Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Gazeta holandeze ka shkruar një reportazh në lidhje me zgjedhjet e 30 qershorit që u zhvilluan në Shqipëri. Në reportazhin e shkruar nga Trouë theksohet pjesëmarrje e ulët e shqiptarëve në votime.
Sipas medias holandeze, kutitë e votimit kanë mbetur bosh për shkak se dy partitë më të mëdha në vend duan vetëm të marrin pushtetin. Nga vëzhgimi i bërë në Shqipëri, kjo media ka dalë në përfundimin se të rinjtë shqiptarë duan të shohin një frymë të re politike.
Reportazhi i plotë i gazetës holandeze: Kutitë e votimit mbetën bosh
Nga Thijs Kettins
Jashtë qendrës së votimit me numër 2180, një kalë i parkuar është e vetmja shenjë jete në orët e fundit të mëngjesit të së dielës. Është qetësi në godinën që zakonisht shërben si qendër mjekësore në qytetin e Kavajës. Anëtarët e qendrës së votimit, katër burra dhe një grua, rrinë të rreshtuar pas tavolinës. Ata e theksojnë: nuk është një stuhi. “Nga 748 persona me të drejtë vote, 16 kanë votuar deri më tani,” thotë Ervin Nauni. Ai tregon një kuti të madhe transparente me disa letra të verdha në të. “Kushedi, njerëzit mund të jenë duke bërë gjëra të tjera, ndoshta janë në plazh, ndoshta vijnë më vonë”.
Por Nauni gjithashtu e konsideron këtë shans të vogël. Partia Demokratike e Shqipërisë po bojkoton zgjedhjet lokale. Dhe Kavaja, një qytet rreth një orë larg Tiranës, konsiderohet një bastion i kësaj partie opozitare.
Partia Demokratike
Nga këtu nisën protestat kundër diktaturës komuniste në fillim të viteve 1990. Ato çuan në përfundim në rënien e regjimit dhe krijimin e Partisë Demokratike. Kjo e fundit e akuzon konkurrenten e saj, Partinë Socialiste të kryeministrit Edi Rama, për mashtrime masive, korrupsion dhe manipulim të zgjedhjeve të mëparshme.
Partia ka organizuar protesta në Tiranë prej muajsh. Ajo është tërhequr nga parlamenti. Herë pas here ka pasur dhunë dhe janë shkatërruar disa qendra votimi. Presidenti Ilir Meta i anuloi zgjedhjet, por kryeministri Edi Rama insistoi. Gjykatësit nuk mund të jepnin një përgjigje përfundimtare, për shkak se Gjykata Kushtetuese nuk funksionon sepse gjykatësit janë në proces rivlerësimi. Kështu që zgjedhjet vazhduan të dielën, me kandidatët e vetëm nga Partia Socialiste dhe parti të vogla të opozitës.
Korrupsioni është kudo
Por ka më shumë lëvizje në një treg vetëm një bllok larg qendrës së votimit. 50-vjeçari Nazmi Hajfini ka nxjerrë për shitje në rrugë bishtajat, sallatën, domatet dhe specat. “Jo, nuk do të votoj,” thotë ai i vendosur. Hajfini përshëndet më pas një burrë që po shtyn në piskun e vapës një karrocë plot me banane. “Këto zgjedhje duken të lira, por ka vetëm një parti. Ekzakt si në komunizëm”.
Kolegu i tij, Shaman Veizi, që shet shalqinj dhe patate, mendon qartësisht ndryshe. “Ata mund të mos jenë dakord me qeverinë, por nuk duhet të na privojnë nga e drejta për të votuar”, thotë Veizi, teksa vendos një shalqi të madh në peshore. “5.8 kg,” thotë ai në momentin që peshorja bie në balancë. “Do votoj për Edi Ramën. Ai nuk është në listën e votimit, por për kandidatin e tij. Rama është më i miri mes të këqinjve. Për fat të keq, korrupsioni është kudo këtu”.
