Aktualitet

Tërmet tjetër me magnitudë 5.6/ Shqipëria në zi, 36 viktima dhe 658 të lënduar, 25 të zhdukur nën rrënoja

  • Rama shpall gjendjen e jashtëzakonshme, kryeministri: 27 nëntori ditë zie kombëtare
  • Vendimi i plotë për gjendjen e emergjencës, masat, evakuimi e strehimi
  • 36 viktima, 658 të lënduar, 47 të shpëtuar, ky është bilanci i tërmetit deri më tani. Raportohet se mbi 25 persona janë ende të humbur dhe dyshohet se ndodhen nën rrënoja. Ndërkohë, 62 persona po marrin mjekim në spitalin e Traumës.
    Featured image of article: Tërmet tjetër me magnitudë 5.6/ Shqipëria në zi, 36 viktima dhe 658 të lënduar, 25 të zhdukur nën rrënoja Foto nga tërmeti
    Përditësuar:

    SHQIPERI 36 viktima, 658 të lënduar, 47 të shpëtuar, ky është bilnaci i tërmetit të djeshëm, që e ka futur vendi në zi kombëtare dhe ka detyruar autoritetet të shpallin gjendjen e jashtëzakonshme.  Ende vijojnë kërkimet në Thumanë dhe Durrës pas tërmetit, pasi mbi 25 persona janë ende të humbur nën rrënoja, dhe nuk dihet asgjë për fatin e tyre. 62 persona po marrin mjekim në spitalin e Traumë.

    Mëngjesin e sotëm janë gjetur nën rrënoja të pajetë, Klement Çupi bashkë me babain e tij, Hajredin Çupi. Ndërsa në spitalin e Traumës, humbi jetën Sajmir Greku, 31-vjeç. Ndërkohë janë nxjerrë të pajetë nga rrënojat çifti Çelnike Greku dhe Pëllumb Greku, prindërit e Sajmirit.

     

     

    Forcat e Armatosura, Zjarrfikëset, Policia e Shtetit, Emergjencat Civile në bashkëpunim me grupet e ardhura nga vendet mike, vijojnë kontrollet mes gërmadjave në zonat: Këneta në Durrës, te pallati gjashtë katësh afër kryqit të kuq dhe te Vila Palma po në Durrës dhe në zonën e Thumanës.

    Për më shumë bëhu pjesë e grupit më viral në Facebook, Dosja.al

    Kryeministri Edi Rama ka shpallur gjendjen e jashtëzakonshme dhe 27 nëntorin si ditë zie kombëtare.

    Epiqendra e tërmetit ishte qyteti i Durrësit, dhe konkretisht zona e Thumanës dhe ish-kënetës, ku ka patur pallate, banesa dhe hotele të shembura, ndërkohë që problemet nuk mungojnë as në Fushë-Krujë, apo te Kavalishenca. Gjithë shteti ndërkohë është në Durrës, ku po punohet për të shpëtuar jetët që ndodhen nën rrënoja. Forcat speciale po gërmojnë në 6 pika mes zonave të Durrësit, Kënetës dhe Thumanës: tek tre pallatet e rrëzuara në Thumanë, tek hotel Mira Mare në Durrës, hotel Tropikal, tek lagjja nr.6 në Durrës dhe në afërsi të kryqit të kuq. Ndërkohë, që edhe lëkundjet nuk kanë ndaluar. Në orën 15:45, dy goditje të forta janë regjistruar me magnitudë 5.6 të shkallës Rihter dhe 5.8. Herë pas here, toka në Tiranë dhe Durrës vijon të dridhet.

    (J.V:F.G/Dosja.al)

    • 23:09

      Solidarizohet me fatkeqsinë, ‘Shqiponja’ e Gjirokastrës hap dyert për të prekurit nga tërmeti

      Efektivi i patrullës “Shqiponja” në Gjirokastër, Edmond Late dhe vëllai i tij Miltjathi kanë hapur dyert e banesave të tyre për të prekurit nga tërmeti në Durrës. Dy vëllezërit ofrojnë strehim për 2-3 familje për të gjithë periudhën e dimrit. Për të gjithë familjet e interesuara të kontaktojën në numrin 0692728336 ose 0695267763.

      Punonjëesi i policisë
    • 23:01

      Taksë për ndihmat në Rrugën e Kombit, Rama ‘shfryn’ kundër kritikëve: Gënjeshtër e madhe! Është hequr

      Kryeministri Edi Rama iu është përgjigjur të gjitha akuzave që janë bërë sot për tarifën në Rrugën e Kombit, që sipas denocnimeve ka vijuar të jetë funksionale dhe sot kur shumë makina me ndihma janë nisur nga Kosova drejt Shqipërisë.

      Në një reagim në Facebook, Rama shkruan se të gjithë që e akuzojnë po shfryjnë mllef e helm, por sipas tij e gjitha është një gënjeshtër. Numri një i qeverisë shton se nuk ka taksë për ata që sjellin ndihma në Shqipëri, pasi vendimi të kompanisë koncensionare.

      Dëmet e tërmetit, Edi Rama dhe Rruga e Kombit

      Tarifa e shërbimit (jo taksa, po tarifa e shërbimit për Rrugën e Kombit), nuk është një tra i vendosur për të penguar shqiptarët të vijnë nga Kosova a të shkojnë në Kosovë, siç predikojnë ata që s’e kanë mësuar akoma atë shprehjen kuptimplotë, që në paqe forma më e lartë e patriotizmit është të paguash taksat!”, shkruan kreu i qeverisë.

      POSTIM I PLOTË

      Të gjithë atyre që shfryjnë mllef e helm për “taksën” e Rrugës së Kombit, fjalët më poshtë po u përcjell:

      E para, është një gënjeshtër me bisht që u kërkohet “taksë” kalimi automjeteve që sjellin ndihma në Shqipëri! Zero! Kompania që investon në Rrugën e Kombit dhe garanton mirëmbajtjen e saj, e ka marrë përsipër mbulimin e shpenzimeve të kësaj “takse” për çdo automjet ndihmash. Ky është fakti dhe gënjeshtra që ka marrë dhenë në rrjetet sociale është vetëm një gënjeshtër. Të cilën e përsërisin dhe e përhapin jo ata që sjellin ndihma, po ata që e kanë me të dëgjuar! Popujt thonë kur gënjeshtra ka bërë xhiron e botës, e vërteta ende s’ka veshur dot pantallonat

      Tarifa e shërbimit (jo taksa, po tarifa e shërbimit për Rrugën e Kombit), nuk është një tra i vendosur për të penguar shqiptarët të vijnë nga Kosova a të shkojnë në Kosovë, siç predikojnë ata që s’e kanë mësuar akoma atë shprehjen kuptimplotë, që në paqe forma më e lartë e patriotizmit është të paguash taksat! Jo, ajo tarifë është një kontribut i çdo përdoruesi të rrugës, për ta pasur rrugën që përdor sa më optimale dhe sot, nuk del dot dikush që i ka sytë në vend që të thotë se Rruga e Kombit, nuk është shumë më e sigurtë e më e mirëmbajtur, se sa përpara vendosjes së tarifës.

      Dhe e fundit, unë nuk isha hero kur e mbrojta pavarësinë e Kosovës në mes të Beogradit dhe ju më bëtë hero! As nuk jam tradhëtar sot, kur mbroj dhe do ta mbroj deri në fund, idenë e Shengenit Rajonal!

      Jo, unë jam po ai, që as nuk fluturoj kur më bëjnë hero, as nuk ndalem kur më bëjnë tradhëtar, e i dal për zot fiks po njësoj, bindjeve e ideve të mia. Sepse nuk e kam marrë këtë detyrë për t’iu pëlqyer të gjithëve çdo ditë, po për t’u kujtuar me respekt nesër edhe nga ata që s’do më duan kurrë, kur ditët e mia në detyrë të kenë mbaruar; si një shqiptar kokëfortë që i shërbej me zemër vendit tim, që e mbroj të vërtetën time megjithë zemër dhe që di ta bëj këtë detyrë më mirë se të tjerët – deri kur të dalë natyrisht ndonjë tjetër, që s’e njohim akoma.

      Kaq për këtë temë, se më duhet të zbres tani nga makina, për t’u kujdesur për sistemimin në hotel të disa familjeve të tjera fatkeqe. Përqafime të gjithëve, edhe atyre që do vazhdojnë të më shajnë, sepse e di që kujtojnë vërtetë se kanë të drejtë, siç e di që do më japin të drejtë një ditë, kur koha të tregojë ashiqare se janë krejt gabim😊

    • 22:56

      Dhuroi 100 mijë euro për tërmetin, Bebe Rexha jep lajmin: Mora lajmin e tmerrrshëm, do vij 2 ditë në Shqipëri

      Bebe Rexha

      Këngëtarja me origjinë shqiptare Bebe Rexha ka vendosur që të dhurojë 100 mijë dollarë për të prekurit nga tërmeti i një ditë më parë. Në një video të shpërndarë në rrjetet e saj sociale, këngëtarja shprehet se do të shkëputet nga turi i saj për dy ditë për të sjellë fondet e saj.

       

       

      Mora lajmin e tmerrrshëm që ra tërmet në Shqipëri. Unë do të shkoj në Shqipëri dhe do t’u jap ushqim, ujë dhe do të ndihmojë që t’u rindërtoj shtëpitë. Dua të sigurohem që paratë do të shkojnë për njerëzit në nevojë,”-shprehet Rexha.

    • 22:44

      E shpëtuan nga rrënojat por vdiq në spital, banori i Thumanës tregon si e gjetën Saimir Grekun: Kishte shumë dëmtime, vetëm bërtiste

      Një nga banorët e prekur nga tërmeti, nga Thumana ka treguar momentet e tmerrit, kur pallati përballë atij që ai jetonte u shemb. Në një intervistë për News24 ai tregoi momente nga misioni i shpëtimit për Saimir Grekun, i cili humbi jetën në spital. 

      Operacioni i kërkim-shpëtimit

      Saimir Greku vetëm bërtiste, kërkojnë ujë thoshtë kam  dhimbje. Përfundimisht e nxorrëm të gjallë po me shumë dëmtime e këmbë të thyera. Ndërroi jetë në spital. Ujë nuk i dhamë dot por vetëm disa spërkatje, aq sa mos të mbytej nga pluhuri. I bëri gjilpërën ai i spitalit dhe asgjë më shumë,”-tha banori.

    • 22:36

      Thellohet bilanci, nxirret tjetër trup i pajetë nga rrënojat e banesës së familjes Lala në Durrës

      Operacionet e kërkim shpëtimit në zonën e ish-kënetës në Durrës po vijon, por duket se lajmet që vijnë nga poshtë rrënojave nuk janë të mira. Një tjetër lajm i trishtë vjen nga rrënojat e shtëpisë ku strehohej familja Lala, në ish-Kënetë, pasi një anëtare e tyre është nxjerrë e pajetë.

      Pamjet e operacionit

      Sipas informacioneve mësohet se bëhet fjalë për Griselda Lalën. Ndërkohë mësohet se operacioni vijon, pasi nën rrënoja janë dhe 5 anëtarë të tjerë të kësaj familje, të cilët nuk iu janë përgjigjur thirrjeve të grupit të kërkim shpëtimit.

    • 22:32

      Basha pranë familjeve të prekura nga tërmeti: Ndoqa nga afër operacionet, po bëhet punë e madhe

      Kreu i Partisë Demokratike, Lulzim Basha, ka qenë sot në Durrës që lagjen 6 dhe 18, ku sipas tij ka ende njerëz nën rrënojat e pallateve të shmebura.

      Basha shkruan në një reagim në Facebook, se ka ndjekur nga afër puën e njësive të emergjencave dhe po bëhen përpjekje shumë të mëdha në kushte shumë të vështira për të nxjerrë gjall ata që janë nën rrënoja.

      Ju kërkoj atyre dhe çdokujt tjetër të ndjekin këshillat dhe udhëzimet për evakuim sipas rastit, duke shmangur çdo rrezik. Jeta dhe shëndeti i qytetarëve është përparësia kryesore”, shkruan më tej Basha.

      REAGIM I PLOTË

      Sonte në Durrës, në lagjet 6 dhe 18, ku ende ka njerëz nën rrënojat e dy pallateve të shembura nga tërmeti, ndoqa nga afër punën e njësive të emergjencave civile nga Kosova, Franca dhe Rumania dhe të personelit tonë, të cilët prej ditës së djeshme po bëjnë përpjekje të mëdha në kushte shumë të vështira. Specialistët e kërkim-shpëtimit më shpjeguan sfidat me të cilat po përballen për një operacion të suksesshëm shpëtimi. I falenderova në emër të çdo shqiptari për ndihmën e çmuar në këto momente tragjedie, kur ende ka njerëz nën rrënoja dhe kur numri i atyre që kanë humbur jetën po rritet.

