Aktualitet

Ylli Rakipi-Bashës: Kam frikë se kur të vini në pushtet do shtrytëzoni mediat, do i blini ato

  • Basha në takim me median: Ka censurë, të bashkëpunojmë për t’i dhënë zgjidhje
  • Liria e medias, Basha mbledh gazetarët: Duhet bashkëpunim
  • Gazetari Ylli Rakipi është shprehur ndaj Lulzim Bashës se ka frikë se kur të vijë në pushtet PD-ja mund të shtrytëzojë median dhe ta blejë atë.
    Përditësuar:

    Tiranë- Në takimin me kreun e PD-së Lulzim Basha, gazetari Ylli Rakipi u shpreh se ka frikë se mos edhe PD-ja si parti kur të vijë në pushtet do të bëjë të njëjtën gjë si Rama, do të përdorë dhe blejë mediat.

    “Ju tani zoti Basha keni dalë jashtë sistemit, por frika është e madhe se mos vallë do të bëni të njëjtën gjë që është bërë në këto 30 vite? Dhe pastaj ia hidhni fajin atyre që kishit më parë.”, u shpreh Rakipi.

    Pjesë nga fjalimi i Ylli Rakipit :

    Zoti Basha asgjë nuk duhet të na çuditë që ju keni dalë jashtë sistemit por kjo media ka kohë që ka dalë jashtë sistemit. Tani ndoshta ju e shikoni, sepse e shikoni në një mënyrë më të drejtë. Ju i keni kërkuar ndjesë medias në protestë, që keni bërë gabime me median. Unë kam frikë që se kur të vini nesër në pushtet do të bëni të njëjtat gabime me median. Në paradhomat tuaja do të shfaqen njerëz që punojnë  në mediat sot dhe ju do t’i merrni të gjitha këto dhe do t’i shtrytëzoni,  siç keni bërë në këto 30 vite, siç ka bërë Berisha se ju nuk keni qenë kryeministër. Ndaj unë mendoj që ju nuk duhet të çuditeni. Të shkojnë te ajo ç’ka shohim sot, është e rëndësishme për ta thënë që nuk ndodh në asnjë vend të botës që kryeministri të bëjë deklarata me Kadrinj, pavarësisht se ka hall të tërheq vëmendjen. Portalet janë pjellë e një shtrënguese se për shkak se median klasike është e kapur. Nuk ka sens që qeveria të ndërtojë median e vetë private dhe të financojë para dhe të thotë që në mengjes Veliaj mbolli një pemë, u çua në mëngjes. Nuk ndodh në botë, ndodh vetëm keëtu. Asnjë diktator nuk e bën dhe vijon me blerjen masive të medias online. Ju tani zoti Basha keni dalë jashtë sistemit, por frika është e madhe se mos vallë do të bëni të njëjtën gjë që është bërë në këto 30 vite? Dhe pastaj ia hidhni fajin atyre që keni më parë.

    Ditën e sotme, kryetari i Partisë Demokratike, Lulzim Basha zhvilloi një takim me mediat dhe gazetarët, ku u zotua se PD do të sjellë një tjetër model në raport me reporterët. Basha premtoi se PD do të lejojë mbulimin e aktiviteteve të selisë blu nga mediat.

    (J.V/Dosja.al)

    Shto Koment