Politike

Prezantohet ekipi i Lezhës! Nis me heshtje për Bashkim Finon, Rama s’lë pas dorë kundërshtarët, i sulmon për takimet: Do e mbyllin fushatën tek “Shefqet Ndroqi”, po erdhën ata s’ka më vaksina! Luli si Gjino, Gjekmarkaj një lolo

Kryeminisri Edi Rama ka prezantuar kandidatët për deputetë në qarkun e Lezhës. Aktiviteti politik ka nisur me një minutë heshtje për ndarjen nga jeta të deputetit Bashkim Fino. Në fjalën e tij, Rama ka sulmuar sërish kundërshtarët polikikë, duke u ndalur tek grumbullimet që zhvillojnë në qytete. Sipas tij, demokratët po krijojnë vatra infektimi të COVID-19.
Featured image of article: Prezantohet ekipi i Lezhës! Nis me heshtje për Bashkim Finon, Rama s’lë pas dorë kundërshtarët, i sulmon për takimet: Do e mbyllin fushatën tek “Shefqet Ndroqi”, po erdhën ata s’ka më vaksina! Luli si Gjino, Gjekmarkaj një lolo

LEZHË– Ka rinisur me një minutë heshtje në nder të ndarjes nga jeta të Bashkim Finos, fushata elektorale për Partinë Socialiste në Lezhë. Kryebashkiaku i Lezhës, Pjerin Ndreu kërkoi nga kandidatët për deputetë që të nderonin figurën e kolegut të ndjerë, por kryeministri Edi Rama e kishte mendjen gjetkë. Diçka apo dikush e bezdisi, dhe kërkoi nën zë “spastrimin” e tyre nga zona kur socialistët ishin mbledhur.

Pasi drejtuesja e qarkut politik, Lindita Nikolla prezantoi kandidatët për deputetë, fjalën e mori Rama, i cili u ndal gjatë tek sulmi ndaj kundërshtarëve politikë. Duke nisur me paraardhësin e Ndreut, Fran Frrokun, numri një i qeverisë tha se i kishte paralajmëruar se do të përfundonte në burg. Sipas Ramës, pegadogu Mark Marku nuk do të shkonte kurrë në punë, ndërsa numrin dy të PD në Lezhë, Agron Gjekmarkajn e cilësoi si “lolo”! Pseudonim të ri gjeti edhe për kryedemokratin Lulzim Basha, të cilin e krahasoi me personazhin e “14 vjeç dhëndër”, Gjinon që kërkonte nuse. 

“Ju thashë mos votoni Fran Frroku dhe ja ku përfundoi në burg, tani ju them mos votoni Mark Markun, ai nuk do shkojë në burg, por nuk shkon as në punë, mirë Markun, por Gjekmarkun c’e doni? Një lolo, unë e njoh nga eksperienca ime se kam pasur disa përballe me të. Luli është thjesht dhëndri që ka nisur më shpresën që do të bëhet një dasëm. Nusja që kërkohet është Shqipëira, Luli është si Gjinua, shkesët janë Saliu, Iliri dhe Monika. Krijon vatra COVID dhe vetë qëndron mbi makinë. Dy gishta lart me Rama ik. Nuk dinë fjalë tjetër. Tregojnë edhe hallin që kanë; ik se ne nuk të mundim dot,”-tha Rama ndër të tjera në fjalën e tij. 

Për më shumë bëhu pjesë e grupit më viral në Facebook, Dosja.al

Më pas, me ironi duke iu rikthyer pandemisë, Rama parashikoi se nëse Partia Demokratike vijonte me mbledhjet, fundin e fushatës do ta bënte nga spitali “Shefqet Ndroqi”. Ndërsa përcolli edhe një paralajmërim për qytetarët. I sigurt, kryesocialisti u kërkoi qytetarëve ta votonin për një mandat të tretë, ndryshe nuk do ta shihnin më një numër të tillë vaksinash anti-COVID në Shqipëri. Duke marrë kështu edhe njëherë meritat se vende mike e kishin ndihmuar të niste vaksinimin masiv. Më tej, kreu i maxhorancës, e vijoi takimin me premtime për investime të tjera në zonë. 

Ky është aktiviteti i parë politik që socialistët zhvillojnë pas ndarjes nga jeta të Bashkim Finos. Më herët, Rama ka prezantuar kandidatë në disa qarqe të tjera; si Shkodra, Fieri, Vlora, Durrësi, etj. 