      Qytetarë të shumtë më treguan për dëmtime të mëdha që kanë pësuar shtëpitë e tyre, shumë prej të cilave janë bërë të pabanueshme. Ju kërkoj atyre dhe çdokujt tjetër të ndjekin këshillat dhe udhëzimet për evakuim sipas rastit, duke shmangur çdo rrezik. Jeta dhe shëndeti i qytetarëve është përparësia kryesore. Si një familje e madhe, në solidaritet me njëri-tjetrin dhe me miqtë e partnerët tanë, do ta kalojmë këtë situatë tragjike.

    • 22:22

      Prej 2 vitesh në një lidhje sekrete, media italiane zbulon dramën e Greg Ramës: I vdiq e dashura nga tërmeti

      Greg Rama, Kristi Reçi dhe Edi Rama

      Media italiane “Mediaset” ka publikuar lajmin që një prej viktimave të tërmetit ka qënë edhe e dashura e djalit të kryeministrit Edi Rama, Gregorit. Në artikullin e tyre shkruhet se Gregu dhe Kristi Reçi ishin takuar dy vite më parë dhe e kishin mbajtur sekret lidhjen e tyre, duke ia “besuar” vetëm miqve të afërm. 

      “Gregor ka qëndruar gjithmonë larg vëmendjes së mediave dhe fakti që e dashura e tij është ndër viktimat do të kishte kaluar pa u vënë re, po të mos ishte për një postim në Instagram që ai vetë e publikoi për të shprehur me terma të thjeshtë “humbjen e një personi tek mua afër,“-shkruan media italiane. 

    • 22:06

      FOTO/ Prek zemrat e të gjithëve, ushtari shqiptar shpërthen në lot gjatë operacionit të kërkim-shpëtimit

      Një foto prekëse nga rrënojat e shkaktuara nga tërmeti ka bërë xhiron e rrjetit. Në foto duket një ushtar i Forcave të Armatosura të Shqipërisë teksa përlotet gjatë operacionit për nxjerrjen e trupave të ngecur brenda banesave të tyre.

      Ushtari i përlotur

      Edhe pse me uniformë ushtarake, i riu nuk i ka përmbajtur lotët nga pamja që ka pasur para syve.

    • 21:59

      Tërmeti lë pasoja të shumta, ngriti tokën 10 centimetra në Durrës

      Tërmeti fortë në Durrës e Thumanë, ka lënë pas dëme të shumta, dhe ka marrë më shumë se 35 jetë njerëzish. Media italiane ANSA shkruan se lëkundjet e tërmetit kanë ngritur tokën me rreth 10 centimetra afër qytetit të Durrësit.

      Imazhet janë marrë nga radari tek satelitët Sentinel-1 të programit Evropian Kopernikus të Agenzia Spazia, Evropa dhe Komisioni Evropian, analizuar nga sizmologët e Institutit Kombëtar të Gjeofizikës dhe Vullkanologjisë.

      Harta e Shqipërisë

      Deformimi i territorit shqiptar të pësuar nga tërmeti, u mat nga platforma në internet Geohazard-tep, e zhvilluar nga ESA, duke përdorur një palë imazhe radar të marra nga satelitët Sentinel-1 nga i njëjti vend, para dhe pas tërmetit.

    • 21:51

      Tërmeti i mori miken e djalit, Rama qan ‘live’ dhe braktis intervistën: Kujtojnë se jap mishin e shpirtin për lekë (VD)

      Kryeministri Edi Rama është larguar nga intervista me lot në sy pasi është pyetur për personin e afërt që kishte humbur nga tërmeti i 26 nëntorit.

      I pyetur nga gazetari Sokol Balla se cila ishte lidhja e tij me viktimën e tërmetit, Rama tha se ndodhej në një pozicion të vështirë dhe në mes të fjalisë është përlotur dhe është larguar krejt papritur nga intervista. 

      “Nuk dua të flas për gjëra që lidhen me aspekte personale dhe gjëra të djalit. Unë sot jam në një pozitë të pamundur ta shpjegoj.Ndoshta është shumë e vështirë që të kuptohet nga ata që e konsiderojnë politikën një mizerabilitet apo një instrument për të vjedhur. Dhe që kujtojnë se të gjithë jemi njësoj, dhe që kujtojnë se unë rri këtu dhe po jap mish e shpirt për lekë, por miqësia imë është shumë e fortë dhe unë i kam të gjithë këta njerëz të prekur si Gregun. Isha me…*largohet nga intervista”-tha Rama.

    • 21:33

      “Krijohet Komiteti i Menaxhimit të Fondeve”, Rama: Në krye do jetë Arben Ahmetaj

      Qeveria shqiptare po vijon punën për kapërcimin e situatës tragjike që la pas tërmeti i 26 nëntorit. Edi Rama në një lidhje direkt nga Durrësi për emisionin “Real Story”, tha se do të krijohet Komisioni i Menaxhimit të Fondeve për ndihmat.

      Rama u shpreh se kryetar i këtij komisioni Arben Ahmetaj, për të cilin tha se ka eksperiencë në menaxhimin e financave. Më tej numri një i qeverisë sqaroi dhe punën që do bëj ky komitet, ku tha se do të ketë në dorë menaxhimin e ndihmave dhe koordinimin.

      Ky komitet do të vendos se ku do shpërnaden fondet. Do të merret me reindëritmin ebanesave, do të merret me organiziamin e donatëorëve”, u shpreh kreu i qeverisë.

    • 21:33

      Tërmeti, gazetari i njohur grek: Sot jemi të gjithë shqiptarë, nuk ka kufi në dhimbje

      Gazetari i njohur grek Lefteris Charalampopoulos ka reaguar sot në lidhje me situatën që po kalon vendi jonë. Në një shkrim të tij, ai thekson se Shqipëria ka nevojë për solidaritetin tonë në këtë kohë të vështirë.

      Gazetari u thotë grekëve se kur fqinji po përballet me një tragjedi, atëherë ata kanë nevojë për solidaritetin dhe ndihmën e të gjithëve. Po ashtu ai shkruan se grekët u kanë shumë borxhe shqiptarëve dhe nuk duhet të bëjnë sikur i kanë harruar.

      Qytetarët shqiptarë pas tërmetit

      Shqipëria është fqinji ynë dhe njerëzit e saj janë të lidhur nga historianët. Dhe këto lidhje u bënë edhe më të forta pasi qindra mijëra shqiptarë erdhën në vendin tonë në kërkim të një të ardhme më të mirë. Ata punuan shumë, shpesh në kushte të mjerueshme, u përballën me një mori problemesh që nga problemet burokratike dhe punëdhënësit cinikë për të kapërcyer racizmin, por ata ia dolën.   I kemi borxh atyre shumë, edhe nëse ndonjëherë bëjmë sikur duam ta harrojmë. Shqipëria tani ka nevojë për ne. Po përballet me një katastrofë të madhe. Numëron viktima dhe dëme. E gjithë ndihma dhe mbështetja është e nevojshme. Ne duhet ta japim atë. Qeveria Greke dhe shërbimet publike gjithashtu janë mobilizuar në këtë drejtim. Shoqëria civile duhet të bëjë edhe më shumë.’’, shkruan Charalampopoulos.

    • 21:32

      “Shanë e shanë! Ndaloni o njerëz’/ Rama i acaruar me kritikët: S’bëhet shteti sa hap e mbyll sytë

      Kryeministri Edi Rama ka dhënë një intervistë për News24 nga qyteti i Durrësit, i cili ka qënë më i godituri nga tërmeti i një dite më parë. Në fjalën e tij, Rama i ka kërkuar të gjithëve kritikëve që të qetësohen dhe të analizojnë situatën.

      Shanë shanë shanë! O njerëz ndaloni, ndaloni. Ka një moment për të pyetur veten, nuk bëhen gjërat sa hap e mbyll sytë. Nuk bëhet shteti sa hap e mbyll sytë. Ata që janë në çadër se kanë realisht hall janë ata që janë më mirëkuptuesit, janë më të drobiturit dhe më të mirët. Nuk mund të hidhet helm tani sikur po hidhet ujë. Unë me mish e me shpirt me çdo qelizë të trupit jam në dispozicionin e tyre. Nuk e di çfarë bëjnë të tjerët. Kur jam në makinë shoh komentet. Ne do të bëjmë më të mirën,”-tha Rama.

    • 21:32

      S’kanë rrogë nëntori, të gjithë anëtarët e kabinetit japin pagën e tyre për viktimat e tërmetit

      Një pjesë e kabinetit qeveritar dhe Edi Rama

      Qeveria shqiptare ka vendosur që të dhurojë rrogën e saj të muajit nëntor për të prekurit e tërmetit të 26 nëntorit. Kryeministri, ministrat dhe zëvëndësat e tyre do të japin rrogën e tyre si një akt solidariteti me qytetarët e Durrësit dhe Tiranës.

    • 20:52

      ‘Kurajo! Do të të nxjerrim’/ PAMJET e momenteve të fundit të Klajdi Qatos poshtë rrënojave, i riu i shqetësuar për tutat

      Janë publikuar momentet nga shpëtimi i Klajdi Qatos nga rrënojat e hotelit të shembur nga tërmeti i një dite më parë. Në momentin e tërmetit duket se i riu është strehuar poshtë krevatit të tij, veprim që i ka shpëtuar edhe jetën pasi e ka mbrojtur nga goditjet. Të riut i është vënë ujë i ngrohtë tek këmbët dhe i është kaluar ushqim dhe ujë nëpërmjet tunelit të krijuar nga forcat greke.

      Klajdi je mirë? Ne do përpiqemi të të nxjerrim. Do hajë pak kohë por s’do rrezikosh as ti dhe as ekipi? Kurajo! Nuk do rrezikosh as ti as ekipet. Ushqimin ta dhamë, ujë do të kesh vazhdimisht. Batanijen e ke. Jena në rregull bashkë? Çfarë? Mos e vrit mendjen për tutat,”-i komunikonte zjarrfikësi të riut. 

    • 20:55

      Operacionet e kërkim-shpëtimit vijojnë punën, edhe ushtarët amerikanë në terren

      Shtetet e Bashkuara të Amerikës që prej momentit të parë kur ra tërmeti në Shqipëri shprehen mbështetjen e tyre për Shqipërinë.

      Sipas ambasadës së SHBA në Tiranë, Forcat e Ushtrisë nga Njësia për Mbështjen Civile kanë mbërritur që dje në Shqipëri dhe po ndihmojnë në nxjerrjen e njerzëve nga rrënojat.

      Rrënojat e Tërmetit dhe ushtarët amerikanë

      “Forcat e Ushtrisë së Shteteve të Bashkuara nga Njësia për Mbështetjen Civile dhe Ushtarake në Kosovë mbërritën dje në Shqipëri, për të mbështetur operacionet ndihmuese pas tërmetit të 26 nëntorit. Shqipëria është një vend partner, aleat dhe mik dhe Shtetet e Bashkuara do të vazhdojnë punën e përbashkët për të ndihmuar popullin shqiptar në këtë kohë të vështirë për të”, shkruan ambasada.

    • 20:45

      Sporti solidarizohet me tërmetin. Lojtarët e kombëtares mbledhin fonde. Pogba e Matiç luten për Shqipërinë

      Shqipëria është duke kaluar momentet të vështira që pas tërmetit të 26 nëntorit që deri tani ka shkaktuar 35 viktima e shumë të tjerë janë nën rrënoja. Solidariteti në këtë situatë është i jashtëzakonshëm, si brenda vendit dhe në mbarë botën.

      Futbollistët e kombëtares kanë qenë ata që kanë shprehur ngushëllimet për të vdekurit dhe kërkojnë ndihma për të plagosurit. Në rrjetet sociale disa nga lojtarët e kombëtares kanë shpërndarë thirrjen e tyre, ku të gjithë shqiptarët mund të japin kontributin e tyre për familjet e prekura nga tërmeti.

      Po ashtu shumë futbollistë të huaj kanë shprehur solidaritetin e tyre me viktimat. Paul Pogba në një postim në mediat sociale ka publikuar flamurin e Shqipërisë dhe lutet për vendin tonë. Edhe një lojtar serb, Namanja Matiç, ka ndarë një postim për vendin tonë ku shkruan: “Lutemi për Shqipërinë”.

    • 20:28

      Luan Rama thirrje qeverisë: Shpall gjendjen e emergjencave civile dhe në Lezhë

      Ish-deptueti i LSI, Luan Rama, në një reagim në Facebook, i propozon qeverisë që të shpallë gjendjen e emergjencës dhe në Qarkun e Lezhës. Sipas tij duhet shpallur gjendja e fatëkeqësisë natyrore dhe në këtë qark, pasi dëmtimet , janë me qindra shtëpi dhe objekte të dëmtuara si pasojë e tërmetit të 26 nëntorit.

