Horrori në Tapizë/ Nëna fut foshnjen e porsalindur në qese dhe e hedh në lumë, familjarët: Nuk e dinim se ishte shtatzënë (DINAMIKA)
E rëndë në Tapizë/ Foshnjën e sapolindur e futi në qese dhe e hodhi në lumë, arrestohet 42-vjeçar...
E rëndë në Tapizë/ Foshnjën e sapolindur e futi në qese dhe e hodhi në lumë, arrestohet 42-vjeçar...
"Je dele e Edi Ramës"/ Plas debati te "Ligjet", Gogu-Dogjanit: Mos më dhuno 18 Mars, 14:51 Kundër aktit normat...
SPAK i komunikoi akuzën, Beqaj: Prokurori nuk hetoi plotësisht, operacionet janë kryer në kushte të sigurta 18 Mars, ...
Pamje nga aksidenti me 4 viktima në Tepelenë, makinat e dala jashtë kontrollit janë përplasur me njëra-tjetrë...
TIRANË– Partia Demokratike ka publikuar sot dokumentin, që sipas saj vërteton arrestimin e tij nga autoritetet greke dhe masën “arrest me burg” që ka marrë nga Gjykata e Janinës në muajin janar të vitit 2003.
Sipas dokumentit që u publikua nga Gazmend Bardhi, sekretari i përgjithshëm i Partisë Demokratike, Kajmaku është në kërkim nga drejtësia greke nën emrin Jorgo Toto. Bardhi deklaroi se Agim Kajmaku alias Jorgo Toto, i datëlindjes 1971, banues në Tiranë Shqipëri, është arrestuar në flagrancë në shtetin grek, në zonën e Janinës, më datë 14.01.2003 për veprën penale “Përdorim dhe shpërndarje kartmonedhash të falsifikuara”.
Sipas sekretarit të PD-së, në momentin e arrestimit, Kajmaku ka qenë duke u arratisur nga territori i shtetit grek. Sipas PD-së, kryebashkiaku i Vorës ka blerë disa fidanë dhe bimë të tjera me kartmonedhat false.
Pasi është marrë në pyetje nga hetuesi paraprak kryebashkiaku i Vorës ka qëndruar disa ditë në burg, dhe oficeri i policisë gjyqësore ka vendosur që hetimet ndaj tij të zhvilloheshin nën masën e sigurisë “detyrim paraqitje”, derisa çështja t’i përcillej prokurorisë dhe gjykatës.
Krimi i kryer nga Agim Kajmaku alias Jorgo Toto, sipas prokurorisë greke, duhet të dënohej me jo më pak se 10 vjet burgim dhe për këtë arsye, Prokuroria ka urdhëruar arrestin e tij të menjëhershëm.
Në këtq moment, Gjykata ka vendosur “arrest me burg” të menjëhershëm dhe marrjen të pandehur të shtetasit Agim Kajmaku alias Jorgo Toto, për fallsifikim parash, por ky i fundit ishte arratisur menjëherë nga territori i shtetit grek dhe ka ardhur në Shqipëri, ku ka ndryshuar menjëherë edhe identitetin, bazuar në akuzat e PD-së.
Sipas dokumentacionit zyrtar të autoriteteve greke të publikuar nga Bardhi, rezulton se Agim Kajmaku edhe sot është nën procedim penal nga autoritetet greke, me një masë “arresti në burg” në fuqi. Bardhi e përfundoi deklaratën e tij duke theksuar se bazuar në këtë document, kryebashkiaku i Vorës nuk mund ta mbajë më këtë detyrë.
Pas ish-kryebashkiakut të Shkodrës, Valdrin Pjetri, Agim Kajmaku është kandidati i dytë i PS-së që akuzohet nga Partia Demokratike për probleme me drejtësinë.
Dosja.al raportoi më herët se Kajmaku pritet që të japë dorëheqjen ndërsa socialistët kanë nisur lëvizjen për zëvendësimin e tij, me Laureta Omerin, e cila njihet si bashkëpunëtore e ministres së Infrastrukturës, Belinda Balluku.
Kajmaku, nga ana tjetër thotë se akuzat janë politike dhe se ka lëvizur lirisht në Greqi dhe në çdo vend tjetër të BE.
