur me tërmetin, Meta ka sqaruar se “unë prej kohësh e kam shprehur angazhimin tim për të mbledhur Këshillin e Sigurisë Kombëtare për këtë çështje, por edhe për çështje të tjera. Padyshim dhe në të ardhmen mund të mblidhet. Por më e rëndësishme tani është të merret seriozisht zgjidhja e problemeve me të cilat përballen aktualisht banorët më të prekur nga tërmeti”.

    • 21:27

      FOTOJA/ Shqipëria në zi prej tragjedisë, lajmi për tërmetin merr dhenë, amerikani lexon në metro për pasojat

      Lajmi për tragjedinë që tërmeti i 26 nëntorit shkaktoi në Shqipëri ka marrë dhenë. Në redaksinë e Dosja.al ka ardhur një foto nga New York, Amerikë ku një person është kapur duke lexuar në gazetë lajmin për Shqipërinë.

      Foto nga Amerika
    • 21:19

      Iu hoqën kolonat e katit të parë të pallatit për ta bërë kafene…tragjedia që mund të ishte shmangur te ‘Dy Gjelat’ në Durrës (VD)

      Ndërtimi i një kafeneje, e cila që në fillim është kundërshtuar nga banorët, ka sjellë një tragjedi në një pallat në zonën e njohur si “Dy Gjelat” në qytetin e Durrësit.

      Siç raporton gazetari i Report Tv, Arsen Rusta, në kohën kur kati i pari u projektua për kafene, iu hoqën disa kolona duke bërë që pallati të zhytet në toke pas tërmetit të 26 nëntorit, teksa banesat në katet e tjera të këtij pallati nuk ka pasur probleme. Një tragjedi e cila vjen nga dora e njeriut dhe jo e Zotit, e që mund të ishte shmangur.Nga rrënojat e këtij pallati është nxjerrë trupi i Nafije Rexhepit, 74-vjeç e ndërsa vijojnë kërkimet pë një tjetër person, Xhuljeta Gjonaj.
    • 21:12

      ‘Sa hyra në shtëpi ra muri’/ I moshuari shkrehet në lot, Rama e përqafon: Shtrëngo gruan, thuaj shyqyr që jeni gjallë

      Kryeministri Edi Rama ka vizituar pasditen e sotme disa nga familjet e prekura nga tërmeti, të cilat ishin strehuar në hotel pasi u ishte prishur shtëpia nga tërmeti. Gjatë vizitës së tij, kreu i qeverisë takoi dhe bëri foto me një të moshuar që kishte veshur një bluzë me shqiponjën dykrenare. I moshuari i tregoi Ramës se sapo ishte futur në shtëpi për të parë dëmin që i kishte shkaktuar tërmeti. 

      BISEDA ME RAMËN:

      Edi Rama: Ju bëftë mirë, më pëlqen të bëjmë një foto se qenke për ditën e Flamurit
      I moshuari: Unë sa hyra në banesë më ra muri në shtëpi kur hyja për së dyti, ishte bërë copa copa
      Edi Rama: Por të lutëm, aman pse hyre? Si mund të futesh aty
      I moshuari: Thashë ta shoh…
      Edi Rama: Të lutem! Aman more! si mund të futesh aty? Do të mbajmë këtu dhe do të bëjmë shtëpinë
      I moshuari: Unë nuk kam ku të shkoj më, nuk kam shtëpi, në Maqedoni nuk kam shtëpi
      Edi Rama: Shtëpinë do ta bëjmë siç ishte, më të mirë se ishte
      I moshuari: Faleminderit
      Edi Rama: Jo jo nuk ma puth dot dorën. Mos shko më te shtëpia, kaq! Të lutem, ti je i fortë, mbahu fort, ke parë shumë dhe ke kaluar shumë, e rëndësishme është që nuk ke pasur humbje jete.
      I moshuari: Kjo është gruaja ime
      Edi Rama: Përqafoje gruan dhe thuaj shyqyr që jeni gjallë dhe jeni mirë se për te tjerat ne jemi me ju. Ju këtu do të qetësoheni dhe do të rrini sa të jetë nevoja.

    • 21:06

      “Publikuan lajme të rreme, përhapën panik”, Policia procedon administiratorët e Jeta Osht Qef

      Policia e Shtetit në një deklaratë për mediat ka bërë më dije se ka proceduar sot Erland Dalliun dhe Gentian Çengelin, adminsitratorë të faqes Jeta Osht Qef. Sipas Policisë, këta perosna me anë të faqes së tyre kanë lejuar përhapjen e panikut me lajme destabilizuese.

      Më tej në deklaratë thuhet se “kjo faqe në datën 28.11.2019  ka shpërndarë një lajmërim, në të cilin aludohet për një numër të madh viktimash të gjendur në morgun e Tiranës”. Blutë e Tiranës shtojnë më tej se pas bërjes së verifikimeve se lajmi është tërësisht i rremë dhe dashakeqës, prandaj është bërë dhe procedimi i tyre.

      NJOFTIM I PLOTË

      Policia e Shtetit, në vijim të monitorimit të vazhdueshëm për zbulimin dhe goditjen e çdo rasti të abuzimeve me këtë situatë të fatkeqësisë natyrore, duke synuar jo vetëm sigurinë fizike të qytetarëve, por edhe garantimin e qetësisë dhe ndjenjës së sigurisë, po merr masa për parandalimin dhe ndëshkimin ligjor të gjithë personave, të cilët nëpërmjet njoftimeve të rreme në rrjetet sociale, përhapin panik me lajme destabilizuese. Kështu, në Tiranë, janë proceduar penalisht shtetasit Erland Dalliu, 29 vjeç banues në Tiranë dhe Gentian Çengeli, 39 vjeç banues në Tiranë, administratorë të  faqes së internetit Jeta Osht Qejf. Këta shtetas, nëpërmjet faqes nën administrim të tyre, kanë lejuar publikimin e njoftimeve të rreme, të cilat mbjellin panik tek qytetarët.

      Konkretisht, kjo faqe në datën 28.11.2019  ka shpërndarë një lajmërim, në të cilin aludohet për një numër të madh viktimash të gjendur në morgun e Tiranës.Menjëherë pas publikimit të njoftimit, nga strukturat e specializuara të hetimit të krimit kibernetik, krimit ekonomik e financiar dhe strukturat e hetimit Antiterror janë kryer veprimet procedurale për të dokumentuar publikimin e këtij njoftimi dhe njoftimeve të tjera të kësaj natyre.  Nga verifikimet e kryera rezultoi se ky njoftim ishte tërësisht i rremë dhe dashakeq duke synuar përhapjen e panikut  e frikës  tek qytetarët.

      Policia e Shtetit po monitoron çdo minutë dhe do të procedojë penalisht çdo person që do të publikojë lajme të rreme, të cilat përhapin panik tek qytetarët.Në të njëjtën kohë, njoftojmë të gjithë qytetarët që të denoncojnë në numrin 112, Komisariatin Dixhital dhe në faqet zyrtare të Policisë së Shtetit në rrjetet sociale, për çdo njoftim të rremë që publikohet në rrjetet sociale i cili synon destabilizimin e qytetarëve. Policia e Shtetit fton median dhe qytetarët që për çdo situatë e cila mund të ngrejë dyshime ti drejtohen Policisë së Shtetit dhe institucioneve të tjera shtetërore për të marrë informacion zyrtar.

    • 20:40

      Nuk ka fund e keqja për banorët e Thumanës, pas tërmetit shiu u përmbyt dhe çadrat (VD)

      Tërmeti i 26 nëntorit ka lënë pa banesë qindra familje në Thumanë, të cilat janë strehuar në kampet e ngritur nga strukturat shtetërore.

      Por duket se e keqja për këto familje nuk ka fund, pasi sot në orët e mbrëmjes kanë nisur reshjet e shiut. Sipas informacioneve nga terreni mësohet se kanë nisur nxjerrjet e materialeve nga kampi, por një pjesë e tyre janë lagur nga shiu.

      Batanie, dyshekë, rroba e ushqime janë lagur nga shiu, pasi çadrat nuk kanë qenë të siguruara. Po ashtu një pjesë e çadrave janë mbushur me ujë.

    • 20:34

      Tragjedia e 26 nëntorit/ Dua Lipa solidarizohet për të prekurit, shpall projektin: Kemi dëshmuar që jemi të fortë dhe në momentet si kjo

      Dua Lipa

      Këngëtarja me origjinë shqiptare Dua Lipa ka bërë thirrje për solidarizim në mënyrë që të ndihmojë familjet e prekura nga tragjedia e 26 nëntorit. Dua ka dhënë lajmin se do të punojë për disa produkte me disa shqiptarë të tjerë dhe të gjithë përfitimet do t’i dhurojë për të prekurit në Shqipëri, duke përfshirë këtu edhe donacione të saj dhe të familjes së saj.

      “Ne kemi dëshmuar të jemi të fortë dhe në momente si kjo ne bashkohemi si komb i vëllezërve dhe motrave të BASHKUARA. Lutuni për Shqipërinë dhe për jetët e humbura. Bashkohuni me mënyrën më të mirë për të ndihmuar kauzën ose të bëni zgjidheni vetë mënyrën tuaj. Koha është gjithnjë e duhur,”-shkruan ndër të tjera Dua.

      REAGIMI I PLOTË:

      Këtë 28 Nëntor, Dita jonë e Flamurit Kombëtar, na gjen në mes të dhimbjes për jetët e humbur nga tërmeti shkatërrues në Shqipëri dhe duke qenë krenarë për solidaritetin që vëllezërit dhe motrat tanë në Kosovë dhe në të gjithë botën po tregojnë për këtë tragjedi. Si gjithmonë të gjithë jemi të bashkuar dhe të gjithë jemi duke kërkuar mënyrat më të mira për të ndihmuar familjet e prekura, fëmijët që kanë humbur prindërit e tyre, prindërit që kanë humbur fëmijët e tyre dhe miqtë që kërkojnë të gjejnë njëri-tjetrin. Çdo moment i çuar dëm mund të jetë tepër vonë për këtë tragjedi, dhe kjo është arsyeja pse unë nuk mund të pres më. Përveç dhurimeve personale të mia dhe familjes time, unë bashkohem me miqtë e mi Kujtim dhe Arben nga për të krijuar materiale që do të shiten në të gjithë botën dhe 100% e të ardhurave do të shkojnë drejt familjeve të prekura të tërmetit në Shqipëri. Të gjitha të ardhurat do të shkojnë drejtpërdrejt në llogaritë zyrtare të siguruara nga Qeveria e Shqipërisë me të cilët kemi qenë në kontakt përmes miqve tanë në Prishtinë. Ne kemi dëshmuar të jemi të fortë dhe në momentet si kjo ne bashkohemi si një komb i vëllezërve dhe motrave të BASHKUARA. Lutuni për Shqipërinë dhe për jetët e humbura. Bashkohuni me mënyrën më të mirë për të ndihmuar kauzën ose të bëni zgjidheni vetë mënyrën tuaj. Koha është gjithnjë e duhur.

