Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Një histori amerikane për kapitalizmin që konsumon gatishmërinë dhe rezistencën tonë kombëtare.Pse Shtetet e Bashkuara nuk kanë maska për fytyrën për punonjësit e mjekësisë? Si ndodhi që vendi më i pasur në botë, të ishte në kushte të tilla, në një rrëmujë kaq tragjike? Dhe sa do të duhet për të marrë mjete të mjaftueshme mbrojtëse, nëse kjo është edhe e mundur?
Kam kaluar ditët e fundit duke gërmuar në këto pyetje, sepse mungesa e mjeteve mbrojtëse, veçanërisht maskat për fytyrën, më ka goditur mua si një nga absurditetet më shqetësuese në përgjigjen e Amerikës ndaj kësaj pandemie.
Por, do të ishte mirë të kishit bërë testime të hershme. Do të ishte e mahnitshme nëse mund të shmangim mbarimin e ventilatorëve dhe hapësirave spitalore, katastrofën që ka rënë në një pjesë të Italisë. Por këto nuk kanë asnjë rëndësi nëse punonjësit e kujdesit shëndetësor nuk mund të vijnë në kontakt me pacientët me koronavirus pa u sëmurur vetë.
Kjo do të ndodhë vetëm atëherë kur maskat e fytyrës, mbrojtëset e syve, dorëzat dhe mantelet të sigurohen me çmim të lirë. Në këtë mënyrë i bie se kemi dështuar të sigurojmë material të sigurt mbrojtës për punëtorët e mjekësisë, e lëre më njerëzit e sëmurë dhe publiku, me disa ekspertë të shëndetësisë mund të ishin rekomanduar nëse do të kishte mjaftueshëm maska, por duket se ka qenë një neglizhencë. Çfarë mënyre e ulët dhe e turpshme që një vend të dështojë: Për një maskë prej 75 centësh, ra mbretëria.
Më vjen keq të them se kërkimi i informacioneve për mungesën e maskave nuk e ul shkallën e zemërimit. Përgjigjja se pse po ngelim pa materiale mbrojtëse përfshin një listë tipike amerikane të patologjive kapitaliste. Ngritja dhe joshja e shmangshme e prodhimit të lirë jashtë vendit, dhe një dështimi strategjik, në nivel kombëtar dhe në industrinë e kujdesit shëndetësor, për të shqyrtuar seriozisht shkallëzimin e të metave që dolën prej nismave për të reduktuar çmimet.
Ndoshta mënyra e vetme për adresimin e mungesës tani është të pranohet se tregu është copëtuar, dhe të kemi hap qeveritar në shtytje të prodhimit global dhe lokal. Presidenti Trump, neveritshëm, ka rezistuar deri tani që të urdhërojë kompanitë për të prodhuar më shumë material dhe pajisje. Në rastin e maskave, prodhuesit thonë se ata po bëjnë ç’të jetë e mundur për t’i dhënë vrull prodhimit, dhe disa kompani të mëdha po dhurojnë milionë maska nga rezervat e tyre.
Por duke marrë parasush nevojën që SHBA-ja ka për maska, luftimi i koronavirusit kërkon më shumë se 3.5 miliardë maska, sipas të dhënave të Departamentit të Shëndetësisë dhe Shërbimeve Humane. Njerëzit në biznesin e maskave thonë se do të duhen disa muaj, së paku, për zgjerim të prodhimit të theksueshëm.
“Ne jemi në kapacitetin e plotë sot, dhe me ngritje të prodhimit duke ndërtuar një tjetër fabrikë ose zgjerimi i mëtejshëm i prodhimeve do të kërkojë edhe tri deri në katër muaj”, – ka deklaruar Guillaume Lavderdure, shef i operimit të Medicom, kompani kanadeze që prodhon maska dhe pajisje të tjera mbrojtëse në fabrika anembanë botës.
Dhe, megjithëse disa prodhues jotradicionalë të fabrikave të kanotierave dhe të prodhuesve të tjerë që kanë bërë të ditur planet për të përshpejtuar prodhimin e maskave, është e paqartë nëse do të jenë në gjendje të përmbushin standardet e kërkuara të sigurisë ose do të zgjasin edhe orarin e punës që të përmbushin kërkesat.
Pak njerëz në industrinë e pajisjeve të mbrojtjes janë befasuar me mungesën, sepse ata e kishin parashikuar për vite me radhë. Më 2005 administrata e George Ë. Bushit kishte bërë thirrje për koordinim të prodhimit të brendshëm dhe për stoqe të materialit mbrojtës si përgatitje ndaj gripit të shpendëve. Më 2006, Kongresi aprovoi fonde për të shtuar materialin mbrojtës për rezervën strategjike kombëtare, në mesin e shumë gjërave, edhe ruajtjen e 52 milionë maskave dhe 104 milionë maskave respirative N95. Por rreth 100 milionë maska në rezervë ishin dërguar më 2009 për të luftuar pandeminë H1N1, dhe qeveria asnjëherë nuk ishte lodhur që të dërgonte të reja në rezervë.