Deklarata e plotë e PD-së
Edi Rama vazhdon të bëjë sikur nuk dëgjon dhe nuk shikon që kandidatët që u ofroi shqiptarëve më 30 Qershor, janë kontigjent burgjesh dhe, njësoj si ai vetë, janë përfaqësues të padenjë për një shoqëri që kërkon të zhvillojë vlerat dhe standardet europiane. Edi Rama hesht prej disa ditësh në përpjekje për të shpëtuar me makinacione dhe manovra të pista kandidatin e tij të Vorës, Agim Kajmaku, i cili ka llogari të hapura me drejtësine greke dhe duhet të japë menjëherë dorëheqjen dhe të paguajë para drejtësisë shqiptare dhe greke krimin e tij.
Rasti i Agim Kajmakut është rasti i dytë brenda një muaji që Partia Demokratike po denoncon me fakte dhe dokumenta se kandidatët e Edi Ramës për Kryetarë Bashkie kanë krye krime dhe i kanë fshehur ato.
Me heshtjen prej fajtori, Edi Rama provoi se është i pafuqiashëm të përballet me të vërtetën dhe se vetëm bashkëpunimi me krimin është mekanizmi i vetëm që i siguron atij pushtetin.
Në këto 6 vjet të drejtimit të vendit, Edi Rama u provua si Kryeministri që promovoi në politikë dhe në administratën publike mbi 300 persona me precedentë kriminalë, nga vrasësit dhe përdhunuesit, tek trafikantët e drogës dhe trafikantët e grave dhe vajzave.
Edi Rama po provohet dita ditës që nuk heq dorë nga projekti i tij për bashkëqeverisjen me krimin.
Edi Rama hesht megjithëse ka marrë informacion të plotë se Agim Kajmaku alias Jorgo Toto, ka mashtruar me Formularin e Dekriminalizimit, sepse është një person me precedent penal dhe sipas ligjit nuk mund të ushtrojë asnjë funkison publik përfshirë atë të Kryetarit të Bashkisë.
Po kjo për Edi Ramën nuk përbën problem, përsa kohë Jorgo i Vorës i siguron pushtet. Ndiqeni sesi mburreshin Edi Rama dhe Belinda Balluku me Jorgon e tyre 3 ditë se të merrnin me dhunën e një procesi të paligjshëm Bashkinë e Vorës.
Duke qenë se Prokuroria po e zvarrit çështjen, njësoj siç bëri me Vakdrin Pjetrin, për të cilin akoma nuk ka një përgjigje zyrtare, Partia Demokratike po sjell prova autentike të dosjes penale të kandidatit të Edi Ramës për Bashkinë Vorë.
Ky që shikoni këtu është vendimi i Prokurorisë dhe i Gjykatës së Janinës, i Qershorit 2003.
Dokumenti nga Gjykata e Janinës (Klikoni këtu për të parë dokumentin e plotë)
Sipas këtij dokumenti zyrtar, rezulton se:
Agim Kajmaku alias Jorgo Toto, i datëlindjes 1971, banues në Tiranë Shqipëri, është arrestuar në flagrancë në shtetin grek, në zonën e Janinës, më datë 14.01.2003 për veprën penale “Përdorim dhe shpërndarje kartmonedhash të falsifikuara”. Ai është arrestuar në flagrancë, duke u arratisur nga territori i shtetit grek.
Krimi është kryer gjatë një transaksioni për blerjen e fidanëve dhe bimëve të tjera, dhe Agim Kajmaku ka përdorur identitetin e rremë Jorgo Toto, me atësi Thanas dhe amësi Parashivi.
Pasi është marrë në pyetje nga hetuesi paraprak dhe ka qëndruar disa ditë në burg, oficeri i policisë gjyqësore ka vendosur që hetimet ndaj tij të zhvilloheshin nën masën e sigurisë “detyrim paraqitje”, derisa çështja t’i përcillej prokurorisë dhe gjykatës.
Pasi dosja është përcjellë në prokurori, Prokuroria e Janinës ka konstatuar se jemi përpara një krimi të nivelit të parë (shkalla më e rëndë e klasifikimit të veprave penale), dhe nga provat e administruara ka vlerësuar se rezultonte e provuar që krimi ishte kryer nga shtetasi Agim Kajmaku alias Jorgo Toto.
Krimi i kryer nga Agim Kajmaku alias Jorgo Toto, sipas prokurorisë greke, duhet të dënohej me jo më pak se 10 vjet burgim.
