Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Drejtësia Franceze ka vendosur të refuzojë ekstradimin e ish-efektivit të policisë së Lezhës Skender Seferi i dënuar me 5 vite burgim me vendim të formës së prerë. Seferi, në vitin 2010 gjatë një aksioni policor për kapjen e disa personave, vrau pa dashje 15-vjeçarin A.Skandaj, i cili ishte vëllai i njërit prej objektivave, që Patrulla e Policisë ku bënte pjesë dhe Skënder Seferi, kishte synim të ndalonte në 14 korrik 2010.
Çështja penale kundër Seferit ndodhet në gjykatën e Lartë për shqyrtim ndërkohë në Gjykatën e Apelit Shkodër ai është dënuar me 5 vite burg. Ndërkohë në vendimin e gjykatës së Rennes në Francë, e cila refuzon ekstradimin e ish-policit në Shqipëri thuhet se: “…vendimi i gjykatës së Apelit, aktualisht është në pritje për t’u shqyrtuar nga Gjykata Supreme shqiptare dhe kjo nuk është përmendur nga autoritet shqiptare as në kërkesën e parë, as në informacionet e komunikuara në kuadrin e hetimeve të para plotësuese të datës 15 shkurt 2019, qëllimi i të cilave ishte pikërisht që të verifikonte karakterin përfundimtar të dënimit të dhënë në lidhje me zotin Seferi, pra dënimin për të cilin më sipër nuk është përfunduar…”.
Në vendimin e gjykatës Franceze më tej thuhet se ”…në këto kushte, duke parë pasigurinë që ekziston mbi mbajtjen e dënimit dhe dënimit të dhënë kundër Skënder Seferit, është e arsyeshme të hidhet poshtë vendimi i kërkesës së paraqitur nga autoritetet shqiptare për dorëzimin e tij pranë këtyre autoriteteve…”.
Policia kërkonte t’i kapte vëllain, por qëlloi 15-vjeçarin
Rreth orës 16:32 të datës 14 korrik 2010, Policia Gjyqësore e Komisariatit të Policisë së Rrethit Lezhë, është njoftuar se në afërsi të kryqëzimit të rrugës për në fshatin Kallmet, persona të paidentifikuar kishin grabitur 3 shtetas nga Mali i Zi.
Në vijim, në rrethin e dyshuar të këtyre personave prej policisë janë përcaktuar Ardit Skandaj, Vladimir Nikolli, Flori Nikolli dhe Sokol Jashari. Për rrjedhojë, policia ka organizuar punën për identifikimin dhe kapjen e personave që dyshohet të kenë marrë pjesë në kryerjen e kësaj vepre penale.
Për të bërë të mundur zbulimin e autorëve të ngjarjes dhe kapjen e tyre, në datën 17 korrik 2010 policia ka mbajtur në vëzhgim policor të dyshuarit Ardit Skandaj dhe Flori Nikolli.
Bashkë me ta ka qenë dhe vëllai i shtetasit Ardit Skandaj, Armando Skandaj…
Rreth orës 14:00 të kësaj date të tre këta persona kanë qenë duke udhëtuar me mjetin tip “Benz-Mercedez” me targë TR-7870-R në drejtim të qytetit Lezhë, në afërsi të tregut të qytetit, për në drejtim të “Urës së Cenit”. Duke qenë në ndjekje të tyre, policia, në afërsi të “Urës së Cenit” ka ngritur një postobllok, duke synuar të bllokojë me mjete dhe motomjete, të vendosur nga përpara dhe nga pas, mjetin me targë TR7870R, i cili ishte në lëvizje. Në momentin që mjeti me targë TR7870R është afruar në postobllokun e ngritur nga policia, në mjet ndodheshin dëshmitari Ardit Skandaj, i cili drejtonte mjetin, dëshmitari Flori Nikolli, i cili ndodhej i ulur në sediljen e parë të mjetit dhe i ndjeri Armando Skandaj, i cili ndodhej i ulur në sediljen e pasme të mjetit, në anën e majtë të mjetit, pas sediljes së shoferit.
Në një moment mjeti me targë TR7870R është ndaluar në vendin e ngjarjes, në drejtim të tij janë afruar punonjësit e policisë, të cilët kanë tentuar të hapin dyert e mjetit, por nuk kanë mundur për shkak se ishin mbyllur nga brenda.