(k.m/dosja.al)

  • 18:18

    Rama nga Lezha: Është koha për të ndarë përkatësinë partiake nga interesi, resmen e Lulit vendoseni në dyqan por votën mos ia jepni

    Kryeministri Edi Rama, ka thënë se është koha,   kur njeriu duhet ta ndajë  përkatësinë partiake me interesin, si dhe votën nga tifozëllëku. Kryeministri gjatë një bashkëbisedimi që ka bërë me kandidatët, ka thënë se nëse nuk e pëlqejnë atë le të shohin Kryedemokratin, por ama mos t’ia japin këtij të fundit. Ai ka thënë ndër të tjera se qytetarët nuk kanë pse sakrifikojnë veten për t’ia dhënë votën Bashës. “S’din fjalë tjetër, tregon hallin që kanë, ik se nuk të mundim dot. Mua kjo fushatë më pëlqen shumë se është një fushatë ku mund të flasim dhe jo të bërtasim. Është mundësia që të komunikojmë, por ata nuk dinë të komunikojnë prandaj vetëm bërtasin. Unë mendoj që është koha, kur njeriu duhet ta ndajë simpatinë, përkatësinë partiake me interesin, duhet të ndajë votën nga tifozëllëku. Një pyetje kamë për të gjithë biznesmenët e vegjël. E kanë taksën zero dhe kemi thënë shumë qartë që deri në 2029 taska do të jetë zero, pse duhet të votojnë këta PD, këta le të jenë me PD. Kam treguar që di ta bëjë këtë punë me të gjitha të metat e mia. Nëse stë pëlqej unë shif lulin, kënaqu, merr fotografinë dhe vëre në dyqan,por votën do ma japësh mua se sepse kjo parti ka taksën zero. T’u thuash këtyer të djathtë ofendon të gjithë të djathtën globale, sepse këta se dinë as vetë ca janë. Nuk e meriton Luli sakrificën për t’i dhënë votën e më pas për të çuar më pak para në shtëpi.”– ka thënë ai.

  • 18:50

    FOTOT: KOMBINIMI I ÇUDITSHËM! Rama habit sërish me veshjen, serioz e me këmishë…por s’i ndan tutat

    Kryeministri Edi Rama, edhe ditën e sotme ka rënë në sy për veshjen e tij. Rama, gjatë një bashkëbisedimi që ka bërë me kandidatët për deputetë në Lezhë, është shfaqur me këmishë ngjyrë, blur por ajo që bie në sy është janë tutat.

    Po ashtu Rama ka bërë një kombinim, ku shihet se atletet i ka në të njëjtën ngjyrë me bluzën që ka poshtë këmishës.

  • 18:10

    Rama merr RADHË kundërshtarët: Po vazhduan kështu… mitingun e mbylljes do e bëjnë tek “Shefqet Ndroqi”. Luli si Gjino, thotë ‘dua nuse’. Gjumi i ka dëmtuar trurin

    Kryeministri Edi Rama është marrë emër për emër me kundërshtarët e tij politikë. Gjatë prezantimit të kandidatëve në Lezhë, Rama ka kërkuar nga qytetarët që ta votojnë, duke akuzuar kryedemokratin Lulzim Basha se po shkakton vatra COVID-i, duke shtuar se nëse vazhdojnë me këto ritme do të përfundojnë në spital. Duke e krahasuar Bashën me personazhin e “14 vjeç dhëndër”, kreu i qeverisë shtoi se ai kërkon ‘nuse’ për Ilir Metën, Sali Berishën dhe Monika Kryemadhin.

    “Si mund të vazhdojnë akoma që të votojnë për personazhe që nuk janë për punë. Në këtë shesh iu kam thënë mos votoni Frrok Frrokun. Ua kam thënë këtu. E votuat? Përfundoi në burg. Ça do bëni me Mark Markun? Ai nuk shkon në burg, por nuk shkon as në punë. E vetmja punë që bënte është që u thoshtë njerëzve “ta futa me shishe” tek Fevziu. Mirë Markun, po bishtin Gjerkmarkun për ça e doni. Ai është lolo. Unë e njoh nga eksperienca ime. Profesori! Monika dhe Ilir laj thaj këtu. Çohu e bjeri, po ata. Këtu mjafton të thuash tre emra dhe i ke thënë të tëra; Monika, Saliu dhe Iliri. Po pas tyre vjen edhe Mediu, Mesila, Gon Duka dhe Nard Ndoka. Me këta do e bëni Shqipërinë e fëmijëve tanë. Besoj që është shumë e qartë që Luli është thjesht dhëndri që kanë nisur për të bërë sikur po bëhet një dasmë. Me shpresë që ta hajë kush ta hajë. Nusja që kërkohet është Shqipëria. Dhe nuk kërkohet për Lulin se ai është si Gjino, po për shkesët. Gjino është për të krijuar idenë që një dasmë që do të ndodhë. Djali është i mirë, por gjumi i ka dëmtuar zonën që mendon. Krijon vatra COVID dhe vetë qëndron mbi makinë. Thotë “erdha dua nuse”. Këta po vazhduan kështu, larg qoftë, mitingun e përmbylljes do e bëjnë tek “Shefqet Ndroqi”. Me COVID, pa COVID një stil kanë: 2 gishta dhe Rama ik!,”-tha Rama.