    • 20:28

      “Do u mbyll forcërisht”, Rama kërcënon mediat, por është i pari që thyen etikën me ERTV

      Kryeministri Edi Rama me anë të një postimi në Facebook, kërcënoi mediat online se do t’i mbyllte nëse do vijonin që të raportonin për tërmetin që ka lënë pas 49 viktima. Halli i Ramës me mediat online ishte raportimi, që sipas tij nuk ka qenë korrekt dhe informacionet e transmetuara kanë qenë të rreme dhe kanë përhapur panik.

      Po ashtu një tjetër pikë ishte dhe përdorimi i imazheve nga tërmeti, ku objekt i kamerave kanë qenë hera-herës dhe fëmijët. Të gjitha këto bënë që Rama të kërcënonte me censurë publikun, duke mbyllur një prej burimeve kryesore të informacionit. Vendimin e tij numri një i qeverisë e argumentonte dhe më “Gjendjen e jashtëzakonshme” që ndodhen dy qarqet, Tirana dhe Durrësi.

      Nga ana tjetër Autoriteti i Mediave Audiovizive në një reagim u bëri thirrje të gjithë mediumeve (ku përfshihet dhe televizoni online i Kryeministrit) që të mos shkelnin etikën me pamjet e fëmijëve gjatë raportimeve të tyre.

      Por duket se i pari që ka thyer etikën është vetë shefi i qeverisë, pasi në ERTV pamjet e fëmijëve të tronditur nga tërmeti janë më të shpeshta në videot e tij.

      Nga një vëzhgim i bërë në në vidoet e shpërnda nga kreu i qeverisë dhe minsitrakonstaton se fëmijët jo vetëm nuk janë shmangur nga filmimet, por edhe janë marrë në krahë e u janë marrë deklarata pa praninë e tyre.

    • 20:15

      Foto: Kush është Aderina, 21-vjeçarja që humbi jetën nën rrënoja

      Aderina Kabili ishte vetëm 21-vjeçe. Ajo punonte në fasoneri dhe çdo ditë në orën 05:30 të mëngjesit nisej për në punë. E reja nga Thumana shkoi për të fjetur mbrëmjen e së hënës, pa e ditur se të nesërmen në mëngjes nuk do të zgjohej më. Në moshën më të bukur dhe me një të ardhme përpara, Aderina u shua tragjikisht nga tërmeti i së martës. Ajo ishte në gjumë. Babai i saj, Haxhi Kabili kishte shkuar ta zgjonte përpara lëkundjeve vdekjeprurëse të orës 03:54 minuta, por Aderina, ndoshta e lodhur nga një ditë më parë, nuk u zgjua.

      Në një rrëfim të dhënë për tvklan.al vetëm pak përpara se trupi i saj i pajetë të gjendej poshtë rrënojave, babai i saj 52-vjeçar tregoi se kur kishte hapur derën ku flinte e bija, gjithçka kishte përfunduar.

      Haxhi Kabili arriti të shpëtonte bashkëshorten dhe një fëmijë të fqinjëve, por jo vajzën e tij. Vetëm pak çaste pas tërmetit ai kërkonte i dëshpëruar për të bijën, ashtu sikurse edhe një ditë më pas, por këtë herë i dorëzuar me faktin se e bija nuk jetonte më. Trupi i Aderinës u gjet orët e vona të së mërkurës nga gërmadhat e pallatit 5 katësh, ndërsa këtë të enjte në orën 14:00 ajo u përcoll për në banesën e fundit. Kjo vajzë e re e plot jetë u shua sëbashku me dhjetëra të tjerë, nga lëkundjet tragjike të 26 Nëntorit./tvklan.al

    • 20:07

      Doli i gjallë nga rrënojat, zjarrfikësit tregojnë detaje nga shpëtimi i Klajdi Qatos: I dëgjuam zërin dhe hapëm tunel me duar. Kush pushonim, na pyeste gjithmonë a do punonim sërish

      Efektivët e forcave zjarrfikëse kanë treguar detaje nga operacioni për shpëtimin e Klajdi Qatos, i cili është një prej të mbijetuarve të tragjedisë së 26 nëntorit. Të ftuar në studion e “Historia ime”, ata kanë treguar se kanë komunikuar plot 7 orë me të riun derisa e kanë nxjerrë nga rrënojat. Ata tregojnë gjithashtu se i riu kishte frikë se nuk do të dilte i gjallë dhe se gjithë kohës shqetësohej për informacionin.

      Shiko minutën e 32

      “Kam komunikuar me Klajdin për më shumë se 7 orë. I preka këmbët. Isha i lodhur pushoja nën rrënoja. Kur pushoja unë, më pyeste: A do punoni prapë? I thoja që po, i thosha: Po pushoj pak, pusho edhe ti se në hotel je. I jepja kurajo. Kur dolli më në fund na e shpërbleu. Nuk mendoja asgjë në ato momete, vetëm Klajdin. Ishte një taksixhi aty që ka bërë një punë të mrekullueshme. Kemi qënë sipër rrënojave dhe dëgjuam më pas zërin e tij, me orientim hapëm rrënojat me dorë e ça mundëm. Po ecnim nën rrënoja diku 7 metra. Kur arritëm afër Kladit, ai ishte nën krevat. Atje nuk mendon kujdes, menduam vetëm Klajdin. Në ato momente nuk e mendojmë jetën. Na pyeste gjithë kohës, kishte shumë fuqi na ka ndihmuar edhe ai. Kur doli u çua direkt. Doli në këmbë. Ai ka pasur 5 soleta sipër,”-thanë efektivët e zjarrfikëses.

    • 20:05

      Pamje të pazakonta, çahet toka në Jubë të Shijakut. Hapet kanal 1 km i gjatë (VD)

      Tërmeti i fuqishëm i së martës ka çarë tokën në një gjatësi rreth 1 kilometër në fshatin Jubë të Shijakut. Banorët e zonës janë shprehur të habitur me atë që ka ndodhur në tokat e tyre dhe nga fenomeni i pazakontë.

      Pamjet më lart kanë mbërritur në redaksinë e lajmeve të Televizionit Klan. Sipas ekspertëve çarje të tilla të tokës janë normale në tërmete të fuqishme si ai 26 Nëntorit.

    • 19:56

      “S’e harrojmë kurrë ndihmën”, Meta viziton bashkë liderët e Maqedonisë së Veriut zonat e prekura nga tërmeti

      Presidenti i Republikës, Ilir Meta ndoqi nga afër operacionet e kërkim-shpëtimit që po kryhen në njërin prej pallateve të dëmtuara nga tërmeti në lagjen nr. 6 në Durrës. Kreu i Shtetit shoqërohej nga Kryetari i Kuvendit të Maqedonisë së Veriut, Talat Xhaferri, Zëvendëskryeministri i Maqedonisë së Veriut, Bujar Osmani, Kryetari i BDI-së, Ali Ahmeti si edhe përfaqësues të pushtetit vendor.

      Pasi u tregoi përfaqësuesve Maqedonas situatën dhe mori mbështetjen e tyre në këto ditë të vështira për Shqipërinë, Meta u takua edhe me forcat e specializuara të emergjencave civile, të ardhura nga Maqedonia e Veriut, për të kontribuuar në tejkalimin e pasojave të kësaj fatkeqësie natyrore, të cilat janë të stacionuara në gjimnazin “Naim Frashëri”.

      Ilir Meta dhe liderët e Maqedonisë së Veriut

      “Jam këtu për t’iu  falënderuar të gjithëve për punën plot përkushtim që keni bërë këto dy ditë, për të cilën keni vlerësimet më të larta. Kam dëgjuar fjalët më të mira nga autoritetet e Durrësit dhe ato shqiptare që kanë ndjekur nga afër gjithë këtë situatë kaq dramatike të emergjencës.  Faleminderit shumë për sakrificat që keni bërë, që keni rrezikuar në operacionet e shpëtim-kërkimit, kontributin tuaj nuk do ta harrojmë kurrë! Ky është një moment i rëndësishëm i demostrimit të solidaritetit midis dy vendeve tona, dhe një tregues i bashkëpunimit në fushën e emergjencave civile.

      Kualifikimi dhe eksperienca juaj kanë qenë mjaft të qarta, dhe dua t’ju shpreh mirënjohjen më të thellë për këto dy ditë e dy netë që ju i keni kaluar këtu në kushtet më të vështira, nuk do ta harrojmë kurrë këtë ndihmë dhe solidaritet kaq vëllazëror. Dua të falënderoj përzemërsisht Presidentin Pendarovski, Kryeministrin Zaev dhe të gjithë përfaqësuesit e politikës së Maqedonisë së Veriut, të cilët kanë qenë pranë nesh që në fillim dhe vazhdojnë të jenë pranë nesh në përballimin e kësaj fatkeqësie të madhe dhe të këtyre pasojave kaq të rënda, sikurse ju i keni parë dhe i dini më mirë se çdo njeri tjetër.”, u shpreh Meta.

      Nga ana tjetër kryetari i BDI-së Ali Ahmeti theksoi: “Jam këtu me Kryetarin e Parlamentit, me zëvendëskryeministrin, me deputetë, për t’ju inkurajuar për misionin tuaj fisnik. Shpresojmë që tragjedi të tilla të mos ketë më, por këto janë zhvillime të paparashikueshme dhe ne duhet të jemi të përgatitur. Mua më është bërë zemra mal kur kam dëgjuar në mediat shqiptare për punën dhe sakrificën tuaj, vërtet kam qenë krenar kur mora lajmin që keni shpëtuar jetë njerëzish, dhe iu uroj të gjithëve shërim sa më të shpejt dhe Zoti iu ndihmoftë në misionin tuaj!”

    • 19:44

      Iu shua familja nën rrënoja/ Gazetari tregon dhimbjen e kryefamiljarit Lala: Nuk largohet e nuk i flet me gojë njeriu, ka ende shpresë, komunikon vetë italiasht me forcat e huaja

      Gazetari i ABC News, Juxhin Mustafaraj, i ftuar në emisionin “Historia ime”, ka treguar historinë e kryefamiljarit Lala, i cili ende ka shpresë për të gjallë nën rrënoja. Mustafaraj ka treguar se kryefamiljari nuk flet me askënd dhe ka 24 orë që nuk i largohet pikës më të afërt ku edhe lejohet që të rrijë. Sipas tij, ai është gjithmonë në komunikim me forcat italiane pasi mund ta flasë gjuhën e tyre.