      Luan Rama, ish-deputet i LSI

      POSTIMI I PLOTË

      Një propozim për qeverinë: përfshini në VKM-në për shpalljen e gjendjes së fatkeqësisë natyrore, edhe qarkun e Lezhës. Qeveria më në fund ka vendosur të shpallë gjendjen e fatkeqësisë natyrore në qarqet Durrës dhe Tiranë, si pasojë e dëmeve të shkaktuara nga tërmeti i 26 nëntorit. Vendimi i duhur, mbështetje maksimale dhe solidaritet i plotë që qeveria të përmbushë të gjitha detyrimet që ka. Por, meqenëse në emër të LSI-së kam qenë i pari që i kam kërkuar kryeministrit që qeveria të shpallë gjendjen e fatkeqësisë natyrore, vërej se vendimi i Këshillit të Ministrave është i mangët.

      Ndaj, po i drejtohem sërisht publikisht qeverisë me një propozim: përfshini në VKM-në për shpalljen e gjendjes së fatkeqësisë natyrore edhe qarkun e Lezhës. Sepse edhe në qarkun e Lezhës, janë me qindra shtëpi dhe objekte të dëmtuara si pasojë e tërmetit të 26 nëntorit; Sepse edhe banorët e qarkut të Lezhës kanë nevojë të trajtohen me statusin e gjendjes së fatkeqësisë natyrore; Sepse edhe për banorët e qarkut të Lezhës, qeveria ka të njejtat detyrime dhe përgjegjësi si për banorët e qarqeve të Durrësit dhe Tiranës. Asnjë diskriminim, ndihmë dhe solidaritet për të gjithë të dëmtuarit prej tërmetit të 26 nēntorit!

    • 20:32

      Dy vite më parë humbi babanë/ Historia e ‘nuses’ së familjes Cara, korçarja dha frymën e fundit në krahët e të fejuarit

      Familja që ka pasur më shumë viktima nga tërmeti i 26 nëntorit është ajo e Robert Carës. Kryefamiljari Robert Cara ka humbur deri më tani 7 persona, mes tyre të birin Almirin dhe nusen e tij Stelën. Diastela është vajza nga Korça, e cila gjeti vdekjen krah familjes të së fejuarit të saj, nënën e Almirit dhe motrën, vëllain dhe kushërinj të tij.

       

       

       

       

       

       

       

       

       

       

       

       

       

       

       

       

       

       

      Dy vite më parë, Diastela ndryshe Stela kishe humbur babanë e saj dhe jetonte e vetme me të ëmën dhe vëllanë.

    • 20:17

      Tragjedia në familjen e Ramës, Gregu lutet për studenten e mjekësisë: U prehsh në paqe Kiki!

      Djali i kryeministrit Edi Rama, Gregu bëri të ditur se mes viktimave të tërmetit të 26 shtatorit kishte edhe një të afërmen e tij. Ajo ishte studentja e mjekësisë Kristi Reçi, e cila u nxorr dje e pajetë nga rrënojat, së bashku me familjarët e saj, vëllanë 22-vjeçar, dhe të dy prindërit.

      “U prefsh në paqe Kiki,”- shkruan Gregu, duke lënë të kuptohet se ai i thërriste Kiki me përkëdheli.

    • 20:03

      Meta shkon pranë familjeve në Durrës: Shpresojmë në nxjerrjen gjallë të trupave nën rrënoja

      Presidenti Ilir Meta ka qenë sot në Durrës, në zonën e ish-Kënetës pranë familjeve të dëmtuara nga tërmeti. Në një prononcim për mediat, Meta u shpreh se kërkimet po vijojnë dhe shpresohet që të gjithë ata që janë poshtë rrënojave të nxirren gjallë.

      Përpjekjet po vazhdojnë dhe do vazhdojnë deri në fund, dhe shpresojmë që do kemi më shumë fat deri në fund me këto përpjekje që nuk do mbarojnë deri në gjetjen e qytetarit  më të fundit nën këto rrënoja me shpresë gjithmonë”, u shpreh Meta.

      DEKLARATA E METËS

      Sigurisht është një situatë dramatike e cila vazhdon dhe ka vështirësitë e saj, sepse ende kemi ndjerë që ka lëkundje, siç pati dhe sot në mesditë, të cilat cenojnë edhe punën edhe sigurinë, të forcave të shpëtim-kërkimit në rrënojat e godinave, të cilat janë rrëzuar dhe ku po kërkohen qytetarët tanë, me shpresën për t’i shpëtuar ata.

      Në radhë të parë do doja të shprehja falënderimet më të përzemërta për shtetin e Kosovës, për popullin e Kosovës, për Presidentin Thaçi që jemi sot këtu, për gjithë institucionet e Kosovës, në mënyrë të veçantë për FSK-në, e cila ka fituar një simpati mjaft të gjerë, jo vetëm për shkak të reagimit të menjëhershëm dhe ka qenë e para që është gjendur në vatrat e nxehta të kësaj krize, por dhe me seriozitetin, me efikasitetin, me përkushtimin e saj ka bërë dhe po bën çdo gjë për të na ndihmuar të gjithëve në këtë sfidë të jashtëzakonshme dhe të paprovuar më parë.

      Përpjekjet po vazhdojnë dhe do vazhdojnë deri në fund, dhe shpresojmë që do kemi më shumë fat deri në fund me këto përpjekje që nuk do mbarojnë deri në gjetjen e qytetarit  më të fundit nën këto rrënoja me shpresë gjithmonë.

    • 19:53

      Të dhënat e Open Data: Emergjencat Civile shpenzojnë vetëm për internet, karburant e telefon

      Drejtoresha e Open Data Albania, Arnita Brahaj, është shprehur sot se institucioni i Emergjencave Civile është për ti vënë vizën.

      Brahaj shkruan se ky institucion paguan para vetëm për karburant, telefon, internet dhe vendime gjyqësore për të larguarit nga puna, por nuk ka asnjë shpenzim për pajisje të tjera apo trajnime të stafit.

      Paga, karburant, telefon, internet, elektricitet, uje dhe detytime per vendime gjyqsore e permbarimore per staf te larguar nga puna … nuk eshte azil apo kopsht pa dreke, eshte Institucioni i Emergjencave Civile dhe Rezervave te Shtetit me nje portofol dhe pershkrim shpenzimesh listuar me poshte, shume domethenes per ti vene vizen”, shkruan Brahaj.

    • 19:37

      EMCS: Që nga 2014 asnjëherë më parë ndjeshmëri të një tërmeti si dje në Shqipëri

      Qendra Evropiane e Tërmeteve që publikon në kohë reale tërmetet në të gjithë botën, e njohur si EMCS ka shkruar sot për tërmetet në Shqipëri.

      Në një reagim në mediat sociale shkruan se prej vitit 2014, kohë kur është hapur aplikacioni nuk ka ndodhur që të ketë një shkallë kaq të lartë ndjeshmërie nga qytetarët të lëkundjeve nga tërmeti në të njëjtin rajon, sikur ndodhi dje në Shqipëri.

       

      Tërmetet

      Që prej krijimit të aplikacionit LastQuake në 2014, kurrë nuk kemi parë një shkallë kaq të lartë të tërmeteve që janë ndjerë në të njëjtin rajon. Kjo është një kohë shumë e paqartë dhe e vështirë për njerëzit e prekur nga lëvizjet e tokës në Shqipëri. Jemi pranë jush. Qëndroni të sigurt”, shkruhet në njoftim.

    • 19:52

      Humbi 7 familjarë nga tërmeti, Robert Cara s'di asgjë për tragjedinë, i afërmi: Nuk di si do ia themi, ai pyet për fëmijët

      7 prej 9 pjesëtarëve të familjes Cara u shuan në tërmetin tragjik të së martës. Albert Cara, një prej të mbijetuarve ndodhet i dëmtuar në Spitalin Ushtarak në Tiranë. Ai nuk e di ende që 3 fëmijët e tij, 2 djemtë dhe një v ajzë, sëbashku me bashkëshorten, nuk jetojnë më, ashtu sikurse edhe e fejuara e një prej djemve.

      Familja jetonte në katin e 5 të këtij pallati në Thumanë, që është rrënuar tërësisht. Në katin e katërt jetonin pjesëtarë të tjerë të familjes Cara. Nga kjo familje humbën shpëtoi vajza e xhaxhait të Albertit, Lindita. Vajza e saj, sëbashku me të ëmën, humbën po ashtu jetën.

      Tvklan.al nga Thumana mori në intervistë djalin e xhaxhait të Albertit, i cili tregon se kushëriri i tij nuk është ende në dijeni të tragjedisë që i ka ndodhur. Sulë Cara thotë se 4 prej pjesëtarëve të familjes Cara janë ende nën rrënoja. Ndonëse i ndërgjegjshëm se shanset që të kenë mbijetuar janë të vogla, ai ende shpreson që Zoti të bëjë një mrekulli.

      Ju jeni familjar, i afërm i familjes Cara. Çfarë ka ndodhur me pjesëtarët e familjes tuaj në Thumanë?

      Siç jeni njohur me një fatkeqësi të jashtëzakonshme natyrore, jo vetëm për familjes Cara, por për të gjithë të prekurit e kësaj tragjedie. Unë në këtë banesë kam patur djalin e xhaxhait, i cili jetonte në katin e 5, Albert Cara. Aktualisht ndodhet në Spitalin Ushtarak. Thuhet që është mirë, kaq të dhëna kam deri tani për momentin, sepse kam qenë i angazhuar non stop këtu në vendngjarje. Aktualisht që flasim, Berti ka humbur pothuajse të gjithë pjesëtarët e familjes.

      Pothuajse të gjithë pjesëtarët?

      Ka humbur bashkëshorten, Fatmirën, e cila ndodhet në morgun e spitalit të Lezhës. Ka humbur djalin Almirin, i cili për momentin është në rrënoja. Ka humbur djalin e vogël, Hasanin, i cili është në morgun e Tiranës. Ka humbur bashkëshorten e Almirit, e cila ndodhet nën rrënoja. Në pjesën e katit të parë kemi pasur edhe nusen e xhaxhait, që ka qenë aty me vajzën Linditën dhe vajzën e vajzës. Lindita mrekullisht ka shpëtuar mbrëmë, forcat e ndërhyrjes greke dhe kosovare kanë bërë të mundur shpëtimin e saj. Mendojmë se është mirë tek Spitali Ushtarak. Ndërsa aktualisht është nën rrënoja, Anthi Cara, pra nusja e xhaxhait me mbesën, që nuk dimë asnjë gjë tjetër, vetëm se momentalisht tani që flasim të katërt e pjesëtarët e familjes Cara janë nën rrënojë.

      Po vajza e Albertit?

      Vajza e Albertit, Erisa, është në morgun e Tiranës, është konfirmuar e vdekur.

      Pra nga 9 pjesëtarë, 7 kanë humbur jetën?

      7 mendohet se janë humbur. E them mendohet sepse 4 janë nën rrënoja dhe mbase Zoti bën mrekullinë, të shpresojmë, edhe për pak.

      Keni komunikuar me Albertin, ose ndonjë prej pjesëtarëve të familjes tuaj?

      Jemi në një moment të vështirë, sepse kam dërguar atje, vëllain e Albertit, Taulantin. Dje ka qenë mirë, sot ka qenë me mjaft probleme. Probleme të cilat ai kërkon të dijë për fëmijët. Ne për hir të së vërtetës nuk i kemi treguar, deri më tani dhe kam përshtypjen se do të na krijojë një situatë mjaft problematike për nesër, sepse nesër mund të jetë edhe ceremonia e varrimit. Do të përpiqemi që të hyjmë në kontakt me mjekun që po merret, që të na japë të gjithë udhëzimet e nevojshme, sepse ne jemi nga një zonë që çfarë të në na ndodhë, na ndodh, Zoti të na falë ça të na falë, por jemi të detyruar ta vëmë në dijeni, nëse mjeku do të na marrë përsipër që të paktën nga kjo tragjedi të mos bëjmë viktimë edhe Bertin, sepse është në një moment jo të mirë.

      Ka dëmtime Alberti?

      Më duket se ka dëmtime, nga kontaktet e fundit që kam deri më tani, duket se ka probleme dhe në shtyllën kurrizore. megjithatë është një informacion që do ta marrim më vonë.

      Si ka arritur të shpëtojë?

      Grupet e shpëtimit me thënë të drejtën kanë bërë një punë të jashtëzakonshme, sepse ky ka qenë në një pozicion, ka rënë nga kati i 5 dhe e gjithë baza materiale është përmbledhur në një kat. Nuk e dimë tani sesi ka shpëtuar, Zoti e ka shpëtuar.

      Ka dalë me këmbët e veta apo e kanë ndihmuar?

      Jo jo, kanë qenë forcat speciale të Kosovës, forcat e shpëtimit të Greqisë, ka qenë forcat e shpëtim-minierave dhe është punuar gati 5-6 orë të bërë të mundur që të dalë i padëmtuar, të paktën ka dalë shëndoshë.

      Prej sa vitesh jetonte në Thumanë Alberti me familjen e tij? Kur ishin zhvendosur, mund të na jepni disa detaje njerëzore?

      Ne me origjinë jemi nga Kurbneshi i Mirditës. Berti ka ardhur në Thumanë rreth viteve 90-91, ndërsa xhaxhai tjetër që ka qenë poshtë ka ardhur rreth viteve 50.