Për këtë arsye, Prokuroria ka urdhëruar arrestin e tij të menjëhershëm dhe ka përcjellë dosjen në gjykatë. Gjykata ka pranuar kërkesën e prokurorisë dhe ka vendosur arrest me burg të menjëhershëm dhe marrjen të pandehur të shtetasit Agim Kajmaku alias Jorgo Toto, për fallsifikim parash, si dhe dërgimin e çështjes për gjykim.
Vendimi i gjykatës për arrestimin e Agim Kajmakut nuk është ekzekutuarj, për shkak se gjatë periudhës së shqyrtimit gjyqësor, ai ishte arratisur menjëherë nga territori i shtetit grek dhe ka ardhur në Shqipër. Këtu ka ndryshuar menjëherë edhe identitetin, nga Jorgo Toto, përdoruesi i parave të fallsifikuara në kërkim në Greqi, në Agim Kajmaku, biznesmeni i duhur për politikën kriminale të Edi Ramës.
Sipas legjislacionit penal grek, gjykata ka vendosur pezullimin e gjykimit derisa ky shtetas të arrestohet ose t’i gjendet një adresë e saktë për t’i komunikuar akuzën. Sipas ligjit grek në këtë lloj gjykimi, shtetasi duhet të jetë vetë prezent në gjykim, për shkak se bëhet fjalë për krime të rënda.
Më duhet të theksoj edhe një herë, se urdhri i arrestit të gjykatës greke nuk është ekzekutuar, pasi shtetasi Jorgo Toto nuk është gjendur në Greqi.
Sipas dokumentacionit zyrtar të autoriteteve greke rezulton e provuar se shtetasi Agim Kajmaku alias Jorgo Toto i është shmangur drejtësisë greke për përballjen me një akuzë, që parashikon të paktën 10 vjet burg. Ai ka të paekzekutuar një masë arresti me burg dhe nuk ka marrë kurrë pafajësinë mbi akuzën e ngritur nga Prokuroria greke. Pra, praktikisht është edhe sot nën procedim penal nga autoritetet greke, me një masë “arresti në burg” në fuqi.
Të gjitha këto të dhëna provojnë se Agim Kajmaku është subjekt ndalimi për të ushtruar një funksion publik nga ligji i dekriminalizimit.
(f.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË– Presidenti Ilir Meta, ka përkujtuar 109-vjetorin e lindjes së Nënë Terezës.Sipas Kreut të Shtetit, Nënë Tereza është simbol shqiptar dhe botëror i...
TIRANË– Ish-diplomatja Pranvera Skana i ka dalë në mbrojtje ministres Etilda Gjonaj, një ditë pasi kësaj të fundit iu publikuan faturat e kripura të udhëti...
TIRANË- Ish-ministri i Punëve të Jashtme Ditmir Bushati, ka bërë një dedikim për 81 vjetorin e ndarjes nga jeta të Migjenit. Në një postim në Facebook, Bus...
TIRANË– Gazetari grek Vasilis Aleksiu, i është përgjigjur kryeministrit Edi Rama në lidhje me deklaratën e këtij të fundit, teksa quajti kaza mediat ...
TIRANË– Prej disa ditësh Partia Demokratike ka filluar një ‘luftë’ me kryebashkiakun e Vorës, Agim Kajmaku. Në deklarata publike, PD-ja ka akuzuar Kajmakun...
TIRANË– Ndërkohë që orët e fundit rrjetet scoiale po gëlojnë nga reagimet për faturat e kripura të ministres së Drejtësisë, Etilda Gjonaj, djali i is...
TIRANË– Kryeministri Edi Rama vijon të mbrojë me këmbëngulje ministren e Drejtësisë Etilda Gjonaj edhe pas publikimit të faturave të ‘kripura’ që tregojnë ...
TIRANË– Ndërkohë që po kalon disa ditë pushimesh në kryeqytetin italian, kryebashkiaku Erion Veliaj e ka shumë të vështirë të shëputet nga Tirana. Di...
TIRANË– Albana Vokshi ka reaguar në emër të Partisë Demokratike në lidhje me faturat e kripura të publikuara për udhëtimet luksoze të ministres së Drejtësi...
TIRANË– Dosja.al ka kontaktuar me “Majestic Hotel and Spa” në Paris për të zbardhur detaje të reja në lidhje me rezervimin e bërë nga ministrja e Dre...