      Shiko minutën e 15

      Familja Lala është më e prekura nga kjo fatkeqsi. Përbëhet nga 12 anëtarë që jetonin në një banesë 4 katëshe. Nga banesa është nxjerrë i gjallë vetëm një prej djemve të familjes. Edhe 4 të tjerë janë nën rrënoja. Në asnjë moment nuk i jemi afruar kryefamiljarit. Është një shirit policie i vendosur nga forcat e emergjencës. Është një situatë dramatike të shohësh një baba, i cili ka tre djemtë e tij dhe bashkëshorten dhe në një itinerar prej 3 metrash ka 24 orë që bën vetëm një lëvizje nag njëri krah në tjetrin.Nuk pranon askënd që t’i afrohet. Është në komunikim të vazhdueshëm me ekipet e emergjencës italiane. Ka qënë emigrant në Itali dhe mund të komunikojë me ta. Shpresa e mban aty dhe ai nuk ka asnjë njoftim. Jo vetëm gazetarët por edhe familjarët e kanë të vëshirë që t’u afrohen dhe t’i japin shpresë,”-tha gazetari.

    • 19:30

      Boshatiset Durrësi nga frika për cunami, sizmologu qetëson qytetarët: Nuk ka asnjë rrezik, është alarm fals

      Në një kohë kur qytetarët e Durrësit dhe jo vetëm i ka mbërthyer paniku nga tërmeti shkatërrues i 26 nëntorit, që la pas të vdekur dhe qindra të plagosur, shumë prej tyre kanë lënë sot banesat pas një alarmi ‘bombë’ që qyteti bregdetar do të goditej nga një cunam.

      Llambro Duni, sizmolog

      Dhjetra qytetarë kanë dërguar mesazhe në adresë të agjencisë së lajmeve të “BalkanWeb”, si dhe shumë të tjerë kanë telefonuar, të shqetësuar për të mësuar mbi vërtetësinë e lajmit, nëse Durrësit do të goditej apo jo nga kjo dukuri e rrezikshme.

      E për të shuar të gjitha këto zëra, që erdhën pas publikimeve nëpër mediat greke dhe ato italiane, ku për alarmin i referoheshin Institutit Italian të termëve, vjen zëri zyrtar nga specialisti; Durrësi nuk rrezikohet nga cumani. Në një lidhje telefonike për ‘News24’, sizmologu Llambo Duni pohoi se alarmi për cunam rezultoi falas. Ai theksoi se tërmeti i së martës me magnitudë 6.3 të shkallës rihter, nuk e ka fuqinë që të shkaktojë një dukuri të tillë si cunami.

    • 19:24

      S'ka humor e këngë të shtunën mbrëma! Klanifornia anulon shfaqjen, nderon viktimat e tërmetit

      Klanifornia

      Stafi i “Klanifornia” ka vendosur që të mos e zhvillojë emisionin e të shtunës mbrëma në shenjë solidariteti me tragjedinë e 26 nëntorit. Emisioni i cili fokusohet në humor dhe muzikë, nuk do të transmetohet këtë javë duke respektuar pasojat shkatërruese të tërmetit e dy ditëve më parë.

      “Për respekt të jetëve të humbura, familjarëve të tyre apo njerëzve që janë prekur nga kjo tragjedi, kemi vendosur anulimin e shfaqjes këtë javë, me urimin dhe shpresën, që duartrokitjet dhe të qeshurat tuaja të kthehen ne lutje dhe gjithçka të marrë fund sa më shpejt. Ju duam!,“-shkruhet ndwr tw tjera nw njoftimin e tyre. 

    • 19:21

      Basha viziton banorët e prekur nga tërmeti në Laç: Qeveria të shpall dhe këtu gjendjen e fatkeqësisë natyrore

      Kreu i Partisë Demokratike, Lulzm Basha, ka qenë sot pranë banorëve në Laç ku ka parë nga afër dëmët e shkaktuara nga tërmeti në këtë zonë.

      Kreu i PD është shprehur se janë më qindra banesa të dëmtuara nga tërmeti në këtë zonë. Shumë banorë kanë lënë shtëpitë dhe po jetojnë në çarda, por kapacitetet e tyrë janë të pamjaftueshme. Banorët janë ankuar tek numri një opozitës se shteti i ka dëgjuar ata pas tëmreti dhe i ka lënë në mëshirë të fatit.

      Duke parë situatën e krijuar, Basha kërkoi shpalljen e gjëndjes së fatkeqësisë natyrore edhe në Bashkinë e Laçit, përveç Qarkut të Tiranës dhe Durrësit.

      Lulzim Basha me banorët në Laç

      Kjo deklaratë e Bashës është mbështetur dhe nga kryetarja e LSI, Monika Kryemadhi, e cila në një reagim në Facebook se “Shpallja e gjendjes së fatkeqësisë natyrore edhe për qarkun e Lezhës është detyrim”.

    • 19:19

      Kishte të afërm familjen Cara, zjarrfikësi qan në studio, tregon me zërin e dridhur lutjet e Linditës: Mos më lini të vdes! Ja çfarë i shpëtoi jetën

      Emisioni i sotëm i “Historia Ime” i është dedikuar i tëri tragjedisë së 26 nëntorit të shkaktuar nga tërmeti 7 ballës. Një prej të ftuarve ka qënë edhe koordinatori i ekipit të shpëtimit, i cili tregoi në studio se kishte nën rrënoja edhe familjarët e tij, anëtarët e familjes Cara. Në rrëfimin e tij, ai u shpreh se kishte mundur që të nxirrte të gjallë Linditën jeta e të cilës ishte shpëtuar nga një sobë që i kishte rënë në krah dhe nuk e kishte lënë që goditej nga asnjë bllok betoni.

      Shiko minutën e 36

      “Kushërira ime Lindita pas 13 orësh e nxorrëm gjallë. Grekët na u gjendën me disa pajisje speciale. Ajo gjithë kohës fliste me ne dhe na thoshte: Ju lutem mos më lini të vdes! Kur ke një person tëndin e ke më të vëshirë. Fati i saj ka qënë një sobë dhe traversa e betonit kishte rënë mbi të,”-tha ai.

    • 19:08

      ‘Gjithmonë mirënjohës!’/ U strehua në Kukës gjatë luftës, efektivi nga Kosova kujton historinë e tij në Thumanë: Erdha 20 vjet më pas për të kthyer ndihmë

      Një prej pjesëtarëve të Njësisë Speciale të Kosovës ka publikuar historinë e tij të veçantë. I riu Hasan Mulaj ka treguar se ai ka qënë një prej refugjatë që kishin ardhur në Kukës gjatë luftës së Kosovës. Ai ka publikuar një foto tijën në Kukës, dhe një të disa orëve më parë në Thumanë, ku edhe dha kontributin e tij për të nxjerrë të mbeturit nën rrënoja.

      “I njëjti destinacion, i njëjti qëllim. Dora për ndihmë. 20 vjet më parë për ta kërkuar, 20 vjet më pas ta kthyer. Gjithmonë mirënjohës”, u shpreh Mulaj nga Skenderaj.

    • 19:06

      Ministria e Mbrojtjes konfirmon 46 viktima nga tërmeti, lista e plotë me EMRA

      Minisitria e Mbrojtjes ka bërë me dije emrat e 46 personave që janë konfirmuar si viktima të tërmëetit ë 26 nëntorit, që shkatërroi shumë pallate e banesa private.

      Sipas listës zyrtare nga Ministria e Mbrotjes bëhet me dije se 22 persona kanë vdekur nga shembja e pallateve në Durrës, 22 të tjerë në Krujëm një person në Lezhë që është hedhur nga lartësia për shkak të panikut dhe një tjetër në Kurbin.

      Ndërkohë sipas informacioneve nga terreni mësohet se lista e të vdekurve është 49 pasi 3 viktima janë në morg ende të paidentifikuara. 

      Fotot e shpërndarë nga Lulzim Basha

      LISTA E PLOTË E VIKTIMAVE

      Në Durrës, në total 22 viktima , të identifikuar si më poshtë :

      1-Bajram Hajdarmataj, 54 vjeç, gjetur në L 13 .

      2- Amelia Lala, 8 vjeç, gjetur në L.17.

      3-Sadik Qato, 85 vjeç, gjetur në L 13 .

      4-Isah Abazi, 29 vjeç, banues në L.13                                                                   

      5-Esiela Karanxha, 8 vjeçe, gjetur në L 18.

      6-Flatar Zenelaj, 64 vjeç, gjetur në L 13

      7-Eviola Broshka, 28 vjeçe, gjetur në L 18

      8-Kristi Reçi, 24 vjeçe, gjetur në L 18

      9-Sehadete Lala, 04.02.1940, gjetur në L 18

      10-Diena Karanxha, L 18

      11-Eduart Reçi L 18

      12-Shemsedin Abazi gjetur L13

      1. Dolora Reçi, 49 vjeë lagja Nr.18
      2. Klaus Reçi, vjeç 21. Lagja Nr.18.

      15.Griselda Lala vjeç 22, lagja Nr. 17

      16.Rozeta Maçja vjeç 59,lagja Nr.18

      17 Sotiraq Misho,vjeç 49, lagjja 13

      18.Nafije Haziz Rexhepi vjeç 10.09.1945  lagja 6

      19.Marjeta Isuf Lala 08.10.1988  lagja 18

      20.Emilio  Albert Lala 7 vjec lagja 18

      21.Dionis  Albert Lala  30.01.2018 lagja 18

      22.Dionisa Albert Lala   30.01.2018 lagja 18

      Krujë –  22 persona në total,  të identifikuar si më poshtë:

      1-Bukurije Leka

      2-Erisa Cara

      3-Ariela Lala 4 vjeç

      4-Fatmira Cuka 44 vjeç

      5-Selvie Lala 77 vjeç

      6-Saimir Greku

      7-Sardi Cuka 18 vjeç

      8-Hajrie Vata 65 vjeç

      9-Klevis Çupi (Aliu)  34 vjeç

      10-Drita Cakoni    58 Vjeç

      11-Pëllumb Greku 57 Vjeç

      12-Çelike Grupieku  57 Vjeç

      13- Hajredin Çupi, 66 Vjeç

      14-Kastriot Cakoni, 58 vjeç

      15- Fatmira  Cara vjeç 54

      16- Hasan   Cara vjeç 16

      17-Roledi   Vata vjeç 3

      18-Suada    Hysa  vjeç 18

      19-Ankthi  Cara vjeç 65

      20-Adelina Kabili vjeç 20

      21-Almir Cara vjeç 26

      22- Stela Zvergeci vjeç 20

        1. Lezhë: Evis Hoxholli 32 vjec, hedhur nga lartësia për shkak të panikut
        2. Kurbin: Kristjan Preçi 26 vjeç, dëmtuar gjatë tërmetit dhe humbur jetën si pasojë e aksidentit rrugës për në spital.
    • 18:40

      ‘Më sillni të shoh vajzën’/ Humbi të bijën adoleshente dhe burrin nga tërmeti, Manjola Çakoni kërkon me ngulm t’i shohë, e motra: Sot i varrosëm, s’di asgjë se është rëndë, jemi të vrarë

      Motra e Manjola Çakonit, Saimira Baçi ka treguar për dramën e familjes së motrës së saj, e cila humbi vajzën 15-vjeçare dhe bashkëshortin nga tërmeti i dy ditëve më parë.