      Këtu vendosur të jetonin?

      Po, sepse asokohe Thumana ishte fermë. Atëhere punësimi nuk ishte shumë problem, sepse ferma atëherë kishte mundësi punësimi. Kështu që mbase kjo ka qenë një ndër shkaqet, sepse këtu kam kuptuar diçka tjetër. Në zonën e Thumanës ku ra kjo fatkeqësi, ka shumë matjanë, ka shumë mirditorë, nga zonat e tjera. Kanë qenë shumë punëtorë dhe ngaqë këtu ka qenë tokë fushore dhe një njeri i punës që vjen nga zona me pak tokë, me shumë tokë, mbase janë ndjerë mirë. Ky ka qenë shkaku kryesor.

      Kanë pasur dëmtime pallatet në tërmetet e mëparshme? Pra kanë pasur ndonjë paralajmërim për prishjen e strukturave?

      Në fakt ne kur bien tërmetet puna e parë që bëjmë lidhemi me telefonata të menjëhershme me njerëzit më të afërt. Në tërmetet e para që kanë rënë, në komunikimin që kam pasur personalisht me Albertin, e kam pyetur nëse kanë patur probleme, më ka thënë jo. Banesat në gjykimin tuaj si janë? Nuk më ka thënë asnjëherë që ka patur probleme, në dijeninë time.

      Kush ju njoftoi për ngjarjen e rëndë?

      Për ngjarjen e rëndë ngaqë ne nuk po na dilte në telefon, sepse duke e ditur që Thumana është një zonë me aktivitet sizmik të lartë, nuk na është hapur telefoni dhe kemi patur jashtëzakonisht shumë vështirësi për t’u nisur dhe pastaj kemi biseduar me një të njohurin tonë, për momentin nuk më kujtohet emri dhe na ka thënë që po, më duket se është shembur pallati. Pastaj Taulanti, i vëllai nga Tirana, është nisur menjëherë. Menjëherë pastaj kam ardhur dhe unë. Mund të kemi ardhur këtu rreth orës 5 e gjysmë, 6 pa çerek, ku gjithçka këtu ishte gërmadhë./tvklan.al

    • 19:48

      Familjarët do i varrosin me fustane të bardhë, Amarda Toska tregon detaje nga ceremonia mortore e Dienës dhe vajzës 8-vjeçare

      Diena Meçe dhe e bija

      Moderatorja Amarda Toska ka ndarë me ndjekësit e saj në rrjetet sociale, prapaskenat e ceremonisë mortore të Diena Meçajt dhe vajzës së saj 8-vjeçare Esielës.  Në postimin e saj, Amarda ka treguar se familjarë të tyre kanë shkuar në biznesin e saj të ceremonivë martesore dhe i kanë kërkuar dy fustane nusesh. Dy vajzat do të përcillen në banesën e fundit të veshura me të bardha, ashtu siç është zakon në Shqipëri kur në rastet që vajza të reja ndërrojnë jetë. 

      “Fustanet e bardha sot ato nuk i veshin për t’u bërë nuse por për t’u bërë ëngjëj që do na shohin nga atje lart dhe kjo ma thyen zemrën,“-shkruan ndër të tjera moderatorja. 

      POSTIMI I PLOTË:

      Shume here kam derdhur lot gezimi dhe mallengjimi kur kemi percjelle vajza me fustane nuserie. Kurre nuk ma merrte mendja qe mund te derdhja lot dhimbjeje si sot per te bukurat Diena dhe Esiela. Ne filialin tone ne durres erdhen disa kliente dhe bene nje kerekese rënqethëse… Dy fustane nusesh per dy vajza qe do i thone lamtumire te gjitheve ne diten e varrimit te tyre. Ishin familjaret e Diena dhe Esiela Karanxhaj. 30 dhe 9 vjeç. Nëna dhe vajza që humbën jetën nga tërmeti. Nuk mund ta imagjinoj dot si mund të ndihet babai i Dienës, i cili humbi vajzën, mbesën dhe akoma pret që të nxirret trupi i të shoqes nga rrënojat. Fustanet e bardha sot ato nuk i veshin per tu bere nuse por per tu bere engjej qe do na shohin nga atje lart dhe kjo ma thyen zemren. Zot jepu force te perballojne dhimbjen e madhe qe fati ua dhuroi!!!
    • 19:09

      Noizy denoncon ‘live’ dhunën e policit: Jam çarë tek këmbët

      Këngëtari Noizy në një lidhje direkte për Top Channel, ka thënë se është dhunuar nga forcat e policisë. “Po pastrojmë tullat, janë bashkuar të gjithë soletat bashkë dhe janë shumë të vështirë për të nxjerrë soletat, më vonë shkojmë më vonë nga stadiumi dhe gatuajmë, unë u interesova nëse ka njerëz që duan të bëjnë ushqim, dhe më thanë që ushqim ka boll por nuk janë të gatuara, mora disa tenxhere të mëdha në hotelet përreth”, tregon ai në “Ftesë në 5”.

      Ndërkohë këngëtari tregon se një nga efektivët prezent ka tentuar të ushtrojë dhunë ndaj tij: “Jo unë do të ndihmoja çdo person në çdo vend por këtu qëlloi dhe këtu jam ndodhi në qytetin tim dhe do ndihmoj, fakti që ndodhi në Shqipëri më dhemb nuk ka lidhje qyteti fshati. Unë jam këtu me ndihmuar me aq sa kam mundësi shikoj se ka ardhur forcat renea njëri prej ktyre është shumë grindavec, unë kam këtu gjithë ditën dhe jam duke ndihmuar un nuk jam fëmijë por një punonjës shteti duhet të ketë një mënyrë komunikimi, u munduan të më ushtrojnë dhunë por nuk jam dolën, jam çarë tek këmbët nga tentativa për të më ushtruar dhunë. Zbrit poshtë nga këtu. Unë nuk dua të më trajtojnë mirë se jam Noyzi por njeriu nuk trajtohet në atë mënyrë sidomos në këtë situatë. Nuk është ashtu sepse janë disa persona që po zihen me këtë person, Unë me shpresë të zotit do të shkojmë bashkë në stadium, i bëj thirrje kuzhinierëve që të ndihmojnë të gatuajnë ushqim sepse njerëzit kanë nevojë të hanë, Ju lutem të gjithëve që të krijojnë një strehim për të gatuar dhe njerëzit ti konsumojnë ato”, tha ai.

      Marrë nga Top Channel

    • 18:52

      Rëndohet sërish bilanci, nxirren të pajetë dy trupa nga familja Reçi në Durrës

      Dy trupa të pajetë janë nxjerrë nga rrënojat në një pallat në Durrës. Sipas informacioneve mësohet se viktimat janë Dolora dhe Klaus Reçi, nënë e birë. 

      Sipas Ministrisë së Mbrojtjes zyrtarisht numri i viktimave është 30, por burime nga vendet e ngjarjes flasim për 35 viktima. 

      Tragjedia në familjen Reçi është thelluar, pasi nurmi i viktimave është bërë 3, pasi më herët ka vdekur dhe 25-vjeçarja Kristi Reçi. 

    • 18:53

      Humbi gjysmën e zemrës dhe vjehrrit nën rrënoja, e reja var shpresat te Zoti: Allahu na jep shpresë! Të afërmit: O shpirt, kurajo…

      Klement Çupi është një prej viktimave të tërmetit të 26 nëntorit, i cili kishte ardhur në atdhe për të festuar fejesën e të vëllait. E fejuara e tij, Liridona Suluka ka postuar një foto kur thuhet një shprehje. Liridona Suluka ka shpërndarë një sure e cila përkthehet “Shpresat i kemi tek Allahu!”, ndërsa të gjithë ndjekësit e kanë ngushëlluar. 

      “O zemra imeeeeeee ça fati paske pas moj zemër qoftë i xhenetit jetojmë me dhimbjen tënde o shpirti im,”-shkruan një prej komentuesve. 

    • 18:40

      EMRI/ I pafat për të mbijetuar, 25-vjeçari i mbijeton tërmetit por vdes rrugës për në spital, makina u aksidentua

      Foto Ilustruese

      Një 25-vjeçar ka ndërruar jetë rrugës për në spital, ku do të kurohej. Mësohet se i riu i identifikuar si Marjan Prençi u ka mbijetuar orëve të gjata nën rrënoja, por jo aksidentit. I riu fatkeq ka humbur jetën, pasi makina që po e dërgonte në spital ka dalë nga rruga dhe është përmbysur.

    • 18:32

      Erdhi për fejesën e vëllait por vdiq nga tërmeti bashkë me prindërit, kush ishte Klement Çupi

      Klement Çupi

      Një prej viktimave të tërmetit të 226 nëntorit, Klement Çupi kishte dy ditë që ishte kthyer në atdhe nga Anglia, ku edhe punonte si taksist. Media angleze ”BanburyCake’‘ i ka kushtuar një artikull fatit tragjik të Çupit dhe familjes së tij, ku edhe shpjegon historinë e të riut fatkeq shqiptar. Klementi ishte kthyer në Shqipëri bashkë me të vëllanë për të festuar fejesën e Nikolinit. Por për fatin e tyre të keq, si pasojë e tërmetit ka hymbur jetën Klementi, i ati i tij Hajredini dhe Lute Çupi. Ndërsa vëllai i tij, Nikolini ka mundur të shpëtojë dhe po mbahet në spital.

      PJESË NGA SHKRIMI I MEDIAS SË HUAJ: 

      Klement Cupi ishte viktima e 26-të e tërmetit dhe punonte si shofer taksie në Oksford të Britanisë së Madhe ku edhe jetonte prej vitesh.  Çupi kishte dy ditë që kishte ardhur në Shqipëri. Menaxheri i Përgjithshëm i kompanisë ku ai punonte, Aaron Singh, konfirmoi vdekjen e Çupit e tha: “Sot ishte një ditë e trishtuar për të gjithë ne. Kjo është një tragjedi”.
    • 18:25

      Tërmeti shkundi sërish Shqipërinë, dëmtohen disa pallate në Tiranë (FOTO+VD)

      Shqipëria nuk po gjen paqe, pasi lëkundjet e tërmetit kanë vijuar dhe gjatë ditës së sotme. Një tërmet i fortë u ndje sot rreth orës 16:30, i cili mësohet se ka shkaktuar dhe dëmtime të shumta.

      Sipas informacioneve mësohet se nga lëkundjet që janë ndjerë pasdite ka pasur dëmtime në disa pallate. Fotot që shihni më poshtë janë shkrepur pas tërmetit me magnitutë 5.6 dhe shihen dëmtimet në një pallat tek Kthesa e Kamzës.

      Po ashtu dhe nga video shihet një tjetër pallat në Tiranë ka pësuar dëmtime të shumta, pas lëkundjeve të sotme.

    • 18:13

      FOTO/ E ëma me këmbë të thyer e nxorri gjallë nga rrënojat, Rolejti 7-vjeçar zhduket pas tërmetit, për të vëllanë u sakrifikua gjyshja

      Një 7-vjeçar i identifikuar si Rolejt Vata ka humbur kontaktet me familjes që prej paradites së 26-nëntorit, ditës së tmerrshme të tërmetit. 7-vjeçari ndodhej së bashku me të ëmën, të vëllanë dhe gjyshen në banesën e tyre në Thumanë në momentin që ra tërmeti.

      Menjëherë sapo u ndjenë lëkundjet e forta, e ëma ka marrë Rolejtin dhe e ka nxjerrë poshtë pallatit për t’u kthyer për të marrë edhe vjehrën me djalin tjetër. Në momentin që është ngjitur sërish, gruaja në fjalë ka thyer këmbën dhe nuk ka mbërirtur dot. Djali i saj i madh, Santiljani u shpëtua dhe u gjet gjallë në prehrin e gjyshes, Hajrie e cila tashmë kishte ndërruar jetë, ndërsa Rolejti nuk dihet se ku është. Familja po kërkon dëshpërimisht të voglin dhe nuk e gjend askund. Në morg nuk është gjetur, kështu që shpresat që mund të jetë gjallë janë më të mëdha.

      Rolejt Vata
    • 18:03

      Të prekurit e tërmetit duan të takojnë Ramën, policët i shtyjnë: Largohuni andej, ju lutem!

      Kryeministri Edi Rama ka shkuar në Thumanë i shoqëruar nga zëvëndësi i tij Erion Braçe. Disa prej personave e mbledhur në zonë kanë dashur ta takojnë e i janë afruar por janë shtyrë nga Policia.

      “Ju lutem zotëri, ju lutem! Largohuni andej largohuni”-thanë efektivët.

