Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Bundestagu i ri do të vijojë të jetë pa deputetë me prejardhje shqiptare. Asnjëri nga katër kandidatët nuk arriti të fitonte shumicën e duhur, për t’u bërë ligjvënës në rang federal.
Kastriot Krasniqi, socialdemokrat dhe i vetmi kandidat i drejtpërdrejtë shqiptar me prejardhje nga Kosova për Bundestagun Gjerman, nuk arriti të mblidhte më shumë vota se konkurrenti i tij nga Unioni Kristian Demokrat, Hermann-Josef Tebroke.
Krasniqi nuk hyn dot në Bundestag as nëpërmjet listës së landit, megjithëse dega socialdemokrate e këtij landi do të dërgojë në Bundestag gjithsej 49 deputetë, pra, 9 më shumë se pas zgjedhjeve të 2017-ës. 30 do të jenë me mandat të drejtpërdrejtë dhe 19 nëpërmjet listës. Kastriot Krasniqi ishte i 45-ti në listë, dhe shanset që të hynte nëpërmjet listës edhe më përpara kishin qenë të vogla.
Krasniqi: “Duhet punuar më shumë me votuesit”
29-vjeçari nga Kosova megjithatë nuk deziluzionohet nga kjo humbje. Ai i tha Deutsche Welles se përvoja me fushatën ishte e jashtëzakonshme: “Kam mësuar shumë gjëra dhe jam bërë 20 vjet më i ditur”, thotë Krasniqi. Por nëse ka një gjë, të cilën herën tjetër do ta bëjë më mirë, ajo do të jetë puna me votuesit në fushatë. Duhet të komunikoj më shumë me njerëzit dhe të jem më pranë tyre”, tha politikani kosovaro-gjerman.
Krasniqi e ka një ngushëllim: Fitoren e socialdemokratit Olaf Scholz, megjithëse me një epërsi shumë më të vogël, në krahasim me besnikun e Angela Merkelit, kryetarin aktual të Unionit Kristian Demokrat, Armin Laschet.
Gjoka: “Humbje katastrofale”
As tre kandidatët e tjerë me prejardhje shqiptare, siç pritej, nuk arritën të hynin në Bundestag. Kolë Gjoka, i Unionit Kristiandemokrat, ishte shumë poshtë në listën e landit, saqë të mund të hynte në Bundestag. “Kjo pritej”, thotë Gjoka, “por nuk pritej humbja e thellë e CDU-së në landin Schleswig-Holstein. Për ne kjo është një gjendje katastrofale dhe ne tani duhet të reflektojmë thellë për shkaqet e humbjes.”
Deputetët e CDU-së fituan në landin gjermanoverior vetëm dy nga gjithsej njëmbëdhjetë qarqet elektorale të landit. Shtatë i shkuan Partisë Socialdemokrate të Olaf Scholz-it dhe një e fitoi kreu i të Gjelbërve, Robert Habeck. Një nga politikanët e CDU-së, Johann David Wadephul, i njohur edhe për një politikë kritike ndaj qeverisë së Shqipërisë, nuk arriti ta fitonte mandatin e tij të drejtpërdrejte. Por Wadephul mbetet deputet edhe në Bundestagun e 20-të, sepse ai ishte deputeti kryesor i qarkut. Edhe të tjerë politikanë të këtij fraksioni që kanë qenë të angazhuar me politikat evropiane, si Peter Beyer, CDU, Florian Hahn, CSU, Gunther Krichbaum, CDU, Michael Brand, CDU, Katja Leikert, CDU,sërish do ta kenë nga një vend në parlament. Se sa i fuqishëm do të jetë grupi parlamentar i CDU/CSU-së në Bundestagun e ardhshëm, kjo do të varet nga negociatat për krijimin e qeverisë. Gjasat e deritanishme flasin më shumë për një koalicion që në Gjermani quhet semafor, pra, mes socialdemokratëve, të gjelbërve dhe liberalëve.
Sarrazin humb mandatin
Dafina Berisha, kandidatja 21-vjeçare e përzgjedhur nga socialistët e rinj në Hamburg, sikurse Kolë Gjoka, qysh në fillim nuk kishte shumë shanse për të hyrë në Bundestag. Socialdemokratët e Hamburgut do të dërgojnë në Bundestag këtë radhë gjithsej pesë deputetë, katër prej tyre të zgjedhur me mandatë të drejtpërdrejtë dhe vetëm një nga lista, sekretarin e shtetit për punë të jashtme Niels Annen. Dafina Berisha ishte e nënta në listë.
Një figurë e njohur nga Hamburgu që nuk arriti të fitonte një ulëse në Bundestag është ish-deputeti i të Gjelbërve, Manuel Sarrazin, raportues për Evropën Lindore dhe Juglindore në Bundestagun e mëparshëm, i cili ka qenë shumë i zëshëm për integrimin e Ballkanit Perëndimor në BE. Sarrazin nuk arriti të fitonte kundrejt socialdemokratit, Metin Hakverdi, në qarkun elektoral Harburg-Bergendorf, ku banojnë edhe shumë shqiptarë. Hakverdi është gjithashtu raportues për Shqipërinë në komisionin e BE-së.
