Politike

4850 euro false, kaq i kushtoi ‘koka’ Agim Kajmakut/ Zbulohet dosja e 2003-it, dy bashkëpunëtorët me të cilët u arrestua

  • PD-ja nxjerr dokumentet: Agim Kajmaku kërkohet për falsifikim parash nga Greqia, rrezikon 10 vite burg
  • Kajmaku është arrestuar 16 vite më parë në Greqi së bashku me dy pesona të tjerë.
    Featured image of article: 4850 euro false, kaq i kushtoi ‘koka’ Agim Kajmakut/ Zbulohet dosja e 2003-it, dy bashkëpunëtorët me të cilët u arrestua Agim Kajmaku, Spyro Taho

    TIRANËDosja.al ka zbardhur detaje nga dosja e vitit 2003, për të cilën është arrestuar kryebashkiaku i Vorës, me identitetin e mëparshëm, Jorgo Toto. Bazuar në artikujt e botuar nga mediat greke në vitin 2003, Toto është arrestuar në momentin që ka qenë duke blerë disa fidanë agrumesh në Arta.

    Së bashku me dy persona të tjerë të identifikuar si Roland Biftari në atë kohë 28 vjeç dhe Spyros Taho në atë kohë 42 vjeç, Kajmaku i quajtur atëherë Jorgo Toto është arrestuar me teksa bënte pagesën prej 12 mijë eurosh. 4850 prej tyre kanë rezultuar false.

    Lajm i botuar nga mediat greke në vitin 2003

    Ditën e sotme, Partia Demokratike publikoi dokumentin që sipas tyre vërteton se Kajmaku është në kërkim nga drejtësia greke për falsifikim parash. Sekretari i Përgjithshëm i PD-së, Gazment Bardhi shprehet se kryebashkiaku i Vorës nuk mund ta mbajë më këtë detyrë pasi Gjykata në Janinë ka vendosur masën “arrest me burg” ndaj tij.

    Për më shumë bëhu pjesë e grupit më viral në Facebook, Dosja.al

    Kajmaku, nga ana tjetër thotë se akuzat janë politike dhe se ka lëvizur lirisht në Greqi dhe në çdo vend tjetër të BE.

    (f.m/dosja.al)

    Shto Koment