    • 17:59

      LISTA E PLOTË/ Ministria e Mbrojtjes zbardh emrat e 28 viktimave të tërmetit tragjik të 26 nëntorit

      Ministrja e Mbrojtjes, Olta Xhaçka ka zbardhur emrat e 28 prej viktimave të tërmetit tragjik të 26 nëntorit. Ato janë:

      1- Amelia Lala, 8 vjeç
      2- Esiela Karanxha, 8 vjeç
      3- Bajram Hajdarmataj, 54 vjeç
      4- Sadik Qato, 85 vjeç
      5- Isah Abazi, 29 vjeç
      6- Flatar Zenelaj, 64 vjeç
      7- Eviola Broshka, 28 vjeç
      8- Kristi Reçi, 24 vjeç
      9- Sehadete Lala, 79 vjeç
      10- Djena Karanxha
      11- Eduart Reçi
      12- Shemsedin Abazi
      Në Krujë:
      1. Ariela Lala 4 vjeç
      2. Bukurije Leka
      3. Erisa Cara
      4. Fatmira Cuka 44 vjeç
      5. Selvie Lala 77 vjeç
      6. Saimir Greku
      7. Kristjan Preçi 26 vjeç
      8. Sardi Cuka 18 vjeç
      9. Hajrie Vata 65 vjeç
      10. Klevis Çupi (Aliu) 34 vjeç
      11. Drita Cakoni 58 Vjeç
      12. Pëllumb Greku 57 Vjeç
      13. Çelike Grupieku 57 Vjeç
      14. Hajredin Çupi, 66 Vjeç
      15. Kastriot Cakoni
      Ndërsa në Lezhë:
      Marjan Preçi 25 vjec – u dëmtua nga tërmeti dhe automjeti që po e dërgonte në spital ka dalë nga rruga. Për pasojë Marjan Preci ka humbur jetën.

      Deklarata e plotë

      Të dashur qytetarë, Ky është komunikimi më i vështirë që mund t’i takojë një zyrtari të shtetit shqiptar, e që do doja mos të ndodhte kurrë.
      Tërmeti i datës 26 ishte vërtet një ngjarje e rëndë. Ka shkaktuar frikë dhe ankth, ndjesi të cilat përsëriten sa herë toka lëkundet, ashtu sic ndodhi disa minuta me parë, ka shkaktuar dëme masive që do të duhet kohë për t’i rekuperuar. Por do t’i rekuperojmë. Shtëpitë do të rindërtohen, bizneset do të ringrihen, jeta do të rifillojë për të gjithë qytetarët dhe do të keni të gjithë mbështetjen tonë, gjithë mbështetjen e shtetit shqiptar, partnereve nderkombetare, qytetareve shqiptare, për të kaluar këtë situatë të vështirë e për të rifilluar nga e para. Por ka diçka që nuk mund ta kthejmë më mbrapsht. Askush nga ne nuk mundet. Janë 28 jetë të humbura, qe lene pas një boshllëk që askush nuk e mbush dot.
      E di që fjalët janë të tepërta e asgjë s’mund t’i ngushëllojë familjet e tyre për humbjen.
      Por në një shenjë respekti per jetët e humbura, dua të ndaj sot me të gjithë qytetarët emrat e të 28 fëmijëve, vajzave, djemve burrave e grave që nuk arritën ti mbijetonin kësaj tragjedie, për t’i kujtuar së bashku në këto orë dhimbjeje e ngushëllimi për të gjithë.
      Në Durrës kahë humbur jetën:
      1- Amelia Lala, 8 vjeç
      2- Esiela Karanxha, 8 vjeç
      3- Bajram Hajdarmataj, 54 vjeç
      4- Sadik Qato, 85 vjeç
      5- Isah Abazi, 29 vjeç
      6- Flatar Zenelaj, 64 vjeç
      7- Eviola Broshka, 28 vjeç
      8- Kristi Reçi, 24 vjeç
      9- Sehadete Lala, 79 vjeç
      10- Djena Karanxha
      11- Eduart Reçi
      12- Shemsedin Abazi
      Në Krujë:
      1. Ariela Lala 4 vjeç
      2. Bukurije Leka
      3. Erisa Cara
      4. Fatmira Cuka 44 vjeç
      5. Selvie Lala 77 vjeç
      6. Saimir Greku
      7. Kristjan Preçi 26 vjeç
      8. Sardi Cuka 18 vjeç
      9. Hajrie Vata 65 vjeç
      10. Klevis Çupi (Aliu) 34 vjeç
      11. Drita Cakoni 58 Vjeç
      12. Pëllumb Greku 57 Vjeç
      13. Çelike Grupieku 57 Vjeç
      14. Hajredin Çupi, 66 Vjeç
      15. Kastriot Cakoni
      Ndërsa në Lezhë:
      Marjan Preçi 25 vjec – u dëmtua nga tërmeti dhe automjeti që po e dërgonte në spital ka dalë nga rruga. Për pasojë Marjan Preci ka humbur jetën.
      Janë momente shumë të vështira për të gjithë ne. Me shumë ankth. Me shumë dhimbje për jetët e humbura por dhe shumë shpresë për të lënduarit.
      Kjo ka qenë një ngjarje vërtet e rëndë. Por nëse ka në këtë situatë një fenomen mbresëlënës, eshte pa dyshim fryma e jashtëzakonshme e solidaritetit që kemi parë brenda dhe jashtë vendit.
      Jam ndjerë vërtet edhe e prekur, por edhe shumë krenare, sic jam e bindur edhe te gjithë ju, kur kam parë skenat e qytetarëve që përpiqeshin e përpiqen te ndihmojnë brenda dhe përtej mundësive te tyre.
      Dhe jam vërtet mirënjohëse dhe pa fjalë në fakt, nga ata qindra e mijëra shqiptarë të thjeshtë, që kanë vërshuar të ndihmojnë, duke asistuar në operacionet e kërkim shpëtimit, duke dhuruar ushqime e veshmbathje, duke hapur dyert e shtëpive apo hoteleve për të strehuar ata që janë prekur nga kjo tragjedi.
      Dua t’i falenderoj edhe njëherë të gjithë qytetarët që ende sot po vazhdojnë të punojnë vullnetarisht, të palodhur e shpesh duke rrezikuar shumë. Ashtu siç dua të falenderoj edhe të gjithë miqtë e partnerët e Shqipërisë, e mbi të gjitha vëllezërit e motrat tona kosovare që na janë gjendur ashtu siç dinë shqiptarët t’i gjenden njëri tjetrit në orët e tyre të vështira. Jam pa fjalë. Faleminderit nga zemra.
      Por dua ta shfrytëzoj këtë rast per te përsëritur te njëjtin mesazh. Ende nuk ka kaluar faza e rrezikut. Ky rrezik sot vjen mbi të gjitha nga godinat e dëmtuara, që mund të jenë në rrezik shembje, që mund të kenë pësuar dëme strukturore. Prandaj dua te përsëris thirrjen per qytetaret; Ju lutem mos u riktheni në shtëpitë tuaja nëqoftëse ato kanë dëmtime të tilla. Edhe nëse nuk jeni të sigurtë, është më mirë për ju, për familjet tuaja që të prisni derisa të bëhen verifikimet nga ekipet e ekspertëve te cilat jane organizuar tanimë dhe do te jene ne terren 24 ore ne ditet ne vijim.
      Po ashtu dua tu bej thirrje të gjithë autoriteteve vendore që ta përshpejtojnë sa më shumë këtë proces sepse ky nuk është thjesht një proces inventarizimi i dëmeve e vlerësimesh, por një proces që shpëton jetë njerëzish. Është një përgjegjësi shumë e madhe të cilës i duhet shkuar deri në fund me përgjegjësinë e rigorozitetin më të madh. Duke marrë seriozisht e inspektuar çdo raportim e denoncim e duke mos e çuar situatën në një pikë ku njerëzit humbasin durimin, lodhen duke pritur dhe marrin parasysh rrezikun e rikthimit në banesat e dëmtuara.
      E di që ky proces ka nisur vetëm sot. Prandaj kjo e imja nuk është një kritikë, por një paralajmërim që të investohen tek ky proces me gjithë seriozitetin që meriton kjo situatë dhe meritojnë qytetarët shqiptarë. Sigurisht per te gjitha ato mungesa ne kapacitete profesionale qe bashkitë mund te kenë, do te asistohen nga profesioniste te institutit te ndërtimit apo shoqatës se ndërtuesve per ta kryer procesin e verifikimit ne kohe sa me te shpejte. Do te jemi ne kontakt ne orët ne vijim per me shume informacion.]

    • 17:55

      'Ua, ua tërmet'/ Tundet toka, Hashim Thaçi ndërpret prononcimin


      Një tjetër tërmet i fortë me magnitudë 5.6 i shkallës Rihter ka goditur vendin pasditen e sotme. Pikërisht në këto momente presidenti i Kosovës, Hashim Thaçi kishte nisur që të jepte një deklaratë për shtyp e cila u ndërpre prej lëkundjeve. Kamerat kanë regjistruar britmat e qytetarëve e gazetarëve të pranishëm, të cilët të tmerruar nisin të thërrasin të panikuar: “U, tërmet, ua”.

    • 17:54

      Tragjedia në familjen e Ramës, kjo është e afërmja e Gregut që vdiq nën rrënoja, iu prenë ëndrrat në mes bashkë me të vëllanë dhe dy prindërit

      E afërmja e djalit të kryeministrit Edi Rama që vdiq nën rrënojat e shkaktuar nga tërmeti i fuqishëm është Kristi Reçi. Dosja.al mëson se familjarja e Gregut është studentja e mjekësisë që u nxorr e pajetë nga rrënojat e pallatit që u shemb në Durrës. Reçi u nxorr bashkë me të atin, Eduartin ndërsa mësohet se ende vijojnë kërkimet për gjetjen e të ëmës Dolora, 50-vjeç dhe të vëllait Klaus, 21-vjeç. Familja prej katër anëtarësh u shua krejtësisht pasi ndodheshin në shtëpi në momentin që ra tërmeti.

      Kristi Reci
    • 17:52

      Shkon në 33 numri i viktimave, një trup i pajetë nxirret nga rrënojat

      Rëndohet bilanci i viktimave nga tërmeti i rënë mëngjesin e djeshëm. Operacionet e kërkim-shpëtimit po vijonë dhe një tjetër trup i pajetë është nxjerrë nga rrënojat.

      Foto nga termeti

      Sipas informacioneve bëhet me dije se trupi i përket një burri rreth të 50-ave. Ndërkohë nën rrenoja dyshohet për të tjerë persona. Viktima është Kastriot Cakoni, rreth 50-vjeç.

    • 17:22

      FOTOT/ Arriti të shpëtonte jetë në Thumanë e Durrës, qeni i FSK heroi i tërmetit

      Qeni që shihni në foto është një nga heronjtë që kanë shpëtuar jetët e njerëzve nën rrënojat e Durrësit dhe Thumanës.

      Qeni është pjesë e Njësisë Speciale të Kosovës, që sinjalizoi për shumë persona të ndodhur nën rrënoja nga tërmeti i fuqishëm, që goditi Shqipërinë mëngjesin e djeshëm.

      I quajtur Sadak, qeni hero bëri të mundur shpëtimin e një personi dje në Thumanë,  po ashtu gjeti dhe persona të pajetë nën rrënoja para policëve e zjarrëfikësve.

    • 17:47

      VIDEO/ I mbajtën në shtëpi gjatë Luftës së Kosovës, familja nga Deçani strehon 'vëllezërit' nga Durrësi

      Tërmeti fatal që goditi Shqipërinë ditën e djeshme, e solli 33 viktima e 658 të plagosur deri më tani, solli në Shqipëri edhe qindra forca të Ushtrisë dhe Policisë së Kosovës, që ofruan ndihmë për bashkëkombasit e tyre në këtë moment të vështirë… Por një moment emocionues vjen edhe nga kjo situatë, ku një familje e shqiptarëve të Kosovës takohen me një familje nga Durrësi, të prekur nga tërmeti, në pikën doganore mes dy vendeve. Gjatë luftës së fundit në Kosovë, familja Qorraj kishte qëndruar për disa muaj te familja Kazanxhi në Durrës.

      Video nga REL:

    • 16:14

      Të kapur përdore/ Si u nxorrën nga rrënojat në Durrës nënë e bir, s’u dorëzuan deri në vdekje

      Nënë e bir ja në nxjerrë të pajetë nga rrënojat e pallatit gjashtë katësh që u shemb në Durrës. Dosja.al mëson se nëna 47 vjeçe dhe i biri 22 vjeç, janë gjetur të pajetë nën rrënoja dhe të kapur përdore.

      Kanë qenë forcat rumune ato që kanë nxjerrë trupat e pajetë nga rrënojat e pallatit gjashtë katësh në lagjen nr.18 në Durrës.

    • 16:06

      Ndërpriten operacionet e shpëtimit dhe kërkimit, tërmeti alarmoi sërish vendin

      Operacionet e kërkimeve dhe shpëtimeve janë ndërprerë për shkak të një tjetër tërmeti. Dosja.al mëson se trupat e shpëtimit janë tërhequr pasi rreziku për tërmete të tjera vijon ende.

      Vetëm para pak minutash e gjithë Shqipëria u trondit sërish nga një tjetër tërmet i fuqishëm me magnitudë 5.6 gradë të shkallës righter.

