Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Zakonisht janë zgjedhjet e Kongresit në mes të mandatit të një presidenti që orientojnë qasjen dhe përparësitë politike të Shtëpisë së Bardhë. Për Presidentin e zgjedhur Joe Biden, garat më përcaktuese për Kongresin po vijnë përpara se ai të marrë detyrën.
Dy balotazhe të martën në Xhorxhia do të vendosin se cila parti do të kontrollojë Senatin dhe rrjedhimisht se sa mund të arrijë presidenti i ri në aspektin legjislativ për çështje të tilla si pandemia, kujdesi shëndetësor, taksat, energjia dhe mjedisi.
Për një politikan që e paraqiti veten para amerikanëve si bashkues dhe si një negociator me përvojë me Kongresin, zgjedhjet në Xhorxhia do të ndihmojnë të përcaktojnë nëse ai do të jetë në gjendje t’i përmbahet këtij imazhi.
“Nuk është se nuk mund të arrish asgjë po të jesh në pakicë ose se mund të realizosh çdo gjë po të kesh shumicën, të bësh gjithçka në shumicë, por të kesh kontrollin e udhëheqjes, mund të ndajë suksesin nga dështimi për një administratë,” thotë Jim Manley, që ka qenë këshilltar i ish-udhëheqësit demokrat të Senatit, Harry Reid. Sot atë post e mban republikani Mitch McConnell.
Të dy kandidatët demokratë nga Xhorxhia, Jon Ossoff dhe Raphael Warnock duhet të fitojnë të martën që Senati të jetë i ndarë 50-50. Nënpresidentja e zgjedhur Kamala Harris, si presidente e Senatit, do të siguronte votën e nevojshme për të përcaktuar kontrollin.
Realiteti është se edhe një Senat me shumicë të ngushtë demokrate nuk do t’i jepte zotit Biden gjithçka që ai dëshiron. Rregullat e Senatit kërkojnë 60 vota për të çuar përpara pjesën më të madhe të legjislacionit kryesor; për momentin nuk ka një numër të mjaftueshëm demokratësh të gatshëm që ta ndryshojnë këtë rregull. Pra pavarësisht nga rezultatet në Xhorxhia, zotit Biden do t’i duhet të bëjë për vete republikanë në Senat.
Megjithatë një shumicë demokrate në Senat do ta bënte më të lehtë konfirmimin e të emëruarve të zotit Biden për postet kryesore, veçanërisht në gjyqësor, dhe do t’u jepte demokratëve kontrollin e komisioneve. Në të kundërt, një Senat i udhëhequr nga senatori McConnell pothuajse me siguri do t’i mohonte zotit Biden fitoret e mëdha legjislative, ashtu siç pati bërë vonë në mandatin e Presidentit Barack Obama.
Ekipi i presidentit të zgjedhur Biden është shumë i vetëdijshëm për rëndësinë e garave në Xhorxhia. Ai shkon në Atlanta të hënën, në prag të balotazheve, për të bërë fushatë me kandidatët Ossoff dhe Warnock për herë të dytë në tre javë. Ekipi i fushatës së zotit Biden ka ndihmuar në mbledhjen e miliona dollarëve për të konsoliduar infrastrukturën e partisë që e ndihmoi zotin Biden të bëhet kandidati i parë demokrat për president që nga viti 1992 që fiton në këtë shtet. Nënpresidentja e zgjedhur Kamala Harris do të bëjë fushatë të dielën në Savannah.
Në vizitën e tij të fundit, Biden i quajti senatorët republikanë David Perdue dhe Kelly Loeffler si “bllokues” dhe u kërkoi banorëve të Xhorxhias “të votojnë për dy senatorë të Shteteve të Bashkuara që dinë të thonë fjalën “po” dhe jo vetëm “jo”.
Përbërja e Kongresit kushtëzon çdo administratë, por ndoshta kjo është edhe më e vërtetë për zotin Biden, i cili ka shërbyer 36 vjet në Senat, dhe tetë vjet si nënpresident i zotit Obama dhe ndërmjetës i nivelit të lartë me Kongresin.
Edhe disa republikanë shpresojnë tek një marrëdhënie e ndryshme me Kongresin, nën qeverisjen e presidentit të ardhshëm Biden. Michael Steel, që ka qenë këshilltar i lartë i ish-Kryetarit republikan të Dhomës së Përfaqësuesve John Boehner, i cili shpesh së bashku me zotin McConnell, bllokoi shpesh nismat legjislative të ish-presidentit Obama, fajësoi për problemet me Kongresin të zotit Obamës, qasjen e tij personale ndaj politikanëve të tjerë. Në të kundërt, tha zoti Steel “Presidenti i zgjedhur Biden është një ligjvënës nga prirja, nga përvoja dhe nga instinkti, ndryshe nga ish-Presidenti Obama”.