      Për kamerën e Top Channel, Saimira ka treguar se e motra kërkon që të shohë vajzën pasi është në gjendje të rëndë, ndërkohë që familjraët e gënjejnë duke i thënë se ajo është nën kujdesin e mjekëve. Motra e Manjolës tregon se Manjola ka dy fëmijë të tjerë në Angli, të cilët kanë marrë vesh lajmin por duke qënë se janë pa letra nuk mund të ktheheshin në atdhe për t’u dhënë lamtumirën e fundit motrës dhe babait të tyre.

      Quhem Saimira Baçi, jam e motra e Saimira Kaçonit. Ajo ka humbur dy, vajzën dhe burrin. Vajza 15 vjecce. Ne kemi humbur dy veta. Ajo nuk di asgjë. Motra dhe vëllai janë të plagosur nga zemra. Sot përcillet një fëmi, një ëngjëll. Një lule rinie që po rritej ditë për ditë. Ne jemi shumë të vrarë, motrës nuk i kemi thënë asgjë. Gjendja e motrës është kritike, shyqyr djalin e ka shumë mirë. Një djalë e vajzë e ka në Angli. Ata qajnë ditë e natë nuk i durojnë dot dhimbet. Nuk e di ça të them. Ishalla i jep Zoti forcë. Asgjë nuk di ajo, e di që janë plagosur dhe se janë në spital. Më tha dua të shoh vajzën dhe i themi që do të ta sjellim këtu. I themi që ne të gjithë jemi të gjithë jemi tek koka e saj dhe se do ia çojmë që ta shohi. Ata ikën, Zoti i bekoftë,”-thotë motra e saj.

    • 18:33

      AMA thirrje radiove e televizioneve: Shpërndani spotet që informojnë qytetarët, ndyrshe do marrim masa

      Autoriteti i Mediave Audiovizive në një reagim ka kërkuar nga të gjitha televizionet dhe radiot që nuk kanë shpërndarë spotin që informon qytetarët se ku mund të kontribuojnë me ndihma për të prekurit nga tërmeti.

      Në njoftim AMA shkruan se jo të gjitha televizonet dhe radiot e kanë shpërndarë spotin që është i detyruar të jepet falas dhe për këtë gjë nëse situata nuk ndryshon do merren masa. Më tej ky autoritet kujton dhe gjendjen e jashtëzakonshme që është shpallur në Tiranë e Durrës, ku shton se spoti duhet të transmetohet të paktën një herë brenda 60 minutave, duke vijuar deri ditën e dielë, 01.12.2019.

      AMA, radio, televzion dhe tërmeti

      NJOFTIMI I PLOTË

      Pas njoftimit për të transmetuar pa pagesë spotin publicitar për dhënie kontributi në ndihmë të fatkeqësisë natyrore, të cilin Autoriteti i Mediave Audiovizive, AMA, e shpërndau tek operatorët radio dhe televizivë paraditen e 28 nëntorit 2019, është evidentuar reagim i menjëhershëm i pjesës më të madhe të tyre.

      AMA e vlerëson maksimalisht këtë kontribut konkret të redaksive, si një mbështetje dhe solidaritet me familjet që po përballen me situatën e paprecedentë nga pasojat e rënda të tërmetit të ditës së martë, apo me të gjithë ata që po ndihmojnë papushim për të rikthyer normalitetin në zonat më të prekura nga lëkundjet që vijojnë ende.

      Nga një pjesë e vogël e televizioneve dhe radiove transmetimi i spotit po vlerësohet si angazhim fakultativ. Kujtojmë këto subjekte se transmetimi i spotit pa pagesë, në kushtet kur në qarqet e Tiranës dhe Durrësit është shpalluar gjendja e fatkeqësisë natyrore është i detyrueshëm, në zbatim të nenit 34 të ligjit nr. 97/2013 “Për mediat audiovizive në Republikën e Shqipërisë”, i ndryshuar dhe rregullores “Për transmetimin pa shpërblim të informacioneve, mesazheve dhe njoftimeve me interes të lartë për publikun e gjerë”, miratuar nga AMA, me vendim nr. 76 datë 04.04.2016.

      AMA do të vijojë monitorimin e transmetimeve dhe për rastet që nuk respektohen kërkesat e sipërcituara, do të nisë procedimin administrativ, konform kuadrit legjislativ në fuqi. Nga opertorët radio dhe televizivë spoti informues dhe sensibilizues do të transmetohet të paktën një herë brenda 60 minutave, duke vijuar deri ditën e dielë, 01.12.2019, deri në një njoftim tjetër.

    • 18:18

      "Baba" i repit preket nga tragjedia, Unikatili dhunon për të prekurit e tërmetit të ardhurat e koncertit: Më dhemb zemra për shtetin amë!!!

      Reperi i njohur shqiptar Unikatili ka vendosur që të gjitha të ardhurat e koncertit të tij, i cili do të zhvillohet pas 2 ditësh t’i dërgojë për të prekurit nga tërmeti i 26 nëntorit. Lajmin e ka bërë të ditur vetë reperi në rrjetet e tij sociale duke u shprehur se biletat e koncertit të tij në Zvicër do të shtohen me nga 5 franga, nga ai dhe nga klubi ku do të zhvillohet koncerti.

      Postim i i Unikatilit

       “Më dhemb zemra për katastrofen që i ka ndodhë shtetit amë !! @avalonclubluzern ka me dhuru 5 franga nga çdo biletë të koncertit me 30 Nëntor për ndihmë. Unë poashtu kom me shtu (match) 5 franga per çdo 5 franga,”-shkruan reperi.

    • 18:07

      “Hapi llogari me emrin ‘Rilindje’”, arrestohet 30-vjeçarin nga Lezha. Policia: Mashtroi me ndihmat për tërmetin në emër të Ramës

      Policia e Shtetit ka arrestuar sot një 30vjeçar në Lezhë, i cili sipas informacioneve kishte hapur një llogari bankare në emër të Kryeministrit Edi Rama dhe hiqej sikur mblidhte para për të prekurit nga tërmeti, por në të vërtetë paratë i grumbullonte për vete.

      Në një deklaratë për mediat  Zv/drejtoresha e përgjithshme të Policisë së Shtetit, Aida Hajnaj, u shpreh se është arrestuar në flagrancë shtetasi Arjan Meli, 30 vjeç, lindur dhe banues në Lezhë.

      Më tej shtohet se Meli ka hapur një llogari me emrin “Rilindje” dhe në këtë faqe ka postuar një status në emër të Kryeministrit, duke u bërë thirrje qytetarëve për solidarizim duke kontribuuar në vlera monetare në dy numra llogarie.

      Theksojmë faktin se numrat e llogarisë ishin llogari private të këtij shtetasi dhe se gjatë kësaj kohe të shkurtër qytetarë të ndryshëm kanë rënë pre e këtij mashtrimi duke bërë derdhje shumash të ndryshme”, shtoi Hajnaj.

    • 17:55

      Humbi gjysmën e tij nën rrënoja, Greg Rama vë një gur në zemër dhe bën thirrje për të dhuruar ndihma

      Djali i madh i kryeministrit Edi Rama, Gregu ka bërë thirrje ndjekësve të tij në rrjetet sociale që të kontribuojnë për të prekurit nga tërmeti i 26 nëntorit. Disa orë pasi i dha lamtumirën e fundit, njeriut të tij të zemrës Kristi Reçit, Gregu ka bërë thirrje për ndihma duke “harruar” për një çast dhimbjen e tij.

      Postimi i Greg Ramës

      “Adresa unike shtetërore për të kontribuar në mbështetje të familjeve të prekura nga fatkeqsia natyrore,”-shkruhet në postimin e shpërndarë nga i riu. 

    • 17:47

      FOTO/ Tërmeti lë pasoja dhe në Vlorë, dy pallate tronditen nga themelet dhe bashkohen me njëri-tjetrin

      Dy pallate në Vlorë janë bashkuar me njëri-tjetrin në qytetin e Vlorës, si pasojë e tronditjeve të tërmetit. Dosja.al mëson se tërmeti i 26 nëntorit ka lënë pasoja edhe në lagjen “29 Nëntori”, dy pallate janë bashkuar me njëri-tjetrin. Lëkundjet e forta kanë tronditur themelet e dy pallateve që njihen ndryshe si pallatet e “Ish-Gjallicës” dhe ka bërë që të afrohen me njëri-tjetrin siç shihet në foto. Banorët kërkojnë që të merren masa menjëherë.

      Pallatet në Vlorë
    • 17:14

      Të përqafuar me njëri-tjetrin, 3 fëmijët dhe nëna e tyre dalin të pajetë nga rrënojat në Durrës

      Katër  trupa të pajetë janë gjetur pak më parë në zonën e ish-Kënetës në Durrës, duke thelluar më trej tragjedinë. Sipas Ministrisë së Mbrojtjes bëhet me dije se nga kërkimet janë gjetur 3 trupa nën rrënojat e një pallati.

      Pak minuta më vonë po nga e njëjta godinë është nxjerrë një tjetër trup i pajetë po në këtë godinë.

      Viktima janë tre fëmijë, dy prej të cilëve binjakë Dionisi dhe Dionisa, djali Emilio 6 vjeç dhe nëna Marjeta 31 vjeçe. Ata janë gjetur nga forcat e kërkim-shpëtimit të përqafuar me njëri – tjetrin.

    • 17:11

      Humbi vajzën dhe nënën nën rrënojat e tërmetit, familjarët i japin xhupin e 5-vjeçares, i ati shpërthen në lot: O Zot!

      Babai i vogëlushës 5 vjeçare, Ariela Lala, e cila humbi jetën nën rrënojat e shtëpisë së saj në Durrës ka marrë si kujtim sendin e të bijës. Ai ndodhej jashtë vendit për të punuar ditën që vendi u godit nga tërmeti 7 ballë.