  • 18:05

    Kërcënim apo paralajmërim? Rama: Po erdhi PD në pushtet, as mos t’ju shkojë mendja që vaksinat do vijnë kështu si tani

    S’ka më doza kështu si tani po ikëm ne,“-u shpreh Rama gjatë një aktiviteti politik në Lezhë. Gjatë prezantimit të kandidatëve për deputetë, kryeministri u bëri thirrje qytetarëve që ta votojnë pasi ndryshe, qeveria pasardhëse nuk do të mund të sigurojë aq vaksina anti-COVID, sa kabineti i tij.


    Ata krijojnë varta infektimi! Më thoni një gjë që kanë bërë; u ka mbetur këngë libralizuam vizat, futëm Shqipërinë në NATO. Nuk ishte fare puna e tyre, ishte proces shumë-vjeçar. Nuk ka një spital, një shkollë, një qendër shëndetësore që të themi; këta e bënë. Duan të kthehen në detyrë. As mos t’ju shkojë mendja që vaksinat do të vijnë kështu siç po vijnë, nuk ka për të ndodhur. Do t’ju them çfarë do të ndodhte! Se thonë ca të tjerë që po i merr nga lekët e tua. Po me lekët e popullit i bënin edhe këta të tjerët,”-tha Rama.

  • 18:01

    Më në fund e pranon! Rama: S’ka më turp se të flasësh për ujë në 2021 në mes të Europës

    Kryeministri Edi Rama, ka folur në lidhje me ndërtimet e ujësjellësve në vendin tonë. Në një bashkëbisedim që ka bërë me kandidatët në Lezhë, ai ka thënë se është turp të flasësh për ujë në 2021 në mes të Europës, sakaq ka shtuar se uji i pijshëm nuk do të jetë subjekt diskutimi për shqiptarët.


    “S’ka më turp se të flasësh për ujë në 2021 në mes të Europës. Po nuk është faji ynë. Ne e kemi futur në sistem, po ndërtohen kudo ujësjellësa. Nuk do të jetë më uji i pijëshëm subjekt diskutimi për shqiptarët.“- tha Rama.

  • 17:56

    ‘Mbeta në trafik…’/ Shkoi të martën, Rama tregon eksperiencën tek Kisha e Laçit: Shoferët e mi s’i shkelin semaforët, e dinë mirë që gjobiten

    Kryeministri Edi Rama ka rrëfyer eksperiencën e tij në Kishën e Laçit, në një prej të martave të shenjta. Në fjalën e tij nga prezantimi i kandidatëve në Lezhë, Rama tha kishte mbetur në trafik pasi shoferët e tij nuk i shkelnin rregullat e qarkullimit.


    Isha sot në Laç, që përkoi me një nga 13 të martat në Kishën e Laçit. Mbeta në trafik se unë respektoj radhën në rrugë se shoferët e mi e dinë se marrin gjobë nëse shkelin semaforin. Hera e parë që ngex në trafik për shkak të pelegrinazhit në Shna Ndo. Kuptova potencialin e Laçit,”-tha Rama.

  • 17:54

    Fushatë në Lezhë! Rama ‘ankohet’ për Pjerin Ndreun: Është problem kokëfortësia e tij, por…

    Kryeministri Edi Rama nga Lezha ka treguar përballjet dhe përplasjet që ka pasur me kryebashkiakun, Pjerin Ndreu. Gjatë fjalës së tij në prezantimin e kandidatëve, numri një i qeverisë tha se kishte pasur përplasje me Ndreun për projekte të ndryshme, duke e krahasuar me veten.


    Kur ne ishim duke u marrë me projektet dhe procesin e rindërtimit nuk e zgjodhëm që të godiste ky armik i padukshëm që vuri në gjumë gjithë botën. Edhe kjo sfidë na zgjodhi dhe e kthyen këtë mandat në të jashtëzakonshëm. Uroj të mos e shohim më në botën tonë, por ne nuk u dorëzuam. Na thonë po e bëni vaksinimin për fushatë. Si? Jemi i vetmi nga dy vende që i kemi siguruar dozat për vaksinim masive. BE na përjashtoi. Ne bëjmë sot vaksinim masiv sepse dimë ta bëjmë detyrën tonë. Sot kemi qenë në disa zona gangrena të Lezhës. Po bëhen trasformime rrënjësore. Në Lezhë bashkëpunoj me një person të ngjashëm në kokëfortësi. Është problem por i bukur. Është tipar i karakterit të lidershipit. Njësoj si Pjerini është një grua në Kurbin,”-tha Rama.

