Aktualitet

I vendosi tritol farmacisë së babait të Saimir Tahirit, Vladimir Gjuta bie sërish në pranga

Sipas informacioneve dhuna ka qenë e rëndë, pasi viktimës i janë thyer disa dhëmbë dhe ka dëmtuar njërin sy. I dhunuari ka shkuar në Policinë e Tiranës, ku dhe ka bërë denoncimin e më pas Policia ka arrestuar Vladimir Gjutën.
Featured image of article: I vendosi tritol farmacisë së babait të Saimir Tahirit, Vladimir Gjuta bie sërish në pranga Vladimir Gjuta dhe Saimir Tahiri

TIRANË- Vladimir Gjuta, që akuzohet se ishte  autori  i vendosjes së tritolit tek farmacia e babait të ish-ministrit të Brendshëm, Saimir Tahiri, është arrestuar sërish nga Policia. Sipas informacioneve Gjuta këtë herë ësthë arrestuar për dhunë, pasi akuzohet se ka qëlluar kushëririn e tij disa herë me çekiç, duke e lënë të plagosur.

Sipas informacioneve, dhuna ka qenë e rëndë, pasi viktimës i janë thyer disa dhëmbë dhe ka dëmtuar njërin sy. I dhunuari ka shkuar në Policinë e Tiranë, ku dhe ka bërë denoncimit e më pas Policia ka arrestuar Vladimir Gjutën. Më tej, burime bëjnë me dije se Vladimiri ka shkuar tek shtëpia e kushëririt të tij në Tiranë dhe e ka dhunuar, për shkaqe që ende nuk bëhen me dije.

Tritoli në farmacinë e babait të Saimir Tahirit, që në atë kohë ishte ministër i Brendshëm, është vendosur në vitin 2015, dhe disa javë pas ngjajres u arrestuar Vladimir Gjuta si i akuzuar kryesor. Gjuta po tentonte të largohej drejt kosovës, duke vendsour një paruke në kokë, por pas një kontrolli që bëri Policia në makinën e tij, ai ra në pranga. Për këtë ngjarje u arrestua dhe Ernest Gjuta dhe Baftjar Bruka. Por në vitin 2016 pas lirimit nga burgu, Gjuta ra sërish në pranga pasi akuzohej për dhunë fizike ndaj babait të tij.

(A.B. Dosja.al)

Shto Koment