      Sapo është kthyer, të afërmit i kanë dhënë xhupin e të voglës së tij, e cila ndërroi jetë pranë gjyshes së saj, Selvies për ta mbajtur si kujtim dhe pikërisht në këtë moment ai nuk i ka përmbajtur lotët. Në videon e FaxNews ai dëgjohet duke qarë, teksa është i mpirë nga dhimbja dhe përsërit fjalët “O Zot!” teksa përqafohet nga një i afërm.

       

    • 16:51

      Tërmeti në Shqipëri, dhimbja shkon deri në Korenë e Jugut, dhurohen 100 mijë USD

      Edhe Korea e Jugut është bashkaur me dhimbjen e shqiptarëve dhe solidarizohet për të lehtësuar sadopak dhimbjen.  

      Bashkethemeluesja e Federates se Paqës Universale, Federatës së Familjes për Paqe Botërore dhe Bashkim, Federatës së Grave për Paqe dhe një serë organizatash të tjera humanitare, Dr. Hak Ja Han Moon, ka dhuruar sot në llogaritë e vëna në dispozicion nga Emergjencat Civile, 100.000 dollarë.

      Dr. Hak Ja Han Moon

      Dr. Moon bashkohët dhe dhimbjen që Shqipëria po përjeton. Lutjet e saj janë drejtuar për Shqiperinë, vendin që vizitoi në fund të muajit tëtor, në Samitin e Paqes për Europën Juglindore

    • 16:48

      Zemrat bashkë deri në sekondën e fundit/ Greg Rama i jep lamtumirën të dashurës, i dëshpëruar në ceremoninë e varrimit të familjes Reçi

      Djali i kryeministrit Edi Rama, Gregu ka qenë i pranishëm në ceremoninë e varrimit të të dashurës së tij Kristi Reçit, e cila humbi jetën poshtë rrënojave bashkë me tre anëtarët e familjes së saj. AbcNews shkruan se Rama është shfaqur i hidhëruar teksa i ka dhënë lamtumirën e fundit, vajzës me të cilën kishte më shumë se dy vite lidhje. Katër anëtarët e familjes Reçi, babai Eduard Reçi, 54 vjeç, nëna Dolora Reçi, 49 vjeç, vajza Kristi Reçi, 25 vjeç, dhe djali Klaus Reçi, 21 vjeç u përcollën për në banesën e fundit paraditen e sotme mes dhimvjeve dhe lotëve.

    • 16:32

      FOTO/ Mbyllet kërkimi në rrënojat e “Mira Mare” në Durrës, mbi gërmadha valëvitet flamuri kuqezi

      Është mbyllur kërkimi në rrënojat e hotelit ‘Mira Mare’ në Durrës, pasi nuk rezulton të ketë më njerëz poshtë tyre. Siç shihet edhe në foto mbi rrënoja është vendosur tashmë flamuri kuqezi që valëvitet në dner të personave që humëbn jetën poshtë tyre.

      Flamuri mbi rrënoja
    • 16:29

      'Pallati i Enverit' shpallet i pabanueshëm, lëkundjet e tokës prishin godinën pranë burgut të grave

      Një pallat i ‘kohës së Enverit’ është shpallur i pabanushëm në kryqytet. Pallatit në rrugën Idriz Dollaku, pranë burgut të grave është vënë një shirit dhe është rrethuar nga autoritetet. Mësohet se godina ka pësuar dëme të mëdha nga lëkundjet që ka pësuar toka ditët e fundit duke u bërë i pabanueshëm.

    • 16:18

      Derbi i solidaritetit, Partizani kërkon që me Tiranën të luajë në “Air Albania”: Të ardhurat nga biletat për të prekurit nga tërmeti

      Dy ditë më parë një tërmet i fortë godiqi Durrësin dhe Thumanën, duke shkaktuar deri tani 44 viktima dhe mbi 750 të plagosur. Solidariteti me viktimat dhe të prekurit nga tërmeti ka qenë i madh, ku është përfshirë dhe sporti.

      Sipas informacioneve bëhet me dije se klubi i Partizanit ka kërkuar që derbi me Tiranësn të luhet n ë stadiumin “Air Albania” dhe të gjithë të ardhurat nga biletat të shkojnë për të ndihmuar familjet e prekura nga tërmeti.

      Foto nga derbi i kaluar

      Klubi i kuq ka paraqitur një kërkesë në FSHF, ku kërkon që të mos paguajë as tafirën e qirasë së stadiumit, në mënyrë që e gjithë shuma që do të grumbullohet nga biletat të shkojë për rindërtimin e shtëpive.

      Ende nuk dihet nëse kjo kërkesë është miratuar nga FSHF, por mësohet se propozimi është ende në fazën e diskutimit, pasi as ndeshja nuk është vendosur ende se ku do luhet.

    • 16:15

      E akuzuan se i mbajti donacionet e tërmetit për vete, ‘shpërthen’ Linda Halimi: Mua s’më mungon asgjë, lutem për ju

      Këngëtarja Linda Halimi ka fshirë fushatën e saj për mbledhjen e fondeve për njerëzit e prekur nga tërmetin që ndodhi orët e para të mëngjesit të së martës.

      Linda, e cila jeton prej vitesh në Amerikë i ka kthyer përgjigje kritikësve duke u shprehur se asaj nuk i intereson aspak që të përfitojë nga donacionet e mbledhura pasi nuk i mungon asgjë. 

      Postimi i Linda Halimit

      “E fshiva kampanjën në Go Fund Me. Shumë drama. Njerëzit po mendojnë se e kam për përfitime personale, shumë absurde dhe qesharake. Duhet të jesh pa zemër fare të fitosh personalisht në kohë tragjedie. Më vjen keq që edhe pasi kam bërë donacione të ndryshme brenda këtyre dy ditëve(e kam bërë me zemër e dashuri) populli im, njerëzit, dyshojnë në qëllimet e mia vetëm pse nuk jetoj në Shqipëri. Më besoni nuk kam mbetur në lekët e fituara të Go Fund Me sepse deri më tani nuk më mungon asgjë falë Zotit. Lutem për ju dhe shpresoj të ju lehtësohen dhimbjet dhe të mos përsëriten më kurrë këto kohë të rënda. Paqe dhe dashuri”, ka shkruar Linda në Instastory.

    • 16:02

      Basha në spitalin e Durrëst pas dëmtimeve nga tërmeti: Puna vijon normalisht, inxhinierët thonë se struktura është e sigurtë

      Kreu i Partisë Demokratike ka qenë sot në Spitalin e Durrësit, ku ka vizituar të plagosurit që po marrin mjekim aty. Në përfundim të kësaj vizite Basha ka dhënë një deklaratë për mediat, ku shprehu mirënjohje dhe mbështetje për personelin mjekësor të Durrësit dhe ekipet e tjera vendase e të huaja, që po përballojnë një volum të jashtëzakonshëm pune.

      Po ashtu Basha foli dhe për pjesën e informimit të qytetarëve, dhe u shpreh se informimi duhet të jetë pa censurë, pasi sipas tij kjo është mënyra më e mirë për të luftuar keqinformimin, panikun, shokun, tronditjen dhe stresin.

      DEKLARATA E PLOTË

      Arsyeja e rikthimit tim në këtë spital është për të parë gjendjen tek Reparti i Urgjencës, kryesisht, pas tërmetit. Pas goditjes së orës 12.00, gjendja paraqitet stabël. Është bërë një kontroll nga ekspertët, nga inxhinierët strukturorë, të cilët e kanë certifikuar se mund të vazhdojë punën. Dua të shpreh mirënjohjen time dhe mbështetjen totale për personelin shëndetësor të Spitalit të Durrësit, nga drejtuesja e spitalit, tek mjekët, tek infermierët, personeli sanitar, personeli ndihmës, të cilët janë heronj të vërtetë, sepse kanë përballë një volum të jashtëzaknshëm në kushte shumë të vështira. Mirënjohje kam edhe për personelin, që është i pranishëm, për të përforcuar punën e tyre dhe për ekipet e ardhura nga jashtë, të cilët siç i patë edhe vetë, po ndihmojnë sa munden me praninë e tyre. Mendjet dhe zemrat tona janë me familjet e  të lënduarve, me të lënduarit dhe me të gjithë ata që po japin ndihmën e tyre të pakursyer në këtë orë të vështira për Durrësin dhe qytetarët e Durrësit.

      Me këtë solidaritet të paparë, me këtë qëndrim afër njëri-tjetrit, me këtë dhembshuri dhe me këtë sens humanizmi, që ka shoqëruar punën e çdokujt, edhe të vullnetarëve, mjekëve, infermierëve, personelit të emergjencës. Kemi treguar se, në raste të tilla, dimë të sillemi dhe të jemi një familje e madhe pranë njëri-tjetrit dhe ndaj jemi këtu dhe do të vazhdojmë te jemi këtu me njerëzit tanë për t’u qëndruar sa më afër, për t’u dhënë mbështetje dhe çfarëdo ndihme, sado modeste, çdokujt që është në nevojë. Dua të falenderoj nga zemra edhe mediat për raportimin, që është kyç për informimin e qytetarëve.  Informimi i qytetarëve është mënyra më e mirë për të luftuar keqinformimin, panikun, shokun, tronditjen dhe stresin, ndaj, dua t’ju kërkoj të vazhdoni të raportoni me profesionalizëm, duke qëndruar brenda kufijve të profesionalizmit, për të raportuar gjithçka pa censurë dhe pa vetëcensurë.

    • 16:18

      ALARM/ Pallati pranë shkollës “1-Maji” në Tiranë rrezikon të shembet, qytetarët kërkojnë ndihmën e ekspertëve

      Një pallat shtatë katësh pranë shkollës “1-Maji” në Tiranë rrezikon shembjen. Sipas një denoncimi të ardhur në redaksinë e Dosja.al qytetarët shprehen se kati i dytë dhe kati i tretë kanë pësuar çarje pas tërmetit dhe banorët nuk ndihen të sigurtë aty. Ata kërkojnë ndihmën e ekspertëve që të dinë nëse pallati në fjalë është më i banueshëm apo jo. Gjithashtu kanë lënë edhe dy numra telefoni ku mund të kontaktojë kushdo që u vjen në ndihmë. Celular: 0684391391. Numër tel: 042377345. Për një orientim më të saktë: Bëhet fjalë për pallatin që është në rrugë, në hyrje të tunelit pranë shkollës “1-Maji”.

    • 16:05

      ‘Fëmijët 5 vjeç në qiell të hapur’, familja Beshiri apel për ndihmë: Na sillni një të paktën një çadër ku të fusim kokën!