    • 15:50

      Nuk ka qetësi! Lëkundje të forta toke në Shqipëri, sërish tërmet me magnitudë 5.6

      Dridhet sërish toka në Shqipëri. Dy lëkundje të njëpasnjëshme raportohet se kanë ndodhur, me magnitudë 5.6 deri në 5.8 të shkallës Rihter. Deri më tani, lëkundjet janë ndjerë në Tiranë, Vlorë, Durrës e Fier. Epiqendra e tërmetit ka qenë në detin Adriatik me thellësi dy kilometra. Të njëjtat të dhëna ka pasqyruar dhe IGJEUM. Sipas IGJEUM, goditja e fundit ishte me magnitudë 5.6 gradë e shkallës rihter, me epiqendër në Adriatik.

       

    • 14:51

      Tragjedi në familjen e Ramës, tërmeti i merr dy të afërmit, Gregu: Vdiq bashkë me të vëllanë, prindërit i kanë nën rrënoja

      Greg Rama

      Greg Rama, djali i kryeministrit Edi Rama ka shprehur ngushëllimet e tij për viktimat e shënuara nga tërmeti i fuqishëm, i cili goditi mëngjesin e sotëm vendin tonë. Në një postim në Instagram, Gregu thotë se mes viktimave është dhe një e afërme e tij, që sëbashku me një pjestar tjetër të familjes, u gjet nën rrënoja.

      Mes viktimave të shumtë nga kjo fatkeqësi natyrore, edhe një njeriu im i afërt, sëbashku me vëllanë e saj, mamin e babin janë gjetur nën rrënoja.Vetëm dy trupa janë nxjerrë deri tani nga gërmadhat e asaj që u shpall ditë zie kombëtare. Ngushëllimet e mia shkojnë për të gjithë viktimat e kësaj fatkeqësie”, shkruan i pikëlluar Greg Rama në Instagram.

    • 14:51

      Momenti paniku, si rrëzohet në pak sekonda vila në zonën e Ish-Kënetës (VIDEO)

      Tërmeti i fuqishëm, i cili goditi Shqipërinë mëngjesin e djeshëm, ka shkaktuar deri më tani dhjetëra viktima dhe dëme të mëdha, sidomos në zonat e Durrësit dhe Thumanës.

      Në video, duken pamjet e tmerrshme sesi një godinë në zonën e ish-kënetës në Durrës rrëzohet në pak sekonda.

    • 14:15

      FOTO/ Qeni nuhat erën e nënës me dy binjakët në rrënoja, familja Lala ende nën gërmadha

      Qeni duke nuhatur

      Raportimet nga terreni na sjellin lajme të trishta. Deri më tani ka shkuar në 32 nurmi i personave që humbën jetën nga tërmeti i ditës së djeshme. Ndërkohë raportohet se shumë persona ende janë nën rrënoja. Një histori prekëse është ajo e familjes Lala, një pjesë e  familjes ndodhet nën rrënoja. Nëna Marjeta dhe tre fëmijët e kësaj familje janë ende nën rrënoja.

      Mësohet se gruaja Marjeta bashkë me dy fëmijët e saj, Dionisi dhe Dionisën, 2 fëmijet binjake s’kanë mbushuar as 2 vjeç,  ishin në korridorin e banesës së tyre në momentin ra tërmeti.  Ekipet e shpëtim-kërkimit janë duke kërkuar në gërmadhat e pallatit që u shemb. I vetmi i cili ka ka nuhatur erën e nënës me dy binjakët në rrënoja është qeni në foto. Ai ka sinjalizuar edhe ekipin e shpëtimit për vendndodhjen e nënës me dy fëmijët. Ende nuk kemi një rezultat konkret, asnjë i mbijetuar deri më tani aty.

    • 14:15

      https://dosja.al/kur-u-zgjova-isha-poshte-gureve-batanija-mu-perdrodh-ne-trup-i-vogli-rrefen-tmerrin-e-termetit-asnje-informacion-per-familjen/

      Djali i shtruar në spital

      Një djalë i vogël nga Thumana, i cili fatmirësisht ia doli të mbijetojë, pasi u gjet nën rrënojat e shtëpisë së shembur nga tërmeti, tashmë ndodhet në spital ku po merr ndihmën e nevojshme mjekësore.I vogli ka rrëfyer momentin e tmerrshëm kur është zgjuar nën gërmadha dhe se ka thirrur me zë të lartë për ndihmë. Ndërkohë, ende nuk dihet asgjë për fatin e familjes së djalit të vogël.

      Me kë ishe në shtëpi në ato momente?

      “Më ra rafti ke këmba. Isha me babin, mamin dhe motrën. Pastaj nuk mbaj mend gjë më. Kur u zgjova, isha poshtë gurëve. Më ishte ngatërruar batanija dhe nuk dilja dot. Bërtita sa bërtita dhe erdhën më nxorën ca burra”, tregon djali i vogël.

    • 13:54

      Tërmeti e çan përmes, ndalohet qarkullimi i mjeteve në urën e Shkozetit në Durrës (VD)

      Pas dëmtimit nga tërmeti është ndaluar qarkullimi i mjeteve në Urën e Shkozetit në Durrës.  Siç Dosja.al raportoi edhe më herët ura ka pësuar dëme të shumta, çarje dhe plasaritje.

      Përmes një  video të siguruar nga Dosja.al, shihet qartë që ura e Shkozetit ka të çara të dallueshme mes këmbëve gjigande prej betaoni, duke rrezikuar të shembet.

       

    • 13:54

      Tragjedia në familjen Lala/ Mes rrënojave nëna dhe tre fëmijët, kërkimet në korridorin e shtëpisë për binajkët 2-vjeçarë

      Raportimet nga terreni na sjellin lajme të trishta. Deri më tani ka shkuar në 32 nurmi i personave që humbën jetën nga tërmeti i ditës së djeshme. Ndërkohë raportohet se shumë persona ende janë nën rrënoja.

      Gazetarja e Top Channel Anila Hoxha raporton tragjedinë në familjen Lala në Thumanë të Durrësit. Ajo shprehet se ende nuk është gjetur nëna dhe tre fëmijët e kësaj familje.

      Mësohet se gruaja Marjeta bashkë me dy fëmijët e saj, Dionisi dhe Dionisën, 2 fëmijet binjake s’kanë mbushuar as 2 vjeç,  ishin në korridorin e banesës së tyre në momentin ra tërmeti.  Ekipet e shpëtim-kërkimit janë duke kërkuar në gërmadhat e pallatit që u shemb por ende asnjë shenjë deri më tani.

    • 13:48

      Foto/ “Evi Kardashian”, kush ishte balerina që humbi jetën nën rrënojat e hotelit, paragjykimet për punën në tallava: S'ia dinin hallin, kërcente për të ëmën

      Eviola Broshka është e reja që humbi jetën nën rrënojat e hotelit “Mira Mare” në Durrës. Të afërmit e saj kanë dërguar informacione dhe mesazhe në redaksinë e “JOQ”, ku tregojnë se e reja punonte balerinë dhe me emrin e artit njihej si “Evi Kardashian” dhe e paragjykonin shumë njerëzit për faktin se kërcentë në tallava. E afërmja shton më tej në mesazhe se e reja me origjinë nga Elbasani, e bënte këtë punë pasi kishte të ëmqën e sëmurë dhe donte ta kurnte, por rrënojat ia ndërprenë gjithçka në mes. “Pershendetje te gjithe shqiptareve! Dhimbaja eshte e krejt Shqiptarise! Zoti eshte ai qe cakton fatet tona i lutemi zotit qe te bej mrekullirat e jo trazira! Dua t’ju informoj mbi vajzen me emrin “Evi Kardashian”! Vajza quhet Eviola Broshka nga Elbasani e vetme ne tirane pasi ka vetem te emen e cila eshte e semure! Evi punonte per te kuruar te emen por nuk ja doli dot ! Punen e saj te gjithe e paragjykojen por shpirtin askush nuk ja gjykon dot. Me dhimbje per gjithe Shqiptaret ti lutemi zotit qe jetet e humbura te prehen te qeta ne parajs ! Durim per te gjithe Shqiptarine!”- shkruhet në mesazh. Trupi i Evit u nxorr i pajetë një ditë më parë nga rrënoja te hotelit “Mira Mare” që u shemb krejtësisht.

    • 13:46

      'Po punojmë sikur të gjithë janë gjallë...', komandanti i operacionit jep detaje nga kërkim-shpëtimi

      Genti Jaupi

      Kreu i operacionit të kërkim-shpëtimit në Thumanë, Genti Jaupi tha për Report Tv se grupi i kërkim shpëtimit po punon sikur të gjithë janë të gjallë.

      “3-4 persona ne do ta trajtojmë të gjithë territorin në mënyrë të veçantë. Kemi dy fronte që po punohet.  Po bashkëpunojmë me njëri tjetrin. Faktikisht nuk kërkojmë që ta dimë. Do të shkojmë deri në fund. Ne e trajtojmë vendin e ngjarjes sikur të gjithë poshtë janë gjallë. Prandaj punojmë”, tha Jaupi.

    • 13:35

      VIDEO/ Hapi vrimën dhe shpëtoi veten nga rrënojat, i mbijetuari plot shpresë: Vajzën e kam nën beton, ishalla është gjallë!

      Një nga të mbijetuarit e tërmetit të fuqishëm Haxhi Kabili ka treguar se si e hapi vrimën dhe arriti të dilte vetë nga rrënojat ku ishte bllokuar. Në një prononcim për gazetarën e FaxNews, Eksiola Shehu, Kabili tregon se gruan e ka në gjendje të vështirë në Spitalin e Traumës ndërkohë që ka ende shpresa që të gjejë gjallë të bijën, Adelinë që është 21 vjeç. “Sapo ndjemë tërmetin kërkuam që të dilnim po nuk mundëm, banonim në katin e katërt, vajzën e kam nën rrënoja, kam pastruar vetë tullat dhe kam dalë, kam gjetën vrimën dhe kam dalë.  Gruan e kam gjetur në fund të pallatit, vajzën nuk kam mundur që ta gjej, gruaja ka dëmtime më të rënda në pjesën e legenit, ndodhet te Trauma në Tiranë. Është diçka më mirë, vajza është nën rrënoja, vazhdojnë kërkimet. Të zotit jemi, shpresojmë që të jetë gjallë, të jetë mirë, në momentin që ka rënë një tërmet të parafundit, unë jam ngritur dhe kam qenë në divan, gruaja dhe vajza kanë qenë në dhoma të ndryshme. Telefoni më ngeli në dorë nuk më humbi, kam marrë në telefon disa njerëz të mi, por gjithsesi dola vetë nga rrënojat. Vajza është 21 vjeç, punonte te këpucët, Zoti është i madh. Kam dhe dy fëmijë të tjerë, kanë ardhur nga jashtë,”- dëgjohet të thotë ai në video.

    • 13:35

      FOTO/ Gruaja përlot Korçën! Heq fëmijën e saj nga karroca dhe e dhuron për të prekurit nga tërmeti

      Një grua ka prekur të gjithë të pranishmit të qendrën e qytetit të Korçës ku po mbildhen ndihma të shumta për të prekurit nga tërmeti. Ajo ka hequr fëmijën e saj nga karroca që kishte blerë për të dhe e ka dhuruar për të gjithë të mbijetuarit nga ky tërmet i tmerrshëm. Në foton e mëposhtme shihet edhe momenti kur gruaja jep karrocën. Bashkëshorti i saj ka sjellë edhe qese me batanije dhe ushqime për t’i dhuruar dhe më pas ata kanë marrë fëmijën e tyre në krah e janë larguar. Një gest mjaft prekës ky, pasi çdo ndihmë e vogël është mjaft e madhe për të mbijetuarit e kësaj tragjedie.

      Gruaja me karrocë
    • 13:27

      Dëmet nga tërmeti, presidenti Meta në Durrës: Falenderime miqve të Shqipërisë, të mos humbim shpresën, të shpëtojmë çdo jetë!

      Presidenti Ilir Meta është në lagjen nr 18 në qytetin e Durrësit, ku po zhvillohen operacionet e kërkim-shpëtimit për të gjetur dhe shpëtuar çdo person që ka ngelur nën rrënoja. Meta falenderoi të gjithë vendet që ndihmuan Shqipërinë në këto momente të vështira, dhe shprehu mirënjohjen për to.

      “Po bëjmë më të mirën për t’u përballur. Ekipet e huaja të shpëtimit kanë bërë gjithçka për të na ndihmuar. Shumë vende të tjera europiane përveç atyre të rajonit kanë ardhur për ndihmë. Ne po shohim për hapa të qartë për masat që do merren në varësi edhe të kushteve të motit, për stinën ku jemi. Gjithë shteti, qeveria, dhe shoqëria janë në gatishmëri për këtë katastrofë që po kalon Shqipëria. Falenderoj me mirënjohje të gjithë për ndihmën. Tani është e qartë që duhet të shohim për masat për ndërtimin e shtëpive të shkatërruara. I kemi kërkuar qeverisë të marrë të gjitha masat që shtëpitë të ndërtohen sa më shpejt, por më e rëndësishmja është të shpëtojmë çdo jetë”.-tha Meta. 