  • 17:42

    Rama nuk i ndahet Bashës: Karakteri i dobët që kanë bëhet pasqyrë e shembullit më të keq, po vë njerëzit në rrezik

    Kryeministri Edi Rama, edhe sot nuk i është ndarë kryedemokratit Lulzim Basha, për fushatën elektoarale, ku janë grumbulluar dhjetëra njerëz. Rama gjatë një bashkëbisedimi që ka bërë me kandidatët për deputetë në Lezhë, tha se PD, karakter të dobët dhe sipas tij kjo gjë bën që ata të japin tek njerëzit shembullin më të keq të mundshëm. Rama tha se mbledhja e njerëzve në këtë kohë pandimie është absurde duke shtuar se për shkak të fushatës, Basha sipas tij po vë në rrezik njerëzit.

    “Të bëjmë atë detyrë të thjeshtë që na tako, të mos shkelim rregullat, për vota dhe për politikë. Duke vënë njerëzit në rrezik, duke krijuar vatra infektimi përmes grumbullimeve të turpshme, të papërgjegjshme, që tregojnë në fund të ditës se politika është çështje karakteri, ata nuk e kanë. Për fat të keq karakteri i dobët, bëhet pasqyrë duke dhënë shembullin më të keq të mundshëm, dhe më absurd, ndërkohë që e para gjë që marrim përsipër, është që të japim një shembull sa më të mirë. Ne nuk e kemi zakon ti kushtojmë rëndësinë gjëravetë vogla, kështu humbim kohë duke u marrë me dëmet e mëdha. Ne nuk i zgjedhim kundërshtarët, ne do të bëjmë maksimumin që shëndeti të mos cënohet dhe njerëzit tanë të jenë të shëndetshëm.“- tha Rama.

  • 17:42

    MOMENTI për t’u harruar! Lindita Nikolla prezanton kandidatin e Lezhës, Malotaj s’ia “vë veshin”. Ish-ministrja i flet tek veshi: Çohu në këmbë! (Qesh me siklet)

    Drejtuesja e listës së kandidatëve për deputetë në qarkun e Lezhës, Lindita Nikolla ka hasur një moment të sikletshëm në Lezhë. Gjatë prezantimit të kandidatëve, ajo gjithë siklet i ka kujtuar një prej tyre që të çohej në këmbë teksa ajo e prezantonte para të gjithëve.

    “Po ta shikosh e ka fizionominë e një malësori. Është jurist dhe kam nderin ta kem në skuadër dhe ai është Gentian Malotaj. *përpërit nën zë: Çohu në këmbë! *qesh* Vijojmë me një vajzë tjetër,”-dëgjohet Nikolla.

  • 17:34

    Trëndafili i kuq në tokë! Socialistët lënë gjurmën e tyre në Lezhë, DETAJI që dallon në fushatë

    Partia Socialiste po zhvillon një aktivitet politik në qytetin e Lezhës. Në mungesë të mbështetëse, socialistët kanë gjetur një mënyrë të re për të lënë “gjurmën” e tyre në qytet.

    Pamje nga Lezha

    Në sheshin ku edhe janë mbledhur kandidatët socialistë, në shesh janë ngjitur disa trëndafila të kuq.

  • 17:25

    Fushatë në Lezhë! Socialistët nderojnë me heshtje Bashkim Finon, Rama se ka mendjen, diçka e shqetëson: Thuaji t’i largojnë ata…

    Aktiviteti politik i PS-së në Lezhë ka nisur me një minutë heshtje në nder të ndarjes nga jeta të deputetit socialist, Bashkim Fino. Kryebashkiaku i qytetit, Pjerin Ndreu ka falenderuar të gjithë të pranishmit për nderin, por kryeministrit duket se nuk e kishte mendjen.Rama ishte fokusuar tek disa persona që i ndiqnin nga larg, duke kërkuar që të largoheshin.

    “Thuaj ti largojnë ata andej,”-dëgjohet teksa thotë Rama nën zë.

    Nuk dihet se përse kreu i qeverisë u shqetësua aq shumë; kishin thyer rregullat e grumbullimit apo ishin mbështetës së PD-së?

Shto Koment