      Në kohën kur e gjithë vëmendja shtetërore është fokusuar në Thumanë dhe Durrës, ku situata është më e rënduar për shkak të bilancit tragjik të viktimave dhe dëmeve materiale, denononcime nga e gjithë Shqipëria vijnë në adresën e Dosja.al. familja Beshiri, banuese në fshatin Bubq, komuna Prezë apelon për ndihmë. Afrimi, kryefamiljari i cili telefonoi në redaksinë e Dosja.al u shpreh se janë 10 persona pjesë e kësaj familjeje, mes tyre edhe fëmijë 5-6 vjeç, tha se kërkon të paktën një çadër ku të kalojnë natën, pasi shiu ka nisur.

      “Jemi 10 persona në fshatin Bubq, komuna Prezë. Shtëpia jonë është totalisht e pabanueshme. Kemi 4 fëmijë, 14 vjeç, 13 vjeç, 5 dhe 6 vjeç. As bashkia, as komuna s’na kanë nidhmuar. Shiu ka nisur, kemi nevojë për ndihmë, ju lutem,. Na duhet një çadër, e pakta. Lëkundjet e tokës vijojnë,”-tha Beshiri.

      Kushdo që dëshiron të ndihmojë familjen Beshiri, numër kontakti: 0696268283.

    • 16:03

      Amerika shpreh ngushëllimet, sekretari i shteti Pompeo: Si në kohë e vështira, Shtetet e Bashkuara qëndrojnë në krah të miqve në Shqipëri

      Sekretari amerikan i Shtetit Michael R. Pompeo ka shprehur ngushëllimet për tragjedinë e 26 nëntorit në Ditën e Pavarësisë së Shqipërisë.  Në një deklaratë zyrtare, Pompeo ka shprehur ngushëllimet më të thella për personat që kanë humbur jetën nga tërmeti i dy ditëve më parë, duke ofruar mbështetjen e tyre për tejkalimin e situatës.  “Sot, lutjet tona shkojnë për familjet e tyre, si dhe për njerëzit e plagosur. Në emër të popullit amerikan, ne ju urojmë shërim të shpejtë të gjithë të prekurve. Edhe tani, ashtu si në kohë të tjera të vështira, Shtetet e Bashkuara qëndrojnë në krah të miqve tanë në Shqipëri,”-thuhet ndër të tjera në deklaratën e sekretarit amerikan. DEKLARATA E TIJ E PLOTË:  Ndërsa Shqipëria përkujton solemnisht Ditën e saj të Pavarësisë, ne përcjellim ngushëllimet tona më të thella për ata që humbën jetën në tërmetin e kësaj jave. Sot, lutjet tona shkojnë për familjet e tyre, si dhe për njerëzit e plagosur. Në emër të popullit amerikan, ne ju urojmë shërim të shpejtë të gjithë të prekurve. Edhe tani, ashtu si në kohë të tjera të vështira, Shtetet e Bashkuara qëndrojnë në krah të miqve tanë në Shqipëri.Prej rënies së komunizmit tridhjetë vjet më parë, Shqipëria dhe Shtetet e Bashkuara kanë ndërtuar një partneritet gjithnjë e më të fortë. Shtetet e Bashkuara mbështesin me forcë rrugën e Shqipërisë drejt integrimit europian dhe përgëzojnë vendosmërinë e Shqipërisë në arritjen e këtij qëllimi. Ne përshëndesim përpjekjet e qeverisë së Shqipërisë për të zbatuar reformat e nevojshme, përfshirë reformat që synojnë forcimin e një sistemi drejtësie të pavarur. Ne vlerësojmë thellësisht kontributet pozitive të Shqipërisë në koalicionin e NATO-s dhe mirëpresim udhëheqjen e Shqipërisë si Presidente e OSBE-së për vitin 2020.Miqësia midis Shteteve të Bashkuara dhe Shqipërisë qëndron si një shtyllë e qëndrueshme paqeje dhe stabiliteti, dhe ne mirëpresim akoma edhe më shumë vite miqësie dhe bashkëpunimi.

    • 16:03

      FOTO/ Lanë pas gjashtë jetimë, dy vëllezërve kosovarë u jepet lamtumira e fundit në vendlindje, mes mijëra zemrash të thyera

      Dy vëllezërit kosovarë Isa dhe Shmesi Abazi që humbën jetën nën rrënojat e tërmetit që tronditi Shqipërinë janë varrosur sot. Dy vëllezërve që lanë pas gjashtë jetimë u është dhënë ;amtumira e fundit ditën e sotme në vendlinjden e tyre në Gjilan. Ata u varrosën në varrezat e fshatit të tyre ku morën pjesë mijëra persna. Dy të ndjerët po qëndronin në hotelin Tropikal në Durrës dhe punonin si mekanikë në Shqipëri. Ata lanë pas gjashtë fëmijë, pasi rrënojat e hotelit i zunë poshtë.

    • 15:33

      Bilanci i viktimave vijon të thellohet, nxirret një tjetër trup i pajetë nga rrënojat në Durrës

      Operacioni i kërkim-shpëtimit

      Një tjetër trup i pajetë është nxjerrë nga rrënojat në zonën e ish-Kënetës në Durrës. Sipas informacioneve viktima është Sotiraq Mishaj, nga qyteti i Korçës, por operacioni i kërkim-shpëtimit vijon ende në rrënojat e familjes Lala në Durrës. 

      Ndërkohë mësohet se ka përfunduar operacioni i forcave të armatosura dhe zjarrëfikëseve në pallatin pranë Kryqit të Kuq në Durrës.  Po ashtu më herët nga Ministria e Mbrojtjes  u njoftua se ka përfunduar zyrtarisht operacioni i kërkim-shpëtimit në Thumanë, ku u gjetë trupat e pajetë të 22 personave. 

    • 15:24

      Pacolli dhuron 1 mln € për rindërtimin e shtëpive të dëmtuara nga tërmeti: Më e pakta që mund të bëja

      Ministri i Jashtëm iKosovës, njëkohëshisht dhe një sipërmarësit më të mëdhenj në Kosovë, Behgjet Pacolli, ka dhuruar 1 milionë Euro për rindërtimin e shtëpive të dëmtuara në Durrës e Thumanë.

      Në një reagim në Facebook, Pacolli shkruan se ka parë nga afër dëmet e shkakturara nga tërmerti dhe bashkë me familjen e tij kanë vendosur që të dhurojnë këtë shumë. Ai shton se kjo është më e pakta që ai dhe familja e tij mund të bëjnë për Shqipërinë.

      Behgjet Pacolli në zonat e prekura nga tërmeti

      POSTIMI I PLOTË

      Unë u trondita kur pashë dëmet në jetën e njeriut dhe në infrastrukturë që tërmeti shkatërrues po lë pas në Shqipëri. Kjo kërkon solidaritet dhe mbështetje për të siguruar që qytetarët e prekur mund të kthehen shpejt në jetën normale.

      Kemi vendosur së bashku me familjen time (ne djemtë e Isa dhe Ruhan Pacollit) që të dhurojmë #1milion Euro për rindërtimin e zonave të prekura nga tërmeti. Ky donacion do të shkojë në funksion të rindërtimit dhe bashkë me Qeverinë e Shqipërisë do të menaxhohet në mënyrë transparente dhe të sigurt.

      Kjo është më e pakta që unë dhe familja ime mund të bëjmë për Shqipërinë tonë të dashur. Mbështetja ime për vëllazerit tonë do të jetë e vazhdueshme dhe shpresoj së shpejti ata të kthehen në normalitet. Unë pres po ashtu që në menyrë të organizuar të pranoj edhe qindra familje këtu në Prishtinë.

      Ndërkohë pas bërjes publik të këtij lajmi, ka ardhur një reagim dhe nga Kryeministri Edi Rama, i cili e ka falenderuar ministrin dhe shkruan: RROFSH e QOFSH me fëmijët, gruan, vëllezërit dhe kë të do e bardha zemër O BEHGJET PACOLLI🙏

       

    • 12:24

      Sërish tërmet/ Pëson dëmtime spitali i Durrësit, momentet kur mjekët e pacientët dalin me vrap jashtë (VD)

      Një tjetër tërmet goditi vendin mesditën e sotme dhe është me magnitudë 5.1 të shkallës rihter. Epiqendra e lëkundjeve ishte në detin Adriatik përballë Kepit të Rodonit, me thellësi 2 kilometër.

      Mësohet se nga ky tërmet ka pësuar dëme spitali i Durrësit. Raportohet se brenda spitalit ka njerëz të traumatizuar.Në videon e mëposhtme të Ballkan web shihen njerëz dhe staf mjekësor që dalin me vrap nga godina e spitalit.

    • 12:20

      Lëkundjet e fundit të tërmetit, flet sizmiologu Rexhep Koçi: Pasgoditjet janë normale, Tirana nuk rrezikohet

      Rexhep Koçi, sizmiolog

      Vetëm pak minuta më parë një pasgoditje tjetër ka rënë në detin Adriatik pranë kepit të Rondonit. Sizmiologu, Rexhep Koci në një lidhje telefonike për Report Tv ka deklaruar se këto pasgoditje janë normale pasi aktiviteti sizmik po vijon.

      “5.1 rihter. Ishin të pritshëm për shkak se janë pasgoditje. Nuk parashikohen. Por magnituda nuk ka qenë afër tërmetit të parë. Vetëm tre goditje kanë qenë 5, ndërsa të tjerët kanë qenë më të vegjël. Ajo zonë është ende aktive dhe do të gjenerojë ngjarje sizmike. nuk ka vend për panik. Magnituda ka qenë shumë larg asaj të parë, kjo është normale. Është e vërtetë që shkakton stres. Por nuk është e thënë se do të ketë gjithmonë dëme. Tirana nuk është e rrezikuar.” ka thënë Rexhep Koçi. Marrë nga Shqiptarja.com

    • 12:12

      S’NDALEN LOTËT/ E kishte shtrënguar fort, Rolejti i vogël që i humbi nënës nga duart nxirret i pajetë nga rrënojat, i mbështetur në krahët e një vajze të vdekur

      Rolejt Vata, i volgi 7-vjeçar që kishte humbur pasi e ëma e nxorri nga pallti që u shemb është nxjerrë i pajetë. Pavarësisht se nëna e tij e plagosur e kishte larguar nga pallati, Rolejti nuk kishte mundur të largohej nga vendi dhe soletat e një tjetër pallati e kishin zënë poshtë. Ai është nxjerrë në mesnatë në krahët e një vazje tjetër të vdekur, e cila e kishte shtrenguar fort. Identiteti i vajzës nuk dihet ende. Nëna e tij, Ela Vata shpëtoi dhe ndodhet e plagosur, ndërsa gjyshja e vetë sakrifikua duke mbrojtur me trup nipin tjetër, Santijanon, që u gjet në prehrin e gjyses së pajetë.