Kapja e madhe
Këtë e dëgjon shpesh në Shqipëri. Dy partitë kryesore nuk kanë programe të qarta, por duan vetëm pushtetin. Në momentin që e marrin, nis kapja e madhe. Skandalet për shpërdorimin e pushtetit, vetë-pasurimin dhe favorizimin dalin në dritë.
“Kjo është arsyeja pse nuk do të votoj. Dua parti dhe udhëheqës të rinj politikë,” thotë një 26-vjeçar që punon në një mini-market të prindërve të tij, por bën edhe një punë të mirëpaguar si specialist IT në Tiranë. Ai shpjegon se përse nuk do që të dalë me emrin e tij në gazetë. “Politika përcakton gjithçka këtu. Kush bëhet mësues apo polic- atij i duhet një lidhje e mirë për këtë. Por ata bëjnë edhe marrëveshje të rëndësishme në biznes. Nëse kritikoj hapur, kjo mund të përdoret kundër meje në çdo kohë. Atëherë ta harroj unë. Është tamam si Koreja e Veriut këtu”.
Nga dyqani i tij, shitësi i hedh sytë drejt një shkolle, ku është vendosur stacioni kryesor i votimit në Kavajë. Javën e shkuar, protestuesit shkatërruan gardhin rrethues dhe kërcënuan se do dëmtonin shkollën. Ka pasur në vende të tjera edhe incidente, përfshi bombat me molotov. Frika e gjerë për dhunë nuk u materializua në ditën e votimit- ndoshta pasi disa ambasada thanë se Partia Demokratike do jetë përgjegjëse për çdo problem. Pati disa demonstrata në qendrat e votimit në Tiranë. Në një fshat pranë qytetit-port të Durrësit, një burrë u arrestua pasi kërcënoi anëtarët e një qendre votimi me kallashnikov dhe grisi fletët e votimit.
(f.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË– Flamur Noka ka treguar se Partia Demokratike ishte e vendosur për bllokimin e zgjehdjeve të 30 qershorit. I ftuar në edicionin e lajmeve të “...
TIRANË– Kryedemokrati Lulzim Basha në një deklaratë urgjente për shtyp ka rikonfirmuar sërish betejën e tij kundër kryeministrit Edi Rama.Sipas Bashës, bet...
SHKODËR– Për herë të parë pas 28 vitesh nën drejtimin e Partisë Demokratike, tashmë Shkodra do të udhëhiqet nga kandidati i Partisë Socialiste, Valdrin Pje...
TIRANË– Kryedemokrati Lulzim Basha ka bërë edhe llogaritjet e tij pas zgjedhjve lokale të 30 qershorit edhe pse nuk mori pjesë në to.Sipas Bashës, opozita ...
SHKODËR– Valdrin Pjetri ka folur për herë të parë pas fitores si kryebashkiak i Shkodrës. I pyetur nga Report Tv nëse do ta shkarkojë administratën Pjetri ...
TIRANË- Kryedemokrati Lulzim Basha në një deklaratë për shtyp ka falenderuar shqipëtarët për bojkotin e zgjedhjeve të 30 qershorit.Në fjalën e tij, Basha t...
TIRANË– Ish-kreut i grupit parlamentar të LSI-së, Petrit Vasili ka vlerësuar raportin paraprak të misionit vëshgues të OSBE/ODHIR. Në një deklaratë për med...
TIRANË– Vangjel Dule, kreu i partisë Për Të Drejtat e Njeriut ka komentuar zgjedhjet e 30 qershorit dhe faktin që kryeministri Edi Rama i cilësoi kët...
DURRËS- Mbyllet procesi i numërimit të votave në Durrës, ku fituese është shpallur kandidatja e PS-së, Valbona Sako.Sako ka marrë 34026 vota, ndërsa kandid...
SHIJAK- Përfundon procesi i numërit të votave në Shijak, ku fitimtar është shpallur kandidati i PS-së, Elton Arbana.Arbana ka fituar me 5391 vota, ndërsa kundër...
