“Kyç gojën” për Ahmetajn! Arrestimet e kryebashkiakëve socialistë, Balla: PS s’është zyrë avokatie
Balla 'kyç' gojën për Ahmetajn, s'prononcohet para gazetarëve: Flasim javës tjetër 20 Mars, 11:18 ...
Balla 'kyç' gojën për Ahmetajn, s'prononcohet para gazetarëve: Flasim javës tjetër 20 Mars, 11:18 ...
Zgjedhjet presidenciale në Mal të Zi, shqiptarët dhe boshnjakët qëndruan në shtëpi 20 Mars, 09:29 ...
Ra dakord për zbatimin e propozimit evropian/ Walker kritikon Kurtin: Gabim i madh të pranohet Asosacioni 20 Mars, 09:48 ...
Urdhër arresti ndaj Putin/ Reagon Kina: Gjykata duhet të tregohet e drejtë 20 Mars, 09:23 'Hidhini ose jepuani...
TIRANË– Debati për zhvillimin e Komisioneve Parlamentare nisi në mbledhjen e Konferencës së Kryetarëve brenda sallës së Kuvendit të Shqipërisë dhe jashtë saj. Opozita doli kundër vendimit që mbledhjet të zhvillohen online, vendim ky që do të mbledhë kryetarët e grupeve parlamentare të opozitës ditën e nesërme. Këtë deklaroi jashtë seancës plenare sekretari i Përgjithshëm i Partisë Demokratike, Gazmend Bardhi, i cili mohoi deklaratën e Tritan Shehut për bojkot. Bardhi u shpreh se vendimi që u mor ishte antikushtetues dhe po bëhet në mënyrë që ti mbyllet ‘goja’ opozitës. Sipas tij, ky vendim i qeverisë shmang llogaridhënien e kësaj të fundit për aktet korruptive që janë në Kuvend.
I pyetur për një bashkëpunim me maxhorancën, Bardhi zgjodhi që ti shmangej përgjigjes duke u përqëndruar në zhvillimet e fundit politike që lidhen me komisionet. Ndërsa për sa i përket urdhërit që secili nga deputetët duhet të jetë i vaksinuar, sekretari i PD-së deklaroi se opozita është e gatshme që ti nënshtrohet të gjitha rregullave që mbrojnë jetën dhe Kuvendin.
PYETJE-PËRGJIGJET:
Gazment Bardhi: Në emër të tre grupeve parlamentare të opozitës dua të informoj opinionin publik mbi një akt të paprecedentë të pakicës që ka uzurpuar parlamentin në Konferencën e Kryetarëve për t’i mbyllur gojën opozitës. Në përputhje me rregulloren e Kuvendit, vetëm në raste të jashtëzakonshme dhe të masave të jashtëzakonshme mund të zhvillohen mbledhje online të komisioneve. Mbledhjet e Komisioneve Parlamentare janë shumë herë më të rëndësishme sesa seancat plenare, nëse Parlamenti funksionon në një shtet demokratik. Gjatë gjithë këtyre 8 viteve ne kemi parë një Parlament që është noter i akteve korruptive të qeverisë. Prandaj dhe vendimmarrja për t’i mbyllur gojën opozitës, për t’iu fshehur opinionit publik, mes seancave qesharake online të komisioneve ka synimin e vetëm për t’i ikur përgjegjësisë mbi debatin, diskutimin mbi të gjitha aktet korruptive që qeveria sjell në Parlament. Pa diskutim që kjo është e papranueshme për opozitën. Ju keni raportuar sot, ne jemi mbledhur 140 deputetë në sallën e seancave plenare. Para dy ditësh në sallë njësoj si ato të komisioneve parlamentare është mbledhur Këshilli i Ministrave, qeveria është mbledhur fizikisht në mbledhje. Atëherë pse do të duhet që komisionet parlamentare të mos mblidhen sipas kushteve të përcaktuara nga Kuvendi i Shqipërisë, fizikisht dhe jo në mbledhje online? Për t’iu përgjigjur pyetjeve tuaja. Unë kam konsultuar të tre kryetarët e grupeve parlamentare të opozitës. Gjatë ditës së sotme ose gjatë ditës së nesërme ne do të zhvillojmë një mbledhje të përbashkët të tre grupeve parlamentare. Vendimi është i papranueshëm, është mungesë e plotë transparence dhe ka si qëllim t’i fshihet syve të opinionit publik, e përsëris, mbi akte korruptive të qeverisë për ta trajtuar ashtu siç kanë bërë këto 8 vite parlamentin si noter të këtyre akteve korruptive.
Pyetje: Z. Bardhi do të bashkëpunoni me maxhorancën sa i përket ndryshimeve kushtetuese dhe reformës territoriale? Dje ka patur një ftesë nga z. Gjiknuri për opozitën.