Zoti Steel parashikon që presidenti i zgjedhur Joe Biden dhe Senatori McConnell, dy ish-kolegë, të mund të gjejnë “gjuhë të përbashkët” për infrastrukturën dhe imigracionin – politika që kanë penguar shumë administrata.
Megjithatë, nuk ka asnjë shenjë që zoti McConnell do të lejonte shqyrtimin e përparësive të tjera kryesore të zotit Biden, mes së cilave më e rëndësishmja një zgjerim i një “opsioni publik” të Ligjit për Kujdes Shëndetësor të Përballueshëm. Rritjet e propozuara të zotit Biden të taksave ndaj korporatave dhe amerikanëve më të pasur gjithashtu ka të ngjarë të mos kenë asnjë shans në një senat republikan.
Presidenti i zgjedhur Biden do të ketë nevojë për aftësitë e tij negociuese edhe në marrëdhëniet me krahun e majtë të partisë së tij. Megjithëse progresistët thonë se kanë ulur pritshmëritë e tyre për atë që është e mundur – madje edhe nën një Senat me shumicë demokrate – ata ende synojnë ta shtyjnë zotin Biden.
Pritshmëritë e kufizuara të demokratëve për pushtetin e tyre, edhe me një shumicë të mundshme, bien ndesh me pretendimet e ekzagjeruara që republikanët kanë trumbetuar në garat e Xhorxhias.
Sipas fjalëve të senatorëve Perdue dhe Loeffler, një Senat demokrat do të ishte një konsolidim i një “axhende socialiste”. Përveçse është një keqinterpretim i përparësive të politikave të zotit Biden dhe senatorëve demokratë, ky karakterizim neglizhon realitetin e përbërjes së Senatit.
Në një aktivitet fushate këtë javë, kandidati Ossoff tha se sulmet “qesharake” të senatorit Perdue “më lënë pa fjalë “. Ai vuri në lojë pretendimin se idetë politike, që përputhen me ato të zotit Biden, janë një zhvendosje nga e majta. Por ai ishte në një mendje me rivalin e tij republikan për sa i përket rëndësisë së garave në Xhorxhia.
“Kemi shumë punë për të bërë, prandaj nuk mund të ngecemi në bllokime dhe pengesa për vitet e ardhshme“, tha zoti Ossoff.
Marrë nga VOA
1 vit nga zgjedhjet e 25 prillit si e shikoni gjendjen e vendit:
Që prej fillimit të pandemisë, numri i të infektuarëve me COVID-19 në gjithë botën ka kapur shifrën 83,787,419 persona. Sipas të dhënave të mbledhura nga Univer...
Marrëveshja për normalizim të marrëdhënieve ekonomike mes Kosovës dhe Serbisë, e nënshkruar më 4 shtator 2020 në Uashington, ka bërë që kompania “Agro Kosova Ho...
Presidenti i Malit të Zi, Millo Gjukanoviq nuk i ka miratuar amendamentet e Ligjit mbi liritë fetare, ligj ky që është kritikuar nga serbët etnikë dhe Kisha Ort...
PEJË– Të shtëna me armë zjarri kanë tronditur mbrëmjen e djeshme qytetin e Pejës, ku si pasojë tre persona kanë mbetur të plagosur.Sipas mediave vend...
GJERMANI- Ekspertët dhe politikanët kritikuan qeverinë gjermane të shtunën për dështimin lidhur me faktin që nuk siguruan mjaftueshëm doza vaksinash anti-COVID-...
KOSOVË– Tre persona kanë mbetur të plagosur me arm zjarri. Ngjarja e rëndë ka ndodhur mbrëmjen e sotme në Pejë, rreth orës 21:00.GazetaEkspress shkru...
Në një vit të dominuar nga COVID-19, është ndoshta e kuptueshme që kemi lënë pas dore krizën më të thellë, ekzistenciale me të cilën përballemi: ndryshimi i kli...
MAL I ZI- Presidenti malazes Milo Gjukanoviç i ka “treguar forcën” mazhorancës proserbe, e cila ka marrë frenat e qeverisjes në vend. Sipas mediave venda...
KOSOVË- Kryeministri në detyrë i Kosovës, Avdullah Hoti ka zgjedhur bjeshkët e Sharrit për të kaluar ditët e para të vitit 2021.Në një foto që ka bërë publ...
KROACI– Nuk ndalen lëkundjet e tërmetit në Kroaci! Vetëm pak minuta më parë, epiqendra e lëkundjes tragjike që la pasu shtatë viktima dhe 26 të plagosur është l...