Këtë muaj Alex Azar, sekretar i shëndetësisë dhe shërbimeve humane, dëshmoi se janë vetëm dyzet milionë maska në reserve, apo rreth 1% e materialit të projektuar kombëtar. Dhe me fillimin e përhapjes së koronavirusit në Kinë në fillim të vitit, mungesa globale e materialit mbrojtës nisi të dukej e pashmangshme.
Por, tashmë ishte shumë vonë që Qeveria amerikane të bënte diçka për ta zgjidhur problemin. Dy dekada më parë, shumica e materialit mjekësor mbrojtës prodhohej brenda vendit. Por si shumica e produkteve të biznesit të këtyre nevojave, edhe prodhimi i maskave të fytyrës ishte zhvendosur përtej oqeaneve. “Kina prodhon tetëdhjetë për qind të maskave të botës”, – ka deklaruar Laverdure.
Spitalet nisën të mbeteshin pa maska për të njëjtën arsye sikurse supermarketet me letra higjienike, sepse edhe në këtë aspekt ishte menduar se nuk duhej të shkohej me sistem qëndrueshmërie, por me optimizim efikas.
“Po flisni për një produkt luksi”, ka thënë Michael Alkire, president i “Premier”, kompani që shet pajisje mjekësore dhe sisteme shëndetësore. Në zinxhirin e furnizimit, ka thënë ai, “askush nuk dëshiron të ketë prodhim masiv, sepse askush nuk dëshiron çmim të lirë”.
Në janar furnizimi ishte nën presion të madh. Teksa po merrej me shpërthimin e saj të virusit, Kina filloi të kufizonte eksportimin e pajisjeve mbrojtëse. Pastaj, të njëjtën gjë e bënë edhe shtetet e tjera, Tajvani, Gjermania, Franca dhe India morën hapa për ndaljen e eksporteve të pajisjeve mjekësore. Kjo bëri që spitalet amerikane të kërkonin gjithnjë e më shumë maska nga prodhuesit, përherë e më të paktë. Njerëzit në industri më siguruan se do të përgatiteshin më mirë për herën tjetër.
Sigurimi i materialit të mjaftueshëm mbrojtës ishte produkti më i lirë që do të mund të kishim për të ngadalësuar pandeminë. Fakti se ne dështuam në këtë punë, vë në pah pazotësinë tonë kombëtare alarmuese për ta marrë me mend dhe për t’u përgatitur për më të keqen. Do të kemi mjaft maska në kohën e katastrofës së radhës. Por, a nuk do të ishte e drejtë që njëherë e përgjithmonë të ishim të përgatitur për të keqen para se të na përplaset në fytyrë?
Marrë nga New York Times
R.L/Dosja.al
1 vit nga zgjedhjet e 25 prillit si e shikoni gjendjen e vendit:
IRAN– Irani është një tjetër vend në botë i prekur rëndë nga virusi vdekjeprurës COVID-19. Së fundmi sipas mediave të huaja mësohet se rastet e reja të koronavi...
BRITANI E MADHE- Kryeministri britanik Boris Johnson ka rezultuar pozitiv në testin për koronavirus dhe do të izolohet në Downing Street.Ndërkohë Johnson përme...
MBRETËRI E BASHKUAR– Vetëm pak ditë pasi Princ Charles rezultoi pozitiv me koronavirus, të gjithë u shqetësuan për shëndetin e mbretëreshës Elizabeth. Por,...
SPANJË– Numri i vdekjeve të koronavirusit në Spanjë ka arritur në 4,858 pasi 769 njerëz vdiqën nga sëmundja në 24 orët fundit. Ndërsa sistemi i kujdesit sh...
AFRIKË– Covid-19 vazhdon të përhapet në të gjithë kontinentin afrikan me 3243 raste të regjistruara deri më tani, dhe 83 vdekje.56 milion banorët e Afrikë...
KINË– Kina u ka rekomanduar mjekëve që të përdorin një lloj ilaçi të bërë nga pjesë të kafshëve të egra për të trajtuar pacientët me koronavir...
PARIS– Lajmi është bërë me dije nga kreu i Federatës së Spitalit Francez ditën e sotme, ku ndër të tjera ai shtoi se me kulmin që nuk pritet deri në prill, situ...
Nuk arrin t’u besosh syve e veshëve të tu. Pas dy javësh paralizim tani fillojnë të bëhen llogaritë e para: të vdekur kundrejt rritjes ekonomike. Kjo nuk ...
Gjermani- Gazeta “Neue Zürcher Zeitung” në një artikull me titull “Rrëzohet qeveria e Kosovës – SHBA marrin situatën në dorë” nënvizon se që të rrëzohet një qev...
Francë- Julie A, vetëm 16-vjeç është viktima më e re në moshë në Francë, që humbi jetën pasi u infektua me COVID-19. Mësohet se adoleshentja ishte e shtr...
