Aktualitet

VIDEO/ U hodhën nga dritarja për t’i shpëtuar tërmetit, Rama u bën surprizën e jetës Aurelit dhe Alesios, i takon me Ronaldon dhe Buffonin

Në videon e publikuar nga Edi Rama shihet se si kryeministri i ka marrë me vete dy djemtë për t’u bërë të mundur takimin me dy idhujt e tyre.

ITALI– Dy djemtë e prekur nga tërmeti i 26 nëntorit, Alesio dhe Aureli kanë arritur të takojnë dy yjet e futbollit Cristiano Ronaldo dhe Gianluigi Buffon.  

Në videon e publikuar nga Edi Rama shihet se si kryeministri i ka marrë me vete dy djemtë për t’u bërë të mundur takimin me dy idhujt e tyre.

Një surprizë për Aurelin dhe Alesjon, dy fëmijët që fluturuan nga dritaret e pallatit të tragjedisë në Thumanë, e që pasi lanë spitalin duhet të rifillojnë rrugën e jetës, që u’a urojmë të gjatë, me shëndet e gëzime❤🙏❤”- shkruan Rama krahas videos.

Në italisht, kryeministri u shpjegon dy futbollistëve se djemtë janë heronjtë e këtij tërmeti pasi njëri prej tyre është hedhur nga kati i pestë i pallatit për të shpëtuar. Më pas Ronaldo dhe Buffon u dhurojnë bluzat e tyre, Aurelit dhe Alesios dhe fillojnë të bëjnë foto bashkë.

“Këta janë heronj. Njëri është hedhur nga kati i pestë kursë tjetri nga i treti për t’i shpëtuar tërmetit. Të dy kanë përjetuar tragjedi, kanë humbur të afërm, shumë keq,”– thotë Rama.

Po, ka qenë tërmet apo jo?“- thotë Buffoni.

“Po, tërmet shumë i fortë,”- vijon më tej Rama.

Rama i vizitoi dy djemtë kur ishin të shtruar në spitalin e Traumës pas dëmtimeve që morën nga tërmeti. Alesio shprehu dëshirën për të takuar Buffon, ndërsa Aurelio dëshironte të shihte Ronaldon. Tashmë dy të miturit e realizuan ëndrrën e tyre.

(f.m/dosja.al)

  • 22:48

    “Juventusi është fe në Shqipëri dhe ti je Papa”, Rama batuta me Buffon, portieri: Më kanë thënë që ka tifozë të çmendur tek ju (VD)

    Kryeministri Edi Rama njihet nga shqiptarët si tifoz i zjarrtë i skuadrës së Juventusit. Teksa ndodhej në itali, kreu i qeverisë është takuar me portierin legjendar të bardhezinjve, Gianluigi Buffon, me të cilin ka zhvilluar një bisedë, ku nuk kanë munguar as batuat.

    Në videon e publikuar në  “Facebook”, Rama ka biseduar me portierin legjendar të bardhezinjve, të cilit i ka treguar se skuadra e Juventus në Shqipëri është si fe.

    Bidesa e Ramës me Buffon:

    Kryeministri Edi Rama: Unë jam një juventin i vjetër, por kjo është për një ditë tjetër.

    Buffon: E di, kam pasur një kuzhinier shqiptar në Koverçiani (qendra e grumbullimit të kombëtares Italiane), i cili  më thoshte gjithmonë që në Shqipëri ka një “fun club” tifozësh të Juventusit dhe janë të çmendur.

    Kryeministri Edi Rama: Juventusi është besim fetar në Shqipëri dhe ti je Papa.

  • 21:21

    VIDEO/ S’mbarojnë surprizat për Alesio Cakonin, pas takimit me Buffon i vjen mesazhi nga Donnarumma: Të përqafoj fort!

    Kryeministri Edi Rama nuk i ka ndalur surprizat për të voglin Alesio Cakoni.

    Pasi e mori në Itali bashkë me Aurel Lalën dhe e takoi me Gianluigi Buffon e Cristiano Ronaldon, Rama i ka sjellë edhe një tjetër bluzë.

    Bëhet fjalë për Gianluigi “Gigio” Donnarumma, portierin e ekipit të Milanos, për të cilin Alesio shorehur një dëshirë të madhë për ta takuar.

    Donnarumma e? Tani Donnarumma të bën të fala dhe Milani të mbështet. Shikoje sa e bukur është shikojë? Prit ta lexoj pak….i dashur Alesio, të përqafoj shumë fort, forza Milan,”– thotë Rama në video dhe qesh me të voglin shqiptar.

     

  • 21:11

    "Të pëlqen të filmosh?" Ronaldo provokon ‘njeriun’ e Ramës, futbollisti flirton me personazhin misterioz

    Ylli i futbollit Cristiano Ronaldo ka provokuar personin që po filmonte takimin e tij me dy fëmijët shqiptarë që shpëtuan nga tërmeti duke u hedhur nga dritarja. Teksa Ronaldo po firmoste bluzën e tij dhe t’ja jepte tifozit të vogël Aurel Lalës, pa kamerën që e filmonte gjithë kohës, ndërsa ishin live në facebook-un e kryeministrit Edi Rama.

    “Të pëlqen të filmosh?”- e pyet Ronaldo personin që ndodhej pas kamerës dhe fillon rtë qeshë.

    “Po…”- përgjigjet vetë Rama si për të mbyllur bisedën dhe të gjithë fillojnë të qeshin.

    S’dimë të themi se kush ishte personi që qëndroi pas kamerës, por ky u duk si një flirt. Gjithsesi dy fëmijët janë emocionuar teksa kanë marrë bluza nga futbollistët me autografët e tyre.

  • 20:36

    VIDEO/ “Buçko”, Ronaldo dhe Buffon shkrihen së qeshuri me Aurelin që ‘fluturoi’ për t’i shpëtuar tërmetit, e vënë në lojë për peshën, Rama e kam nga gjoksi

    Dy yjet e futbollist Cristiano Ronaldo dhe Gianluigi Buffon u shkrinë së qeshuri me njërin nga djemtë shqiptar, Aurel Lala, që i shpëtoi tërmetit të 26 nëntorit duke u hedhur nga dritarja.

    Teksa kryeministri Edi Rama e mori në Itali bashkë me të mbijetuarin tjetër Alesio Cakonin, për të takuar idhujt e tyre, që ishin futbollistët në fjalë, yjet e vunë pak në lojë Aurelin për peshën.

    Buffoni e pyet nëse luan futboll, ndërsa i vogli shqiptar përgjigjet duke belbëzuar: Po!

    Ndërsa kryeministri thotë më pas që Aureli është pak mbipeshë dhe e prek nga gjoksi.

    Ronaldo i fërkon barkun më pas dhe të tere fillojnë të qeshin. Aureli qëndron i heshtur në mes me sytë lart, duke qenë se Rama dhe dy futbollistët e Juvenstusit flasin italisht dhe i vogli s’kupton gjë.

    Pjesë nga biseda

    Buffon: Luan Futboll?

    Aureli: Po

    Rama: Por është pak mbipeshë, por luan (dhe i prek gjoksin)

    Ronaldo i fërkon barkun: Po, po duket…(qeshin më pas të tre).

Shto Koment