      Rolejti dhe gjyshja e tij Hajrie
    • 12:02

      S’kanë fund dridhjet e tokës, të tjera lëkundje të forta tërmeti me magnitudë 5.1

      Të tjera lëkundje të forta tërmeti regjistrohen në Shqipëri. Lëkundja sipas EMSC ishte me magnitudë 5.1 të shkallës rihter. Epiqendra e lëkundjeve ishte në detin Adriatik përballë Kepit të Rodonit, me thellësi 2 kilometër.

      Lekundjet e fundit te termetit
    • 11:51

      VIDEO/ Lot në studion e Kosovës, gruaja me kancer dhuron para për shqiptarët, gazetarët mbulojnë fytyrën me duar

      Një grua nga Kosova ka dhuruar 50 euro për të gjithë shqiptarët e prekur nga tërmeti i fuqishëm. Gjyljeta Devolli, e cila vuan nga kanceri ka telefonuar në një studio emisioni në Kosovë, e cila po mbledh ndihma për shqiptarët dhe është shprehur se dëshiron të dhurojë para. Unë jam me kancer, por 50 euro dua me i dhuru,”– dëgjohet të thotë ajo në video, ndërkohë që gazetarët në studio nisin të qajnë dhe mbulojnë fytyrën me duar. Devolli tha më tej se merr vetëm një pension prej 75 eurosh dhe me gjestin e saj përloti mijëra shqiptarë.

       

      View this post on Instagram

       

      🙏 faleminderit shqiptarë për zemërgjerësinë. Te gjithe ata qe dhuruan donacione le te perdorin keto linqe per te perfunduar misionin, gjithcka shkon direkt ne fondacionin #fundjavendryshe @arberhajdari Tërmeti ka goditur Shqipërinë dhe ka shkaktuar viktima dhe dëme të shumta. Në këtë ditë të vështirë le të bëhemi bashkë e të ndihmojmë shqiptarët tonë të prekur nga tërmeti! Ju lutem shpërndajeni postimin 😔. Zoti ju bekoftë të gjithëve! GoFundMe: https://www.gofundme.com/f/termeti PayPal & Credit Cards: paypal.com/us/fundraiser/charity/3525546 PayPal email : fnfoundationusa@gmail.com Numrat e llogarisë : Fondacioni Fundjavë Ndryshe Raiffeisen Bank SWIFT CODE – SGSBALTX 0011184027 – ALL – AL76202110130000000011184027 0021184027 -EUR – AL61202110130000000021184027 0031184027 -USD – AL46202110130000000031184027 “Bamirësia nuk të varfëron” #fundjavendryshe

      A post shared by Alaudin Hamiti (@alaudinhamiti) on

    • 11:42

      FOTO-LAJM/ Tërmeti bashkon serbë, kosovarë, kroatë e shqiptarë bashkë, media italiane: Po ndodh një mrekulli!

      Foto nga tragjedia

      Media italiane Corriera della Sera thotë se tërmeti në Shqipëri, bashkoi në një vend, shqiptarët, kroatët, serbët, kosovarët e maqedonasit. Ballkanasit, që njihen si “Fuçi baruti”, punojnë krah njëri tjetrit për të shpëtuar ato jetë njerëzish, që ndodhen nën rrënoja, dhe s’dihet asgjë për fatin e tyre. Qëllimi është i përbashkët dhe kombësia për ta nuk është një problem. Në Thumanë, punon një ekip nga Nishi i Serbisë, ndërkohë që matanë rrugës, punon ekipi i Kosovës me zjarrfikës.

      “Probleme? Asnjë. Ndoshta është koha që të bëhemi miq,” thonë ata…

    • 11:32

      VIDEO/ Nënës i ka mbetur vetëm arushi, në rrënoja ka tri fëmijët e mitur të familjes Lala...

      Pamje emocionuese vijnë nga Durrësi, aty ku skuadrat e kërkim-shpëtimit vijojnë me shpresë operacionin për të nxjerrë nga rrënojat pjesëtarët e familjes Lala. Në rrënojat e kësaj banese mendohet se janë ende dhe 5 persona, ndërkohë që e ëma e tri fëmijëve të mitur, që kanë ngelur nën beton, mban në duar një arush, i vetmi kujtim nga fëmijët e saj. Nga rrënojat e familjes Lala është arritur që të nxirret i gjallë vetëm një person, 17-vjeçari Ramë Lala…

      I ka mbetur vetëm arushi/ Nëna në gjendje të rënduar psikologjike, pamje rrëqethëse nga banesa e familjes Lala on Vidnews.

       

    • 11:28

      SHIFRAT/ Mbi 750 persona u shtruan në spitale, ja sa persona u plagosën nga tërmeti, një vajzë në gjendje kritike edhe pas dy operacioneve

      750 persona të lënduar nga tërmeti i fuqishëm kanë marrë ndihmën e nevojshme mjekësore nëpër spitale. Burime nga Ministria e Shendëtësisë bëjnë me dije për Dosja.al se aktualisht në spitale ndodhen të shtruar 65 persona, ndërsa në çadra kanë marrë mjekime 145 të tjerë. Nga 65 personat e shtruar mësohet se tre janë në gjendje të rëndë shëndetësore dhe ndodhen në terapi intensive. Ndërsa një tjetër, vajza e identifikuar si Xhesika Biqiku vijon të jetë në gjendje kritike për jetën edhe pse ka kryer dy ndërhyrje kirurgjikale. Biqiku do të transpotohej drejt Italisë por për shkak të gjendjes së rëndë shëndetësore nuk është lëvizur nga spitali.

    • 11:14

      'Babi kam frikë, ka fantazma në shpi', efektivi i RENEA-s i kërkon falje djalit: S'munda të jem me ty, s'mësova veten të mposhtja frikën (VIDEO)

      Në kohën kur e gjithë vëmendja e shqiptarëve është drejt Thumanës dhe Durrësit, ku tërmeti i 26 nëntorit, ka shkaktuar një tragjedi njerëzore me mbi 40 të vdekur, “heronjtë” që asistojnë në operacionet e shpëtimit, kanë dramën e tyre. Njëri prej tyre, efektiv i repartit RENEA,  i njohur si Xen Coëboy, ka ndarë me miqtë e tij në Instagram, pamje nga operacioni i shpëtimit të një familjeje në Durrës, dhe i kërkon falje të birit dhe familjes. Ai shkruan se asnjëherë s’mundi të jetë me familjen kur ato kanë nevojë për të, e ndër rreshta rrëfen sesi e përjetoi djali këtë moment të vështirë.

      “Jam munduar gjithmone qe familjes dhe femijve te mi tju mesoj si ta mposhtin friken, por kisha harruar te mesoj veten se si te mos kem frike per ta,ne momente te veshtira.”-shkruan ai.

      Postimi i plotë në Instagram:

       

      View this post on Instagram

       

      Termet pas termeti,lekundjet nuk kane te ndalur.E dhimbshme per gjithe njerezit dhe frika qe ka pushtuar cdo qenie te gjalle ne toke eshte e papershkrueshme.Jam munduar gjithmone qe familjes dhe femijve te mi tju mesoj si ta mposhtin friken,por kisha harruar te mesoj veten se si te mos kem frike per ta,ne momente te veshtira.Nuk munda sepse asnjehere nuk munda te jem me ta per shkak sepse gjithmone me eshte dashur te jem ne detyre ne ndihme te te tjereve(komunitetit)Miqte e mi vendosa ta ndaj me ju kete histori pasi u ndjeva shume i pafuqishem ne tragjedine e fundit kur degjoja pertej telefonit te qarat e djalit tim 2 vjecar,Semit i cili me therriste:Babi kam frike,hajde ke pija(shtepia)ka fantazma ne pi(shpi)etj etj me ate zerin e tij te pafajshem dhe me çiltersine e nje femije krejtsisht i pafajshem.Dhe pergjigjia ime dhe pse me gjysme zeri ishte;O dashuri o zemra ime nuk mund te vi sepse me duhet te ndihmoj disa femije te tjere,njerez te tjere qe jane ne veshtirsi e ndoshta fatkeqsisht me pak shprese per jeten e tyre.😥Edhe pse e di qe sme kuptonte dhe as qe do tja dije qe te me kuptoj sepse fundja une duhet te permbush detyren time si prind por gjithmone te pamundur per shkak te profesionit tim.Dua ti kerkoj te falur birit tim Semit dhe familjes time qe per shkak te profesionit une shumicen e rasteve nuk jam prane tyre as kur kane nevoje per mua dhe as kur duan te gezojne me mua.Me kete rast dua te pershendes te gjithe femijet,familjet e kolegeve te mi qe ndihen si une.RESPEKT.Jam i sigurte qe nese ne nuk jemi prane jush,Zoti eshte gjithmone me ju.Ju dua pafund familja ime,Zoti ju bekofte.Amin🙏

      A post shared by Alb🇦🇱Cowboy_Lifestyle🤠 (@daja.77) on

    • 11:08

      Gjendja e jashtëzakonshme, Rama paralajmëron mediat: Mos përhapni panik ose do ju mbyll

      Kryeministri Edi Rama ka paralajmëruar të gjitha kanalet e informimit, mediat dhe televizionet që të mos përhapnin panik. Rama shkruan në një status në Twitter se në këtë situatë duhet matur çdo fjalë dhe se është e patolerueshme që të publikohen sharlatanizma delirantësh vendas a të huaj. Kryeministri shton më tej se nëse shikon lajme që përhapin panik apo të rreme do të jetë i detyruar të ndërhyjë forcërisht për të mbyllur mediat në fjalë.
      “Në këtë situatë të jashtëzakonshme, ku duhet matur çdo fjalë është e patolerueshme që të publikohen sharlatanizma delirantësh vendas a të huaj apo të shtrembërohen, sipas avazit të zakonshëm, prononcimet e shpjegimet e arsyeshme të ekspertëve! STOP DHE STOP TANI! MENJËHERË!!!

      Paralajmëroj për herë të fundit portalet e kanalet e informimit se nê kushtet dhe kuadrin ligjor te Gjendjes së Jashtezakonshme, do jem i detyruar te nderhyj forcerisht per mbylljen e tyre deri ne fund te kesaj faze dramatike, nese vazhdojne me lajme te rreme qe hapin panik!”- shkruan kryeministri.

    • 10:38

      Dalin emrat/ Kush janë 40 viktimat që humbën jetën nga tërmeti, mes tyre edhe fëmijë (LISTA)

      Deri më tani ka shkuar në 40 numri i viktimave nga tërmeti që goditi vendin dy ditë më parë. Më poshtë Dosja.al ju sjell listën me erma të 40 viktimave.