Në këtë rast policia është prezantuar me zë nga jashtë mjetit, duke u bërë me dije personave që ndodheshin brenda që ishte Policia e Shtetit, duhej të ndalonin dhe të dilnin nga mjeti.
Ndër punonjësit e policisë të cilët kanë qenë të pranishëm në këtë fazë të operacionit bënin pjesë dhe Mirgen Vata, Kujtim Ndoj, Gjon Kola, Rakip Bajraktari dhe Skender Seferi, i cili në atë kohë punonte oficer në Drejtorinë e Policisë së Qarkut Lezhë.
Personat që ndodheshin brenda mjetit nuk i janë bindur urdhërit të policisë, nuk kanë hapur dyert e makinës, duke mos dalë prej saj.
Pasi policia është munduar të bllokojë mjetin në vendin e ngjarjes, mjeti i drejtuar nga dëshmitari Ardit Skandaj ka ecur përpara, duke goditur mjetet dhe motomjetin e policisë, ka çarë me forcën e lëvizjes së mjetit të tij pengesat e vendosura nga policia dhe është nisur të largohet me shpejtësi në drejtim të kryqëzimit të semaforëve të qytetit Lezhë. Në këtë moment në vendngjarje është qëlluar me armë nga forcat policore me qëllim ndalimin e mjetit, por pa u bërë të mundur.
Menjëherë policia është vënë në ndjekje të mjetit, të cilin e ka gjetur të ndaluar në superstradën Lezhë-Shkodër, përkatësisht në rrugën për në banesën e shtetasit Mark Tom Laci. Gjatë këqyrjes së mjetit me targë TR7870R, policia gjyqësore ka konstatuar se ai ndodhej jashtë rrugës, i pozicionuar me drejtim lëvizje Lezhë-Shkodër. Në sediljen e pasme të mjetit, në krahun e majtë, është gjetur i ndjeri Armando Skandaj, vëllai i drejtuesit të mjetit Ardit Skandaj, i vdekur dhe me shenja të dukshme dëmtimi e rrjedhje gjaku në kokë.
(F.g/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
GREQI– Dosja.al ka zbardhur detaje të reja në lidhje me arrestimin e shqiptarëve, të cilët u kapën me 105 kg kokainë në Greqi, një ditë më parë. Burime për Dosj...
LEZHË- NJË 61-vjeçar ka rënë në prangat e policisë së Lezhës pasi është kapur me 68 kg kanabis. Mësohet se i arrestuari me inicialet A.B., ka t...
KORÇË– Këto që po shikoni janë pamje të siguruara nga qyteti i Korçës, në fshatin miras. Banorët e kësaj zone. Të tronditur nga lëkundj...
TIRANË– Nënkryetari i KQZ-së Denar Biba Biba është “kapur” me mediat, pasi sipas tij ato po cënojnë dinjitetin e kryebashkiakut të Vorës Kajmaku me r...
BERAT– Tre persona janë vënë në pranga pasi po transportonin lëndë narkotike në dy automjete.Burime zyrtare bëjnë me dije për Dosja.al se tre të rinjtë u vunë n...
Tiranë- Gjykata Penale e Tiranë ka shpallur mos-kompetencë për vrasjen e Santiago Malkos. Çështja i ka kaluar Gjykatës s&eu...
FUSHË KRUJË- Një 35-vjeçar ka rënë në pranga pasi ka tentuar të fusë drogë në burgun e Fushë Krujës. Mësohet se 35-vjeçari me inicialet ...
ELBASAN- Gjykata e Elbasanit ka liruar 36-vjeçarin Olsi Canga i cili u arrestua pas tentativës së përdhunimit të një studenteje disa ditë më parë. Rovena...
Vlorë- Nga Policia e Vlorës është arrestuar një person pasi është kapur me 6.6 kg lëndë narkotike dhe me një sasi municioni prej 996 fishekësh luftarakë.Nga Po...
Tiranë- Mes grave të Astirit, të cilat sot u futën në tryezën e ambasadori i OSBE-së në vendin tonë Bernd Bochardt dhe protestuan ndaj tij ishte edhe Enxhi Tu...