Me largimin e Manuel Sarrazin-it nga Bundestagu Ballkani Perëndimor humb një mbështetës të fortë. Por miqësia e Të Gjelbërve ndaj Ballkanit Perëndimor pritet të vijojë. Të Gjelbrit ishin të vetmit që në programin e tyre elektoral kishin përmendur edhe liberalizimin e vizave për qytetarët e Kosovës, krahas integrimit të rajonit në BE. Një mbështetës i fuqishëm i politikave të zgjerimit ishte edhe Michael Roth, ministri gjerman i Evropës, i cili arriti të mbronte mandatin e drejtpërdrejtë me një rezultat më se të bindshëm prej 43,6 përqind.
Një shqiptare në parlamentin e Landit në Berlin
Fituesja e vërtetë e mërgatës shqiptare në këto zgjedhje ishte Afërdita Suka, edhe pse jo nga zgjedhjet e Bundestagut, por ajo doli fituese nga zgjedhjet për Landin e Berlinit, të cilat u zhvilluan po të dielën, më 26 shtator. 40-vjeçarja e lindur në Suharekë, jo vetëm që arriti të fitonte një mandat të drejtpërdrejtë për partinë e saj të Gjelbër, por theu edhe një bastion të përhershëm të socialdemokratëve në zonën Tempelhof-Schöneberg.
Afërdita Suka do të jetë kështu deputetja e parë shqiptare në Parlamentin e Landit të Berlinit dhe e dyta deputete me prejardhje shqiptare në nivel landi, pas socialdemokratit Sami Musa, me prejardhje gjermano-kosovare, i cili fitoi në shkurt të vitit të kaluar një ulëse në parlamentin e Hamburgut.
Shqiptarja që theu bastionin e socialdemokratëve në Berlin
“Rezultatin e prita me mirënjohje dhe përulje të madhe,” i tha Afërdita Suka DW, pas fitores, e lodhur, por e kënaqur, pas një nate feste pa gjumë, dhe një fushate gjithashtu me pak gjumë. “Kam pasur një ekip të mrekullueshëm dhe kemi punuar shumë në terren. Vetëm gjatë kësaj fushate kemi takuar mbi 32 mijë familje duke vizituar derë më derë”, thotë Afërdita Suka për DW e pyetur për çelësin e suksesit të saj.
Përkrahje nga komuniteti shqiptar
Të lumtur dhe të përmbushur me fitoren e berlinezes me origjinë nga Suhareka janë edhe Dr. Sahadete-Limani Beqa, si komunikologe, së bashku me të shoqin, Dr. Fahri Beqa, shef i klinikës “Herzpraxis Berlin Hohenschönhausen”. Limani – Beqa arriti të mobilizojë disa figura të njohura të kulturës si artistin bashkëkohor Petrit Halilaj, botuesen Feride Berisha (PA) dhe fotografen Mimoza Veliu (Jamin). “Por merita kryesore e Afërditës, nuk ishte puna me median, por puna e madhe në terren dhe besimi që kishin gjermanët tek ajo, për shkak të punës së suksesshme në nivel komunal”, thotë Limani-Beqa./ Marrë nga DW.
Iftar dhe politikë, a u prek Muaji i Ramazanit nga politikanët?
Pas zgjedhjeve të Bundestagut, të Gjelbrit dhe FDP do të vendosin se cila parti do ta ketë kancelarin. Pa këto parti, vështirë se mund të formohet një qeveri. C...
Prania e zyrtarëve rusë në objektet e ushtrisë serbe, që ndodhen në kufirin midis Serbisë dhe Kosovës, është një mesazh konfuz nga Beogradi, që mund të dënohet ...
Senati amerikan dështoi të hënën të miratojë masa për të shmangur një mbyllje të pjesshme të qeverisë dhe për të parandaluar një dështim të buxhetit federal në ...
GREQI– Në orët e para të mëngjesit të sotëm është shënuar lëkundja e dytë më e fuqishme në Kretë. Tërmeti u regjistrua në Heraklion dhe ishte me magnitur...
GREQI– Ditën e djeshme Kreta u trondit nga një tërmet me magnitudë 5.8 i shkallës Rihter duke lënë një të vdekur dhe 35 persona të plagosur. Më shumë se 1...
KOSOVË– Situata në dy pikat kufitare që lidhin Kosovën me Serbinë vijon të mbetet e tensionuar pas vendimit të rreth 1 jave më parë për vendosjen e r...
SERBI- Ish-ambasadori serb i ish-Jugosllavisë në Britaninë e madhe, Vladeta Jankoviç, ka thënë se Kosova mund ta vendos reciprocitetin e targave. Gazeta ...
NIGERI- Një ngjarje e rëndë ka ndodhur ditën e sotme në Nigeri. PremiumTimesNigeria shkruan se gjatë një sulmi në Kaura, humbën jetën 34 persona.Nga sulmi u pla...
BOSNJE&HERZEGOVINË- Një skandal ka ndodhur në Bosnje & Herzegovinë, ku kryetari i bashkisë Banja Luka, Drasko Stanivukoviç i mëson këshillta...
SHBA-Departamenti Amerikan i Shtetit ka “qortuar” Presidenten e Kosovës, Vjosa Osmani, në lidhje me situatën e krijuar në veri të Kosovës. Klan Koso...