      Presidenti tha se nuk ka informacion zyrtar për viktimat, por theksoi se kryesorja është që të mos humbasë shpresa.

      “Për një numër të saktë viktimash iu drejtoni ministrisë së Brendshme. Ajo që është prioritare është të vijohet puna me këmbëngulje për të gjetur të gjithë qytetarët tanë që janë nën rrënoja. Të mos humbasim shpresën, fati na ndihmoi dje dhe Klajdi 24-vjeçar të shpëtonte. Kjo është kryesorja. Dyshohet se ka edhe tre persona të tjerë këtu ku jemi.”-tha Meta.

    • 12:29

      “Me të tillë magnitudë mund të kishte 300 viktima”, Sizmiologu italian flet për tërmetin shkatërrues: Zona ishte aktive që prej shtatorit

      Banesë e rrënuar nga tërmeti

      Sizmologu Alessandro Amato, drejtues i Qendrës Alert Tsunami i Institutit Kombëtar të Gjeofizikës dhe Vullkanologëve në një interviste për mediat italiane për tërmetin tragjik që goditi Shqipërinë thekson se me një forcë të tille goditëse mund të ishin regjistruar 300 viktima.

      “Me një magnitudë të tillë mund te kishte 300 viktima. Nuk mund të thuhet se “shkoi mirë”, por mund të kishte qenë edhe më keq”, thotë ai, në një interviste për Corriere della Sera.

      Shqipëria, shpjegoi gjeologu dhe sizmologu Alessandro Amato, drejtues i Qendrës Alert Tsunami të Institutit Kombëtar të Gjeofizikës dhe Vullkanologjisë, tashmë ishte tronditur në Shtator: në zonë kishte patur një tërmet me madhësi 5.4.

      Pra, kjo pritej?

      “Zona ishte tashmë aktive për disa muaj, siç ishte rasti i tërmetit të gushtit në Amatrice, me madhësi 6.0, i cili u pasua nga ai i 30 tetorit me madhësi 6.5 (si ai i Durrësit). Apeninët dhe Alpet Dinarike janë dy anët e së njëjtës pllakë, pllaka Adriatik, një grup blloqesh gjeologjike që lëviz drejt veriut dhe rrotullohet në drejtim të kundërt të akrepave të orës.

      Dhe pse nuk kishte termet edhe në Itali?

      Pllaka përfshin 1.000 km, por është bërë nga blloqe, të cilat lëvizin një pjezës të vogël në kohe. Tërmeti i vitit 2016 në Itali përfshinte një zonë më të gjerë, duke kapur edhe Shqipërinë dhe Malin e Zi. Në 100 vitet e fundit ka pasur 7 tërmete me madhësi mbi 6. Më i forti, në 1979 në Mal të Zi: 135 viktima, 100 mijë persona të zhvendosur. Në Itali sistemi i goditjeve ndodhi në Umbria në 1997, L’Aquila 2009, Umbria 2016.

      Po deti? Si nuk ka pasur asnjë cunami?

      “7 minuta nga tërmeti, ne dërguam një alarm nga Qendra e Alertit Tsunami, por atëherë nuk kishte asnjë problem dhe ne e tërhoqëm. Ndodhi sepse epiqendra ishte nëntokësore dhe jo në det.

      Si do të jete situata ne ditët e ardhshme?

      Sipas të dhënave statistikore do të ketë pasgoditje të tjera. Vetëm dje kanë qenë 250 dhe do të vijojnë për muaj dhe vite. Eshtë normale. Me kalimin e kohës ato zvogëlohen në numër dhe madhësi, me një ligj pak a shumë të njohur, por nëse do të ketë më të fortë, kjo nuk është për t’u përjashtuar.

    • 12:13

      “Na ndau Zoti”, futi në dhe tre familjarë, halla përlot rrjetin për nipin, vëllain dhe nusen e tij: Na e bëtë shpirtin copë…

      Një grua ka përlotur rrjetin pasi ka humbur tre anëtarë nga familja e saj, trupat e të cilëve u nxorrën të pajetë nga rrënojat e shkaktuara pas tërmetit të fuqishëm. Në një status në Facebook, Trëndafile Çupi ka publikuar fotot e tre pajëstarëve të familjes të vëllait që u shua një ditë më parë. Krahas fotove, me zemër të thyer, halla shkruan se i është bërë shpirti copë. “Te preheni ne paqe ! Qofshi engjej te parajses!
      O Keli hallës ike shume shpejt nga ne o shpirt ❤❤😭😭😭
      O Zemrat e mia sa shpejt na ndau Zoti! Na e bete shpirtin cope o shpirt i motres ! Do jeni gjithmone me ne! 🙏🙏🙏 Pushofshi ne xhenet Hajredin, Lute & Keli Çupi❤”– shkruan ajo në status.

      Hajredin, Lute dhe Klement Çupi, tre anëtarë nga e njëjta familje humbën jetën nën rrënoja. Tërmeti i zuri në banesën e tyre në katin e tretë të pallatit 6-katësh në Thumanë.

    • 11:57

      Kryekomisari Bajram Hajdarmataj përcillet për në Tropojë, kolegët dhe familjarët i japin sot lamtumirën

      Në ambientet e Akademsië së Sigurisë në Sauk është zhvilluar ceremonia e nderimit për pedagogun Besim Hajdarmataj, i cili u nxorr dje i pajetë në rrënojat e Kavalishencës së Durrësit.

      Bajram Hajdarmataj, kryekomisari qe humbi jeten nga termeti

      Për nder të kryekomisarit është zhvilluar ceremonia e homazheve, ndërkohë që familja e tij ka vendosur që t’a varrosë në Tropojë, vendin e origjinës.

      Hajdarmataj ndodhej në Kavalishencën e Durrësit për një kurs trajnimi, por që nuk mundi të dalë gjallë nga rrënoja.

    • 11:57

      FOTO-LAJM/Pamjet flasin vetë, kjo është Policia e Kosovës që ka ardhur krah shqiptarëve për tërmetin

      Këto foto vijnë nga Thumana, aty ku efektivët e policisë së Kosovës, kanë ardhur në Shqipëri për të asistuar në operacionet e kërkim-shpëtimit.

      Pamjet flasin vetë, dhe nuk kanë nevojë për koment….

    • 11:55

      FOTO/ Kërkoi cigaren e fundit dhe mbylli sytë përjetë, ky është i riu që i buzëqeshi vdekjes në Thumanë pas 17 orësh nën rrënoja: S’e ndjej gjysmën e trupit

      Një i ri me mbiemër Cuko dha shpirt pas një pritjeje të gjatë prej 17 orësh nën rrënoja. Fotoja tregon momentet e tij të fundit të jetës para se të mbyllte sytë. Ai është një nga 31 viktimat e deri tanishmë të tërmetit të fuqishëm që tronditi Shqipërinë dhe pas 17 orësh nën beton mësohet se ka nxjerrë vetëm kokën nga rrënojat. Ai ka biseduar me trupat e shpëtimit, të cilët i vunë edhe një kokore në kokë për ta mbrojtur dhe më pas filluan punën të gërmonin për ta nxjerrë që aty. Por Cuko ka kërkuar një cigare të fundit, sikur ta dinte që nuk do të dilte dot gjallë prej aty dhe është shprehur se gjysmën e trupit nuk e ndiente dot. Më jepni një cigare. Gjysmën e trupit nuk e ndjej fare,”- mësohet të ketë thënë ai i buzëqeshur dhe vetëm pak sekonda më pas ka mbyllur sytë përjetë.

      Viktima Cuko, foto e shkrepur nga Hektor Pustina i Associated Press

      Soleta, e kishe zënë poshtë dhe trupat e shpëtimit nuk e hoqën dot.

    • 11:38

      Familjet e prekura në Durrës/ Pacolli i gatshëm për ndihmë, Rama: Shpjegoju kosovarëve tarifën, ka ustallarë që i fryjnë

      Nën shoqërinë e politikanit nga Kosova, Behgjet Pacolli, kryeministri Rama po inspekton zonën e Durrësit, e cila është prekur nga tërmetet. Ndërsa, Pacolli është i gatshëm të ofrojë ndihmën e tij për familjet e prekura nga tërmeti. Rama falenderoi trupat e Kosovës për angazhimin e tyre për shpëtimin e njerëzve nën rrënoja.

      Behgjet Pacolli: Tani që mora informimin tuaj, nëse është nevoja ne mund të iu ndihmojmë menjeherë.

      Edi Rama: Ne do të bëjmë një marëveshje me ta. Çështja e perimetrit ka pak vështirësi se banorët janë në punë, në shkolla.

      Behgjet Pacolli: Do të qëndroj me ju deri në fund. Organizimi juaj është shumë i mirë. Populli ynë është shumë human. Këtu situate është nën kontroll.

      Edi Rama: Trupa e Kosovës ka bërë një figurë fantastike me korrekstesë dhe profesionalizëm. Është shumë prekëse dhe e fortë ndihma e Kosovës dhe gjithë vendeve që na ndihmuan.Mirë do ishte ti sqaronit njerëzit se tarifa të rruga është detyrim i të gjithëve, shërbim për rrugën dhe sigurisë dhe detyrimin për shtetin.Nëse vjen me zemër dhe mëndje për të dhënë një ndihmë më shumë se sa ato 5 euro, ato 5 euro nuk janë diskriminim, ato paguhen në të dy anët e kufirit.Ato 5 euro janë kontribut për të gjithë, por edhe për shtetin dhe vetveten.Unë e di si diskutohet, ka ustallarë që i fryjnë këto, por s’është koha për t’u marrë me ustallarët, por duhet të merremi me qytetarët tani.

    • 11:38

      Rama mbërrin në Durrës, premtimi që iu jep banorëve: Do ndërtojmë shtëpi, jo karton

      Kryeministri Edi Rama ka mbërritur në Durrës, ku është takuar me banorët dhe është njohur nga afër me situatën e vështirë që ata po kalojnë. Kreu i qeverisë iu ka premtuar banorëve të prekur nga tërmeti se do të ndërtohen sërish banesat e tyre, por sipas tij kjo kërkon planifikim dhe kohë, pasi nuk do të jenë shtëpi kartoni, siç u shpreh ndryshe ai.

      “S’do bëjmë shpi kartoni do bëjmë shpi, shpi. Është çështje e planifikimit. Ky është një proces për t’iu thënë strehim atyre që iu është shembur shtëpia, ose është e pabanueshme. Po bëjmë një plan për këtë. Të mos vijnë ata që s’kanë nevojë”, u shpreh Rama.

    • 11:00

      “Më lini të kaloj ju q***** ropt”, burri tenton të kërkojë mes rrënojave për familjarët, Policia s’e lejon (VD)

      Vijojnë kërkimet në Durrës mes rrënojave pas tërmetit të fuqishëm që goditi vendin një ditë më parë. Deri më tani raportohet se ka shkuar në 31 numri i viktimave. Ende ka njerëz në rrënoja.

      Në një moment, teksa ende kërkohet në Thumanë një qytetar është përplasur me punonjës që qendrojnë në perimetrin e sigurisë, pasi ka kërkuar që të hyjë, dhe të shohë për familjarët e tij.

      Ai kërkon të futet brenda rrënojave dhe në një moment acarohet, saqë nuk ndal të sharat.

      “Ore është t’u fol depresioni, më lini të futem 2 minuta, ça jeni kështu more, a ju q**** ropt, mbrëmë më jeni sjellë si vëllezër. Kam hall dhe unë, më merr prej dore dhe dua të shkoj që ta ta takoj, dje ju jeni sjellë si vëllezër”, shprehet ai ndër të tjera raporton  Fax Web.

    • 10:44

      Tërmeti/ Manastirliu flet për gjendjen e të plagosurve: 62 ndodhen tek Trauma, dy mund të nisen për mjekim drejt Italisë

      Nga spitali i Traumës, ministrja e Shëndetësisë Ogerta Manastirliu ka deklaruar se dy persona, një vajzë dhe një djalë mund të dërgohen jashtë për një mjekim më të specializuar.

      “Jemi duke marrë informacion për njerëzit që janë nën mjekim. Edhe për ata që kanë pësuar traumë, do të kemi një bashkëpunim me italianët për një trajtim më të specifikuar. Janë trajtuar deri më tani në spitalin e Traumës, 658 të lënduar dhe një pjesë e madhe e tyre kanë lënë spitalet, vetëm 62 ndodhen në spital. Dy nga të plagosurit për ndihmë mund të nisen jashtë. Familjarët e tyre i takova, njëri prej rasteve është një djalë ka ardhur me traumë të kokës dhe është për t’u çuar jashtë. Edhe një vajzës i kanë bërë dy ndërhyrje dhe po studiohet për t’u nisur jashtë.”, është shprehur Manastirliu.