Gazment Bardhi: Së pari duhet të fokusohemi tek kjo ngjarje e rëndë që ka ndodhur sot në Konferencën e Kryetareve. Opozitës po tentohet t’i mbyllet goja në shkelje të rregullores dhe Kushtetutës e në këtë prizëm unë nuk besoj se ky është një parlament që funksionon. Secili prej nesh mund të kryejë reforma që i shërbejnë qytetarëve dhe interesit të qytetarëve. Në një parlament ku në shkelje flagrante të rregullores së Kuvendit synohet t’i iket syve të publikut, t’i shmangesh transparencës dhe t’i mbyllësh gojën opozitës, pa diskutim që nuk mund të flitet për bashkëpunim, qoftë ky edhe institucional.
Pyetje: Z.Bardhi në dijeninë tuaj sa është numri i deputetëve që nuk janë vaksinuar?
Gazment Bardhi: Unë nuk kam dijeni për këtë. Konferenca e Kryetarëve ka marrë një vendim për t’i udhëzuar deputetët që të vaksinohen. Pa dyshim që kolegët e mi në Konferencën e Kryetarëve e kanë pranuar këtë sugjerim dhe këtë këshillë dhe jemi të gatshëm për t’iu nënshtruar të gjitha rregullave që mbrojnë jetën dhe shëndetin. Por, masa që nuk përputhen me njëra-tjetrën, arbitrare, me forcën e kartonit, është e papranueshme në një vend demokratik. Më thoni kush është dallimi mes mbledhjes së Këshillit të Ministrave ku marrin pjesë 20 vetë në një sallë dhe mbledhjes së 20 deputetëve në një Komision Parlamentar. Nuk ka asnjë dallim. Është e njëjta procedurë dhe duhet të funksionojë i njëjti rregull. E njëjta Ministri Shëndetësisë e Edi Ramës i jep leje për të bërë mbledhje me dyer të mbyllura me të njëjtat kushte, ndërsa e njëjta Ministri Shëndetësie na thotë mos u mblidhni në Komisione Parlamentare, mos diskutoni në interes të qytetarëve shqiptarë, mos demaskoni dhe bëni opozitë ndaj akteve korruptive të qeverisë sepse kështu duam ne në kundërshtim me Kushtetutën dhe rregulloren. Kjo është e papranueshme.
Pyetje: Ju nuk keni arritur gjë me bojkot më herët, në rast se bojkotoni edhe një herë Komisionet Parlamentare, çfarë fitoni? Është hedhur si ide bojkoti.
Gazment Bardhi: Unë nuk fola për bojkot, sikur nuk e di se kush e ka hedhur si ide.
Pyetje: Z. Shehu e përmendi në Parlament.
Gazment Bardhi: Z. Shehu shprehu mendimin e tij, ajo që unë deklarova me shumë përgjegjësi është se jam konsultuar me të tre kryetarët e grupeve parlamentare të opozitës. Brenda ditës së sotme, maksimumi, brenda ditës së nesërme, do të mblidhen të tre grupet në një mbledhje të përbashkët për të marrë një vendim mbi këtë akt të paprecedentë të kësaj shumice korruptive që kemi në sallën e Parlamentit.
(a.b)/dosja.al
Iftar dhe politikë, a u prek Muaji i Ramazanit nga politikanët?
TIRANË– Gazmend Bardhi nuk iu përgjigj pyetjes për bashkëpunim me maxhorancës për reformën territoriale. Ai u shpreh se sot do të përqëndrohen te zhv...
TIRANË– Deputeti dhe ish-ministri i Turizmit, Blendi Klosi ka mbërritur në seancën e sotme në Kuvend me biçikletë. I veshur me kostum, Klosi z...
TIRANË– Kryetari i grupit parlamentar të Partisë Socialiste, Taulant Bala ka deklaruar se për tu ulur në dialog me Opozitën, duhen hequr të gjitha ku...
SHKODËR– Mbledhja e Sekretarit të Përgjithshëm të PS, Damian Gjiknuri me strukturat e PS Shkodër mbrëmjen e kaluar është shoqëruar me debate të ashpr...
TIRANË – Sot është zhvilluar seanca parlamentare e radhës në Kuvendin e Shqipërisë dhe deputetët nuk janë kursyer të tregojnë disa nga trendet e fund...
TIRANË– Kreu i grupit parlamentar të Partisë Socialiste, Taulant Balla është shprehur se maxhiranca ka rënë dakort me Opozitën që nga tetë, numri i K...
TIRANË– Kreu i grupit parlamentar të Partisë Socialiste, Taulant Balla ka propozuar që të shkojë në 12 numri i komisioneve parlamentare.Në një pronon...
TIRANË– Kryetari i grupit parlamentar i Partisë Demokratike, Alfred Rushaj mori fjalën në nisje të seancës së Kuvendit të Shqipërisë, duke kërkuar që...
TIRANË– Kreu i Grupit parlamentar të Partisë Socialiste Taulant Balla ka replikuar me deputeten e Partisë Demokratike Jorida Tabaku, I pranishëm në K...
TIRANË– Konferenca e Kryetarëve është shoqëruar me detabe. Mësohet se Partia Socialiste ka kërkuar që komisionet parlamentare të zhvillohen online.Kj...