      LISTA ME EMRAT:

      Në Durrës

      1. Amelia Lala 8 vjeç – Vila në Kënetë
      2. Sahadete Lala 79 vjeç – Vila tek Këneta (Gjyshja dhe mbesa)

      3. Diena Karanxha (Meçja) 30 vjeç Tek 6 katëshi Kryqi i Kuq
      4. Esiela Karanxha 8 vjeç (nënë e bijë)

      5. Bajram Hajdarmataj 54 vjeç (komisar) – Tek Kavalishenca Durrës

      6. Sadik Qato 85 vjeç

      7. Isa Abazi 32 vjeç
      8. Shemsedin Abazi 36 vjeç – vëllezër nga Kosova tek Hotel “Tropikal

      9. Flatar Zenelaj 64 vjeç

      10. Eviola Broshka 28 vjeç – Balerina tek hotel “MiraMare”11. Kristi Reçi – Studente e Mjekësisë
      12. Eduart Reçi – Babai
      13. Dolora Reçi – Nëna
      14. Klaus Reçi – vëllai (Pallati 6 katësh tek Kryqi i Kuq)Në Thumanë15. Ariela Lala 4 vjeç
      16. Selvie Lala 77 vjeç (gjyshja me mbesën)17. Bukurie Leka 70 vjeç18. Hasan Albert Cara
      19. Almir Albert Cara
      20. Erisa Albert Cara 25-vjeçe (motër e vëllezër)
      21. Fatmira Cara (nëna e tyre)
      22. Stela Cara (e fejuara e Almir Carës)
      23. Anthi Cara – nusja e xhaxhait të Albert Carës (i mbijetuar)
      24. Sadajana Cara – mbesa e Anthit (Shpëtoi nëna e Sadajanës, Lindita Cara)25. Pëllumb Greku 57 vjeç
      26. Çelike Greku 57 vjeç
      27. Saimir Greku 31 vjeç (babai, nëna dhe djali)28. Kristjan Preçi, 26 vjeç, i sapodalë nga burgu29. Sardi Çuka 18 vjeç
      30. Fatmira Çuka 44 vjeç (nënë e bir)31. Hajrie Vata 65 vjeç
      32. Rolejt Vata 7 vjeç (gjyshja dhe nipi)33. Hajredin Çupi 66 vjeç
      34. Lutfie Çupi 55 vjeç
      35. Klement Çupi (Klevis) 34 vjeç (babai, nëna dhe djali) – Fejonin djalin tjetër ditën e tërmetit, Aleksi shpëtoi36. Kastriot Cakoni 46 vjeç
      37. Drita Cakoni 15 vjeç (Babë e bijë. E kërkonte daja me pasaportë në QSUT)

      38. Aderina Kabili 21 vjeçe (Shpëtoi nga tërmeti babai i saj Haxhi Kabili)Lezhë

      39. Marjan Preçi 25 vjeç U dëmtua nga tërmeti dhe makina që po e çonte në spital doli nga rruga në LezhëKurbin

      40.Ersid Hoxholli 32 vjeç u hodh nga ballkoni gjatë tërmetit në Kurbin

    • 9:59

      Rrënqethëse/ Shpresa se ka njerëz ende gjallë në rrënoja, forcat turke thirrje nën gërmadha për të mbijetuar (VD)

      40 persona të vdekur, 658 të plagosur dhe dhjetëra të shpëtuar! Deri më tani këto shifra raportohen nga terreni pas tërmetit të rëndë që goditi vendin dy ditë më parë.  Por ekipet e kërkim-shpëtimit janë ende në terren për të kërkuar të humburit.

      Siç shihet edhe në videon e mëposhtme të JOQ ekipet e kërkim-shpëtimit në Turqi po thërrasin edhe me zë të lartë mes rrënojave për të gjetur trupa të gjallë.

    • 9:28

      28 nëntori/ Sandër Lleshaj: Ky i sivjetshmi na gjen të goditur fort, por jo të thyer

      Foto nga tërmeti

      Ministri i Brendshëm Sandër Lleshaj ka reaguar për 28 nëntorin, dy ditë pas tragjedisë së tërmetit. Ministri është shprehur se 28 Nëntori i sivjetëm na gjen të goditur fort, por jo të thyer.

      “Le të jetë ky flamur, lutja jonë për shpirtrat e atyre që e lanë pas, si simbolin më të lartë që bën bashkë shqiptarët kudo që janë dhe mesazhi ynë për nderimin e Festës sonë kombëtare.”, shprehet ai ndër të tjera.

      Reagimi:

      28 Nëntori i sivjetëm na gjen të goditur fort, por jo të thyer.

      Ky flamur, që u gjet pak minuta para mesnatës së mbrëmshme, shumë pranë viktimave të fundit të nxjerra nga gërmadhat në Thumanë, sikur i ndriçoi sytë dhe zemrat e heronjve shqiptarë, që edhe me thonj kanë gërmuar pa pushim për të shpëtuar atë që mund të shpëtohej. Ishte ky flamur, i nxjerë nga rrënojat, që për pak çaste e largoi dhimbjen e përzishme dhe ktheu dritën e shpresës. Le të jetë ky flamur, lutja jonë për shpirtrat e atyre që e lanë pas, si simbolin më të lartë që bën bashkë shqiptarët kudo që janë dhe mesazhi ynë për nderimin e Festës sonë kombëtare. Rroftë Shqipëria!🇦🇱

    • 9:17

      “Thashë të gjej te pragu i shtëpisë, por të gjeta gati për varr”/ Dedikimi rrënqethës i djalit të komisarit Hajdarmetaj: Çfarë na gjeti!

      Foto të familjes së komisarit.

      Në ambientet e Akademsië së Sigurisë në Sauk u zhvillua dje ceremonia e nderimit për pedagogun Besim Hajdarmataj, i cili u nxorr dje i pajetë në rrënojat e Kavalishencës së Durrësit. Hajdarmataj ndodhej në Kavalishencën e Durrësit për një kurs trajnimi, por që nuk mundi të dalë gjallë nga rrënoja.

      Në këtë ditë ditë të trishtë, nuk kanë munguar edhe disa djalë nga djali i tij, për humbjen e të atit. Eni Hajdarmetaj i përlot të gjithë me dedikimin për babain e tij.

      Reagimi:

      “Erdhëm bab o nga gurbeti
      Për të pa o me sy
      Ah të mjerët çfarë na gjeti
      Kishe mbyllur ata sy
      M’dogji malli fëmirisë
      Kisha kohë që s’të kisha pa
      Thash të gjej te pragu i shpisë
      Por të gjeta gati për varr
      Babi im o babi im
      S’e besoj që s’je më ti
      Ti po flen o bab o në hije
      Dhe do zgjohesh përsëri
      U prehsh në paqe o bab, o Luani im, Trimi im”

    • 9:00

      Alarmi tek banorët/ Lëkundjet nuk i lanë të flinin, ja numri i tërmeteve dhe sa ballë ishin

      Pamje nga rrënojat e tërmetit

      Gjatë natës dhe  në intervale të  shkurtëra lëkundjet kanë qenë prezente  duke krijuar panik tek qytetarët.

      Bazuar në të dhënat e qendrës Sizmologjike “Earthquake” mësohet që prej orës 00:00, pra nga mesnata e deri më tani janë regjistruar 13 tërmete.

      Kryesisht niveli i  lëkundjeve ka qenë i lartë duke variuar nga 2.5 deri në 3.9 ballë të shkallës Rihter.

      Shumica e banorëve edhe në Kryeqytet ku dhe janë ndjerë lëkundjet, ka bërë që qytetarët të flenë jashtë.

      E nga ana tjetër  sizimiologët kanë paralajmëruar se lëkundjet më të lehtë duke bërë apel për qytetarët që të mos  frikësohen.

    • 8:42

      VV-ja nis me 70 automjete mbi 200 ton ndihma për shqiptarët, pamje emocionuese (VIDEO)

      Ndërkohë që gjendja në Shqipëri për të shkak të tërmetit të 26 nëntorit është bërë alarmante pasi 40 njerëz kanë humbur jetën dhe mbi 650 të tjerë janë plagosur.

      Menjëherë ndaj këtij rasti tragjik reguar për të dhënëndihmë shqipëtarët e Kosëvës dhe Maqedonisë por jo vetëm.

      Teksa kanë kaluar dy ditë nga ato 30 sekondat e tmerrit ndihma të mëdha si ushqime, veshmbathje dhe batanije janë dërguar pafund me kamionë për t’i ndihmuar banorët e prekur në këto ditë të vështira.

      Ka qenë edhe Lëvizja Vetëvendosje e cila ka nisur dhjetra kamionë me ndihma drejt Shqipërisë. Plotë 33 kamionë dhe maune që kanë kaluar Rrugën e Kombit dhe dhjetra furgona.

      Vetëm VV-ja ka mbledhur 200 ton ndihma për të gjithë qytetarët e prekur nga tërmeti në Shqipëri. Një pjesë e ndihmave do të shkojnë për banorët e prekur në Durrës dhe pjesa tjetër në Thumanë.

      “Jemi në kontakt me autoritetet dhe shtabet e emergjencës në Shqipëri e do të vazhdojmë të ndihmojmë sa mundemi. Zyra jonë në Prishtinë është e hapur për grumbullim ndihmash përditë, nga ora 8:00 deri në 22:00. Edhe zyrat në qendrat e tjera, po ashtu janë në funksion të grumbullimit tē ndihmave. Do të ketë konvoje që dërgojnë ndihma edhe nesër, e në ditët e tjera”, – është  shprehur VV-ja.

    • 8:42

      Niset me helikopter drejt Italisë Marlin Shkodra, një nga të plagosurit e tërmetit, Rama: Me shpresën se do kthehet shëndoshë e mirë (VD)

      Një nga të plagosurit e tërmetit të 26 nëntorit, Marlin Shkodra, ka mbërritur në Itali me helikopter. Ai është dërguar në shtetit fqinj për një mjekim më të specializuar dhe lajmi është konfirmuar nga kryeministri Edi Rama.

      “Marlin Shkodra, një prej të lënduarve nga tërmeti në Durrës, prej pak oresh ka mbërritur me helikopterin sanitar, në një klinikë të specializuar në Bari, për një trajtim mjekësor më specifik, me mbështetjen e Italisë mike, e cila na u gjend pranë si shumë vende të tjera në këto ditë të vështira. Me shpresën që 30-vjeçari do të kthehet shëndosh e mirë pranë familjes, jemi më shumë se kurrë pranë çdo të lënduari dhe familjarëve të tyre për ta kaluar së bashku edhe këtë moment të vështirë.” shprehet Rama në Facebook.

    Shto Koment