    • 10:36

      Lëkundjet e fuqishme, Gjirokastra mobilizohet për të mbledhur ndihma për familjet e prekura (FOTO)


      Tërmeti i fuqishëm, i cili shkaktoi viktima dhe të mbi 600 të plagosur ka bërë që të të mobilizohen njerëzit në të gjithë vendin, por jo vetëm. Edhe në qytetin e Gjirokastrës janë mbledhur ndihma për familjet e prekura nga tërmeti.

    • 10:36

      “Në datat 25-27 nëntor do të bjerë tërmet i fuqishëm në Shqipëri”, kush është supersticiozi nga Fieri që parashikoi lëkundjet e fuqishme apokaliptike

      Gani Gurguri

      Ditën e djeshme Shqipëria u godit nga një tërmet i fuqishëm, i cili shkaktoi së paku 26 viktima dhe mbi 600 të plagosur. Ndërkohë, një muaj më parë një qytetar nga Fieri, i quajtur Gani Gurguri, ka parashikuar në një emision televiziv se Shqipëria do të goditet nga një tërmet i fuqishëm në muajin nëntor.

      Gurguri ka parashikuar me precizitet edhe datën se kur do të ndodhë tërmeti, vetëm se ka gabuar për epiqendrën e tij.Gjatë një intervistë për “dritare.net” në datën 20 tetor, parashikuesi i pazakontë është shprehur se një tërmet i fuqishëm do të shkundë Shqipërinë në datat 25-27 nëntor.Ai është i njohur gjerësisht në rrethin e tij por edhe në qytete të tjera të Shqipërisë falë aftësisë së tij të veçantë për të parashikuar motin.Madje, Gurguri ka treguar edhe parashikime që i kanë dalë të gjitha me saktësi.

      INTERVISTA E PLOTË:

      Ku jetoni dhe ku punoni?

      Jetoj në qytetin e Fierit, punoj tek Alpetrol.

      Si keni nisur të parashikoni motin dhe tërmetet?

      Dashuria për natyrën më ka bërë të merrem me këtë gjë. Duke e njohur natyrën, fillon t’i kuptosh shenjat e saj, nëpërmjet të cilave ajo kërkon të komunikojë me ne.

      Keni studiuar për sinoptikë?

      Jo, nuk kam studiuar.

      Çfarë metodash përdorni për të realizuar parashikimet tuaja?

      Për metodat janë kuriozë të gjithë, por nuk tregohet sekreti i punës. Metodat janë të thjeshta por puna është e vështirë dhe në qoftë se i thua, njerëzve ju duken absurde, në këto kohë kur shkenca ka evoluar. Pasioni, aftësia për të kuptuar shenjat e natyrës dhe praktika, janë ato çka me dallojnë nga njerëzit e zakonshëm. Edhe unë njeri i zakonshëm jam, por puna që bëj është e jashtëzakonshme.

      Çfarë keni parashikuar më parë dhe sa të sakta kanë qenë parashikimet tuaja?

      Parashikimet e mia janë të hershme dhe rezultatet janë më se të sakta, do më duhej një ditë e tërë për t’i treguar. Po tregoj disa prej ngjarjeve që kanë bërë më shumë bujë dhe më shumë dëme në njerëz dhe materiale.

      Në 1985- përmbytje. Lajmërova Kryetarin e kooperativës
      1- 3.11.2005- përmbytje masive pas daljes së Vjosës, lajmërova Fatos Bejën

      2.02.2007- paralajmërim për det të keq, Ngel vapori në Durrës

      10.6.2007- parashikim për ardhjen e Xhorxh Bushit Shqipëri. Ndërkohë që të gjitha mediet e jepnin me shi, parashikimi im ishte për kohë të mirë, ashtu edhe siç ndodhi.

      7.12.2010- përmbytje masive.

      2014- 2015- bëra kalendar meteorologjik, ku parashikova shi me intensitet të lartë, lajmërim që e bëra edhe në mediat lokale,, Fier

      17- 20.11.2014- përmbytje në Laç, 3 viktima

      Tërmetet që kam parashikuar

      Tërmeti i parë i lajmëruar në studion e Z.Lirë, me epiqendër në Korçë, ishte 4.5 ballë. U ndje edhe në Tiranë, madje parlamentarët dolën jashtë salle.
      Rasti i rrallë- në 55 ditë kanë rënë 10 tërmete, Itali, Greqi, Mal të Zi etj.

      Kam gjetur tërmete në Indonezi, Kinë, Itali, Maqedoni, Greqi etj.

      Cili është parashikimi i moti në Shqipëri, për këto kohë?

      Më poshtë po sjell disa parashikimet e mia sesi do të jetë moti deri në fund të muajit nëntor.
      26- 31 tetor- moti i paqëndrueshëm
      1- 2 nëntor- shi lokal
      3- 5 nëntor- kohë e mirë
      14-18- do të jetë mot me shi
      19- 20- do të ketë shi lokal dhe mjegull
      20- 24- mot me vranësira dhe shi lokal
      24-30- reshje dhe me interval të shkurtër përmirësimi
      25- 27- lëkundje tërmeti

      Ku do të bjerë tërmeti i fund nëntorit?

      Në Gjirokastër –Janinë. Do të jetë i ngjashëm me tërmetin e kaluar. Për më shumë do flasim bashkë, një herë tjetër, sepse jam duke punuar dhe nuk mund të them diçka më shumë tani.

      Si sillen njerëzit me ju? I besojnë ato që ju parashikoni?

      Tashmë, njerëzit e kanë fituar besimin tek mua. Dikur me shihnin si të çuditshëm, ndërsa tani më shohin si fenomenal. Ka nga ata njerëz që nuk ndalojnë së më pyeturi për data të ndryshme, për arsyet që kanë. Disa habiten që unë ende nuk punoj në stacionin meteorologjik të Shqipërisë, e të tjerë më thonë shpesh, “ik jashtë, pasi vetëm andej do të gjesh mbështetje”.

      Çfarë do të kërkonit  nga institucionet e këtij vendi?

      Pikë së pari do iu kërkoja e të më mbështesnin me një kurs kualifikimi në këtë fushë, që unë të avancoj më tepër, sepse parashikoj pa aparatura. Gjithashtu, do të doja një vend pune në stacionin meteorologjik.
      Por e di që është e vështirë. Isa Boletini thoshte: Shqiptarët të falin gjakun, por jo suksesin.

    • 10:24

      Nxirret i pajetë nga rrënojat çifti Greku në Thumanë, shkon në 29 numri i viktimave

      Foto nga tërmeti

      Shkon në 29 numri i viktimave pas tërmetit të rëndë që goditi Shqipërinë. Pak minuta më parë janë nxjerrë nga rrënojat trupat e çifit Greku. Mësohet se janë gjetur të pajetë Çelnike Greku dhe Prllumb Greku. Këta ishin prindër të Saimir Grekut, i cili u nxor i gjallë nga rrënojat por humbi jetën në spitalin e Traumës.

    • 9:57

      Të shtrirë në rrugë, dyshekë në trotuar/ Ku e kaluan natën shqiptarët nga frika e një tërmeti të fortë (FOTO)

      Shqiptarët ende janë të frikësuar pas tërmetit të madh që ka shkaktuar deri më tani 26 viktima dhe qindra të plagosur.

      Pas lëkundjes së fortë të orës 03:55 minuta, kanë vijuar lëkundjet edhe më vonë por me një intesitet më të ulët.

      Shumë banorë të Tiranës dhe Durrësit kanë kaluar natën jashtë. Disa kanë fjetur nëpër makina, disa në çadra dhe shumë të tjerë në rrugë.

    • 9:36

      FOTO-LAJM/ Fundoset kati i parë i banesës në Fushë-Krujë, qëndron ‘në këmbë’ pjesa tjetër e shtëpisë

      Foto marrë nga JOQ

      Tërmeti i djeshëm solli pasoja të mëdha në qarqet Durrës dhe Tiranë. Deri më tani raportohet për mbi 25 viktma dhe 650 të plagosur por nuk janë të pakta dëmet materiale që kanë shkaktuar lëvizjet e forta të tërmetit.

      Siç shihet edhe në foton e mëposhtme është shembur kati i parë i një vile dhe gjithë godina ka lëvizur. Kjo foto  e publikuar nga JOQ, duket si joreale, por fatkeqësisht është e vërtetë.

    • 9:36

      Meta në mesnatë në Thumanë me Fatmir Limajn: Faleminderit Kosovë, kurajo e pashembullt e njësive të specializuara

      Presidenti i vendit, Ilir Meta ka qenë në mesnatë në Thumanë, ne zonën më te goditur nga tërmeti shkatërrues që la pas deri tani 26 viktima. Kreu i shtetit ka qenë në shoqërinë e Zv.Kryeministrit në detyrë të Kosovës, z.Fatmir Limaj.Meta ka falenderuar njësitë e specializuara të emergjencës së Kosovës për kurajon e pashembullt për ndihmën ndaj Shqipërisë.

      “Pata kënaqësinë të takoja në Thumanë, njësitë e specializuara të emergjencës së Kosovës që po ndihmojnë banorët e kësaj zone të dëmtuar shumë rëndë nga tërmeti”,  shkruan Meta.

      Postimi i Ilir Metës:

      Në mesnatë, së bashku me Zv.Kryeministrin në detyrë të Kosovës, z.Fatmir Limaj, pata kënaqësinë të takoja në Thumanë, njësitë e specializuara të emergjencës së Kosovës që po ndihmojnë banorët e kësaj zone të dëmtuar shumë rëndë nga tërmeti. I falenderova me mirënjohje për solidarizimin, profesionalizmin dhe gatishmërinë e lartë, si dhe për kurajon e pashembullt që po na dëshmojnë, duke na bërë krenarë të gjithëve!
      FALEMINDERIT KOSOVË E DASHUR!

    • 9:36

      Mure të çara dhe suvaja e rënë, evakuohen banorët e pallatit në Kavajë (FOTO)

      Pallati i plasaritur në Kavajë

      Në Kavajë janë ndjerë lëkundjet e tërmetit te djeshmë, të cilat shkaktuan së paku 26 viktima dhe mbi 600 të plagosur. Pallati, i cili ndodhet tek tregu në zonën e Kavjës, tashmë janë evakuar të gjitha familjet qe banonin atje, pasi ka pësuar plasaritje, dhe janë çarë muret.Ndërkohë, sipas banorëve Bashkia dhe ekspertët nuk kanë shkuar ne vendngjarje. Në fotot e siguruara nga Dosja.al, duken muret e çara dhe suvaja e rënë.

    • 8:48

      Shkon në 26 numri i viktimave, nxirren të pajetë nga gërmadhat babë e bir

      Foto nga tërmeti.

      Shkon në 26 nurmi i viktimave nga tërmeti i djeshëm. Nxirren të pajetë nga rrënojat në Thumanë dy persona, babë e bir. Mësohet se kanë humbur jetën Keli Çupi dhe babai i tij. Hajredin Çupi.  Mësohet se Keli Çupi ishte kthyer nga Anglia vetëm dy ditë më parë por fati nuk e ndoqi në vendin mëmë.

    • 7:24

      Shkon në 25 numri i viktimave nga tërmeti/ Humb jetën tek spitali i Traumës Sajmir Greku, 31-vjeç

      Shkon në 25 numri i viktimave nga tërmeti që goditi dje vendin. Mësohet se ka humbur jetën tek spitali i Traumës Sajmir Greku, 31-vjeç. Ai është djali i Përllumb dhe Çelnike Grekut.

      25 viktima, 650 të lënduar, 47 të shpëtuar, ky është bilnaci i tërmetit të djeshëm që ka ngjallur panik tek të gjithë shqiptarët.

      Epiqendra e tërmetit ishte qyteti i Durrësit, dhe konkretisht zona e Thumanës, ku ka patur 3 pallate të shembura, ndërkohë që problemet nuk mungojnë as në Fushë-Krujë, apo te Kavalishenca, ku mbeti i vdekur kryekomisari Bajram Hajdarmataj.  Gjithë shteti ndërkohë është në Durrës, ku po punohet për të shpëtuar jetët që ndodhen nën rrënoja. Ndërkohë, që edhe lëkundjet nuk kanë ndaluar. Herë pas here, me magnitudë shumë më të ulët dhe me fuqi më të vogël goditjeje, toka në Tiranë dhe Durrës vijon të dridhet.

    • 7:10

      25 viktima nga tërmeti/ Rama publikon foton me vogëlushen: Me lutjen që kjo ditë të nxjerrë jetë të tjera nga errësira e gërmadhave

      Kryeministri Edi Rama

      Kryeministri i vendit Edi Rama ka reaguar që në mëngjes për tërmetin që goditi vendin një ditë më parë.

      “MIRËMËNGJES dhe me lutjen që kjo ditë të nxjerrë jetë të tjera nga errësira e gërmadhave, ju uroj një frymëmarrje pak më të lehtësuar në familjet tuaja sot”, shprehet Rama në rrjetet sociale.

      25 viktima, 650 të lënduar, 47 të shpëtuar, ky është bilnaci i tërmetit të djeshëm që ka ngjallur panik tek të gjithë shqiptarët.

    Shto Koment